• Today is: Thursday, March 28, 2024

အတွင်းရေး(၂၃)


အန္တရာယ်ကင်းမဲ့ဇုံထဲမှာပဲ

အန္တရာယ်တွေနဲ့ ပြည့်နှက်နေတယ်။

လျှာပေါ်မှာပေါက်နေတဲ့ မြက်တွေရဲ့

ကတိက၀တ်တွေကြောင့် ရတနာတွေတန်ဖိုးမဲ့ခဲ့

“တရားမျှတလွတ်လပ်ခြင်း” စတဲ့

နိုင်ငံတော်သီချင်းလည်း

သူ့ဈာပနနဲ့သူကျဆုံး

ကမ္ဘာကြီးဟာရွားကြီးသဖွယ်ပါဆိုတဲ့

ဂလိုဘယ်လိုက်ဇေးရှင်းခေတ်ထဲ

လူသတ်သမားတွေလွတ်နေဆဲ

ရာဇ၀တ်မှုတွေရှိနေဆဲ။

ပညာရှင်တွေကျိန်စာသင့်နေဆဲ

ရေမှာရေးတဲ့အရုပ်တွေ

တိုင်းပြည်ထဲပေါ်ပေါ်လောလောရှိနေတော့

လောင်းရိပ်မိအနင်းခံတွေ

မော့မကြည့်ဝံ့ကြတဲ့အဖြစ်

“ခွင့်တူညီမျှ ၀ါဒဖြူစင်” ဆိုတဲ့

နိုင်ငံတော်သီချင်းထဲကမြေသားပေါ်

မြေမြှုပ်မိုင်းတွေမထောင်ထားတဲ့တစ်နေ့

ကတုတ်ကျင်းတွေတူးမထားတဲ့တစ်နေ့

စိုးရိမ်စိတ်ကင်းကင်းနဲ့လျှောက်ကြည့်ချင်တယ်။

                                             ညီဆောင်းဦး