• Today is: Friday, March 29, 2024

မွန်အမျိုးသားနေ့ကျင်းပရေးအဖွဲ့မှ မွန်အမျိုးသားလွတ်မြောက်ရေးအဖွဲ့အဖြစ် အလုပ်ဆက်လုပ်စေချင်

မွန်အမျိုးသားနေ့ကျင်းပရေးအဖွဲ့မှ မွန်အမျိုးသားလွတ်မြောက်ရေးအဖွဲ့အဖြစ် အလုပ်ဆက်လုပ်စေချင်
 
[သဟာဲ] February 25, 2024 (မာ်မွဲစွေက်)
 
တစ်နှစ်တစ်ခါ မွန်အမျိုးသားနေ့အခမ်းမနား ပြုလုပ်ဖို့ ကျင်းပရေးကော်မတီအသီးသီးက ဦးဆောင်ပြီး သက်ဆိုင်ရာအလုပ်အဖွဲ့တွေ ဖွဲ့ကြရပါတယ်။ အခမ်းအနား အောင်မြင်စွာ ပြုလုပ်ပြီးရင် ဒီအဖွဲ့တွေလည်း တစ်နှစ်တာ တာဝန်ကျေကြပြီပေါ့။ ဒီလိုနဲ့ နှစ်ပေါင်းများစွာ ဖြတ်သန်းခဲ့ပြီးပြီ။ ဘာထူးလဲဆို ထူးသလိုလို မထူးသလိုပါပဲ။ ပိုထူးခြားသွားအောင် လုပ်လို့မရဘူးလား။
 
ယခုအချိန်အခါက အားလုံးသိကြတဲ့အတိုင်းပါပဲ တော်လှန်ရေးအားကောင်းချိန် ဖြစ်ပါတယ်။ ကျင်းပရေးကော်မတီတာဝန်ရှိသူတွေအားလုံးက မွန်မျိုးချစ်တွေပါ။ အခမ်းအနားကို ဦးဆောင်ကျင်းပနိုင်သလိုမျိုး မွန်လူမျိုးလွတ်မြောက်ဖို့အတွက်လည်း ဒီပုဂ္ဂိုလ်တွေ ဦးဆောင်နိုင်လိမ့်မယ်လို့ ယုံကြည်ပါတယ်။
 
တကယ်တမ်းပြောရရင် စာရေးသူက မွန်အမျိုးသားနေ့ထက် မွန်အမျိုးသားတွေ လွတ်မြောက်တဲ့နေ့ကို ပိုစိတ်ဝင်စားတယ်။
 
ယခုအချိန်မှာ မွန်လူမျိုးတွေ မလွတ်မြောက်သေးပါဘူး၊ မွန်အမျိုးသားနေ့ကို ဗမာစစ်အာဏာရှင်တွေ ခွင့်ပြုချက်အောက်မှာ လုပ်ရတာ တကယ်တော့ အရမ်းသိမ်ငယ်ရပါတယ်။ လုပ်ချင်တိုင်း စိတ်ကြိုက်လုပ်လို့မရပါဘူး။ စည်းထဲဘောင်ထဲမှာ သူတို့သတ်မှတ်ထားတဲ့ စည်းကမ်းချက်အတိုင်း လုပ်ရတာပါ။ “ပေးသမျှယူ ကျွေးသမျှစား ခိုင်းသမျှလုပ်” အဆင့်ထက် မပိုသေးပါ။
 
မွန်အမျိုးသားအလံတော်ကို ကြည့်လိုက်၊ ထိပ်ဆုံးက နေရာမရပါဘူး၊ မဟာဝါဒီတို့ရဲ့ အလံအောက်မှာ ရွှေဟင်္သာအလံ‌ဟာ သိမ်ငယ်စွာနဲ့ ပျံသန်းနေရဆဲ။ နှစ်ပေါင်းကြာညောင်းလှပါပြီ။ တို့ရွှေဟင်္သာ လွတ်လပ်စွာ ပျံသန်းခွင့်ရဖို့ အခမ်းအနားလုပ်နေရုံနဲ့ မရတော့ပါဘူးလို့ ယူဆမိပါတယ်။
 
သမရိုးကျ အခမ်းအနားထက်ပိုတဲ့ လုပ်ဆောင်ချက်တွေ လိုအပ်နေပါပြီ။ အခမ်းအနားလုပ်ခြင်းအားဖြင့် ဇာတိသွေး၊ ဇာတိမာန်တက်ကြွတယ်ဆိုပေမယ့် တကယ့်တကယ်ကျတော့ ပွဲလမ်းသဘင်သာသာ ဖျော်ဖြေရေးအစီအစဥ်ဘက်ပဲ လူငယ်တွေ တက်ကြွနေတာ မြင်ရပါတယ်။
 
မွန်အမျိုးသားနေ့အခမ်းအနားကို ရပ်ကွက်/ကျေးရွာအဆင့်ကနေ မြို့နယ်အဆင့် ဗဟိုအခမ်းအနားအပြင် ‌ဒေသစုံလင် မွန်လူမျိုးတွေ ရှိသမျှ ပြည်ပနိုင်ငံ အနှံ့အပြားမှာ လုပ်ကြပါတယ်။
 
ဖျော်ဖြေရေးအပါအဝင် အခမ်းအနားတစ်ခုပြီးမြောက်ဖို့ ကုန်ကျစရိတ်ကို ပြန်တွက်ကြည့်ရင် နည်းနည်းနောနော မဟုတ်ပါဘူး။ မြို့ငယ်တစ်မြို့စာလောက် သိမ်းလို့ ရသလား မပြောတတ်ဘူး။
 
ကျေးရွာအဆင့်မှာတောင် တစ်နေရာမှာ သိန်းဆယ်ဂဏန်းများစွာ ကုန်ပါတယ်။ သိန်း(၉၀)နှုန်းနဲ့ မွန်ရွာ(၁၀၀)ပဲ လုပ်တယ်ထား၊ သိန်းပေါင်း (၉၀၀၀) ကုန်ပြီ။ [သာမန်တိုက်ခိုက်ရေး Drone အစီးရေ ၃၀ လောက် ဝယ်လို့ ရတယ်]
 
မြို့နယ်အဆင့်ဆိုရင်တော့ သိန်းရာချီကုန်ပါတယ်။ သိန်း(၅၀၀)နှုန်းနဲ့ (၁၀)မြို့နယ်ပဲ လုပ်တယ်ထား၊ သိန်း (၅၀၀၀) ကုန်ပြီ။ [ရဲဘော် ၅၀၀ စားစရိတ်အတွက် ၁၀ လစာနဲ့ ညီမျှပါတယ်]
 
ဗဟိုအဆင့်မှာဆိုလည်း သိန်းထောင်ချီ မြောက်များစွာ ကုန်ပါတယ်။ [သိန်း၃၀၀၀ကုန်တယ်ပဲထား M16 အခု ၅၀ ထက်မနည်း ဝယ်လို့ ရတယ်]
 
နိုင်ငံခြားက အခမ်းအနားတွေဆိုလည်း တစ်နေရာမှာ သိန်းထောင်ချီကုန်ပါတယ်။ ထိုင်းမှာဆို နေရာပေါင်းမနည်းဘူး၊ မလေးရှား၊ စင်္ကာပူ၊ ကိုးရီးယား၊ ဂျပန်၊ ‌ဩစတေးလျ၊ အမေရိကန်အပါအဝင် ကမ္ဘာအရပ်ရပ်က မွန်တွေ အကုန်လုံး ပေါင်းလိုက်ရင် သိန်းသောင်းဂဏန်းအထိ ကုန်ကျစရိတ် ရှိပါတယ်။ [ဒါဆိုရင် စစ်လေယာဉ်ကို ခုခံနိုင်ရာမှာ အသုံးဝင်တဲ့ ပွိုင့်ဖိုက်လက်နက်တွေကိုတောင် ဝယ်နိုင်တဲ့ အနေအထားပါ]
 
ဆိုတော့ ဒါက အကြမ်းမျဉ်း ခန့်မှန်းချေအနေနဲ့ တွက်ကြည့်တာပါ။ ကိန်းဂဏန်းကို အတည်မယူပါနဲ့၊ စဉ်းစားစရာ ဥပမာအနေနဲ့ ပြောတာပါ။ စုစုပေါင်း သိန်းပေါင်းသောင်းချီကုန်ကျတဲ့ မွန်အမျိုးသားနေ့ကျင်းပရေးစရိတ်ပါ။ ဘာပြန်ရသလဲ။ ကုန်ကျသွားတာနဲ့ ပြန်ရတဲ့အကျိုးအမြတ်က တန်ရဲ့လား၊ ပြန်ပြီး သုံးသပ်စေချင်ပါတယ်။
 
အဲဒီပမာဏ အကုန်လုံးကို စုလိုက်ရင် ကျနော်တို့ အမျိုးသားလွတ်မြောက်ရေးအတွက် တိုက်ပွဲဝင်နေတဲ့ တော်လှန်ရေးအဖွဲ့တွေ မြို့သိမ်း/စခန်းသိမ်းဖို့ လက်နက်ခဲယမ်းမီးကျောက်တွေ အများကြီး ဝယ်လို့ ရနိုင်မယ့် အနေအထားရှိပါတယ်။
 
မွန်အမျိုးသားနေ့အခမ်းအနားပြုလုပ်မယ့်အစား တော်လှန်ရေးအတွက် အစားထိုးပြီး သုံးလိုက်ပါလို့ မပြောရဲပါဘူး၊ အဲဒီလိုလုပ်ကြမှာလဲ မဟုတ်ပါဘူး။ ကျနော်တို့ တန်ဖိုးထားတဲ့ နေ့ထူးနေ့မြတ်မှာ အစဉ်အလာမပျက်လုပ်‌နေကြတာကိုး။
 
မွန်အမျိုးသားနေ့အခမ်းအနားလုပ်‌ဖို့ ငွေကုန်ကြေးကျခံနိုင်သလိုမျိုး မွန်အမျိုးသားလွတ်မြောက်ဖိုအတွက်ရော ကျနော်တို့ ဘာလို့ တွန့်တိုနေကြသလဲ။ မွန်အမျိုးသားလွတ်မြောက်ရေးက မွန်အမျိုးသားနေ့ကျင်းပရေးထက် ယခုလိုအချိန်အခါမျိုးမှာ ပထမဦးစားပေးလုပ်သင့်တယ်လို့ မြင်ပါတယ်။
 
နောက်ဆုံးပြောချင်တာက မွန်အမျိုးသားနေ့ ကျင်းပရေးကော်မတီအသီးသီးက အခမ်းအနားလုပ်ဖို့ ကြိုးပမ်းအားထုတ်ပေးသလိုမျိုး မွန်တစ်မျိုးသားလုံးလွတ်မြောက်ဖို့ မွန်တော်လှန်ရေးအတွက်၊ ရာမညမွန်ပြည်အတွက် ကြိုးပမ်းအားထုတ်ပေးကြပါ၊ အလုပ်ဆက်လုပ်ပေးကြပါလို့ တိုက်တွန်းရင်း နိဂုံးချုပ်ပါတယ်။

နိုင်ငံရေး လူထုအသိပညာပေး ဟောပြောမှု အခန်းဆက် | အပိုင်း (၁)

နိုင်ငံရေး လူထုအသိပညာပေး ဟောပြောမှု အခန်းဆက် | အပိုင်း (၁)

မိတ်ဆက် – ဒီတပတ် နိုင်ငံရေး လူထုအသိပညာပေး ဟောပြောမှု အခန်းဆက် အစီအစဉ် ကနေ ဖက်ဒရယ်ယူနစ်ကိုအခြေခံပြုပြီး တည်ဆောက်တဲ့ ဖက်ဒရယ်စနစ်ထဲက လူထုလှုပ် ရှားမှု တခုဖြစ်တဲ့ ပင်လုံပြည်ထောင်စုကို ပြန်လည်တည်ဆောက်ခြင်း ဆိုတဲ့ ခေါင်းစဉ်နဲ့ အခန်းဆက် ထုတ်လွင့် တင်ဆက်ပေးသွားတော့မှာ ဖြစ်ပါတယ်။

အခုအစီအစဉ်ကို ဖက်ဒရယ်ဂျာနယ်၊ မြန်မာနဲ့ ဝမ်ဆန်ဝါး (VAN SANG VA) ဝိုင်းတော်သားများက နိုင်ငံရေး လူထုအသိပညာပေး အစီအစဉ်ကနေ လေ့လာ သိရှိခွင့်ရရှိ စေဖို့နဲ့ အနာဂတ် ဖက်ဒရယ်ဒီမိုကရေစီ ပြည်ထောင်စု ကြီး တည်ဆောက် နိုင်ရေးမှာ အထောက်အပံ့ ဖြစ်စေဖို့ မျှော်ရည်ကာ ပူးပေါင်းတင်ဆက်ခြင်း ဖြစ်ပါတယ်။

အခုအစီအစဉ်ကိုလည်း အပတ်စဉ် တနင်္ဂနွေနေ့ ညနေတိုင်း မြန်မာစံတော် ချိန် ၇ နာရီမှာ ဖက်ဒရယ်ဂျာနယ်၊ မြန်မာရဲ့ သတင်းကွန်ရက် စာမျက်နှာနဲ့ မိတ်ဖက် မီဒီယာများ၊ အဖွဲ့ အစည်းများရဲ့ သတင်း ကွန်ရက် စာမျက်နှာတို့ကနေ တပြိုင်နက် ထုတ်လွင့် တင်ဆက် ပေးသွားမှာဖြစ်လို့ စောင့်မျှော် ကြည့်ရှု နားဆင်နိုင်မှာ ဖြစ်ကြောင်း သတင်းကောင်း ပါးအပ်ပါတယ်။

နိုင်ငံရေး လူထုအသိပညာပေး ဟောပြောမှု အခန်းဆက် အစီအစဉ်နှင့် စပ်လျဉ်း ပြီး ပိုမိုသိရှိလိုတဲ့ အကြောင်းအရာရှိပါက မေးမြန်းနိုင်ဖို့ federaljournalnews@gmail.com / Federal Journal Facebook Chat Box, Comments တို့မှာ လာရောက် ဆက်သွယ်မေးမြန်းနိုင်ပါတယ်။

ဘက်ပြောင်းလာရေး | အပိုင်း ၂

ဘက်ပြောင်းလာရေး | အပိုင်း ၂

ဖက်ဒရယ်ဂျာနယ်၊ မြန်မာ
ဖေဖော်ဝါရီ ၂၄၊ ၂၀၂၄

Defection Movement ဆိုတဲ့ ခေါင်းစဥ်နဲ့ မသဥ္ဇာရွှန်းလဲ့ရည်ကို ဖိတ်ခေါ်မေးမြန်းပြောဆိုခဲ့တာရဲ့ အပိုင်း ၂ ကို နားဆင်လို့ရပါပြီ။

ဒီအပိုင်းမှာတော့ တော်လှန်ရေးအတွင်း ဘက်ပြောင်းလာတဲ့ စစ်သားတွေရဲ့ အမျိုးသမီးဟာ ဘယ်လောက်အခန်းကဏ္ဍထိ အရေးပါလဲ။

ကိုယ်တိုင်လည်း အမျိုးသမီးတယောက်အနေနဲ့ ဘက်ပြောင်းလာရေး စည်းရုံးလှုံ့ဆော်မှုနဲ့ ကမ်ပိန်းတွေ လုပ်ဆောင်ရာမှာ၊ ထိတွေ့ဆက်ဆံရာမှာ ဘယ်လိုစိန်ခေါ်မှုတွေ ကြုံတွေ့ရသလဲ စတဲ့ အကြောင်းတွေကို သိရှိဖို့ Defection Movement ဆိုတဲ့ ခေါင်းစဥ်နဲ့ အဓိကာရရဲ့ Episode 13 မှာ မသဥ်ဇာရွှန်းလဲ့ရည်ကို ဖိတ်ခေါ်ဆွေးနွေးထားပါတယ်။

အခုအစီအစဉ်ကိုတော့ လူထုအသိပညာ တိုးပွားရေးနဲ့ လူ့အခွင့်အရေးဆိုင်ရာများကို လေ့လာခွင့် ရရှိ စေဖို့ ရည်ရွယ်ကာ အဓိကာရ(Adhikāra)က စီစဉ်ပြီး FJMM ကလည်း ပူးပေါင်း တင်ဆက်ပေးနေ တာ ဖြစ်ပါတယ်။

ဖက်ဒရယ်လစ်ဇင် ပညာရပ်ဆိုင်ရာလေ့လာခြင်း အပိုင်း (၃၀)

ဖက်ဒရယ်လစ်ဇင် ပညာရပ်ဆိုင်ရာလေ့လာခြင်း အပိုင်း (၃၀)

မိတ်ဆက် – ဒီတပတ် ဖက်ဒရယ်လစ်ဇင် ပညာရပ်ဆိုင်ရာ အကြောင်းအရာများထဲက

၁) ဒေသန္တရအစိုးရ၏ သဘောတရားနှင့် တာဝန်အခန်းကဏ္ဍများကို လေ့လာခြင်း ဆွေးနွေးချက် (၁) ကို ဆက်လက် ကြည့်ရှုနားဆင်ရမှာပါ။

အခုအစီအစဉ်ကိုတော့ ဖက်ဒရယ်ဂျာနယ်၊ မြန်မာ နဲ့ တိုင်းရင်းသား လူမျိုးများရေးရာ စင်တာ (ENAC) တို့က ပူးပေါင်းပြီး ဖက်ဒရယ် ရေးရာ အသိပညာများကို လေ့လာ သိရှိခွင့်ရရှိ စေဖို့နဲ့ အနာဂတ် ဖက်ဒရယ်ဒီမိုကရေစီ ပြည်ထောင်စု ကြီး တည်ဆောက် နိုင်ရေးမှာ အထောက်အပံ့ ဖြစ်စေဖို့ မျှော်ရည်ကာ ပူးပေါင်းတင်ဆက်ခြင်း ဖြစ်ပါတယ်။

အခု တင်ဆက်ပေးနေတဲ့ ဖက်ဒရယ်ပညာရပ်ဆိုင်ရာများကို ကဏ္ဍအလိုက်၊ အခန်းဆက် တင်ဆက်ပေးထားပါတယ်။

အခုအစီအစဉ်ကို အပတ်စဉ် သောကြာနေ့ ညနေပိုင်း မြန်မာစံတော် ချိန် ၇ နာရီမှာ ဖက်ဒရယ်ဂျာနယ်၊ မြန်မာရဲ့ သတင်းကွန်ရက် စာမျက်နှာနဲ့ မိတ်ဖက် မီဒီယာများ၊ အဖွဲ့ အစည်းများရဲ့ သတင်း ကွန်ရက် စာမျက်နှာတို့ကနေ တပြိုင်နက် ထုတ်လွင့် တင်ဆက် ပေးသွားမှာဖြစ်လို့ စောင့်မျှော် ကြည့်ရှု နားဆင်နိုင်မှာ ဖြစ်ပါတယ်။

ဖက်ဒရယ်လစ်ဇင် ပညာရပ် သင်ခန်းစာနှင့် စပ်လျဉ်း ပြီး ပိုမိုသိရှိလိုတဲ့ အကြောင်းအရာ ရှိပါက ဖက်ဒရယ်ဂျာနယ်၊ မြန်မာရဲ့ အီးမေးလ် လိပ်စာ federaljournalnews@gmail.com / Federal Journal Facebook Messenger တို့မှာ တိုက်ရိုက် ဆက်သွယ်မေးမြန်းနိုင်ပါတယ်။

(လာမည့် အပတ် တနင်္ဂနွေ ညနေပိုင်း မြန်မာစံတော် ချိန် ၇ နာရီမှာလည်း Federal Journal Myanmar နဲ့ Vansangva ဝိုင်းတော်သားများ ပူးပေါင်းတင်ဆက်တဲ့ Transformation Movement for Bottom-up Federalism ဆိုတဲ့ ခေါင်းစဉ်နဲ့ ဟောပြောတင်ပြမှုကိုလည်း ဆက်လက် ထုတ်လွင့် တင်ဆက်ပေးသွားမှာ ဖြစ်ကြောင်း အထူးကြေညာ အသိပေးအပ်ပါတယ်။)

တံတိုင်းတွေအဆင့်ကျော်ဖြတ်နေရတဲ့ ထိုင်းနိုင်ငံက ထောက်ပို့များ

တံတိုင်းတွေအဆင့်ကျော်ဖြတ်နေရတဲ့ ထိုင်းနိုင်ငံက ထောက်ပို့များ

ဖက်ဒရယ်ဂျာနယ်၊ မြန်မာ

သတင်းဆောင်းပါး | ညဏ်လင်းပြည့်

” ကျနော်တို့ ဒီနေ့အလှူခံတာ ဘတ် ၅,၀၀၀ ရတယ်။ ရဲကြေး ၃,၅၀၀ ဘတ်ပေးရတော့ ၁,၅၀၀ ပဲကျန်တော့တယ်ဗျာ ” ဆိုတဲ့ ငြီးငြူအားပျက်တဲ့အသံနဲ့ ထိုင်းနိုင်ငံ၊ ဘန်ကောက်မြို့ ဘန်ဘောစျေးမှာ အလှူခံနေတဲ့ အဖွဲ့ တစ်ဖွဲ့ရဲ့ ခေါင်းဆောင်မှ ရင်ဖွင့်လာတယ်။

ထိုင်းနိုင်ငံက ဘန်ဘောစျေးဟာ မြန်မာစျေးလို့ အသိအမှတ်ပြု ခေါ်တွင်ရလောက်အောက် မြန်မာပြည်သား အများအပြားသွားရောက်လည်ပတ်ကြတဲ့ နေရာ တစ်ခုဖြစ်ပါတယ်။ ဒီစျေးမှာ တနင်္ဂနွေ အပတ်တိုင်း တော်လှန်ရေး ထောက်ပံ့အဖွဲ့အစည်း အများစုက အလှူခံကြပါတယ်။ ဘန်ဘောစျေးမှာ တစ်ပတ်ကို အလှူခံတဲ့ အဖွဲ့အစည်း ၄ ခုလောက်ရှိပါတယ်။

တော်လှန်ရေးရဲ့ အစပိုင်းကာလတွေဖြစ်တဲ့ ၂၀၂၁ ခုနှစ်အတွင်းမှာတော့ ဘန်ဘောစျေးမှာ အလှူခံနေတဲ့ အဖွဲ့အစည်းတစ်ခုရဲ့ တနင်္ဂနွေနေ့ အလှူခံရငွေမှာ အနည်းဆုံး ဘတ် ၅၀,၀၀၀ နဲ့ အထက်ရှိကြပါတယ်။ နှစ်သစ်ကူးပိတ်ရက်တွေမှာဆို တစ်ရက် အလှူခံရငွေက ဘတ် ၁ သိန်းအထက် ရှိတယ်လို့ ထောက်ပံ့ရေး အဖွဲ့တစ်ခုထံမှ သိခဲ့ရပါတယ်။ အာဏာသိမ်းခါစ လူထုလှုပ်ရှားမှုတွေ အားကောင်းနေချိန်တုန်းက ဘန်ကောက်ရှိ UN ရုံးအရှေ့ရဲ့ ဆန္ဒပြသူတွေထဲမှာ အလှူငွေကောက်ခံမှုဟာ ဘတ် ၁၀၀၊ ဘတ် ၅၀၀ တန်တွေကို ၃၀×၄၀ အရွယ် အမှိုက်အိတ်ကြီးတွေနဲ့ နှစ်အိတ်၊ ၃အိတ် ရခဲ့ဖူးတယ်လို့လည်း ကြားခဲ့ဖူးတယ်။

ထိုင်းနိုင်ငံမှာရှိတဲ့ မြန်မာပြည်သူများအနေနဲ့ အာဏာသိမ်းပြီးနောက်ပိုင်းတွင် အာဏာသိမ်းမှုကို ဆန့်ကျင်ရေးလှုပ်ရှားတဲ့ အသင်းအဖွဲ့ပေါင်း ရာနဲ့ ချီပေါ်ပေါက်လာခဲ့တယ်။ ထိုအဖွဲ့အစည်းများက အာဏာရှင် ဆန့်ကျင်ရေး လူထုလှုပ်ရှားမှုတွေ ပြုလုပ်ခြင်း၊ CDM ထောက်ပံ့ကူညီခြင်း နှင့် စစ်အာဏာရှင်စနစ် အမြစ်ပြတ်ရေးတိုက်ပွဲဝင်နေကြတဲ့ PDF တွေကို ထောက်ပံ့ကူညီတာတွေ ပြုလုပ်ကြပါတယ်။

ထိုတော်လှန်ရေးအဖွဲ့အစည်းတွေက ထောက်ပံ့ကူညီနိုင်ဖို့အတွက် တစ်ပတ်တစ်ခါ မြန်မာအလုပ်သမားတွေနေထိုင်တဲ့ တန်းလျားတွေမှာသွားရောက် အလှူခံခြင်း၊ မြန်မာတွေ အသွားအလာများတဲ့ စျေးတွေမှာ အလှူခံခြင်း၊ မြန်မာ အလုပ်သမားတွေရဲ့ စက်ရုံမှ လစာထွက်တဲ့ အချိန်တွေမှာ အလှူခံခြင်း နှင့် Social Media ဖြစ်တဲ့ Tik Tok, Facebook စတဲ့ နေရာများမှာလည်း အလှူခံခြင်းများ ပြုလုပ်လေ့ရှိကြတယ်။ ဒါ့အပြင် တော်လှန်ရေးအတွက် ကူညီထောက်ပံ့နိုင်ရန် ရံပုံငွေ ကံစမ်းမဲ၊ ရံပုံငွေ ဘောလုံးပွဲ နဲ့ ရံပုံငွေ ရုပ်ရှင်ပြပွဲတွေကိုလည်း ပြုလုပ်ကြပါတယ်။

အာဏာသိမ်း ကာလ ၂ နှစ်ကျော်နဲ့ ယခု ၃ နှစ်ကျော် ကာလတွေမှာတော့ ရံပုံငွေပွဲတွေ ကျင်းပတာ နည်းပါးလာခဲ့သလို ထောက်ပံ့ရေး အဖွဲ့အစည်းတချို့မှာလည်း ရပ်နားခဲ့လိုက်ရတာတွေ ရှိလာခဲ့ပါတယ်။

” အရင်က အလှူခံရင် စည်းစည်းလုံးလုံးရှိတယ်။ ဖေးမကူညီကြတော့ အဆင်ပြေတယ်။ အခုနောက်ပိုင်း အလှူခံရတာ အတော်လေး စိတ်ဓာတ်ကျဖို့ ကောင်းလာတယ် ” လို့ တော်လှန်ရေးအတွက် ထောက်ပံ့ကူညီနေသူ အမျိုးသမီး တစ်ဦးမှ ပြောလာပါတယ်။

အာဏာသိမ်း ၃ နှစ်ပြည့်ပြီးချိန်မှာတော့ ထိုင်းရောက် ထောက်ပံ့ပြည်သူတွေထံက ဒီစကားမျိုးကြားရတာ တစ်ဦးတစ်ယောက်တည်းဆီကတော့ မဟုတ်ဘူး။

ဘာကြောင့် ဒီလိုအခြေအနေတွေ ဖြစ်လာရသလဲ ဆိုတာကို လေ့လာကြည့်တဲ့ အခါမှာ

  • ထောက်ပံ့ရေး အဖွဲ့အစည်းတွေအချင်းချင်းကြားက ပြဿနာများ
  • အလှူငွေတွေ အလွဲသုံးစား လုပ်ခြင်း
  • ထောက်ပံ့ကူညီသူတွေ ပြင်းထန်စွာ ဝေဖန်တိုက်ခိုက်ခံရခြင်း
  • လှူဒါန်းနေကြတဲ့ ပြည်သူတွေရဲ့ အခက်အခဲများ
  • မြန်မာသံရုံးရဲ့ ဖိအား

စတဲ့ အချက်တွေကို တွေ့ခဲ့ရတယ်။

ထောက်ပံ့ရေးအဖွဲ့အစည်းအချင်းချင်းကြားက ပြဿနာများ

ထောက်ပံ့ရေးအဖွဲ့တွေရဲ့ ပြဿနာအစကတော့ အလှူခံတဲ့ နေရာလုတဲ့ ကိစ္စကနေ စတယ်လို့ ပြောလို့ရတာပေါ့။ အရင်က အလှူခံရင် ထိုင်းနိုင်ငံက ရဲတွေကို ငွေကြေးပေးစရာ မလိုခဲ့ဘူး။ အလှူခံတဲ့ အဖွဲ့တွေ နေရာလုပြီး ထိုင်းရဲတွေကို လာဘ်ထိုးရာကနေ အခုနောက်ပိုင်း အလှူခံမယ်ဆိုရင် အပတ်စဥ်ရဲကြေး ပေးဆောင်ကြရပါတယ်။

” အခုဆိုရင် တစ်ပတ်အလှူခံမယ်ဆိုရင် ရဲကြေး ဘတ် ၃,၅၀၀ အထိကို ပေးနေရပြီး ” လို့ထောက်ပို့အဖွဲ့ဝင်တစ်ဦး၏ ပြောကြားချက်အရ သိရပါတယ်။

ဒါ့အပြင် အဖွဲ့အစည်း တစ်ခုနဲ့ တစ်ခုကြားက အချက်အလက် မခိုင်လုံပဲ တိုက်ခိုက်ခြင်းတွေကလည်း ထိုင်းရောက် ပြည်သူတွေရဲ့ တော်လှန်ရေး အပေါ် ယုံကြည်မှုကို ကျဆင်းစေပါတယ်။

အလှူငွေများကို အလွဲသုံးစားလုပ်ခြင်း

တော်လှန်ရေးကာလမှာ အလှူငွေအလွဲသုံးစားလုပ်တဲ့ ကိစ္စကတော့ နေရာတော်တော်များများမှာ ကြုံတွေ့နေရတဲ့ ကိစ္စရပ်တစ်ခုပါ။ ထိုင်းနိုင်ငံရှိ ထောက်ပံ့ရေး အဖွဲ့တချို့ရဲ့ အလှူငွေ အလွဲသုံးစားလုပ်မှုကလည်း တော်လှန်ရေးအတွက် ကြီးမားတဲ့ ထိခိုက်မှုတစ်ခုအနေနဲ့ ဖြစ်ပေါ်နေပါတယ်။  ထိုင်းနိုင်ငံအတွင်းမှာ ထောက်ပံ့ရေး ခေါင်းဆောင်တချို့ဆိုသူတွေရဲ့ အလှူငွေ အလွဲသုံးစား ပြုလုပ်မှုများကို သက်သေနဲ့ တကွ ရရှိထားသော်လည်း အခုချိန်အထိ အရေးယူဖြေရှင်းနိုင်ခြင်း မရှိသေးပါဘူး။ အလှူငွေတွေနဲ့ ကိုယ်ပိုင်ကားဝယ်စီးခြင်း၊ အလှူငွေတွေနဲ့ အပျော်အပါးလိုက်စားခြင်း၊ အလှူငွေတွေနဲ့ စီးပွားရေး လုပ်ငန်းတွေမှာ Share ဝင်ထားခြင်း စတဲ့ ကိစ္စရပ်တွေမှာ သက်သေနဲ့တကွ တည်ရှိနေသော်လည်း အရေးယူနိုင်ခြင်း မရှိသေးတာဟာ တော်လှန်ရေးအတွက် နစ်နာမှုတစ်ခုပါပဲ။

” အမြဲတောက်ပသော မျိုးဆက်သစ်လူငယ်များအဖွဲ့ရဲ့ ခေါင်းဆောင်တစ်ယောက်က အလှူငွေ ဘတ် ၅ သန်းလောက်ကို လိမ်ပြီး အခု KNU တပ်မဟာ ၆ ထဲမှာတာဝန် ထမ်းဆောင်နေတယ်လို့ ကျနော်တို့ သိရတယ်။ သူ့ကိုရော ဘယ်လို မှ အရေးမယူတော့ဘူးလား ” လို့ ထောက်ပံ့ပြည်သူတစ်ဦးမှ မေးခွန်းထုတ်လာတော့တယ်။

ထောက်ပံ့ကူညီသူတွေ ပြင်းထန်စွာ ဝေဖန်တိုက်ခိုက်ခံရခြင်း

တချို့သော ထောက်ပံ့ အဖွဲ့အစည်းတွေရဲ့ အကျင့်ပျက် အလွဲသုံးစားလုပ်မှုတွေဟာ ထိုင်းနိုင်ငံအတွင်းရှိတော်လှန်ရေး အင်အားစုများအတွက် များစွာဝေဖန်တိုက်ခိုက်ခြင်း ခံနေကြရပါတယ်။

သူခိုး၊ သူတောင်းစား စတဲ့ စကားမျိုးများဖြင့် ဝေဖန်တိုက်ခိုက်ကြခြင်း၊ ထောက်ပံ့နိုင်ရန် အလှူခံသူများကို ဆဲဆိုကြိမ်းမောင်းခြင်း၊ မယုံကြည်မှုများနဲ့ ဆက်ဆံခံရခြင်းများ ကြုံတွေ့နေကြရပါတယ်။

” အခုက အလှူခံရတာ အရမ်းမျက်နှာငယ်တယ်။ ၁၀ဘတ် ၊ ၁၅ ဘတ်လောက် ထည့်ဖို့ကို အာပေါက်အောင် ပြောယူနေရတယ်။ ” လို့ ထောက်ပံ့ကူညီသူတစ်ဦးမှ ပြောလာပါတယ်။

တော်လှန်ရေးအတွက် ဆက်ပြီး ထောက်ပံ့ကူညီနိုင်ဖို့ လူတွေရဲ့ မတူသလို မတန်သလို ဆက်ဆံမှုတွေ အောက်မှာလည်း ဆက်လက်ရုန်းကန်နေရတယ်လို့ လည်း ပြောပါတယ်။

လှူဒါန်းနေကြတဲ့ ပြည်သူတွေရဲ့ အခက်အခဲများ

ပြည်သူတွေရဲ့ အခက်အခဲလို့ ပြောလိုက်ရင် အလုပ်အကိုင် အဆင်မပြေမှုကို အဓိက ထားပြောရမှာပါပဲ။ လက်ရှိအကြမ်းဖျင်း စာရင်းအရ ထိုင်းနိုင်ငံအတွင်း မြန်မာလူဦးရေမှာ ၆ သန်းကျော်အထိ ရှိနေတယ်လို့ သိထားရပါတယ်။ ဒီလူဦးရေထဲမှာ အလုပ်အကိုင် အဆင်မပြေတဲ့ သူကလည်း ရာခိုင်နှုန်း တစ်ဝက်ကျော်လောက် ရှိနေပါတယ်။

” ကျနော်တို့ရတဲ့ လစာထဲကနေ အခန်းခ၊ ရေခ၊ မီးခ၊ မြန်မာပြည်က မိသားစုတွေကို ပြန်ထောက်ပံ့ဖို့ ဖယ်ပြီးရင် ဘာမှ မကျန်တော့ဘူး။ အလုပ်တွေက အရင်လို OT (over time) မရှိတော့ မငတ်ရုံတမယ်လေးပဲ ကျန်တယ်။ ” လို့ ထိုင်းရောက် မြန်မာနိုင်ငံသား အလုပ်သမား ပြည်သူတစ်ဦးထံမှ သိရပါတယ်။

ဒါ့အပြင် Passport သက်တမ်းတိုးရတာတွေ၊ နေရေးထိုင်ရေးအတွက် အထောက်အထားပြုလုပ်ရတဲ့ ကုန်ကျစရိတ်တွေကလည်း များပြားလာကြောင်း သိရတယ်။

ဒီလို အခက်အခဲတွေကြားထဲမှာ တော်လှန်ရေးအတွက် ကူညီဖို့ဆိုတာကလည်း ဘယ်အဖွဲ့အစည်းကို ဘယ်လောက်အထိ ယုံကြည်ရမလဲ ဆိုတာ မသိနိုင်တာကလည်း အခက်အခဲတစ်ခုဖြစ်နေတာပဲ။

မြန်မာသံရုံးရဲ့ ဖိအား

ထိုင်းရောက် မြန်မာပြည်သူတွေရဲ့ တော်လှန်ရေးမှာ ပါဝင်နေမှုကို အခက်အခဲဖြစ်စေတဲ့ အဓိက အကြောင်းအရာထဲမှာ မြန်မာသံရုံးရဲ့ ပြဿနာကလည်း မသေးလှဘူး။ တော်လှန်ရေးမှာ ပါဝင်နေတဲ့ မြန်မာပြည်သူတွေရဲ့ Passport ကို ပိတ်သိမ်းဖို့ အထိ ဖိအားပေးတာတွေ ရှိနေကြောင်းသိရပါတယ်။ လွန်ခဲ့တဲ့ လပိုင်းလောက်ကလည်း Passport သက်တမ်းတိုးဖို့ သွားတဲ့ မြန်မာနိုင်ငံသားတစ်ဦးကို သံရုံးထဲမှာ ဖမ်းဆီးချုပ်နှောင်ဖို့ ကြိုးစားခဲ့တယ်လို့လည်း ကြားသိခဲ့ရဖူးတယ်။

အကြောက်တရားနဲ့ ရေရှည်ရှင်သန်ခဲ့ကြတဲ့ မြန်မာတွေအတွက် အာဏာရှင်ကို ဆန့်ကျင်ပါတယ်ဆိုရင်တောင်မှ တချို့သော ခြိမ်းခြောက်မှုတွေကို မလွန်ဆန်နိုင်သေးကြောင်း မြင်တွေ့နေရတယ်။

စစ်ကောင်စီက သံရုံးကနေတစ်ဆင့် ပြည်ပက အလုပ်သမားတွေဆီကနေ အခွန်နှုန်းတိုးကောက်တာကလည်း မြန်မာပြည်သူတွေအတွက် လွန်ဆန်မရတဲ့ ဖိအားတွေဖြစ်နေတယ်။

စစ်ကောင်စီအနေနဲ့သာ ထိုင်းမှာရှိတဲ့ မြန်မာတွေအပေါ်ဖိအား အမျိုးမျိုးကို တိုးမြှင့်ပေးလာနိုင်ပင်မဲ့ NUG အနေနဲ့တော့ ထိုင်းက တော်လှန်ရေး အင်အားစုတွေနဲ့ ထိတွေ့ဆက်ဆံမှုတွေက အားရ ကျေနပ်လောက်စရာမရှိဘူးလို့ တော်လှန်ရေး အင်အားစုတွေ ထံမှ သိရပါတယ်။

NUG အစိုးရရဲ့အလုပ်သမားဝန်ကြီးဌာနက ထိုင်းရောက်ပြည်သူတွေနဲ့ ထိတွေ့ဆက်ဆံမှုတွေ ရှိခဲ့ပင်မဲ့ All Inclusive ဖြစ်တဲ့ ထိတွေ့မှုမျိုးတွေ မဟုတ်ခဲ့ပြန်ဘူး။ ထို့ အပြင် အလုပ်သမားပြည်သူတွေရဲ့ အခက်အခဲကို ကူညီဖြေရှင်းပေးနိုင်တဲ့ စွမ်းဆောင်ရည်မှာလည်း နည်းလွန်းလှကြောင်း တော်လှန်ရေး အင်အားစုများရဲ့ ဝေဖန်သံများကို ကြားသိခဲ့ရတယ်။

လက်ရှိမှာ NUG အလုပ်သမားဝန်ကြီးဌာနရဲ့ ထောက်ပို့ကဒ်အစီအစဥ်မှာလည်း ထိုင်းရောက် တော်လှန်ပြည်သူများအပေါ် လွှမ်းမိုးနိုင်စွမ်းမရှိကြောင်း သိထားရပါတယ်။

” ကျနော်တို့ အနေနဲ့ NUG ကိုကိုယ့်အစိုးရမို့ ဒီထက်ပိုပြီး မျှော်လင့်တယ်။ ဒီထက်ပိုပြီး လုပ်နိုင်မယ်လို့လည်း ထင်ခဲ့တယ်။ ဒါပင်မဲ့ အခုချိန်အထိတော့ အားရကျေနပ်စရာတွေ သိပ်မတွေ့နေရဘူး ” ဆိုတဲ့ တိုက်ရိုက်ဝေဖန်သံတွေလည်း ရှိလာပါတယ်။

” NUG ကို ကျမတို့ အစိုးရအနေနဲ့ အသိအမှတ်ပြုတယ်။ ဒါပင်မဲ့ အားမရတာတွေ အများကြီးတော့ ရှိတာပေါ့။ ပြည်သူ စည်းရုံးရေးဆိုလည်း အားနည်းတယ်။ NUG က အားနည်းချက်တွေ ရှိပင်မဲ့ ကျမတို့ တော်လှန်ရေးကြီး အားမနည်းသွားဖို့ ကျမတို့ နိုင်ရာ နေရာမှာ ပါဝင်နေမှာပဲ။ ” ဆိုတဲ့ ပြည်သူတစ်ယောက်ရဲ့  ယုံကြည်ချက်ကိုလည်း မြင်တွေ့နေရတယ်။

တော်လှန်ရေး ၃ နှစ်ပြည့်ပြီးချိန်မှာ ပြည်တွင်းက ပြည်သူတွေ ခက်ခဲ ကြပ်တည်းလာသလို ထိုင်းရောက် တော်လှန်ပြည်သူတွေရဲ့ အခက်အခဲ အကြပ်အတည်းမှာလည်း ပိုမိုကြီးထွားလာတယ်။ ဒီလိုအခက်အခဲတွေကြားမှာလည်း တော်လှန်ရေးကြီး အောင်မြင်ရမယ်ဆိုတဲ့ ယုံကြည်ချက်တွေ မပျောက်ပျက်သွားပဲ အပတ်စဥ် နေပူထဲမှာ အလှူခံနေကြတဲ့ ရဲဘော် ရဲဘက်တွေလည်း အများကြီး ရှိနေပါသေးတယ်။

အပတ်စဉ် လူမျိုးပေါင်းစုံ သတင်းများစုစည်းတင်ပြခြင်း

(No. 16, February 23, 2024)

၁။ အရပ်သား ၂ ဦးကို TNLA တပ်သား ကားဖြင့်တိုက်၊ ‌ဒဏ်ရာရသူကို သေနတ်ဖြင့် ခြိမ်းခြောက်ဟုဆို
  February 23, 2024

သျှမ်းပြည် နမ္မတူမြို့တွင် အရပ်သား ၂ ဦးကို တအာင်း (ပလောင်) အမျိုးသားလွတ်မြောက်ရေးတပ်မတော် (TNLA) တပ်သားနှစ်ဦးက ကားဖြင့်တိုက်သဖြင့် ခြေထောက်ကျိုး ဒဏ်ရာရရှိခဲ့ကြောင်း စုံစမ်းသိရသည်။ ဖေဖော်ဝါရီလ ၂၁ ရက် နေ့လည် ၁၂ နာရီခွဲခန့်တွင် နမ္မတူ မြို့အဝင်တံတား မရောက်မီ သုဿာန်မီးသင်္ဂြိုဟ် စက်အနီး၌ TNLA တပ်သားနှစ်ဦးက ဆိုင်ကယ်မောင်း နှင် နေသည့် အရပ်သား ၂ ဦးကို ကားဖြင့်ဝင်တိုက်ခဲ့ပြီး ၎င်း TNLA တပ်သားက ခြေထောက်ကျိုး ဒဏ်ရာရသူကို သေနတ်ဖြင့် ထပ်မံခြိမ်းခြောက်ခဲ့ကြောင်း နမ္မတူဒေသခံများက ပြောသည်။ ထိုကားတိုက်ခံရသူ ၂ ဦးသည် လားရှိုး-နမ္မတူ-မူဆယ် ကားလိုင်း ပြေးဆွဲနေသည့် ကားသမားများပြီး မူဆယ်သို့ သွားရန် နမ္မတူမြို့အကျော်တွင် ကားစက်ပျက်သဖြင့် စက်ပြင်ရန် ဆိုင်ကယ်ဖြင့် လားရှိုးဘက်သို့ ပြန်ထွက်လာစဉ် ကားတိုက်ခံရခြင်းဖြစ်သည်။“ကားပြင်ဖို့ သူငယ်ချင်းနဲ့ ဆိုင်ကယ်စီးပြီး လားရှိုးဘက် ပြန်ထွက် လာတယ်။ နမ္မတူအဝင် တံတားမရောက်ခင် မီးသင်္ဂြိုဟ်စက်နား ကားတိုက်ခံရတာ။ ကားခေါင်းက သူ့‌ဒူးခေါင်းနဲ့ တိုက်မိပြီး ဆိုင်ကယ်ပေါ်က ပြုတ်ကျသွားတော့ သူ့ခြေထောက် ကျိုးပြီလို့ ပြောတာပေါ့။ အဲ့မှာ ကားမောင်းတဲ့ TNLA တပ်သားက ဆင်းလာ ပြီး မိုးပေါ်ထောင် သေနတ်ပစ် ခြိမ်းခြောက်တာပေါ့။ ခြေထောက် တကယ်မကျိုးရင် သေနတ်နဲ့ပစ်မယ်ဆိုပြီး ရင်ဘတ်ကိုလည်း သေနတ်နဲ့ တေ့ချိန်တယ်”ဟု နမ္မတူမြို့မှ ဖြစ်စဉ်သိရှိသူ အမျိုးသားတစ်ဦးက ပြောသည်။

ကားတိုက်ခံပြီး ဘယ်ခြေထောက်ကျိုး ဒဏ်ရာရသူသည် လားရှိုးမြို့ ရပ်ကွက်(၁၂) ကောင်းခါးနေ အသက် ၄၃ နှစ်အရွယ် ရှိ စိုင်းအောင်ဆန်းဦး ဆိုသူ ဖြစ်ပြီး လက်ရှိတွင် လားရှိုးပြည်သူ့ဆေးရုံ၌ ဆေးကုသမှု ခံယူလျက်ရှိကာ ဖေ‌ဖော်ဝါရီ ၂၃ ရက်တွင် ခွဲစိတ်ခန်း ဝင်ရမည်ဟု ၎င်းမိသားစုနှင့် နီးစပ်သူများက ပြောသည်။ ကားတိုက်ခံရပြီး ခြေထောက်ကျိုး ဒဏ်ရာရသူကို အတူလာ သည့် အခြား TNLA တပ်သားတစ်ဦးမှ အခြေအနေနှင့် အကျိုးအကြောင်း မေးမြန်း၍ ကားတင်ခေါ်ဆောင်သွားခဲ့ပြီး နမ္မတူမြို့ တွင်း လမ်းဆုံတွင် ချထားပေးခဲ့ကာ ပြန်လည် ထွက်ခွာသွားခဲ့သည်ဟု နမ္မတူမြို့မှ မျက်မြင်တွေ့ရှိသူများက ပြောသည်။ TNLA တပ်သား၏ ကားတိုက်ခံရပြီး သေနတ်ဖြင့် ထပ်မံခြိမ်းခြောက်ခံရသည့်အပေါ် ယခုကဲ့သို့ ထပ်မံမဖြစ်ပေါ်အောင် ကျူးလွန်သူကို ၎င်းတို့တပ်ဖွဲ့မှ အရေးယူ‌ပေးရန် လိုလားကြောင်း ၎င်းမိသားစုနှင့် နီးစပ်သူများက ပြောသည်။ https://burmese.shannews. org/archives/40301
၂။ KNU တပ်မဟာ(၄)တွင် စစ်ကောင်စီယာဉ်တန်း တိုက်ခိုက်ခံရ၍ စစ်ကား ၇ စီး မီးလောင်ပျက်စီးပြီး ၃၀ ကျော်သေဆုံး
  February 22, 2024

ကေအဲန်ယူ-ကရင်အမျိုးသားအစည်းအရုံးထိန်း ဘိတ်-ထားဝယ်ခရိုင်( တပ်မဟာ ၄ နယ်မြေ) လယ်ဒိုစိုး (ထားဝယ်)မြို့ နယ်ရှိ ထားဝယ်-ထီးခီးလမ်းပေါ်တွင် တက်လာသည့် စစ်ကောင်စီယာဉ်တန်းကို ဖေဖော်ဝါရီလ ၂၁ ရက် ယမန်နေ့က ကရင်အမျိုး သားလွတ်မြောက်ရေးတပ်မတော်-KNLA တပ်မဟာ (၄)နှင့်တော်လှန်ရေးပူးပေါင်းတပ်ဖွဲ့တို့ ပစ်ခတ်တိုက်ခိုက်သည့်အတွက် စစ်ကောင်စီကား(၇)စီး မီးလောင်ပျက်စီးပြီး စစ်ကောင်စီတပ်ဖွဲ့ဝင် အယောက် ၃၀ ကျော် ထိခိုက်သေဆုံးခဲ့သည်ဟု ကေအဲန်ယူ ဘက်က ပြောသည်။ အဆိုပါ စစ်ကောင်စီယာဉ်တန်းကို ထားဝယ်-ထီးခီးလမ်းမ ဝကုန်းရွာ ကျောက်မဲတောင်နှင့် ၂၅ မိုင်ကြားတွင် တော်လှန်ရေးပူးပေါင်းတပ်ဖွဲ့များက ကြားဖြတ်တိုက်ခိုက်ခဲ့ခြင်းဖြစ်ပြီး သိမ်းဆည်းရမိသည့် လက်နက်အရေအတွက်အရ စစ်ကောင်စီတပ်ဖွဲ့ဝင် ၃၀ ကျော်သေဆုံးထိခိုက်မှုရှိနိုင်သည်ဟု ကေအဲန်ယူ ဘိတ်-ထားဝယ်ခရိုင် အတွင်းရေးမှူး ပဒိုစောအယ်နာ က ယခုလို ပြောသည်။“စစ်ကောင်စီသေဆုံးတဲ့စာရင်းအတိအကျတော့ မရသေးဘူး။ ဒါပေမယ့် လက်နက်ပေါ်မူတည်ပြီး ကျနော်ကြည့်တာက ရန်သူစစ်ကောင်စီဘက်က အယောက် ၃၀ ကျော်အထက် သေဆုံးတာရှိလောက်တယ်။ ”ဟု ဘိတ်-ထားဝယ်ခရိုင် အတွင်းရေးမှူး ပဒိုစောအယ်နာက ပြောသည်။

ပြီးခဲ့သည့် ဖေဖော်ဝါရီလ ၁၇ ရက်နေ့ကတည်းက ထားဝယ်မြို့မှ စတင်ထွက်ခွာလာသည့် ထိုစစ်ကောင်စီတပ် စစ်ကြောင်းသည် ကျောက်မဲတောင် စစ်ကောင်စခန်းသို့ ရိက္ခာနှင့် တပ်အင်အားဖြည့် တင်းရန်အတွက် တက်ရောက်လာခြင်း ဖြစ်ကြောင်း၊ KNLA တပ်ရင်း(၁၂)၊ တပ်ရင်း(၁၀) ၊ တပ်ရင်း (၂၇)နှင့် PDF စစ်ကြောင်းများနှင့်ပူးပေါင်းကာ တက်လာသည့် လမ်းတစ်လျှောက်တွင် ကြားဖြတ်တိုက်ခိုက်မှု လုပ်ဆောင်ခဲ့ခြင်းဖြစ်ကြောင်း ကေအဲန်ယူက ပြောသည်။ ၎င်းစစ်ကောင်စီတပ် စစ်ကြောင်းကို ကြားဖြတ်တိုက်ခိုက်မှုဖြစ်စဉ်ဖြစ်ပွားပြီးသည့်နောက် နှစ်ဖက်တိုက်ပွဲ တနေကုန် ဆက်လက်ဖြစ်ပွားခဲ့ရာ စစ်ကောင်စီဘက်မှ စစ်ကူအဖြစ် MI 2 စစ်ရယာဉ်နှင့် ဝကုန်း ကျေးရွာအနီးတစ်ဝိုက်တွင် လေကြောင်းတိုက်ခိုက်မှု လုပ် ဆောင်ခဲ့ သည့်အတွက် ဒေသခံအရပ်သားပြည်သူ ရွာလုံးကျွတ် ထွက်ပြေးတိမ်းရှောင်နေကြရကြောင်းလည်း ဒေသခံထံမှ သိရသည်။ https://kicnews.org/2024/02/knu-%e1%80%90%e1%80%95%e1%80%ba%e 1%80%99%e1%80%9f%e1%80%ac%
၃။ မိုင်းပွန်နဲ့ ဟိုပုံးကြား တိုက်ပွဲပြင်းထန်နေ
   February 22, 2024

ရှမ်းပြည်နယ်တောင်ပိုင်း၊ မိုင်းပွန်မြို့နဲ့ ဟိုပုံးမြို့ကြားမှာ ပအိုဝ်းအမျိုးသားလွတ်မြောက်ရေးတပ်မတော် (PNLA)နဲ့ စစ်ကောင်စီ၊ ပအိုဝ်းပြည်သူ့စစ်(PNO/PNA) ပူးပေါင်းတပ်တွေကြား တိုက်ပွဲပြင်းထန်နေတယ်လို့ ဒေသခံတွေနဲ့ ခရီးသွားတွေက ပြောပါတယ်။  “အခြေနေမကောင်းလို့ လွိုင်လင်ကပြန်လှည့်လာရတယ်၊ မိုးလင်းကတည်းက လက်နက်ကြီး ဆက်တိုက်ထုနေ တာ၊ မိုင်းပွန် အခြေနေမကောင်းလောက်ဘူး၊ တံတားကျော်တင် လက်နက်ကြီးကျတာ” လို့ မိုင်းပွန်ကို ဖြတ်ပြီး တောင်ကြီး ကိုသွားမယ့် ခရီးသွားတဦးက ပြောပါတယ်။ ဟိုပုံးမြို့အရှေ့ဘက် ၁၅ မိုင်ခန့်အကွာ၊ မိုင်းပွန်မြို့ရဲ့ အနောက်ဘက် ဆယ်မိုင်ကျော် အကွာမှာ ရှိတဲ့ ထမ်းဆန်းဂူတဝိုက်မှာ မနေ့ကတည်းက စလို့တိုက်ပွဲဖြစ်ပွားနေကြတာပါ။ PNLA သတင်းနဲ့ ပြန်ကြားရေးကတော့ PNLA စစ်ကြောင်းကို စစ်ကောင်စီ ပူးပေါင်းတပ်တွေက တိုက်ခိုက်လို့ ဟိုပုံးမြို့နယ်အရှေ့ဘက်ခြမ်းတနေရာမှာ တိုက်ပွဲဖြစ်ပွားခဲ့ တယ်လို့ ထုတ်ပြန်ထားပါတယ်။ တိုက်ပွဲအပြီး နယ်မြေရှင်းလင်းရေးလုပ်တဲ့အချိန်မှာတော့ စစ်ကောင်စီလက်အောက်ခံတပ်ဖွဲ့ဝင် အလောင်း လေးလောင်း၊ သေနတ်လေးလက်၊ ၆၀ မမ လက်နက်ကြီးတလက်၊ ကားတစီးနဲ့ ခဲယမ်းတချို့ကို သိမ်းဆည်းရမိခဲ့ တယ်လို့ PNLA ဘက်က ဓာတ်ပုံတွေနဲ့တကွ ဖော်ပြထားပါတယ်။

မိုင်းပွန်-ဟိုပုံး ကားလမ်းမပေါ်မှာရှိတဲ့ အဲဒီ ထမ်းဆန်းဂူရှိ စေတီကုန်းမှာတော့ ဖေဖော်ဝါရီ ၂၁ ရက်ကတည်းက စစ်ကောင်စီတပ်တွေ ရောက်ရှိလာပြီး အခိုင်အမာ တပ်စွဲထားတယ်လို့ဒေသခံတွေဆီကနေ သိရပါတယ်။ “တိုက်ပွဲဖြစ်တာက မိုင်းပွန်အထွက်နဲ့ ထမ်းဆန်းဂူကြားမှာ၊ အခုတော့အဲ့ကြားမှာ (ခရီးသည်) ဘယ်သူမှမကျန်တော့ပါ၊ မနေ့ကအကုန်ပေးထွက်ပါ တယ်” လို့လည်း ပိတ်မိရာကနေ လွတ်မြောက်လာတဲ့ ဒေသခံတဦးက ပြောပါတယ်။ လက်ရှိမှာတော့ တိုက်ပွဲကြောင့် ဟိုပုံးမြို့နဲ့ မိုင်းပွန်မြို့ကြား ပိတ်မိနေတဲ့ ခရီးသွားကားတွေမရှိတော့ပေမယ့် တောင်ကြီးနဲ့ ဟိုပုံးဘက်ကိုသွားမယ့် ခရီးသည်ကားတွေက တော့ မိုင်းပွန်မြို့ထဲ ပိတ်မိနေတယ်လို့လည်း သူက ပြောပါတယ်။ မိုင်းပွန်မြို့အထွက် တံတားမှာတော့ စစ်ကောင်စီတပ်က တပ်ချထားပြီး တံတားကို ဖြတ်သန်းသွားလာခွင့်မပြုဘူးလို့ လည်းသိရပါတယ်။ အလားတူပဲ ဖေဖော်ဝါရီ ၂၀ ရက်နေ့တုန်း ကလည်း ဟိုပုံးမြို့ရဲ့ အရှေ့တောင်ဘက်၊ မဲနယ်တောင်ဒေသမှာလည်း PNLA နဲ့ စစ်ကောင်စီပူးပေါင်းတပ်တွေကြား တိုက်ပွဲပြင်း ထန်ခဲ့ပြီး တိုက်ပွဲအပြီးမှာတော့ စစ်ကောင်စီလက်အောက်ခံတပ်ဖွဲ့ဝင် အလောင်း ငါးလောင်းနဲ့ သေနတ် လေးလက်ကို PNLA ဘက်က သိမ်းဆည်း ရမိခဲ့ပါသေးတယ်။  https://www.facebook.com/photo/?fbid=8007 49102098169&set=pcb.8007 50375431375
၄။ မင်းတပ်မြို့နယ်တွင် စစ်ကောင်စီ၏ ပစ်ခတ်သည့်  လက်နက်ကြီးကျည်ကြောင့် အရပ်သားတစ်ဦး ဒဏ်ရာရရှိပြီး လူနေအိမ် ၂ လုံးပျက်စီး
  February 22, 2024

ချင်းပြည်နယ်၊ မင်းတပ်မြို့နယ်၊ ငရှောင်ကျေးရွာတွင် စစ်ကောင်စီ၏ပစ်ခတ်သည့် လက်နက်ကြီးကျည်ကြောင့် အရပ်သား တစ်ဦး ထိခိုက်ဒဏ်ရာ ရရှိခဲ့ပြီး လူနေအိမ် နှစ်လုံး ပျက်စီးသွားကြောင့် ဒေသခံများထံက သိရှိရသည်။ မင်းတပ်မြို့တွင် တိုက်ပွဲဖြစ်ပွားခဲ့ခြင်းမရှိဘဲ စစ်ကောင်စီသည် ဖေဖော်ဝါရီ ၂၁ ရက်နေ့၊ နေလည် ၁၀ နာရီ ၄၅ မိနစ်ခန့်တွင် ခလရ (၂၇၄) တပ်ရင်း မှ ပစ်ခတ်သည့် လက်နက်ကြီးကျည် နှစ်လုံးသည် ငရှောင်ကျေးရွာတွင် ကျရောက်ပေါက်ကွဲခဲ့ကြောင်း သိရသည်။

“မင်းတပ်မြို့ပေါ် တပ်ရင်းကနေ လက်နက်ကြီးကျည် နှစ်လုံးနဲ့ ပစ်ခတ်ခဲ့တာ။ လက်နက်ကြီးကျည် တစ်လုံးက ရွာထဲ တည့်တည့်ကျပြီး အမျိုးသားတစ်ဦး ခြေတစ်ဖက် ထိခိုက်ဒဏ်ရာရတယ်။ အရပ်သား နေအိမ် နှစ်လုံးပျက်စီးသွားတယ်။ တိုက်ပွဲ မရှိဘဲ စစ်ကောင်စီကနေ လက်နက်ကြီး ရမ်းသမ်းပစ်ခတ်နေကြတယ်” ဟု  မင်းတပ်ဒေသခံ တစ်ဦးက ပြောသည်။ ယင်းအပြင် စစ်ကောင်စီသည် မြို့အနီးနား ပတ်ဝန်းကျင် ကျေးရွာများတွင် အင်အား အယောက် ၁၀၀ ဖြင့် စစ်ကြောင်းများ ထိုးသည့်အပြင် မြို့ထဲ ဗုံးခိုကျင်းနှင့် ဘန်ကာများတွင် လုံခြုံရေးတိုးချဲ့ထားကြောင်း သိရသည်။ မင်းတပ်မြို့တွင် ပြီးခဲ့သည့် ဖေဖော်ဝါရီလ ၁၇ ရက်နေ့နှင့် ၁၈ ရက်နေ့တွင် မတူပီနယ်မြေခံ တပ်ရင်းများမှ ထောက်ပို့ရဟတ်ယာဥ်ဖြင့် တပ်အင်အား ၁၅၀ လာရောက်ဖြည့် တင်းထားကြောင်း သိရသည်။ https://www.facebook.com/photo/?fbid=725104249758597&set=a.583120797290277

၅။ မင်းပြား၊ ကမ်းနီရှိ တတက(၉) ၏ ကာကင်းစခန်း ၃ ခုနှင့် အရေးပါသောနေရာတစ်ခုကို AA သိမ်းပိုက်ရရှိ
  February 22, 2024

ရခိုင်ပြည်နယ်၊ မင်းပြားမြို့နယ်၊ ကမ်းနီရွာအနီးရှိ စစ်ကောင်စီ၏ အမှတ် (၉) တိုင်းဗဟိုလေ့ကျင့်ရေး သင်တန်းကျောင်း ကို ရက္ခိုင့်တပ်တော်မှ နေ့အဖြစ် ဆက်လက်ထိုးစစ်ဆင်တိုက်ခိုက်လျက်ရှိ‌ ကြောင်းသိရသည်။ ပြီးခဲ့သည့် ဖေဖော်ဝါရီလ (၁၇) ရက်၊ နံနက် (၁၀) နာရီ (၄၅) မိနစ်မှစတင်၍ ထိုးစစ်ဆင်တိုက်ခိုက်လျက်ရှိသော မင်းပြားမြို့၊ ကမ်းနီရွာအနီးရှိ စစ်ကောင်စီ၏ အမှတ် (၉) တိုင်းဗဟိုလေ့ကျင့်ရေး သင်တန်းကျောင်း၏ အစိတ်အပိုင်း တစ်ချို့ဖြစ်သော ကာကင်းစခန်းသုံးခုနှင့် အရေးပါသော နေရာတစ်ခုအား သိမ်းပိုက်ရရှိထားပြီးဖြစ်‌ကြောင်း  AA ကထုတ်ပြန်ထားသည်။ မင်းပြားမြို့နယ်ရှိ ခမရ ၃၈၀ တပ်ရင်းကို ပြီးခဲ့ သည့် ဇန်နဝါရီ ၂၈ ရက်နေ့တွင် (AA)က သိမ်းယူနိုင်ခဲ့ကြောင်းသိရသည်။

ထို့အပြင် ရက္ခိုင့်တပ်တော် (AA)က ပြီးခဲ့သည့် ဖေဖော်ဝါရီ ၅ရက်နေ့က မင်းပြားမြို့နယ်ရှိ စစ်ကောင်စီ၏ ခမရ ၃၇၉နှင့် ခမရ ၅၄၁တို့ကို တိုက်ခိုက်သိမ်းပိုက်နိုင်ခဲ့ကာ  စစ်ကောင်စီတပ်သားများနှင့် မိသားစုဝင်များ (AA)ထံ လက်နက်ချအညံ့ခံခဲ့ကြပြီး မင်းပြားမြို့ကို ထိန်းချုပ်နိုင်ခဲ့ပြီ ဖြစ်သည်။ ယခုတိုက်ပွဲဖြစ်ပွားနေသည့် ကမ်းနီရွာရှိ တိုင်းဗဟို ၉ တပ်မတော်တန်းမြင့် သင်တန်း ကျောင်းမှ သင်တန်းသားများ၊ အရာရှိမိသားစုဝင်များနှင့် တပ်မိသားစုများကို ပြီးခဲ့သည့် ဇန်နဝါရီလ ၃၁ရက်နေ့တွင် စစ်ကောင်စီ က MI 17 ရဟတ်ယာဉ်ဖြင့် စစ်တွေမြို့ပေါ်သို့ ပြောင်းရွှေ့ပေးထားသည်။ လက်ရှိတွင် တိုက်ပွဲရက်ကြာလာသည်နှင့်အမျှ ထိုးစစ် ဆင်နေသည့် AA တပ်ဖွဲ့က စစ်ရေးအရအရေးသာနေပြီး သင်တန်းကျောင်းတစ်ခုလုံး ရရှိသည်အထိ ထိုးစစ်ဆင်တိုက်ခိုက်သွား မည်ဟု (AA)က ထုတ်ပြန်ထားသည်။ https://www.facebook.com/photo/?fbid=724998749769147&set=a.583120797 290277
၆။ ဆီဆိုင်မှာ တစ်ပတ်အတွင်း လက်နက်ကြီးကြောင့် စစ်ရှောင်နဲ့ဒေသခံ ၁၁ ဦး သေဆုံးပြီး ၂၁ ဦး ဒဏ်ရာရ
  February 22, 2024

ရှမ်းတောင် ပအိုဝ်းဒေသ ဆီဆိုင်မြို့နယ်မှာ တစ်ပတ်အတွင်း စစ်ကောင်စီတပ် ပစ်ခတ်တဲ့ လက်နက်ကြီးနဲ့ လေကြောင်း သုံး တိုက်ခိုက်မှုကြောင့် စစ်ရှောင်ဒေသခံ၊ ကလေးငယ်နဲ့ အရပ်သားအပါအဝင် ၁၁ ဦး သေဆုံးပြီး ၂၁ ဦး ထိခိုက်ဒဏ်ရာ ရရှိခဲ့ပါ တယ်။ ပြီးခဲ့တဲ့ ဖေဖော်ဝါရီ ၁၄ ရက်ကနေ ဖေဖော်ဝါရီ ၂၀ ရက်အထိ တိုက်ပွဲ ဖြစ်ပွားခြင်းမရှိဘဲ စစ်တပ်နဲ့ ၎င်းရဲ့လက်အောက်ခံ ပြည်သူ့စစ်က လက်နက်ကြီး တစ်ဖက်သတ် ပစ်ခတ်မှု၊ ဒရုန်းသုံး တိုက်ခိုက်မှုနဲ့ လေကြောင်းသုံး တိုက်ခိုက်မှုကြောင့် ထိခိုက်သေဆုံးသူတွေပဲ ဖြစ်ပါတယ်။ ပြီးခဲ့တဲ့ ဖေဖော်ဝါရီ ၁၄ ရက် မနက် ၁၀ နာရီခွဲခန့်က ဆီဆိုင်မြို့ ပဆျာနကလိုနရွာမှာ တိုက်ပွဲ ဖြစ်ပွားခြင်းမရှိဘဲ စစ်တပ်က လေယာဉ်နဲ့ လာရောက် ဗုံးကြဲတာကြောင့် အမျိုးသားတစ်ဦးနဲ့ အမျိုးသမီးတစ်ဦး သေဆုံးပြီး ၈ ဦး ဒဏ်ရာရရှိခဲ့ပါတယ်။ အလားတူ ဖေဖော်ဝါရီ ၁၇ ရက် ည ၈ နာရီခန့်မှာ စစ်တပ်နဲ့ ၎င်းရဲ့ လက်အောက်ခံ ပြည်သူ့စစ်‌တွေက ဆီဆိုင်မြို့နယ် ထမ်းယံနဲ့ ထီတမ်ရွာကို ပစ်ခတ်ခဲ့တာဖြစ်ပြီး ထမ်းယံရွာက ၆ လသားအရွယ် ကလေးငယ်တစ်ဦးနဲ့ ထီတမ်ရွာက အမျိုးသားတစ်ဦး လက်နက်ကြီး ထိမှန်သေဆုံးခဲ့ပြီး ၇ ဦး ဒဏ်ရာရရှိခဲ့ပါတယ်။

ဖေဖော်ဝါရီ ၁၉ ရက် မနက် ၆ နာရီခန့်ကလည်း ဆီဆိုင်မြို့ထဲ ပစ္စည်းပြန်ယူတဲ့ စစ်ရှောင်ဒေသခံတွေ ဆီဆိုင်မြို့အဝင် ဝါးတောရွာအနီး စစ်တပ်က ပစ်ခတ်တဲ့ လက်နက်ကြီးနဲ့ ဒရုန်းဗုံးကြဲတိုက်ခိုက်မှုကြောင့် ဒေသခံ ၇ ဦး သေဆုံးပြီး ၆ ဦး ဒဏ်ရာရ ခဲ့ပါတယ်။ စစ်တပ်ဟာ အကြမ်းဖက်သမားတွေသာဖြစ်ပြီး အဖက်ဖက် စစ်ရှုံးနေချိန်မှာတော့ လူထု‌တွေကို ရန်သူလို့ သတ်မှတ် ထားပြီး စစ်ရေးပစ်မှတ်အနေနဲ့ ပစ်မှတ်ထားကာ တိုက်ခိုက်နေတယ်လို့ ပအိုဝ်းတပ်မတော်- PLNO/PNLA ရဲ့ ပြောရေးဆိုခွင့်ရှိသူ ခွန်ရိန်းယံက ပြောပါတယ်။ ဆီဆိုင်မြို့ကို PNLA က အပြည့်အဝ ထိန်းချုပ်ထားပေမဲ့ မြို့ပတ်လည်ရှိ ကျေးရွာတွေမှာ နေ့စဉ်နဲ့ အမျှ ထိတွေ့တိုက်ပွဲ ပြင်းထန်နေပြီး လူထုတချို့လည်း ပိတ်မိနေတယ်လို့ စစ်ဘေးရှောင် ကူညီဆောင်ရွက်ရေးအဖွဲ့ဝင်တွေက ပြောပါတယ်။ https://www.facebook.com/photo?fbid=724133836560 550&set=pcb.724134016560532
၇။ မှော်ဘီမြို့နယ်က စစ်ရှောင် ချင်းတိုင်းရင်းသား နေအိမ် ၂၀ ကျော်ကို တပ်ပိုင်မြေဆိုပြီး စစ်တပ်က ဖယ်ရှားခိုင်း
  February 22, 2024

ရန်ကုန်တိုင်း မှော်ဘီမြို့နယ် မြောက်တကာကျေးရွာက ချင်းတိုင်းရင်းသားတွေ နေထိုင်တဲ့ နေအိမ် ၂၀ ကျော်ကို စစ်တပ် က ၄ ရက်အတွင်း ဖယ်ရှားခိုင်းနေတယ်လို့ ဒေသခံတွေက ပြောပါတယ်။ မြောက်တကာရွာမှာ နေထိုင်တဲ့ ချင်းလူမျိုးတွေဟာ ချင်းပြည်နယ် ပလက်ဝမြို့နယ်တိုက်ပွဲကနေ ထွက်ပြေးတိမ်းရှောင်လာတဲ့ စစ်ဘေးရှောင်ရဲ့ နေအိမ်တွေဖြစ်ပြီး စစ်တပ်မှ တပ်ပိုင် မြေလို့ဆိုကာ မနက်ဖြန် ဖေဖော်ဝါရီ ၂၂ ရက် နောက်ဆုံးထား ဖယ်ရှားခိုင်းထားတယ်လို့ ပြောပါတယ်။ “တနင်္ဂနွေနေ့ ဘုရားဝတ် ပြုတဲ့အချိန် စစ်ကားအများကြီးနဲ့လာပြီး အမြန်ဆုံး ဖယ်ရှားပေးဖို့ ပြောသွားတာပါ။ မဖယ်ရှားတဲ့လူတွေကို တရားစွဲမယ်လို့လည်း ခြိမ်းခြောက်ပြောဆိုခဲ့တယ်။ ဖေဖော်ဝါရီ ၂၂ ရက်နေ့ကျရင် ဘယ်အိမ်မှ မတွေ့ချင်ဘူး ပြောသွားတယ်။ ကျနော်တို့က မြေနေရာ ကို တန်ရာတန်စျေးပေးပြီး အိမ်ဆောက်တာ ဖြစ်တယ်” အဲဒီစစ်ဘေးရှောင်တွေရဲ့ နေအိမ်ကို စစ်တပ်က ၄ ရက်အတွင်း ဖယ်ရှား ခိုင်းထားပြီး မဖယ်ရှားရင် အရေးယူမယ်လို့ ခြိမ်းခြောက်တာကြောင့် ဖေဖော်ဝါရီ ၂၀ ရက်က စပြီး​တော့ ၎င်းတို့ကိုယ်တိုင် နေအိမ် တွေ ဖျက်ဆီးခဲ့ပါတယ်။

စစ်ဘေးရှောင်တွေဟာ အဲဒီမြေနေရာကို မြေပိုင်ရှင်ထံမှ ကာလတန်ဖိုး ငွေကြေး ပေးပြီးမှ အိမ်တွေ ဆောက်ထားတာ ဖြစ်ပြီးတော့ နေထိုင်တဲ့ ကာလဟာလည်း ၄ နှစ်ကျော် ကြာပြီဖြစ်ပါတယ်။ လက်ရှိ ဖယ်ရှားခံလိုက်ရတဲ့ အိမ်ထောင်စုတွေဟာ ရန်ကုန်က ၎င်းတို့ရဲ့ အသိမိတ်ဆွေ၊ ဆွေမျိုး၊ ဘုရားကျောင်းတွေမှာ နေထိုင်နေကြရပါတယ်။ https://www.facebook. comphoto/?fbid=723773896596544&set=pcb.723774179929849

၈။ ဖာပွန်ခရိုင်ရှိ ကျေးရွာတချို့တွင် စစ်ကောင်စီတပ်က အကြောင်းအမျိုးမျိုးပြ၍ ငွေကြေးတောင်းခံမှုပြုလုပ်နေ
   February 23, 2024

မူတြော်(ဖာပွန်)ခရိုင်၊ ကတိုင်တိကျေးရွာနှင့် နီးစပ်သည့်ကျေးရွာများတွင် စစ်ကောင်စီတပ်ဖွဲ့ဝင်များက ဒေသခံအရပ် သားများထံမှ အကြောင်းပြချက်မျိုးစုံပြ၍ ငွေညှစ်တောင်းခံမှုများ ပြုလုပ်နေကြောင်း ရွာသားများထံမှ သိရသည်။ ကတိုင်တိ၊ ကညင်ဒုံ၊ နို့ဖောထီးနှင့် ထီးသဲလေးကျေးရွာများတွင် နေထိုင်သည့်ပြည်သူများကို နယ်မြေခံ စစ်ကောင်စီတပ်ဖွဲ့ဝင်များက အိမ်ထောင်စုစာရင်းများပြခိုင်းကာ စာရင်းနာမည်ရှိပြီး လူနေထိုင်မှုမရှိပါက ငွေကျပ် ၂ သိန်းအထိကောက်ယူနေသလို နေအိမ် အတွင်းရှိ ဆန်နှင့်စားသောက်စရာများကိုလည်း ယူဆောင်သွားမှုများ ပြုလုပ်နေသည်ဟု အမည်မဖော်လိုသူ ရွာသားတစ်ဦးက ပြောသည်။ ၎င်းက “စစ်သားတွေစခန်းကုန်းကနေ သူတို့ကင်းပတ်ပြီး ကျနော်တို့ရွာရော ကညင်ဒုံ၊ နို့ဖောထီး၊ ထီးသဲလေးမှာ ပိုက် ဆံလိုက်ကောက်တယ်။ မိသားစုတွေ ရိက္ခာပြတ်နေတယ်ပြောပြီး အိမ်က စားစရာဆန်တွေလည်း ယူသွားတယ်။ တစ် အိမ်ကို အိမ်ထောင်စုစာရင်းပြခိုင်းပြီး အကုန်စုံနေရင်တောင် အကြောင်းတစ်ခုပြပြီး ပိုက်ဆံတောင်းတယ်။ စာရွက် မှာနာမည်ရှိပြီး လူမရှိ ဘူးဆိုရင် သူတို့မေးတယ်၊ ဘန်ကောက်တက်တာလား၊ အဲ့ဒါဆို ၂ သိန်းအခွန်ဆောင်ရမယ်တဲ့။ အမျိုးမျိုးပဲ ဒီမှာလည်း လုံးဝမနေ ချင်တော့ဘူး” ဟု ပြောသည်။

အဆိုပါ စစ်ကောင်စီတပ်များ ငွေကြေးကောက်ခံခဲ့သည့်ကျေးရွာများတွင် ကရင်ပြည်နယ်၊ နယ်ခြားစောင့်တပ်(BGF) တပ်၏ ဂိတ်စခန်း များလည်းရှိနေပြီး အဆိုပါ ဂိတ်စခန်းများတွင်လည်း ငွေကြေးကောက်ခံမှုများရှိသည်ဟု ဒေသခံများက ပြောဆိုသည်။ ထို့အပြင် စစ်ကောင်စီတပ်၏ ရိက္ခာလူအင်အားဖြည့်တင်းလျက်ရှိသည့် လမ်းပိုင်းတစ်ချို့ကို ကရင်အမျိုးသား လွတ်မြောက်ရေးတပ်မတော်-KNLA တပ်ကပိတ်ဆို့ထားသလို ဒေသခံပြည်သူများအတွက် ရိက္ခာစားသောက်ကုန်များ တက် ဝယ်နိုင်ရန် လမ်းကြောင်းတစ်ခုဖောက်လုပ်ပေးထားကြောင်း ဖာပွန်မြို့ခံများက ပြောသည်။ https://kicnews. org/2024/02/ %e1%80%96%e1%80%ac%e1%80%95%e1%80%bd %e1%80%94%e1%80

၉။ စစ်ကောင်စီထိန်းချုပ်ထားတဲ့နေရာတွေမှာ စစ်ရှောင်မယ့်အစား AA ထိန်းချုပ်ဒေသမှာပြောင်းရွှေ့နေထိုင်ဖို့ AA တိုက်တွန်း
  February 22, 2024

ရန်ကုန်လိုမြို့ကြီးအပါအဝင် စစ်ကောင်စီထိန်းချုပ်ထားတဲ့ မြို့တွေမှာ တိမ်းရှောင်နေကြတဲ့ ရခိုင်လူထုတွေအနေနဲ့ ရက္ခိုင့်တပ်တော်- AA ထိန်းချုပ်ဒေသမှာ ပြောင်းရွှေ့နေထိုင်ဖို့ AA က တိုက်တွန်းထားပါတယ်။ စစ်ရေး၊ နိုင်ငံရေးနဲ့ သံတမန်ရေး မှာ ဆုံးရှုံးနေတဲ့ စစ်တပ်ဟာ အများပြည်သူတွေအသုံးပြုတဲ့ လမ်းတံတားကို မိုင်းခွဲဖျက်ဆီးတာ၊ လူထုတွေ နေထိုင်တဲ့ ကျေးရွာ မှာ ရေကြောင်းနဲ့ လေကြောင်း အသုံးပြုတိုက်ခိုက်တာတွေ ပြုလုပ်နေတယ်လို့ AA က ထုတ်ပြန်ထားပါတယ်။ အရပ်သားအပေါ် စစ်တပ်ရဲ့ ပစ်မှတ်ထား တိုက်ခိုက်မှုတွေကို ရှောင်ရှားနိုင်ဖို့ ရန်ကုန်လိုမြို့ကြီးအပါအဝင် အခြားမြို့မှာ တိမ်းရှောင်သွားကြတာ တွေ့ရတယ်လို့ ဆိုပါတယ်။ စစ်တပ်ဟာ ရန်ကုန်နဲ့ မန္တလေးလို မြို့ကြီးတွေမှာ လူမျိုးရေး မုန်းတီးမှု ဖန်တီးနေပြီး ရခိုင်လူမျိုးတွေ ကို ရည်ရွယ်ချက်ရှိရှိ ဥပဒေမဲ့ ဖမ်းဆီးတာ၊ ခြိမ်းခြောက်ငွေညှစ်တာ၊ တပ်သားသစ် စုဆောင်းတာ၊ ညှဥ်းပန်းနှိပ်စက်တာနဲ့ သတ်ဖြတ်တာတွေ ပြုလုပ်နေတယ်လို့ ဆိုပါတယ်။

ဒါကြောင့် AA က ထိုးစစ်ဆင် တိုက်ခိုက်သိမ်းပိုက်ထားတဲ့နယ်မြေတွေမှာ ရခိုင်လူထုတွေအပါအဝင် ဖိနှိပ်ခံလူထုတစ်ရပ် လုံး အတွက် လုံခြုံတဲ့နေရာဖြစ်ပြီး ရန်ကုန်လိုမြို့ကြီးအပါအဝင် စစ်ကောင်စီ ထိန်းချုပ်ထားတဲ့မြို့မှာ တိမ်းရှောင်နေကြတဲ့ ရခိုင် လူထုအနေနဲ့ ထိန်းချုပ်ဒေသတွေမှာ ပြောင်းရွှေ့နေထိုင်ကြဖို့ AA က တိုက်တွန်းထားပါတယ်။ ဒါ့အပြင် စစ်ကောင်စီတပ်ဟာ သေဆုံး၊ ဒဏ်ရာရတာနဲ့ ထွက်ပြေးတာတွေ နေ့စဥ်လိုလို ရှိနေပြီး အင်အား ဖြုန်းတီးမှုကို ကာမိဖို့အတွက် စစ်တပ်ဟာ ပြည်သူ့စစ် မှုထမ်းဥပဒေကို အသက်သွင်းပြီး စစ်အင်အား ပြန်လည်ဖြည့်တင်းဖို့ ပြုလုပ်နေတယ်လို့ AA က ဆိုပါတယ်။ ရခိုင်နဲ့ ချင်းပြည်နယ် ပလက်ဝဒေသက ဖမ်းဆီးရမိတဲ့ ထောင်နဲ့ချီတဲ့ စစ်ကောင်စီ တပ်ဖွဲ့ဝင်ကို စစ်သုံ့ပန်းဥပဒေအရ ထိန်းသိမ်းထားပြီး စစ်သုံ့ပန်းတွေ ထဲ ရခိုင်လူထုတွေကို ဖမ်းဆီးတာ၊ သတ်ဖြတ်တာတွေ ပြုလုပ်သူတွေကို စစ်ခုံရုံးတင်ပြီးထိရောက်တဲ့ အပြစ်ပေးအရေးယူမှုပြု လုပ်သွားမယ်လို့ ဆိုပါတယ်။ https://www.facebook.com/photo/?fbid=723633189943948&set=a.404503215190282
၁၀။မြို့သိမ်းတိုက်ပွဲများထက် စစ်ကောင်စီ၏ အသဲနှလုံး နေပြည်တော်ထိုးဖောက်နိုင်ရေး လုပ်သွားမည်ဟု KNU အသိပေး
  February 22, 2024

ကရင်အမျိုးသားအစည်းအရုံး(KNU) အနေဖြင့်မြို့သိမ်းတိုက်ပွဲများထက် စစ်ကောင်စီ၏ အရှိုက်ဖြစ်သည့် နေပြည်တော် ကို ထိုးဖောက်နိုင်ရေးအတွက် ဆက်လက်ဆောင်ရွက်သွားမည်ဖြစ်ကြောင်း KNU ပြောရေးဆိုခွင့်ရှိသူ ပဒိုစောတောနီး ကပြော ကြားသည်။ KNU ပြောရေးဆိုခွင့်ရှိသူ ပဒိုစောတောနီးက ယခု ၂၀၂၄ နှစ်ဆန်းပိုင်းအတွင်း KNU တပ်မဟာ(၁) သထုံခရိုင်၊ တပ်မဟာ(၃) ညောင်လေးပင်ခရိုင်၊ တပ်မဟာ(၆) ဒူးပလာယာခရိုင် ရှေ့တန်းစစ်မြေပြင်များသို့ သွားရောက်ခဲ့မှု  ခရီးစဉ်နှင့် ပတ်သက်ပြီး KNU ပြည်သူ့ဆက်ဆံရေးဌာနက မေးမြန်းချက်များကို ယနေ့ထုတ်ပြန်ခဲ့ခြင်းဖြစ်သည်။ ပဒိုစောတောနီးအနေဖြင့် မြေပြင်အခြေအနေများ သိရှိနိုင်ရန် မြ၀တီမြို့အနီး လက်ခက်တောင် နေရာအပါအဝင် တပ်မဟာ(၆) ဒေသ၊ နေပြည်တော် နှင့်နီးသည့် တပ်မဟာ(၃)နှင့် တပ်မဟာ(၁)နယ်မြေများသို့ သွားရောက်ခဲ့ရာ တော်လှန်ရေးတပ်များက နယ်မြေစိုးမိုးထားနိုင်ပြီး စစ်ကောင်စီက ခွာစစ်၊ ခံစစ် အနေအထား သာရှိတော့သည်ဟု ပြောပြသည်။

“နယ်မြေစိုးမိုးမှု အပိုင်းမှာတော့ မြို့ကိုတော့ မလိုအပ်ဘဲနဲ့ ကျနော်တို့ အသေမခံနိုင်ဘူး။ ပြောရမယ်ဆိုရင် ရှေ့ဆက်ရ မယ့် ခရီးကအများကြီးရှိသေးတယ်။ အဲဒါကြောင့်မို့လို့ ဒီကာလမှာ နယ်မြေတွေကို ဘယ်လောက်အထိ ထိန်းချုပ်နိုင်လဲဆိုတာ ပြောချင်တာ။” ဟု ပဒိုစောတောနီးက ပြောသည်။ ဇန်နဝါရီ နောက်ဆုံးပတ်တွင် တပ်မဟာ(၁) နယ်မြေ သို့ရောက်ရှိ ခဲ့ပြီး ဘားအံမြို့နယ် ၊ သထုံမြို့နယ်၊ ကျိုက်ထို စသည့် ဒေသများ၌ KNU ဘက်ကနယ်မြေစိုးမိုးမှု အားကောင်းပြီး စစ်ကောင်စီ အနေ အထားမှာ စခန်းအပြင် လုံး၀ထွက်မရသည့် အခြေအနေဖြစ်ကြောင်း၊  လမ်းများကို ဖျက်ဆီးပြီးခံစစ်ပြင်ဆင်မှုများ လုပ်ဆောင် နေကြောင်း ရှင်းပြသည်။ လက်ရှိတွင် စစ်ကောင်စီအနေဖြင့် ခွာစစ်၊ ခံစစ်ကိုပြင်ဆင်နေပြီး နောက်ဆုံးတွင် နေပြည်တော်ကို ခံကတုတ်အဖြစ် ပြင်ဆင်နေသည်ကို မြင်ရကြောင်း ပြောသည်။ စစ်ကောင်စီတပ်များက နေရာများကို စွန့်ခွာသွားပါက အသိသာ ဆုံး အချက်မှာ နေအိမ်များကို မီးရှို့ခဲ့ကြောင်း၊ မြေမြှုပ်မိုင်းများ လည်းထောင်ထားခဲ့ကြောင်း ပြောပြပြီး မြေမြှုပ်မိုင်းပြဿနာ သည် ဖြေရှင်းရမည့် ကိစ္စရပ်တစ်ခုဖြစ်သည်ဟုဆိုသည်။ “ဒီအချိန်မှာတော့ ဒါတွေ(မြို့သိမ်း)ကို သိပ်စဉ်းစားမှာ မဟုတ်ဘူး။ ဒါပေမယ့် စစ်ရေးအရလိုလာတဲ့ဟာကတော့ ကျနော်တို့ တပ်မှူး တပ်ဗိုလ်တွေက ဒါစဉ်းစားမှာပဲ။ ကိုယ့်အထိအခိုက် နည်းတဲ့ အလုပ်ကို ကိုယ်ကိုယ်တိုင်လုပ်မယ်။ နောက်ပြီးတော့ အသဲနှလုံးရှိတဲ့နေရာ အရှိုက်ရှိတဲ့နေရာ သူ့ရဲ့ အကယ့်အညှာ ရှိတဲ့နေရာကို ကျနော်တို့ ဖောက်မှာပဲ”ဟု ပဒိုစောတောနီးက ပြောသည်။ https://www.facebo ok.com/photo/?fbid=733835132148615& set=a.559396182925845
၁၁။ ဒေသခံတွေ တိမ်းရှောင်နေတဲ့ ကဇူးယန်ကျေးရွာက ဆမားဇုန်နယ်ရုံးမှာ စစ်ကောင်စီတပ်သားတွေ ဝင်ရောက်နေထိုင်
   February 22, 2024

ကချင်ပြည်နယ်၊ ဝိုင်းမော်- လိုင်ဇာလမ်း၊ ကဇူးယန်ကျေးရွာက ဒေသခံတွေ နေထိုင်နေတဲ့ ဆမားဇုန်နယ်ရုံးထဲကို အင်အား ၃၀၀ ကျော်လောက်ရှိတဲ့ စစ်ကောင်စီစစ်သားတွေ ဝင်လာတဲ့အတွက် ဒေသခံတွေ ကြောက်လန့်နေကြတယ်လို့ သိရပါ တယ်။ စစ်ကောင်စီစစ်ကြောင်းတွေဟာ ရုံးထဲကိုဝင်လာတဲ့အတွက် ဒေသခံတွေက ကြောက်လန့်ပြီး တခြားနေရာကို တိမ်းရှောင် နေကြတယ်လို့ ကဇူးယန်ဒေသခံတစ်ဦးက ပြောပါတယ်။ “ရုံးထဲကို စစ်သားတွေဝင်လာလို့ အားလုံးအပြင်မှာ နေနေကြရတယ်။ ခုနက ခဝမ်ကောင်မှာ တိုက်ပွဲဖြစ်လို့ အခုရုံးထဲမှာ စစ်သားတွေ ဝင်လာနေလိုက်ကြပြီ။ တစ်ရုံးလုံးအပြည့် စိမ်းနေတာပဲ။ ဒေသခံ တွေ ထိုင်စရာနေရာတောင်မရှိဘူး။” လို့ ဆိုပါတယ်။ ဒေသခံတွေခိုလှုံနေတဲ့ နေရာမှာ စစ်ကောင်စီစစ်ကြောင်းတွေ ဝင်ရောက် နေထိုင်နေကြတာဖြစ်ပြီး ဘယ်အချိန်ပြန်ထွက်မယ် ဆိုတာကိုတော့ မသိနိုင်ဘူးလို့လည်း ဒေသခံက ဆက်လက်ပြောပါတယ်။

ကျေးရွာအတွင်းက စစ်ကောင်စီတပ်စခန်းတစ်ဝိုက်မှာ မကြာခဏဆိုသလို တိုက်ပွဲတွေဖြစ်ပွားနေတာကြောင့် ဒေသခံ ရွာ သားတွေဟာ ဆမားဇုန်နယ်ရုံးဝင်းထဲမှာ ဝင်ရောက်နေထိုင်နေကြတာ လပိုင်းလောက်ရှိပြီ ဖြစ်တယ်လို့ သိရပါတယ်။ ကဇူးယန်ကျေးရွာအနီးက ခဝမ်ကောင်မှာ ကချင်လွတ်လပ်ရေးတပ်မတော် (KIA)နဲ့ စစ်ကောင်စီတို့ တိုက်ပွဲဖြစ်ပွားနေတဲ့အပြင် မနေ့ကလည်း ဒဘတ်ချောင်းနားမှာ တိုက်ပွဲဖြစ်ခဲ့တယ်လို့ ဒေသခံတွေရဲ့ ပြောပြချက်အရ သိရပါတယ်။ ဝိုင်းမော်-လိုင်ဇာလမ်းကို ပြီးခဲ့တဲ့ ၂၀၂၃ ခုနှစ်၊ ဇူလိုင်လ ၃ ရက်နေ့ကတည်းက စစ်ကောင်စီကနေ စစ်ကြောင်းထိုးနေတာဖြစ်ပြီး လက်ရှိအချိန်ထိ ကဇူးယန် ကျေးရွာအနီးက ဆမားလမ်းခွဲကို မကျော်နိုင်သေးဘဲ တိုက်ပွဲတွေဖြစ်ပွားနေတာပါ။ ကဇူးယန်ဒေသခံတွေဟာ ကချင်လွတ်လပ် ရေးတပ်မတော်(KIA)နဲ့ စစ်ကောင်စီတို့  ၂၀၁၁ ခုနှစ်က တစ်ကျော့ပြန်စစ်ပွဲတွေ ဖြစ်ပွားတဲ့အချိန် ၁၀ နှစ်ကျော်ကြာ နေရပ်စွန့်ခွာ ထွက်ပြေးတိမ်းရှောင်ခဲ့ရတာဖြစ်ပြီး ၂၀၂၃ ခုနှစ် မတ်လပိုင်းကမှ နေရပ်ကို ပြန်လည်နေထိုင်နေကြတာ ဖြစ်ပါတယ်။ https://www.facebook.com/photo/?fbid=414789781228021&set=a.266001999440134

၁၂။ စစ်အာဏာရှင်ကို တော်လှန်တဲ့သူတွေကို လက်ခံကြိုဆိုနေတယ်လို့ SSPP ထုတ်ပြန်
  February 22, 2024

အဖိနှိပ်ခံလူမျိုးပေါင်းစုံပြည်သူတွေကို စစ်အာဏာရှင်ရဲ့ နည်းလမ်းပေါင်းစုံနဲ့ပိုမိုဖိနှိပ်လာတာ ကို  နားမဆံ့အောင်ကြား သိနေရပြီး ဖိနှိပ်မှုရှိလျင် တော်လှန်မှုရှိသည်ဆိုတဲ့ တော်လှန်ရေးနိယာမအတိုင်း တော်လှန်သောလမ်းစဉ်အသီးသီးကို ရှာကြံနေ ကြတဲ့ လူမျိုးပေါင်းစုံလူထုအတွက် SSPP/SSA က အားလုံးကို လက်ခံကြိုဆိုနေမယ်လို့ ဖေဖော်ဝါရီ ၂၂ ရက်စွဲနဲ့ထုတ်ပြန်တဲ့ ပန်ကြားချက်မှာ ဖော်ပြထားပါတယ်။

SSPP/SSA ဟာ ရှမ်းပြည်လက်နက်ကိုင်တော်လှန်ရေးရဲ့တောင်းဆိုချက်အရ တော်လှန်ရေးကိုဦးဆောင်နေတဲ့ ရှမ်းပြည် လူမျိုးပေါင်းစုံ လူထုကပေါက်ဖွားလာခဲ့တာဖြစ်ပြီး လူမျိုးကြီးဝါဒနဲ့ကျဉ်းမြောင်းတဲ့ အမျိုးသားရေးဝါဒတို့ကို ဆန့်ကျင်ကာ အာဏာရှင်စနစ်ကျဆုံးရေး၊ တန်းတူရေးနဲ့ ကိုယ်ပိုင်ပြဌာန်းခွင့်ကို အပြည့်အဝအာမခံတဲ့ ဖက်ဒရယ်ဒီမိုကရေစီပြည်ထောင်စု ပေါ်ထွန်းလာရေးကို အစဉ်တစိုက်ဦးတည်လုပ်ဆောင်နေတဲ့ အစဉ်အလာရှိတဲ့ ပါတီနဲ့တပ်မတော်ဖြစ်တယ်လို့လည်း ဖော်ပြထား ပါတယ်။ ဒါကြောင့် SSPP ရဲ့ လမ်းစဉ်မူဝါဒွေကို လက်ခံယုံကြည်သူ မည်သူ့ကိုမဆို လက်ခံကြိုဆိုနေပြီး စစ်အာဏာရှင်စနစ် ကျဆုံးရေးကို ဦးတည်ထားတယ်လို့ဆိုပါတယ်။ https://www.facebook.com/photo/?fbid=424487513271032&set=a.28 5900490463069
၁၃။ ရေဖြူမှာ တစ်ပတ်အတွင်း ဖမ်းဆီးခံရတဲ့အမျိုးသမီး ခုနှစ်ဦးရှိပြီ
   February 22, 2024

ရေဖြူမြို့နယ်ရှိ ကံပေါက်နဲ့ မင်းသားရွာမှာ အခုတပတ်အတွင်း ဖမ်းဆီးခံရတဲ့ အမျိုးသမီး ခုနှစ်ဦးအထိရှိနေပြီး တစ်ဦးမှ ပြန်မလွတ်လာသေးဘူးလို့ ဒေသခံတွေက ပြောပါတယ်။ အခုလ ၁၉ ရက်နေ့ သန်းခေါင်ယံလောက်အချိန်မှာ ကံပေါက်ရွာ၊ မဂ္ဂင်ရပ်ကွက်က အသက် ၅၀ နှစ်ဝန်းကျင်အရွယ် ဒေါ်ယဉ်အေး၊ မိကျောင်းအိုင်ရပ်ကွက်က အသက် ၃၀ နှစ်ဝန်းကျင်အရွယ် မသက်သက်မွန်၊ အသက် ၃၈ နှစ်ဝန်းကျင်အရွယ် မနီလာစန်း၊ သီရိမင်္ဂလာရပ်ကွက် ဒေါ်ဇာခြည်မျိုး တို့ကို စစ်ကောင်စီက သူတို့ ရဲ့နေအိမ်အသီးသီးမှာ လာရောက်ဖမ်းခေါ်သွားခဲ့ပါတယ်။“လူခြေတိတ်နေတုန်းလာတာ။ ကားနဲ့လာတာ။ အိမ်ရှေ့ကားရပ်ပြီး အိမ်ထဲလက်နက်တွေကိုင်ပြီး ဝင်လာတာ။”လို့ ဒေသခံအမျိုးသားတစ်ဦးက ပြန်ပြောပါတယ်။ ကံပေါက်ရွာ၊ လှည်းကုန်းရပ်ကွက် က ဒေါ်ချိုချိုနဲ့ ဒေါ်ညိုညို ညီအစ်မနှစ်ဦးကိုတော့ အခုလ ၁၇ ရက်နေ့မှာ စစ်ကောင်စီက ဖမ်းဆီးခဲ့ပါတယ်။ မင်းသားရွာက ဒေါ်ကေဂျာဦးကို အခုလ ၁၅ ရက်နေ့က ရွာလမ်းပိုင်းတစ်နေရာ မှာဖမ်းဆီးခဲ့တာဖြစ်တယ်လို့ ဒေသခံတွေဆီက သိရပါတယ်။

အဆိုပါအမျိုးသမီးတွေကို မောရဝတီရေတပ်စခန်းမှာ ဖမ်းဆီးခံထားရတယ်လို့ ကနဦးသိရပြီး ဘာကြောင့်ဖမ်းဆီးခံရ တယ်ဆိုတဲ့အကြောင်းအရင်းကိုတော့ မသိရသေးပါဘူး။ အခုလပထမပတ်ထဲမှာလည်း ကံပေါက်ရွာနဲ့ကျေးရွာချင်းဆက်ဖြစ်တဲ့ အုန်းပင်ကွင်းရွာခံ ကိုကျော်ဇင်နဲ့ဇနီးဖြစ်သူ၊ ဦးထွန်းပိုင်နဲ့ဇနီးဖြစ်သူတို့ ဖမ်းဆီးခံခဲ့ရပါတယ်။ သူတို့လည်း ပြန်လည်လွတ်မြောက် လာခြင်းမရှိသေးဘဲ မိသားစုနဲ့ အဆက်သွယ်ပြတ်နေတယ်လို့ သိရပါတယ်။ အမျိုးသမီးတွေကို ပစ်မှတ်ထား ဖမ်းဆီးလာတာ ပိုများလာတာကို တွေ့ရပါတယ်။ ရေဖြူမြို့နယ်မှာ ပြီးခဲ့တဲ့ဇန်နဝါရီလက အရပ်သား ၁၄ ဦးဖမ်းဆီးခံခဲ့ရသလို အခုလထဲမှာလည်း ၁၀ ဦး ထက်မနည်း ဖမ်းဆီးခံထားရပါတယ်။ https://www.facebook.com/photo/?fbid=420622897022132&set=a.19621 2682796489
၁၄။ လွိုင်ကော်မြို့ပေါ်ကို စစ်ကောင်စီတပ်က မီးလောင်ဗုံးကျဲချမှုကြောင့် ပြည်သူ့နေအိမ်များ မီးလောင်
   February 22, 2024

ကရင်နီပြည်နယ်၊ လွိုင်ကော်မြို့၊ ရပ်ကွက်များအတွင်းရှိ နေရာ ၅ ခုကို အကြမ်းဖက်စစ်ကောင်စီ တပ်က မီးလောင်ဗုံး ကျဲချ တိုက်ခိုက်ခဲ့ရာ နေအိမ်အချို့မီးလောင်ပြာကျခဲ့ကြောင်း KNDF သတင်းနှင့် ပြန်ကြားရေးဌာနထံမှ သိရသည်။ ဖေဖော်ဝါရီ ၂၁ ရက်နေ့ နံနက်ပိုင်း တိုက်ပွဲဖြစ်ပွားခြင်းမရှိသည့် လွိုင်ကော်မြို့ပေါ်ရှိ ရွှေ တောင် ၊ မင်္ဂလာ ၊ ပိုးဇာခြံ စသည့် ရပ်ကွက်များထဲရှိ နေရာ ၅နေရာခန့်ကို အကြမ်းဖက် စစ်ကောင်စီ တပ်က ဒရုန်းဖြင့် မီးလောင်ဗုံးများ၊ အဝေးပစ် မီးလောင်ဗုံးများ လိုက်လံကျဲချ တိုက်ခိုက်ခဲ့ရာ ပြည်သူ လူထု နေအိမ်များ မီးလောင်ပြာကျခဲ့ကြောင်းသိရသည်။

လွိုင်ကော်မြို့တွင် စစ်ကောင်စီတပ်ဖွဲ့များနှင့် ကရင်နီတော်လှန်ရေးတပ်ဖွဲ့တို့ တပ်စွဲနေရာယူထား ကြပြီး အချိန်မရွေး တိုက်ပွဲဖြစ်ပွားနိုင်ကြောင်း၊ ထို့အပြင် အကြမ်းဖက်စစ်ကောင်စီတပ်က နေ့စဥ်နှင့်အမျှ လက်နက်ကြီးပစ်ခတ်ခြင်း၊ ဒရုန်း၊ လေကြောင်းများဖြင့် ဗုံးကြဲတိုက်ခိုက်ခြင်းများ လုပ်ဆောင် နေကြောင်း သိရသည်။ ထို့ကြောင့် လွိုင်ကော်မြို့နေ မိဘပြည်သူများ အနေဖြင့် နေအိမ်ပြန်ခြင်း၊ ပစ္စည်းများ ပြန်သယ်ယူခြင်းများကို တတ်နိုင်သမျှမပြုလုပ်ကြပါရန်၊ လုံခြုံရေးကို ဦးစားပေး၍ စစ်ရေး သတိရှိကြပါရန်နှင့် သက်ဆိုင်ရာတာဝန်ရှိသူများထံမှ မှန်ကန်သည့် သတင်းအချက်လက်များကို ရယူကြရန် KNDF ဗဟို သတင်း နှင့်ပြန်ကြားရေးဌာနက မေတ္တာရပ်ခံတိုက်တွန်းထားသည်။ https://www.facebook.com/khitthitnews/videos/85417293 9795474
၁၅။ NUG နှင့် NMSP ကနဦးတွေ့ဆုံမှု နိုင်ငံရေး၊ စစ်ရေးအပါအဝင် ကဏ္ဍစုံပူးပေါင်းဆောင်ရွက်ရန် သဘောတူ
  February 22, 2024

အမျိုးသားညီညွတ်ရေးအစိုးရ (NUG) မဟာမိတ်ဆက်ဆံရေး ကော်မတီအဖွဲ့တာဝန်ခံ၊ နိုင်ငံခြားရေးဝန်ကြီး ဒေါ်ဇင်မာအောင် နှင့် မွန်ပြည်သစ်ပါတီ(NMSP)-စစ်အာဏာရှင်တိုက်ဖျက်ရေး အဖွဲ့ခေါင်းဆောင်များဆွေးနွေးခဲ့ကြောင်း NUG က အသိပေးထုတ်ပြန်သည်။ စစ်ကောင်စီကို တိုက်ခိုက်သွားမည်ဖြစ်ကြောင်း ထုတ်ပြန်ကြေညာခဲ့သည့် NMSP (စစ်အာဏာ ရှင် တိုက်ဖျက်ရေး)၏  နိုင်ငံရေး၊ စစ်ရေးကော်မတီအဖွဲ့ ခေါင်းဆောင် နိုင်ဇေယျ ဦးဆောင်သည့် အဖွဲ့ဝင်များနှင့် ဒေါ်ဇင်မာတို့သည် တော်လှန်ရေးလုပ်ငန်းစဉ်များအတွင်း လက်တွဲဆောင်ရွက်နိုင်ရေး အွန်လိုင်းမှ ကနဦးတွေ့ဆုံဆွေးနွေးခဲ့ခြင်းဖြစ်သည်ဟုဆို သည်။ ဆွေးနွေးပွဲတွင် မွန်ပြည်သစ်ပါတီ(စစ် အာဏာရှင်တိုက်ဖျက်ရေး)မှ အဖွဲ့ခေါင်းဆောင် နိုင်ဇေယျ၊ ဒုခေါင်းဆောင် – ၁ နိုင်ဗညားလယ်၊ ဒုအဖွဲ့ခေါင်းဆောင် ၂- ဗိုလ်ချုပ်လယိကောင်းနှင့် မဟာမိတ်ဆက်ဆံရေးတာဝန်ခံ နိုင်ဗညားမွန် တို့ တက်ရောက် ခဲ့ပြီး NUG ဘက်က ဝန်ကြီးဒေါ်ဇင်မာအောင်နှင့် အဖွဲ့၊ ကာကွယ်ရေးဝန်ကြီးဌာနမှ အမြဲတမ်းအတွင်းဝန် ဦးနိုင်ထူးအောင်နှင့် တာဝန်ရှိသူများ တက်ရောက်ခဲ့သည်ဟု ဖော်ပြထားသည်။

ထိုသို့ တွေ့ဆုံစဉ် စစ်အာဏာရှင်စနစ်နှင့် အာဏာရှင်စနစ်များအပြီးတိုင် တိုက်ဖျက်နိုင်ရေးကိစ္စကို ဆွေးနွေးခဲ့ပြီး ဖက်ဒရယ်ဒီမိုကရေစီပြည်ထောင်စုတည်ဆောက်ရေးတို့အတွက် ခိုင်မာသောမဟာ မိတ်အဖြစ် နိုင်ငံရေး၊ စစ်ရေး၊သံတမန်ရေး စသည့်ကဏ္ဍအားလုံးတွင် ပူးပေါင်းဆောင်ရွက်ရေးအတွက် သဘောတူခဲ့ကြောင်း ထုတ်ပြန်သည်။ မဟာမိတ်ဆိုင်ရာ ပူးပေါင်း ဆောင်ရွက်မှုအားလုံးအတွက် စဉ်ဆက်မပြတ် ဆွေးနွေးဆောင်ရွက် သွားကြရန်လည်း သဘောတူညီခဲ့ကြောင်း အသိပေးထား သည်။ NMSP စစ်အာဏာရှင်တိုက်ဖျက်ရေးအဖွဲ့သည် စစ်ကောင်စီနှင့် နိုင်ငံရေးဆွေးနွေးအဖြေရှာရန် မဖြစ်နိုင်တော့ဟုဆိုကာ စစ်ကောင်စီကို ပြန်လည်တိုက်ခိုက်သွားမည်ဖြစ်ကြောင်း ဖေဖော်ဝါရီ ၁၄ ရက်တွင် ထုတ်ပြန်ကြေညာခဲ့သည်။ https://www.facebook.com/photo/?fbid=733979105467551&set=a.559396182925845

၁၆။ ကရင်နီဒုက္ခသည်စခန်းအမှတ် (၁) မှာ အသက်ရှူလမ်းကြောင်းဆိုင်ရာ ရောဂါလက္ခဏာဖြစ်ပွားတဲ့ ၅ နှစ်အောက်   ကလေးငယ် (၅၂၃)ဦးရှိ
  February 21, 2024

ထိုင်းနိုင်ငံနယ်စပ်မှာရှိတဲ့ ကရင်နီဒုက္ခသည်စခန်းအမှတ်(၁) မှာ အသက်ရှူလမ်းကြောင်းဆိုင်ရာ ရောဂါဖြစ်ပွားတဲ့ ၅ နှစ် အောက် ကလေးငယ် (၅၂၃)ဦး ရှိတယ်လို့ ကရင်နီကျန်းမာရေးဌာန (KnHD) ညွှန်ကြားရေးမှူး နော်ခူဖောက ပြောပါတယ်။ “အထူးသဖြင့်ဆိုရင် ဒီ (၅) နှစ်အောက် ကလေးတွေ ပိုပြီးတော့မှ ဒီအသက်ရှူလမ်းကြောင်းနဲ့ ဆိုင်တဲ့ ရောဂါတစ်ခု အဖြစ်များ တယ်ပေါ့နော်။ ၅ နှစ်အောက်ကလေးတွေ ဖြစ်တယ်။ ဒီတစ်လ အတွင်းမှာ ဆိုလို့ရှိရင် ဒီတစ်လ ၃ ပတ်ပေါ့နော် ဒီ ဖေဖော်ဝါရီလ ပထမကနေ တစ်ရက်နေ့ကနေစပြီး ခု ရက်ထိ ဆိုလို့ရှိရင် (၅၂၃) ဦးလောက် ဒီရောဂါတွေ ခံစားနေရတာပေါ့နော် ဖြစ်ပေါ်နေတာ ပေါ့။ “လို့ နော်ခူဖောက ပြောပါတယ်။ ဆေးခန်းမှာ အသက်ရှူလမ်းကြောင်းဆိုင်ရာ ရောဂါလာရောက်ပြသသူ နေ့စဉ် ၂၀ဦးနဲ့ အထက်ရှိနေပြီး ဖေဖော်ဝါရီလ တစ်လအတွင်း စာရင်းအရ အသက်ရှုလမ်းကြောင်းဆိုင်ရာ ရောဂါဖြစ်ပွားသူ ၅၀၀ ကျော်ရှိတဲ့ အထဲ ၅ နှစ်အောက် ကလေးငယ်က အများဆုံးဖြစ်တယ်လို့ ဆိုပါတယ်။

အသက်ရှူလမ်းကြောင်းဆိုင်ရာရောဂါ ဖြစ်ပွားတဲ့သူတွေဟာ ကိုယ်ပူ၊ ခေါင်းကိုက်၊ လည်ချောင်းနာ၊ ချောင်းဆိုး၊ နှာစေး စတဲ့ လက္ခဏာဖြစ်ပွားနေကြတယ်လို့ သိရပါတယ်။ လက်ရှိ ဒုက္ခသည်စခန်းတွင်းက ဆေးပေးခန်းမှာ မသက်သာတဲ့ လူနာတွေ ကို ထားရှိတယ်လို့ ဆိုပါတယ်။“သူ(ကလေး) အိပ်လို့ မရဘူး။ သူနှာခေါင်းတွေပိတ်နေတယ် ။အသက်မရှူတတ်ဘူး။ မိခင်နို့ လည်း မစုတ်တတ်ဘူး။ ချောင်းဆိုးတယ် နှာစေးတယ်။” လို့ ကလေးငယ်မိခင်တစ်ဦးက ပြောပါတယ်။ အသက်ရှူလမ်းကြောင်း ဆိုင်ရာ လက္ခဏာတွေဟာ ရာသီဥတုအကူးအပြောင်းမှာ လူကြီးအပါအဝင် ကလေးငယ်တွေက အဖြစ်များကြတယ်လို့ သိရပါ တယ်။ ကရင်နီဒုက္ခသည်စခန်း အမှတ် (၁) ဟာ ထိုင်းနိုင်ငံ၊ မယ်ဟောင်ဆောင်ခရိုင်မှာတည်ရှိပြီး လူဦးရေ ၁ သောင်းဝန်းကျင် ရှိပါတယ်။ https://www.kantarawaddytimes.org/%e1%80%80%e1%80%9 b%e1%80%84%e1%80%ba%e1%80%80
၁၇။ ကော့ကရိတ်တိုက်ပွဲတွင် စစ်ကောင်စီတပ်က အမျိုးသမီးစစ်သည်များ ပါဝင် တိုက်ခိုက်
  February 22, 2024

ကရင်ပြည်နယ်၊ ကော့ကရိတ်မြို့တွင်းကို  စစ်ကောင်စီတပ်ဘက်က အင်အားဖြည့်တင်းရာမှာ အမျိုးသမီးစစ်သည်တွေ လည်း ပါဝင်လာပြီး နေ့တိုင်းလိုလို တိုက်ပွဲတွေဖြစ်ပွားနေတယ်လို့ တော်လှန်ရေးအင်အားစုတာဝန်ရှိသူက ပြောပါတယ်။ ဖေဖော်ဝါရီ ၂၁ ရက် မနက်ပိုင်းက ကော့ကရိတ်မြို့တွင်းမှာ စစ်ကောင်စီတပ်ဘက်က အင်အား ဖြည့်တင်းနေတာကြောင့် KNLA ပူးပေါင်းတပ်တွေနဲ့ တိုက်ပွဲတွေနေ့တိုင်းလိုလိုဖြစ်ပွားနေပါတယ်။ စစ်ကောင်စီတပ်ဘက်ကအင်းအားဖြည့်တင်းရာမှာ အမျိုးသမီး စစ် သည်တွေ ပါဝင်လာပါတယ်။ ဒါအပြင် စစ်ကောင်စီတပ်တွေက KNLA ပူးပေါင်းတပ်တွေ လုံခြုံရေးရယူထားတဲ့ နေရာတွေကို ပြန်လည်ရယူဖို့ ကြိုးစားနေတာကြောင့် တိုက်ပွဲတွေဖြစ်ပွားနေတယ်လို့ တော်လှန်းရေးအင်အားစု တာဝန်ရှိသူက ပြောပါတယ်။

ဒါအပြင် အဲဒီနေ့ မွန်းလွဲ ၂ နာရီလောက်မှာ အမှတ် ၇  တံတားဦးရပ်ကွက်၊ ပန်းခြံနဲ့ကပ်လျက်ဈေးဆိုင်ခန်းနဲ့ နေအိမ်တွေကို  စစ်ကောင်စီရဲ့ ခလရ ၉၇ က မျက်ကွယ်အကြောင်းပြချက်နဲ့ အရပ်သားပြည်သူတွေရဲ့ ဈေးဆိုင်ခန်းတွေ နေအိမ်တွေကိုမီးရှို့ ဖျက်ဆီးခဲ့ပါတယ်။ မီးရှို့ဖျက်ဆီးခဲ့တာကြောင့် စစ်ရှောင်ပြည်သူတွေရဲ့ ဈေးဆိုင်ခန်းနဲ့ နေအိမ် ၁၀၀ နီးပါးမီးလောင် ပျက်ဆီးခဲ့ ပါတယ်။ ညနေ ၆ နာရီလောက်မှာ တောင်ပေါ်ကျောင်းအနောက်ဘက်မုခ်ဝ၊ အထက်တောင်သူစုရပ်ကို စစ်ကောင်စီက လက် နက်ကြီး ပစ်ခတ်ခဲ့တဲ့အပြင် ဒရုန်းနဲ့ မီးလောင်ဗုံးကြဲချတာကြောင့် စစ်ရှောင်ပြည်သူတွေရဲ့ နေအိမ်တချို့ မီးလောင်ပျက်စီးခဲ့ပါ တယ်။ နေအိမ်တွေ မီးလောင်ပျက်စီးတာ ဆိုးဆိုးဝါးဝါးကြုံတွေ့နေရပြီး တချို့အိုးအိမ်တွေ မရှိတော့ဘူးလို့ ဒေသပြည်သူတွေက ပြောပါတယ်။ ဒီဇင်ဘာ ၁ ရက်ကစတင်ပြီး ဒီကနေ့အထိ နှစ်ဖက်တိုက်ပွဲတွေနဲ့ စစ်ကောင်စီရဲ့ လက် နက်ကြီးနဲ့လေကြောင်းက နေ ဗုံးကြဲတိုက်ခိုက်တာကြောင့် ဒေသခံပြည်သူ အယောက်  ၂၀ နီးပါးထိမှန်သေဆုံးခဲ့ပြီး နေအိမ် ၃၀၀ ကျော် မီးလောင်ဆုံးရှုံး ခဲ့ရ တဲ့ အပြင်နေအိမ် ၅၀ ကျော်ထိမှန်ပျက်စီးခဲ့တယ်လို့ မြို့ခံပြည်သူတွေကပြောပါတယ်။ https://burmese.dvb.no/post/639891
၁၈။ စီခမ်းကြီးစစ်ရှောင်တွေအတွက် အရေးပေါ်ကူညီထောက်ပံ့မှုတွေ လိုအပ်နေ
   February 22, 2024

ကချင်ပြည်နယ် မံစီမြို့နယ် စီခမ်းကြီးစခန်းကြီးတိုက်ပွဲကြောင့် ဗန်းမော်မြို့ဘက်ကို ထွက်ပြေးတိမ်းရှောင်လာတဲ့ စစ်ရှောင်ပြည်သူတွေအတွက် ကူညီထောက်ပံ့မှုအရေးပေါ် လိုအပ်နေတယ်လို့ ဒေသခံတွေပြောပါတယ်။ ပြီးခဲ့တဲ့ ဖေဖော်ဝါရီလ ၁၆ ရက်နေ့ စီခမ်းကြီးစခန်းသိမ်းတိုက်ပွဲကြောင့် စီခမ်းကြီးကျေးရွာဒေသခံတွေအပါအဝင် အနီးဝန်းကျင်ကျေးရွာတွေက ဒေသခံ ပြည်သူတွေဟာ နေရပ်စွန့်ခွာထွက်ပြေးတိမ်းရှောင်လာကြတာ ဖြစ်ပါတယ်။ အဲဒီစစ်ရှောင်တွေဟာ လက်ရှိ ဗန်းမော်မြို့တွင်း တိမ်းရှောင်လာတဲ့ စစ်ဘေးရှောင်ဦးရေ အယောက် ၇၀၀ ဝန်းကျင် အခြေခံစားသောက်ကုန်အပါအဝင် အသုံးအဆောင် ပစ္စည်း တွေ လိုအပ်နေတာဖြစ်တယ်လို့ ဗန်းမော်မြို့ ဒေသခံတစ်ယောက်က ပြောပါတယ်။“ထွက်ပြေးလာတဲ့ တစ်ချို့ဆို ဖိနပ်တောင် မပါကြဘူး အဝတ်တစ်ထည်ကိုယ်တစ်ခုနဲ့ ထွက်ပြေးလာတဲ့သူတွေများတယ်၊ သူတို့တွေ ဆန်၊ဆီ၊ဆားကအစ အိုးတွေက အစပေါ့ ပြီးရင် ခင်းစရာဖျာလေးတွေ၊ စောင်လေးတွေလည်း လိုအပ်နေတာဖြစ်တယ်”လို့ပြောပါတယ်။

ဒါ့အပြင် စီခမ်းကြီးစစ်ရှောင်တွေဟာ အခင်းဖျားတွေအလုံအလောက်မရှိဘဲ တမံတလင်း၊ ကြမ်းခင်း ပေါ် အခင်းပါးပါးနဲ့ အိပ်နေရတာကြောင့် နားမကျန်းတဲ့ သက်ကြီးရွယ်အိုတွေနဲ့ ကျန်းမာရေးချို့တဲ့သူတွေအတွက် ကျန်းမာရေး ထိခိုက်လာနိုင်တဲ့ အပြင် ကျန်းမာရေးစောင့်ရှောက်မှုတွေလည်း လိုအပ်နေတယ်လို့ ဆိုပါတယ်။ အဲ့ဒီထွက်ပြေးတိမ်းရှောင်လာခဲ့သူတွေဟာ မံစီမြို့ နယ်၊ ခါချဉ်၊ မွန်စင့်၊ စီခမ်းကြီး၊ ပန်သိုင်း၊ စီကော်၊ မက်လင်၊ သံတံတား စတဲ့ ကျေးရွာတွေက ဖြစ်ပါတယ်။ လက်ရှိ စစ်ရှောင်တွေ ဟာ ဗန်းမော်မြို့ သိမ်တော်ကြီးဘုရားဘုန်းကြီးကျောင်းဝန်းမှာ ၃၄၁ ယောက်၊ သုခဝတီဘုန်းကြီးကျောင်းမှာ ၁၃၇ ယောက်ခန့် ရှိပြီးတော့ ပေါက်ကုန်းရပ်ကွက်၊ ရိုးကြီး၊ ဟန်းတဲ၊ ကန်တော်၊ စီဟဲ၊ ခွန်သာရပ်ကွက်၊ ကုက္ကိုတော စတဲ့ ရပ်ကွက်၊ တစ်ခြား ရပ်ကွက်တွေ မှာရှိတဲ့ ဆွေမျိုးအိမ်၊ အသိမိတ်ဆွေ အိမ်နဲ့ အိမ်ငှားပြီးတော့ ခိုလှုံနေကြတဲ့သူတွေ ရှိတယ်လို့ သိရပါတယ်။ https:// burmese.kachinnews.com/2024/02/21/bb1-75/
၁၉။ ပုဏ္ဏားကျွန်း မြို့မရဲစခန်းကို ရက္ခိုင့်တပ်တော်သိမ်းပိုက်
   February 23, 2024

ရခိုင်ပြည်နယ်မှာ စစ်ဆင်ရေးပစ်မှတ်တွေကို ဆက်တိုက် ထိုးစစ်ဆင်တိုက်ခိုက်နေတဲ့ ရက္ခိုင့်တပ်တော် (အေအေ) အနေ နဲ့ ပုဏ္ဏားကျွန်းမြို့မရဲစခန်းကို  ဖေဖော်ဝါရီ ၂၂ ရက်မှာ သိမ်းပိုက်ရရှိခဲ့ကြောင်း အေအေက ထုတ်ပြန်ပါတယ်။ တိုက်ခိုက်သိမ်း ပိုက်မှုမှာ စစ်ကောင်စီဘက်က ဘယ်နှယောက် ထိခိုက်သေဆုံး ဒဏ်ရာရတာရှိဆိုတာ မသိရသေးသလို ပုဏ္ဏားကျွန်းမြိုမရဲစခန်း သိမ်းပိုက်ခံရတာနဲ့ ပတ်သက်လို့  စစ်ကောင်စီဘက်က တစုံတရာ ထုတ်ပြန်တာမတွေ့ရသေးပါဘူး။  ပုဏ္ဏားကျွန်းမြို့အပြင်  ရသေ့တောင်၊ ဘူးသီးတောင်၊ မောင်တောမြို့တွေက လက်နက်ချအညံ့မခံတဲ့ စစ်ကောင်စီရဲ့ စစ်စခန်း၊ ဗျူဟာ၊ တပ်ရင်း၊ တပ်မ ဌာနချုပ်တွေကို ရက္ခိုင့်တပ်တော်က  အပြီးသတ်သိမ်းပိုက်ရယူဖို့  ထိုးစစ်တွေ ဆက်တိုက် ဆင်နွှဲနေတယ်လို့လည်း ဆိုပါတယ်။

စစ်တွေ၊ ပုဏ္ဏားကျွန်း၊ ရသေ့တောင်၊ ဘူးသီးတောင်မြို့တွေမှာရှိတဲ့ စစ်ကောင်စီတပ်စခန်းတွေကနေ လက်နက်ကြီးတွေနဲ့  မြို့၊ ရွာ၊ လူနေအိမ်တွေအတွင်းကို ရမ်းသန်း ပစ်ခတ်တိုက်ခိုက်ခဲ့တယ်လို့ အေအေ ထုတ်ပြန်ချက်မှာပါရှိပါတယ်။ ရမ်းဗြဲ မြို့ကို လည်း  ဖေဖော်ဝါရီ ၂၂ ရက် ညနေ ၅ နာရီလောက်မှာ စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့ပါတယ်။ https: //burmese.dvb.no/post/639941

၂၀။ တအာင်းတပ် ထိန်းချုပ်နယ်မြေမှာ တာဝန်ထမ်းဆောင်ဖို့ အသင့်ဖြစ်နေကြောင်း ကျန်းမာရေး CDM ဝန်ထမ်းတွေဆို
   February 22, 2024

တအာင်းတပ်မတော်- TNLA ထိန်းချုပ်ထားတဲ့နယ်မြေမှာ အာဏာဖီဆန်ရေးလှုပ်ရှားမှု- CDM မှာ ပါဝင်တဲ့ ကျန်းမာရေး ဝန်ထမ်းတွေ တာဝန်ထမ်းဆောင်ဖို့ အဆင်သင့်ဖြစ်နေပြီလို့ CDM မှာ ပါဝင်တဲ့ ကျန်းမာရေးဌာနမှ အမျိူးသားတစ်ဦးက ပြောပါ တယ်။ လက်ရှိမှာ TNLA က CDM ထဲ ပါဝင်တဲ့ ဝန်ထမ်းတွေကို ခေါ်ယူတွေ့ဆုံတာ ရှိနေပြီး ဘယ်အချိန်မှာ အလုပ်စခန့်မလဲ ဆိုတာကိုတော့ တိတိကျကျ ပြောဆိုထားတာ မရှိသေးဘူးလို့ နမ့်ဆန်မြို့နယ်က CDM ကျန်းမာရေးဝန်ထမ်း အမျိုးသားတစ်ဦးက ပြောပါတယ်။“TNLA က ရွာတစ်ရွာ တွေ့ဆုံပွဲမှာ CDM သမားတွေကို ခေါ်တွေ့ပြီး ကော်မတီတွေ ဖွဲ့တယ်၊ ပူးပေါင်းဆောင်ရွက် မှု၊ လုံခြုံရေးတွေကအစ လုပ်ဆောင်ပေးနေတာတော့ရှိတယ်။ ဘယ်အချိန်အလုပ်ခန့်မလဲတော့ မပြောသေးဘူး” TNLA ထိန်းချူပ် တဲ့နယ်မြေမှာ တာဝန်ထမ်းဆောင်ဖို့ အဆင်သင့်ဖြစ်နေပေမဲ့ CDM မှာ မပါဝင်တဲ့သူတွေကိုတော့ အရေးယူတာ လုပ်ဆောင် စေချင်တယ်လို့ နမ့်ဆန်မှ နောက်ထပ် ကျန်းမာရေးဆရာမတစ်ဦးက ပြောပါတယ်။

“Non CDM ဝန်ခံကတိထိုးပြီး လစာ ထုတ်စားနေတာ။ တစ်တွဲတွဲ ဖြစ်နေကြတာ။ လစာ ထုတ်ပြီးမှ ခပ်တည်တည်နဲ့ နမ့်ဆန်မြို့မှာ လက်ဖက် ပြန်လာလုပ်တဲ့သူနဲ့ တရုတ်ပြည် ဖက်သွားတဲ့လူ ရှိနေတယ်” CDM မှာ ပါဝင်သူတွေကို အလုပ်ပြန်ခန့် မခန့်ဆိုတာနဲ့ CDM မှာ မပါဝင်တဲ့သူတွေကို TNLA က အရေးယူမှုရှိမရှိဆိုတာနဲ့ ပတ်သက်ပြီး PSLF/TNLA ရဲ့ ပြောရေးဆိုခွင့်ရှိ သူရုံးကို စာပို့ဆက်သွယ်ထားပေမဲ့ ဆက်သွယ်လို့ မရသေးပါဘူး။ TNLA ရဲ့ ကျန်းမာရေးဆိုင်ရာ အရာရှိတစ်ဦးကတော့ နှစ်ချူပ် အစည်းအဝေးပြီးမှ အတည်ပြုနိုင်မယ်လို့ ပြောပါတယ်။ ၁ဝ၂၇ စစ်ဆင်‌ရေးအတွင်း TNLA သိမ်းပိုက်ထားတဲ့ နမ့်ခမ်းမြို့မှာတော့ TNLA ရဲ့ ကျန်းမာရေးဝန်ထမ်းနဲ့ ပြည်သူ့ဆေးရုံ ပြန်လည် လည်ပတ်နေပြီး ကွတ်ခိုင်၊ နမ္မတူ၊ နမ့်ဆန်၊ မိုင်းငေါ့၊ မိုင်းလုံနဲ့ မန်တုံမြို့မှာတော့ ဆေးရုံတွေ မလည်ပတ်နိုင်သေးပါဘူး။ https://www.facebook.com/photo/?fbid=724158269891440&s et=a.404503215190282

၂၁။ ဖားကန့်မြို့ပေါ်ရပ်ကွက်တွေမှာ စစ်ကောင်စီက လမ်းသွားလမ်းလာပြည်သူများအား စစ်ဆေးမှုပြုလုပ်
   February 22, 2024

ကချင်ပြည်နယ်၊ ဖားကန့်မြို့၊ မရှီကထောင်ရပ်ကွက်နဲ့ မော်ဝမ်းရပ်ကွက်မှာ စစ်ကောင်စီက လမ်းသွားလမ်းလာပြည်သူ တွေကို စစ်ဆေးရေးတွေ ပြုလုပ်ခဲ့တယ်လို့ သိရပါတယ်။ မရှီကထောင် ရပ်ကွက်က ရွှေမြန်မာဆီဆိုင်အရှေ့လမ်းမပေါ်နဲ့ မှော်ဝမ်းရပ်ကွက်က ပန်းတင်တံတားမှာ စစ်ကောင်စီကနေ လမ်းသွားလမ်းလာပြည်သူ တွေကို မှတ်ပုံတင်ကအစ စစ်ဆေးရေး တွေ ပြုလုပ်ခဲ့တာဖြစ်တယ်လို့ ဖားကန့်ဒေသခံ အမျိုးသားတစ်ဦးက ပြောပါတယ်။“ဒီနေ့မှ ပြန်စစ်နေကြတာ မစစ်တာကြာပြီ။ အကုန်စစ်တယ် ပန်းတင်တံတားမှာ စစ်တဲ့အချိန် လူလေးယောက် ဖမ်းခံရတယ်လို့ကြားတယ်။ အတိအကျတော့ မသိရသေး ဘူး”လို့ အထက်ပါ အမျိုးသားက ပြောပါတယ်။

ဖားကန့်မြို့ ဥရုကျောက်စိမ်းတောင်တံတားထိပ်မှာလည်း စစ်ကောင်စီအင်အား ၂၅ ဦး ခန့်နဲ့ စစ်ဆေးရေးဆောင်ရွက်ခဲ့ တယ်လို့ နောက်ထပ် ဖားကန့်ဒေသခံတစ်ဦးရဲ့ ပြောချက်အရသိရပါတယ်။ ပြီးခဲ့တဲ့ ဖေဖော်ဝါရီလ ၂၀ ရက်နေ့ကလည်း လုံးခင်း ကျေးရွာက အမျိုးသား ၄ ဦးကို အမည်မသိအဖွဲ့တစ်ဖွဲ့က ဖမ်းဆီးသွားတဲ့ ဖြစ်စဉ်လည်း ရှိခဲ့ပါတယ်။ တိုက်ပွဲတွေ မကြာခဏ ဖြစ် ပွားနေတဲ့ ဖားကန့်မြို့နယ်မှာ စစ်ကောင်စီက စုံစမ်းစစ်ဆေးရေးတွေ ပြုလုပ်နေရုံမက ဖမ်းဆီးမှုတွေလည်း ပြုလုပ်နေတာ ဖြစ်ပါ တယ်။ စစ်ကောင်စီကနေ အသက်ပြည့်ပြီး နိုင်ငံသားတိုင်း စစ်မှုမထမ်းမနေရဥပဒေကို အသက်သွင်းပြီးတဲ့နောက် နေရာ အနှံ့မှာ စစ်ဆေးဖမ်းဆီးမှုတွေ ပြုလုပ်နေတာကိုလည်း တွေ့ရပါတယ်။ https://www.facebook.com/photo?fbid=41478006456232 6&set=a.266001999440134
၂၂။  တာချီလိတ်ရှိ ကျားဖြန့်ရုံအချို့ကို စစ်​ကောင်စီ စီးနင်းမှု ဟန်ပြဟု မြို့ခံများပြော
   February 23, 2024

ရှမ်းပြည်နယ်ရဲတပ်ဖွဲ့မှူး ရဲမှူးချုပ်တင်ကိုကိုသည်တာချီလိတ်မြို့ရှိ ကျားဖြန့်လုပ်ငန်းများ၌ ပါဝင်ပတ်သက်နေကြောင်း သတင်းများထွက်ပေါခဲ့ပြီးနောက် ယနေ့ နံနက်အစောပိုင်းတွင်တာချီလိတ်မြို့ရှိ ကျားဖြန့်အွန်လိုင်းလောင်းကစားရုံအချို့ကို စစ်ကောင်စီနှင့်ရဲတပ်ဖွဲ့ဝင်များက ဝင်ရောက်စီးနင်းပြီး ဝန်ထမ်းများအားဖမ်းဆီးထားကြောင်းသတင်းရရှိသည်။ “ရဲမှူးချုပ် တင်ကိုကို ကြိုပြီးကာဗာယူတာထင်တယ်။ သူဒီအတိုင်းလွှတ်ထားတဲ့ ကျားဖြန့်တွေကို ဝင်ဖမ်းနေတယ်။ ထိုင်းနိုင်ငံသားတွေကို ထိုင်းဖက်ကိုတန်းလွှဲတယ်။ မြန်မာဝန်ထမ်းတွေကို ရုံထဲမှာ ထားတယ်။ အခုအဖမ်းခံရသူတွေက ညဆိုင်းသမားတွေ။ မနက်ဆိုင်း သမားတွေကို စောင့်ဖမ်းနေတယ်” ဟု ဒေသခံတစ်ဦးကပြောသည်။ တာချီလိတ်မြို့ ဆန်ဆိုင်း(က)ရပ်ကွက်မှ  1G1 ဟိုတယ် အနောက်ဘက်ရှိ ကျားဖြန့်အွန်လိုင်းလောင်းကစားရုံကို ​ဖေ​ဖော်ဝါရီ ၂၃ ရက် နံနက် အစောပိုင်း ၁နာရီခန့်တွင် စစ်​ကောင်စီ၏ စစ်တပ်နှင့်ရဲတပ်ဖွဲ့က ဝင်ရောက်စီးနင်းခြင်းခဲ့ခြင်းဖြစ်သည်။ ထိုကျားဖြန့်လောင်းကစားရုံသည် တာချီလိတ်နှင့် ထိုင်းနိုင်ငံကြားရှိ မယ်ဆိုင်ချောင်းဘေး၌ ကပ်လျက်တည်ရှိသည်။

ထိုကျားဖြန့်ရုံသည် နေ့ရောညပါ ဖွင့်သောကြောင့် မနက်ပိုင်းလာရောက်မည့် ဝန်ထမ်းများ အဖမ်းမခံရစေရေးအတွက် မြို့ခံများက အချင်းချင်းသတိပေးနေသည်။ တာချီလိတ်မြို့တွင် တရုတ်၊ ထိုင်းနှင့် မြန်မာနိုင်ငံသားအချို့ပိုင်သည့် ကျားဖြန့် လုပ် ငန်းလောင်းကစားရုံများ ရှိနေပြီး ယခုစီးနင်းခံရသည့်လောင်းကစားရုံသည် မြန်မာနိုင်ငံသားပိုင်ဖြစ်သည်။ လောင်းကစားရုံ များအတွင်း တရုတ်နှင့်ထိုင်းနိုင်ငံသားအချို့အပါအဝင် အာရှနိုင်ငံများမှ နိုင်ငံသားအချို့ လူကုန်ကူးခံထားရပြီး ၎င်းတို့အားကယ် ထုတ်ပေးရေး အကူးအညီတောင်းထားသည့်ဖြစ်စဉ်များရှိကြောင်း ဒေသာတွင်းသတင်းရင်းမြစ်များကပြောသည်။ ရှမ်းပြည်နယ် ရဲတပ်ဖွဲ့မှူး ရဲမှူးချုပ်တင်ကိုကိုသည်  စစ်တပ်မှအသွင်ပြောင်းဖြစ်ပြီး ရှမ်းပြည်နယ်အတွင်းရှိ ကျားဖြန့်လုပ်ငန်းများ၊ မူးယစ် ဆေးဝါး လုပ်ငန်းများ၌ ပါဝင်ပတ်သက်နေကြောင်း သတင်းများထွက်ပေါ်နေသည်။ https://www.facebook.com/photo?fb id=734244968774298&set=pcb.734245025440959
၂၃။ နယ်ကျော်သွားလာလိုသူများ အခကြေးငွေဖြင့် အုပ်ချုပ်ရေးမှူးထောက်ခံစာပြုလုပ်နေရ
   February 22, 2024

တနင်္သာရီတိုင်းဒေသကြီး၊ ရေဖြူမြို့နယ်၊ ကံပေါက်ကျေးရွာ ရှိဒေသခံများအနေဖြင့် နယ်ကျော် သွားလာလိုပါက အာဏာသိမ်း စစ်ကောင်စီလက်အောက် အုပ်ချုပ်ရေးမှူးထံတွင် အခကြေးငွေပေးဆောင်၍ ထောက်ခံစာပြုလုပ်နေကြရကြောင်း ကံပေါက်ဒေသခံထံမှ သိရသည်။ ပြီးခဲ့သည့် ဇန်နဝါရီလကုန်ပိုင်းလောက်မှ စတင်ကာ တနယ်မှ အခြားတနယ် ဒေသများသို့ သွားလာလိုပါက ဒေသခံများအနေဖြင့် အုပ်ချုပ်ရေးမှူးရုံးများတွင် ငွေကျပ်တစ်သောင်းဖြင့် ထောက်ခံစာများပြုလုပ်ရကြောင်း ကံပေါက် ဒေသခံတစ်ဦးက ယခုလိုပြောသည်။“အကယ်၍ ကံပေါက်ထဲက ထွက်မယ်ဆို လုပ်ရတယ်။ တစ်ခါလုပ်ရင် တစ်သောင်း။ အရင်ကတော့ ငါးထောင်ပဲ ပေးရတယ်။ အကယ်၍ ကိုယ်က မလုပ်ထားဘူးဆိုရင် ဒဏ်ကြေးပေးရတယ်။ စစ်တပ် က တောင်း သလောက်ပေါ့။ လူငယ်အများစု လုပ်ကြတာရှိတယ်။ ဘာလို့လဲဆိုတော့ ထောက်ခံစာမပါရင် တစ်ခါတည်းဖမ်းပြီး စစ်မှုထမ်းခိုင်းခံထိမှာကို မိဘတွေကစိတ်ပူကြတယ်လေ။” ဟု ပြောသည်။

ထို့အပြင် ကံပေါက်ဒေသအတွင်းသို့ ဆန်သယ်ယူမည်ဆိုပါကလည်း ရဲစခန်းထောက်ခံစာအပြင် ဧည့်စာရင်း မဖြစ်မနေ တိုင်ခြင်း နှင့် ရပ်ကွက်ထောက်ခံစာများ လုပ်ဆောင်ပြီးမှ သယ်ဆောင်ခွင့်ရကြောင်း ဒေသခံများက ပြောသည်။“ဒီနယ်မှာက ပြည်သူတွေကို ဘာမှလုပ်လို့မရအောင် အခွင့်အလမ်းတွေ အကုန်ပိတ်ထားခံရတယ်။ ထောင်ဝင်စာတွေလည်း ထောက်ခံစာ၊ ဆိုင်ကယ်စီးခွင့်လည်း ပိတ်ထားတယ်။ ပြီးတော့ ဘာစ္စည်း သယ်သယ် ထောက်ခံစာ လုပ်ရတယ်။ ထောက်ခံစာကလည်း တစ်ခါ လုပ်ရင် တစ်ခါဈေး တက်လာတယ်။” ဟု ထားဝယ်မြို့နယ်ရှိ ဒေသခံအမျိုးသမီးတစ်ဦးက ပြောသည်။ အဆိုပါ ဆန်သယ်ယူခွင့် ဖြစ်စဉ်နှင့် ဆက်စပ်ပြီး ကံပေါက်ဒေသအပါအဝင် အရှေ့တောနယ်ဒေသရှိ ကျေး ရွာများ၊ ပုလောမြို့နယ်၊ ပလောက်မြို့နယ်နှင့် ပလမြို့နယ်ရှိကျေးရွာများတွင် ဆန်သယ်ဆောင်ခွင့်ကို ထောက်ခံစာများဖြင့် လုပ်ဆောင်နေရပြီး အရေအတွက်အကန့်အသတ် ဖြင့်သာ သယ်ဆောင်နေရကြောင်း ဒေသခံများက ပြောသည်။ https://kicnews.org/2024/02/%e1%80%94%e1%80%9a% e1%80%ba%e1%80%80%e1%80%bb%e1%8

၂၄။ ဆီဆိုင်မြို့နယ်၊ ဆောင်းငဲင်းကျေးရွာရှိ စစ်ရှောင် ကလေးငယ် ၁၀၀ ကျော်ကို ဟိုနမ့်သို့ ပြောင်းရွှေ့
   February 22, 2024

ရှမ်းပြည်နယ်၊ တောင်ကြီးခရိုင်၊  ဆီဆိုင်မြို့နယ်၊ လွယ်ပွတ်ကျေးရွာအုပ်စု၊ ဆောင်းငဲင်းကျေးရွာအနီးမှာ တိုက်ပွဲဖြစ်ပွား နေပြီး လေကြောင်းအန္တရာယ် စိုးရိမ်ရတဲ့အတွက် ရွာထဲက အသက် ၁၈ နှစ်အောက် ကလေးငယ် ၁၀၀ ကျော်ကို မောက်မယ်မြို့နယ် ဟိုနမ့်စံပြကျေးရွာဆီ ပြောင်းရွှေ့ထားပါတယ်။ ဆောင်းငဲင်းကျေးရွာအနီး လွယ်ပွတ်ကျေးရွာနဲ့ တောင်ဘက်တကြော ရှိ ကျေးရွာ ၅ ရွာမှာ တိုက်ပွဲဖြစ်နေပြီး ဆောင်းငဲင်းကျေးရွာထဲကို လက်နက်ကြီး၊ လက်နက်ငယ်တွေနဲ့ ပစ်ခတ်လာတာရှိခဲ့တယ်လို့ ရွာသားတယောက်က ပြောပါတယ်။

ဆောင်းငဲင်းကျေးရွာ ရွာခံအမျိုးသားတဦးက “လေယာဉ်တွေနဲ့ ဆီဆိုင်ဘက်ကို ဆင်းဆင်းသွားတာလေ။ ဗုံးကြဲတာ လွယ်ပွတ်မှာဆို အိမ်တွေပြို လူတွေထိကုန်တာနဲ့ ရွာထဲက တချို့လည်း ပြေးတယ်။ ကလေးတွေက အရမ်းများတော့ ကျေးရွာ ကော်မတီတဦးနဲ့ ဟိုနမ့်မှာ ခဏသွားရှောင်ခိုင်းထားတယ်၊ စာမေးပွဲလည်း မဖြေရဘူး” လို့ ပြောပါတယ်။ ကလေး ၁၀၀ ကျော် အတွက် ရပ်ရွာရန်ပုံငွေတချို့ကို သုံးစွဲထားပြီး နေထိုင်ဖို့ကိုတော့ ဟိုနမ့် ဘုန်းကြီးကျောင်းကို အကူအညီတောင်းထားတယ်လို့ သိရပါတယ်။ လသားအရွယ်နဲ့ ကိုယ်ဝန်ဆောင် မိခင်တွေကတော့ တောင်ကြီးမြို့နယ်အတွင်းက ဘုန်းကြီးကျောင်းတွေမှာ သွား ရောက်စစ်ရှောင်နေကြပါတယ်။ https://burmese.dvb.no/post/639928
၂၅။ စစ်​ကောင်စီက ကိုးကန့်ပြည်သူ့စစ်​ခေါင်း​ဆောင်များကို တရုတ်ထံလွှဲ​ပြောင်း​ပေးခဲ့​ခြင်းမှာ မလုပ်သင့်​သောလုပ်ရပ်ဟု ဗိုလ်မှူးကြီး​စောချစ်သူ ​ပြောကြား
  February 23, 2024

စစ်အုပ်စု၏ ကာလရှည် မဟာမိတ်ကိုးကန့်ဒေသခေါင်းဆောင်းဟောင်းအပါအဝင် ၁၀ ဦးကို တရုတ်နိုင်ငံထံ စစ်ကောင်စီ က လွှဲပြောင်းပေးခဲ့ခြင်းအပေါ် ကရင်နယ်ခြားစောင့်တပ် BGF ခေါင်းဆောင် ဗိုလ်မှူးကြီးစောချစ်သူက ၎င်းတို့သည် မြန်မာနိုင်ငံ သားမှန်ကန်ပါက မလွှဲပြောင်းပေးသင့်ကြောင်း ဝေဖန်ထောက်ပြသည်။ ကိုးကန့်ကိုယ်ပိုင်အုပ်ချုပ်ခွင့်ရဒေသ ဥက္ကဋ္ဌဟောင်း လည်းဖြစ်၊ ပြည်ခိုင်ဖြိုးအမတ်​ဟောင်းဖြစ်​၊ ကိုးကန့်ပြည်သူ့စစ်​ခေါင်း​ဆောင်ဖြစ်သော ဦးပယ်ဆောက်ချိန်၊ ၎င်း၏သား ကိုးကန့် ပြည်သူ့စစ်​ခေါင်း​ဆောင် အပါအဝင် ၁၀ ဦးကို အာဏာသိမ်းစစ်ကောင်စီက ပြီးခဲ့သည့်ဇန်နဝါရီ လကုန်ပိုင်းတွင် တရုတ်နိုင်ငံထံ လွှဲပြောင်းအပ်နှံခဲ့ခြင်းအပေါ် ကရင် BGF ခေါင်းဆောင် ဗိုလ်မှူးကြီးစောချစ်သူ၏ အမြင်သဘောထားကို မေးမြန်းခဲ့ရာ “ကျွန်တော်ကတော့ ထူးထူးထွေထွေဘာမှမမြင်ပါဘူး။ ကျွန်တော်တို့ပြောချင်တာက ကိုယ့်ရဲ့နိုင်ငံမှာလည်း တရားဥပဒေရှိပါ တယ်။ ကိုယ့်နိုင်ငံသားမှန်ကန်ရင်ဒါကို မလုပ်သင့်ပါဘူး။ လုပ်စရာ မလိုလောက်ပါဘူး” ဟု ပြောသည်။

တရုတ်နိုင်ငံက အွန်လိုင်းလိမ်လည်မှုလုပ်ငန်း (ကျားဖြန့်)နှင့်ပတ်သက်၍ နိုင်ငံဖြတ်ကျော််ဖမ်းဆီးမှုများ၊ နှိမ်နင််းမှုများ လုပ်ဆောင်နေရာ အာဏာသိမ်းစစ်ကောင်စီကလည်း တရုတ်အလိုရှိနေသော မြန်မာနိုင်ငံသားများကို တရုတ်ထံ လွှဲပြောင်းပေး အပ်မှုရှိခဲ့သည်။ ထိုအခြေအနေတွင် ကျားဖြန့်လုပ်ငန်းများနှင့် ပတ်သက်မှုရှိသည်ဟု စွပ်စွဲခံထားရသော BGF ခေါင်း ဆောင် ဗိုလ်မှူးကြီးစောချစ်သူက ကျားဖြန့်နှင့်ပတ်သက်၍ စိုးရိမ်မှုမရှိကြောင်းတုန့်ပြန်သည်။ BGF အနေဖြင့်ယင်းလိမ်လည်မှုလုပ်ငန်း များကို လုပ်ကိုင်ခြင်းမရှိသကဲ့သို့ တရုတ်နိုင်ငံသား ၃၀၀၀ နီးပါးကိုလည်း တရုတ်နိုင်ငံသို့ ပြန်လည်လွှဲပြောင်းပေးခဲ့ကြောင်း ဗိုလ်မှူးကြီးစောချစ်သူက ဆိုသည်။ ကရင်နယ်ခြားစောင့်တပ် BGF သည် အာဏာသိမ်းစစ်တပ်လက်အောက်ခံအဖြစ် ၂၀၂၃ နှစ်ကုန်ပိုင်းအထိ အကြမ်းဖက်စစ်တပ်ထံမှ ရိက္ခာနှင့် လစာယူခဲ့ပြီး လက်ရှိတွင်စစ်တပ်ထံမှ ရိက္ခာနှင့် လစာမယူတော့ဘဲ BGF ကို ပြောင်းလဲကာ သီးခြားရပ်တည်တော့မည်ဟု ယခုနှစ်ဆန်းတွင် ကြေညာသည်။ BGF သည် ကရင့်တပ်အချင်းချင်း တိုက်ခိုက် လိုခြင်းမရှိတော့ကြောင်းနှင့် စစ်တပ်ထံမှ ရိက္ခာ၊လစာမယူတော့ကြောင်း အချက်၂ ချက်ကို တောင်းဆိုခဲ့ပြီး ယင်းတောင်းဆိုချက် များနှင့်ပတ်သက်၍ စစ်တပ်က ဖေဖော်ဝါရီ ၂၁ ရက်အထိ တုန့်ပြန်အကြောင်းကြားခြင်းမရှိသေးကြောင်း သိရသည်။ https://ww w.facebook.com/photo/?fbid=734270812105047&set =pcb.734270925438369
၂၆။ ကျောက်ဖြူပင်လယ်ပြင်တွင် ငါးဖမ်းခွင့် ကန့်သတ်အမိန့် စစ်ကောင်စီက နှစ်လ ထပ်တိုးထုတ်ပြန်
   February 22, 2024

ရခိုင်ပြည် ကျောက်ဖြူပင်လယ်ပြင် အပါအဝင် မြို့၊ မြို့နယ်နှင့် ထိစပ်နေသော ပင်လယ်၊ မြစ်ကမ်းတစ်လျှောက်တွင် ငါးဖမ်းခွင့်မပြုသည့် ကန့်သတ်အမိန့်ကို စစ်ကောင်စီက နှစ်လ ထပ်တိုးထုတ်ပြန်သည်။ ကျောက်ဖြူမြို့နယ် အထွေထွေအုပ်ချုပ် ရေးဦးစီးဌာနမှ ဒေသန္တရအမိန့်ဖြင့် ဖေဖော်ဝါရီလ ၁၉ ရက်နေ့ကထုတ်ပြန်ခဲ့ခြင်းဖြစ်ပြီး လာမည့်ဧပြီလ ၁၉ ရက်နေ့အထိ အတည် ဖြစ်သည်ဟု ထုတ်ပြန်ထားသည်။ ကျောက်ဖြူမြို့နယ်အတွင်း လတ်တလောအခြေအနေအရ ဒေသလုံခြုံရေးနှင့် တရားဥပဒေ စိုးမိုးရေး၊ နယ်မြေအေးချမ်းသာယာရေးအတွက်ဟုဆိုကာ ကျောက်ဖြူ စစ်ကောင်စီ အုပ်ချုပ်ရေးအဖွဲ့မှ ထုတ်ပြန်ထားခြင်းဖြစ် သည်။ ကမ်းခြေဒေသများ၊ ရေနယ်နမိတ်များတွင် မည်သူမဆို အမိန့်တစ်စုံတစ်ရာမရှိဘဲ ၂၄ နာရီပတ်လုံး ဖော်ပြအချက်များကို ဆောင်ရွက်ခြင်းမရှိဘဲ တားမြစ်သည်ဟု ဆိုသည်။

“လက်လှေ၊ ဟွန်ဒါစက်လှေများ သွားလာခြင်း၊ ငါးဖမ်းဆီးခြင်းမပြုလုပ်ရ။ ကမ်းဝေးငါးဖမ်းလှေများ ဖြတ်သန်းသွားလာ ခြင်း၊ ကမ်းကပ်ခြင်းမပြုလုပ်ရ။ မြစ်ကမ်းတစ်လျှောက်နှင့် ဆိပ်ကမ်းနေရာများတွင် ဝိုင်းဖွဲ့ပြီး အရက်သေစာသောက်စားခြင်း၊ ဝိုင်းဖွဲ့သီးချင်းဆိုခြင်း၊ ခိုက်ရန်ဖြစ်ပွားခြင်းမပြုလုပ်ရ”ဟု ကျောက်ဖြူစစ်ကောင်စီအုပ်ချုပ်ရေးအဖွဲ့က တားမြစ်ထားသည်။  အဆိုပါတားမြစ်မိန့်သည် ကျောက်ဖြူမြို့ဧရိယာများ၊ မြို့နယ်အတွင်းရှိ ကမ်းခြေဒေသများနှင့် သံဇစ်မြစ်အတွင်းရှိကမ်းခြေဒေသ များ၊ ရေဒေသများ၊ ရေနယ်နမိတ်များအထိ ပါဝင်ကြောင်းဆိုသည်။ တားမြစ်မိန့်အား ဖောက်ဖျက်ကျူးလွန်တွေ့ရှိရပါက တည်ဆဲ ဥပဒေများအရ အရေးယူခံရမည်ဟု စစ်ကောင်စီက ခြိမ်းခြောက်ပြောဆိုထားသည်။  ကျောက်ဖြူဒေသခံတစ်ဦးက ” စစ်ကောင်စီ ကထုတ်တဲ့ အမိန့်တွေ၊ ညွှန်ကြားစာတွေကို ကျနော်တို့ဒေသခံတွေက လိုက်နာမဟုတ်ပါဘူး။ ကျနော်တို့ အလုပ်တွေ ကိုတော့ ကျနော်တို့ ကိုယ့်နည်းကိုယ့်ဟန်နဲ့ လုပ်နေမှာပဲ” ဟု ပြောသည်။  https://www.facebook.com/photo?fbid=8427950445265 90&set=a.682731967199566
၂၇။ စစ်မှုထမ်းဥပဒေနှင့်စစ်ဆေးဖမ်းဆီးမှုတွေကြောင့် ပြည်ပမှာ အလုပ်သွားလုပ်ဖို့ ပြင်ဆင်ထားတဲ့ ကရင်နီဒေသခံတွေ နေရပ်လှည့်ပြန်ရ
  February 23, 2024

စစ်ကောင်စီက စစ်မှုထမ်းဥပဒေ ကြေညာပြီးတဲ့နောက်ပိုင်းမှာ ပေါ်တာဆွဲတာတွေ၊ သန်းခေါင်စာရင်းကောက်တာတွေ၊ အစစ်အဆေး ပိုမိုတင်းကျပ်လာတာတွေကြောင့် မြို့ပြကိုရောက်ရှိနေတဲ့ ကရင်နီပြည်က လူငယ်တွေဟာ နေရပ်ကိုလှည့်ပြန်လာ ကြရတယ်လို့ သိရပါတယ်။“စင်္ကာပူ သွားဖို့ပြင်ဆင်နေတာပေါ့။ ဒါမဲ့ အခု ရန်ကုန်မှာလဲ အခြေနေက မကောင်းတော့ ဒီဘက်ကို ပြန်လာလိုက်ရတယ်ပေါ့ မိဘတွေကလဲ စိတ်ပူလို့ ပြန်ခေါ်တာကြောင့်လဲပါတယ်။”လို့ ပြည်ပနိုင်ငံသွားဖို့ ပြင်ဆင်နေတဲ့ ကရင်နီလူငယ်တစ်ဦးက ဆိုပါတယ်။ အဆိုပါ နေရပ်လှည့်ပြန်ခဲ့ရတဲ့ လူငယ်တွေဟာ ပြည်ပကိုသွားဖို့ ၁ လဝန်းကျင် ပြင်ဆင်ခဲ့ရပြီး လမ်းစရိတ်နဲ့ သင်တန်းကြေးကို အနည်းဆုံး ၁၀ သိန်းကျပ် ကုန်ကျခဲ့တယ်လို့ သိရပါတယ်။ စင်္ကာပူနိုင်ငံကို အလုပ်လုပ်ဖို့ စီစဉ် ထားတဲ့ ကရင်နီလူငယ်တစ်ဦးကလည်း စစ်မှုထမ်းအမိန့်တွေ ၊ စစ်ဆေးဖမ်းဆီးမှုတွေ များပြားလာတာကြောင့်လည်း မသွားဖြစ် တော့ဘဲ စီစဉ်ထားတာတွေကို ဖျက်သိမ်းခဲ့ရတယ်လို့ ပြောပါတယ်။

“အစက ရန်ကုန်သွားမယ်လုပ်တော့ ကားလက်မှတ်တွေဖြတ်ပြီးပြီ။ စစ်ကောင်စီက စစ်မှုမထမ်းမနေရဆိုတဲ့ အမိန့်စာ ထုတ်လိုက်တော့ မသွားဖြစ်တော့ဘူး။ ဘာလို့လဲဆိုတော့ ခနနေ ရန်ကုန်ဆင်းပြီးမှ ဆွဲသွားခံရမှာကြောက်တယ် အဲ့ကြောင့် မသွားဖြစ်တော့တာ။” လို့ သူက ဆိုပါတယ်။ လက်ရှိမှာလည်း တခြားမြို့နယ်တွေမှာ ရောက်ရှိနေတဲ့ ၂/ နိုင်ငံသား စီစစ်ရေးကဒ် ကိုင်ဆောင်ထားတဲ့ ကရင်နီဒေသခံတွေဟာ သန်းခေါင်စာရင်းကောက်ချိန်နဲ့ ခရီးသွားလာချိန်တွေမှာ ပိုမိုစစ်ဆေးခံနေရတယ်လို့ သိရပါတယ်။ လတ်တလောမှာ ရှမ်းပြည်နယ်အတွင်းက စစ်ကောင်စီစစ်ဆေးရေးဂိတ်တွေမှာ စစ်ဆေးမှုပိုမိုတင်းကြပ်နေသလို တချို့ဂိတ်တွေမှာလည်း ဖြတ်သန်းသွားလာခွင့် ပိတ်ထားတဲ့အတွက် နေရပ်ပြန်လိုတဲ့ ကရင်နီဒေသခံတွေဟာ အခက်အခဲရှိနေ ကြတယ်လို့ သိရပါတယ်။ https://www.kantarawaddytimes.org/%e1%80%85%e1%8 0%85%e1%80%ba%e1%80% 99%e1%80%be%e1%80
၂၈။ နမ့်ဖတ်ကာ တိုက်ပွဲအတွင်း ပျက်စီးသွားတဲ့ နေအိမ်တွေ ပြန်လည်ထူထောင်ရေးအတွက် အကူအညီ လိုအပ်နေ
  February 22, 2024

ရှမ်းမြောက် ကွတ်ခိုင်မြို့နယ် နမ့်ဖတ်ကာရွာမှာ စစ်ကောင်စီတပ်နဲ့ ကချင်တပ်မတော်- KIA တို့အကြား တိုက်ပွဲကြောင့် ပျက်စီးသွားတဲ့ နေအိမ်တွေ ပြန်လည်ထူထောင်ရေးအတွက် အကူအညီ လိုအပ်နေတယ်လို့ သိရပါတယ်။ လက်ရှိမှာ ဒေသခံအများစုဟာ နေရပ်ပြန်လာကြပြီး နေအိမ် ပျက်စီးသွားတဲ့ ဒေသခံတွေကတော့ နီးစပ်ရာ ဆွေမျိုးတွေရဲ့အိမ်မှာ နေထိုင်ကြရပြီး တော့ တိုက်ပွဲအတွင်း ပျက်စီးသွားတဲ့ နေအိမ်တွေကို လက်ရှိအချိန်ထိ ပြန်မပြင်နိုင်သေးဘူးလို့ နမ့်ဖတ်ကာဒေသခံ အမျိုးသား တစ်ဦးက ပြောပါတယ်။ “တော်တော်များများတော့ ပြန်လာကြပြီ။ နေစရာအိမ် မရှိတဲ့သူတွေတော့ အမျိုးတွေရဲ့အိမ်မှာ နေကြ တယ်ပေါ့။ အိမ်သန့်ရှင်းရေးတွေတော့ လုပ်နေကြပြီ။ ပြန်မပြင်နိုင်သေးဘူးပေါ့။ အကူအညီတော့ အများကြီး လိုတယ်။ ရွာအဝင် အထွက်တွေတော့ ပုံမှန်ပြန်ဖြစ်ပါပြီ” လက်ရှိမှာ ဒေသခံတွေကို အရပ်ဖက် အဖွဲ့အစည်းတချို့က လာရောက် ကူညီပေးတာ ရှိပေမဲ့ KIA တပ်ဖွဲ့ကတော့ ပျက်စီးသွားတဲ့ နေအိမ်တွေကို ပြန်လည်ထူထောင်ဖို့ ကူညီပေးမပေးဆိုတာကိုတော့ ပြောဆိုထားတာ မရှိသေးဘူးလို့ ၎င်းက ဆက်ပြောပါတယ်။

တိုက်ပွဲအတွင်း မီးလောင်ပျက်စီးတဲ့ နေအိမ် ၁၉ လုံးအထိရှိပြီး ဗုံးစ ထိမှန်ပျက်စီးခဲ့တဲ့ နေအိမ်တွေကတော့ ၄၀၀ ဝန်း ကျင်ရှိနိုင်တယ်လို့ ပျက်စီးမှုတွေကို စာရင်းကောက်ယူနေတဲ့အဖွဲ့တွေကပြောပါတယ်။ နမ့်ဖတ်ကာစခန်းသိမ်းတိုက်ပွဲအတွင်း အရပ်သား ၂၉ ဦးထက်မနည်း သေဆုံးခဲ့ပါတယ်။ https://www.facebook.com/photo/?fbid=7237720 59930061&set=pcb. 723772586596675
၂၉။ ရွှေကျင်တွင် လေကြောင်းတိုက်ခိုက်မှုကြောင့် ဘုရားကျောင်းနှင့် နေအိမ် ၄ လုံးပျက်စီး
   February 23, 2024

ပဲခူးတိုင်း၊ ရွှေကျင်မြို့နယ်တွင် ဖေဖော်ဝါရီ ၂၁ ရက် နေ့လယ်ပိုင်း၌ စစ်ကောင်စီတပ်၏ လေကြောင်းတိုက်ခိုက်မှုကြောင့် ဘုရားရှိခိုးကျောင်း ၁ ကျောင်းနှင့် နေအိမ် ၄ လုံး ပျက်စီးသွားကြောင်း ကရင်အမျိုးသားအစည်းအရုံး (KNU) ဗဟိုက သတင်း ထုတ် ပြန်သည်။ ဖေဖော်ဝါရီ ၂၁ ရက်၊ နံနက် ၁၀ နာရီ ၄၀ မိနစ်တွင် စစ်ကောင်စီ တိုက်လေယာဉ် ၂ စီးသည် KNU အုပ်ချုပ်နယ် မြေအတွင်းရှိ ထီးဝါးထာရွာကို ဗုံး ၈ လုံး ကြဲချခဲ့ကြောင်း၊ ဗုံးပေါက်ကွဲမှုကြောင့် အဆိုပါရွာရှိ ဘုရားကျောင်း ၁ ကျောင်းနှင့် နေအိမ် ၄ လုံး ပျက်စီးသွားခဲ့ကြောင်း ထုတ်ပြန်ချက်၌ ဖော်ပြထားသည်။

ဖေဖော်ဝါရီ ၁၉ ရက်ကလည်း ကျောက်တံခါးမြို့အခြေစိုက် စစ်ကောင်စီ၏ ခြေမြန်တပ်ရင်း ခမရ-၃၀၇ က လက်နက် ကြီးဖြင့် ၃ ကြိမ် ပစ်ခတ်ခဲ့ရာ လက်တက်ကြီးကျေးရွာအတွင်း ၂ လုံးပေါက်ကွဲပြီး ရွာဘေးတွင် ၁ လုံး ကျရောက်ပေါက်ကွဲခဲ့ ကြောင်း ထုတ်ပြန်ချက်အရ သိရသည်။ လက်နက်ကြီးပေါက်ကွဲမှုကြောင့် ယင်းကျေးရွာမှ အသက် ၄၈ နှစ်အရွယ် ဦးစိန်လှ သေ ဆုံးခဲ့ရပြီး အသက် ၆၀ အရွယ် ဦးသိန်းလွင်၊ ၄၈ နှစ်အရွယ် မသန်းရွှေနှင့် ၅ နှစ်အရွယ် မောင်အာကာတို့ လက်နက်ကြီးစ ထိမှန် ဒဏ်ရာရထားကြောင်း KNU ဘက်က ဆိုထားသည်။ https://www.facebook.com/photo/?fbid=802799745226548&set= pcb.802800545226468
၃၀။ မိုင်းဆတ်နဲ့ သံလွင်မြစ်အတွင်း တရားမဝင်ရွှေတူးဖော်မှုများကြောင့် သဘာဝပတ်ဝန်းကျင် ထိခိုက်ပျက်စီးနေ
   February 23, 2024

ရှမ်းပြည်အရှေ့ပိုင်း၊ မိုင်းဆတ်မြို့နယ်နဲ့ သံလွင်မြစ်ကြောင်းအတွင်း တရားမဝင် ရွှေတူးဖော်မှုတွေကြောင့် သဘာဝပတ် ဝန်းကျင်ထိခိုက် များပြားလာသလို လူနဲ့တိရိစ္ဆာန်များကို ထိခိုက်မှုတွေ ဖြစ်လာနေတယ်လို့ ဒေသသတင်းအရင်းအမြစ်တွေထံက သိရပါတယ်။ မိုင်းဆတ်မြို့နယ်ထဲက လွယ်စတုံးကျေးရွာအုပ်စုအတွင်းက ယောင်ခ၊ မိုင်းကန်း၊ မယ်ကုတ်၊ မယ်ကြုတ် စတဲ့ ကျေးရွာတွေအနီးမှာ တရားမဝင် ရွှေလုပ်ကွက်အများအပြားလာလုပ်နေလို့ ချောင်းရေထဲကို ဓာတုဆေးဝါးတွေ စွန့်ပစ်တာတွေ ကြောင့်အပြင် ရွှေချက်ကန်မှာ ဆိုင်ယာနိုက်အသုံး ပြုတာတွေကြောင့် မြေယာအဆိပ်သင့်မှုတွေ၊ ရွှေနဲ့သတ္တုတူးဖော်တဲ့ စွန့်ပစ် မြေစာတွေ က တောနဲ့တောင်တွေကို ပျက်စီးပျောက်ကွယ်သွားစေပြီး ယင်းလို ပျက်စီစေတဲ့ လုပ်ကွက်တွေဟာ ၂၀၂၃ ခုနှစ်က စလုပ်တဲ့ လုပ်ကွက်ပေါင်း ၅ ခုအထိ ရှိနေတယ်လို့ သိရပါတယ်။ မိုင်းဆတ်နဲ့မိုင်းတုံနယ်မြေတွေထဲပါဝင်တဲ့ သံလွင်မြစ်ထဲမှာ လည်း မြစ်အောက်ခြေကရွှေကို စုတ်စက်တွေနဲ့သန့်စင်တဲ့လုပ်ငန်းတွေကလည်း မြစ်ကြောင်းအတွင်း စုပုံလာတဲ့မြေတွေကြောင့် ရေကြောင်းပြောင်းလဲမှုနဲ့ မြစ်ရေနောက်ကျိမှုတွေ ဖြစ်ပေါ်လျက်ရှိတယ်လို့ သိရပါတယ်။

သံလွင်မြစ်ထဲမှာ တရုတ်က အကောင်အထည်ဖော်နေတဲ့ တာဆန်းရေကာတာအနီး နမ့်စင်ချောင်းအဝင်နေရာနဲ့ တာဆန်းတံတားအောက်ဖက် သဘာဝတံတား ဘက်တွေမှာ ရွှေတူးဖောင်တွေ လုပ်ငန်းလုပ်နေတယ်လို့ သိရပါတယ်။ ဒီလုပ်ငန်း ကို လာရောက်လုပ်ကိုင်သူတွေဟာ တရုတ်လူမျိုးတွေ အများစုဖြစ်ပြီး စစ်ကောင်စီတပ်ဌာနချုပ်တွေ၊ နယ်မြေခံအုပ်ချုပ်ရေး အဖွဲ့တွေနဲ့ ပြည်သူ့စစ်တွေ အပြင် အဲဒီနယ်မြေတွေကို ထိန်းချုပ်ထားတဲ့ လက်နက်ကိုင်အဖွဲ့အစည်းတွေပါ ပါဝင်နေတယ်လို့ သိရပါတယ်။ တရားဝင်လုပ်ငန်းခွင့်ပြုမိန့်ရဖို့က စစ်ကောင်စီရဲ့ သတ္တုတွင်းဌာနက ချပေးရမှာဖြစ်ပေမယ့် ခုက စစ်ဌာနချုပ်၊ နယ်မြေခံစစ်တပ်တွေနဲ့ ပြည်သူ့စစ်တွေ၊ လက်နက်ကိုင်တွေဆီက ခွင့်ပြုချက်ရယူ လုပ်ကိုင်နေကြတာဖြစ်တယ်လို့ သိရှိရပါ တယ်။ https://www.facebook.com/photo/?fbid=424803673239416&set=pcb.4248040265 72714
၃၁။ စစ်မှုထမ်းဥပဒေပြဋ္ဌာန်းချက် APHR ပြင်းပြင်းထန်ထန်ရှုတ်ချ
    February 22, 2024

စစ်ကောင်စီရဲ့ ပြည်သူ့စစ်မှုထမ်းဥပဒေ ပြဋ္ဌာန်းချက်ကို ပြင်းပြင်းထန်ထန်ရှုတ်ချကြောင်း လူ့အခွင့်အရေးဆိုင်ရာ အာဆီယံပါလီမန်အမတ်များအဖွဲ့ (APHR) က ဖေဖော်ဝါရီ ၂၂ ရက်နေ့မှာ ထုတ်ပြန်ပါတယ်။ ပြည်သူတွေကို စစ်ကောင်စီက အကြောက်တရားနဲ့ အုပ်ချုပ်ဖို့ ရှက်စရာကောင်းတဲ့ ကြိုးပမ်းချက်လို့လည်း APHR ဘုတ်အဖွဲ့ဝင် ထိုင်းနိုင်ငံခြားရေးဝန်ကြီး ဟောင်း Kasit Piromya က ထုတ်ပြန်ချက်မှာ ထည့်သွင်းပြောထားပါတယ်။ “စစ်မှုထမ်းဥပဒေဟာ မြန်မာနိုင်ငံက လူငယ်တွေ အပေါ် သက်ရောက်မှုရှိမှာကို ကျွန်တော်တို့အရမ်းစိုးရိမ်ပါတယ်။ ဒါဟာ အကြောက်တရားနဲ့ ဖိနှိပ်မှုတွေနဲ့ အုပ်ချုပ်ဖို့ စစ်အာဏာ ရှင်တွေရဲ့ နောက်ထပ် ရှက်စရာကောင်းတဲ့ ကြိုးပမ်းမှုပါပဲ” စစ်ကောင်စီစခန်းတွေကို လက်နက်ကိုင်တော်လှန်ရေးတပ်ဖွဲ့တွေက ထိုစစ်ဆင်တိုက်ခိုက်ခဲ့ရာမှာ တပ်စခန်းတွေဆုံးရှုံးတာတွေများလာတာကြောင့် စစ်မှုထမ်းဥပဒေကို အကောင်အထည်ဖော်တာလို့ လည်း APHR က ပြောထားပါတယ်။

ဒီပြဋ္ဌာန်းချက်ဟာ မြန်မာလူငယ်တွေရဲ့ အနာဂတ်ပျောက်အောင် ဆောင်ရွက်ချက်လို့လည်း ထိုင်းနိုင်ငံခြားရေးဝန်ကြီး ဟောင်းက ဝေဖန်ပါတယ်။“အများစုထောက်ခံထားပြီး အာဏာရှင်စနစ်ကို ဆန့်ကျင်တဲ့လူငယ်တွေ ဦးဆောင်တဲ့ တော်လှန်မှု ကို အားလျော့အောင် ကြိုးစားတဲ့အနေနဲ့ စစ်မှုထမ်းဥပဒေကို ပြဋ္ဌာန်းတာပါ။ ဒီပြဋ္ဌာန်းချက်ဟာ မြန်မာစစ်အစိုးရဲ့ သူရဲဘော ကြောင်မှုကို ပြသနေပါတယ်။ သူတို့ဟာ တိုက်ပွဲတွေကို ကိုယ်တိုင်မတိုက်နိုင်တော့ပါဘူး” မြန်မာလူငယ်တွေဟာ စစ်တပ်ရဲ့ တိုးမြင့်လုပ်ဆောင်လာတဲ့ အကြမ်းဖက်မှုတွေကို ရဲရဲဝံ့ဝံ့နဲ့ ရင်ဆိုင်ဖြတ်သန်းပြီး စစ်အာဏာရှင်စနစ်ကို တိုက်ဖျက်ဖို့ လုပ် ဆောင်နေကြောင်း APHR က ပြောထားပါတယ်။ ဒါ့အပြင် အာဆီယံအဖွဲ့ဝင်နိုင်ငံတွေနဲ့ နိုင်ငံတကာအသိုင်းအဝိုင်းကလည်း မြန်လူငယ် တွေကို ဗီဇာနဲ့ ပညာရေးဆိုင်ရာ အခွင့်အလမ်းတွေပေးဖို့ကိုလည်း ထိုင်းနိုင်ငံခြားရေးဝန်ကြီးဟောင်းက တောင်းဆိုထားပါတယ်။ https://www.rfa.org/burmese/news/aphr-military-service-condemned-0222 2024153110.html

၃၂။  စစ်တွေနှင့် ကျောက်ဖြူလေဆိပ်တွင်ဖမ်းဆီးခံရသူများအနက် အမျိုးသမီးများ၊ မြို့ပေါ်ကလူငယ်တစ်ချို့နှင့် အစိုးရ ဝန်ထမ်းများသာပြန်လွတ်လာ
  February 23, 2024

ရခိုင်ပြည်၊ စစ်တွေမြို့လေဆိပ်နှင့် ကျောက်ဖြူလေဆိပ်တို့တွင် ဖမ်းဆီးခံထားရသည့်ရာနှင့်ချီသည့် ခရီးသွားများအနက် မှ အမျိုးသမီးများ၊ မြို့ပေါ်ကလူငယ်တစ်ချို့နှင့် အစိုးရဝန်ထမ်းများ သာပြန်လွတ်လာကြောင်းသတင်းရရှိသည်။  စစ်တွေမြို့ခံ တစ်ဦးက “ မိန်းမတွေကို အရင်လွှတ်ပေးတယ်။ စစ်တွေမြို့ခံကဆို လွတ်ပေးတယ်။ အစိုးရဝန်ထမ်းနဲ့ ကျောင်းသား တွေဆို လွတ်ပေးတယ်။ စက်ရုံအလုပ်ရုံမှာလုပ်တဲ့သူတွေ၊  အဓိက နယ်ဖက်ကလူတွေဆိုရင် ထိန်းသိမ်းထားတယ်။ အေအေကို ဝင်မှာ ကြောက်လို့ မလွတ်သေးတာလို့ ကြားတယ်။ ပထမတစ်ရက်  လေယာဥ်နဲ့ လာတဲ့ လူ ၅၀၀ လောက်ရှိမယ်ထင်တယ်။ နောက် တစ်ရက်လည်း ထပ်ဖမ်းသေးတယ်ကြားတယ်။ အရေအတွက် အတိအကျ မသိရဘူး ” ဟု ပြောသည်။ စစ်တွေမြို့လေဆိပ်တွင် ဖေဖော်ဝါရီ ၁၉ ရက်နေ့မှ ၂၀ ရက်နေ့အတွင်းက ရန်ကုန်မှ စစ်တွေသို့ လေကြောင်း ခရီးဖြင့် ပြန်လာသည့်အချိန်တွင် စစ်ဆေး ရန်ဟု အကြောင်းပြကာ ဖမ်းဆီးခဲ့သည်ဟု သိရသည်။

ဖမ်းဆီးထိန်းသိမ်းခံရသည့်သူများကို စစ်တွေမြို့မရဲစခန်းတွင်ထိန်းသိမ်းထားခြင်းမဟုတ်ပဲ စစ်တွေမြို့ လောကာန္ဒာ စေတီဝန်းက ဓမ္မာရုံမှာထိန်းသိမ်းထားခြင်းဖြစ်ကြောင်းမြို့ခံများကပြောသည်။ အလားတူကျောက်ဖြူမြို့ လေဆိပ်တွင် ဖမ်းဆီးခံ ရသည့်  လူငယ် ၆၀ ကျော်အနက် ထောက်ခံစာ ပါသည့် မြို့ခံတစ်ချို့ကို ပြန်လွတ်ပေးပြီး နယ်ကလူများကို ရမ္မာဝတီခန်းမတွင် ဆက်လက် ထိန်းသိမ်းထားဆဲဟု ကျောက်ဖြူမြို့ခံတစ်ဦးက ပြောသည်။“ကျောက်ဖြူက မြို့နယ်အုပ်ရေးမှူးထောက်ခံ စာနဲ့ သန်းခေါင်စာရင်းပါတဲ့မြို့က လူတွေကို ပြန်လွတ်ပေးတယ်။ မပါတဲ့လူတွေကပြန်မလွတ်ဘူး။ မိသားစုတွေကို ဆက်သွယ်ခိုင်းပြီး ထောက်ခံစာယူခိုင်းတယ်တဲ့။ အခု ဖမ်းခံထားရတာက နယ်ကလူတွေပိုများတယ်။ နယ်ကလူတွေဆို အေအေကို ဝင်မှာစိုးရိမ်လို့ ဖမ်းထားတယ်လို့ ကြားတယ်” ဟုပြောသည်။ ဖေဖော်ဝါရီလ ၁၀ ရက်က အကြမ်းဖက်စစ်ကောင်စီက စစ်မှုမထမ်းမနေရဥပဒေ အသက် သွင်းလိုက်ပြီးနောက် ရန်ကုန်တွင်နေထိုင်သည့် ရခိုင်နေအိမ်များကိုဧည့်စာရင်း စစ်ဆေးမှုများပြုလုပ်ပြီး ရခိုင်လူငယ် များကို ဖမ်းဆီးမှုများ ရှိနေကြောင်း သတင်းများ ထွက်ပေါ်နေသည်။ https:burmese. narinjara.com/news/detail/65d84 48a9dd87d3db0e496ae?fbclid=IwAR2qjovZj7aMkKWV

၃၃။ လာမယ့် ၂၀၂၅ ခုနှစ်မှာ လူထုအခြေခံတဲ့ လူထုအုပ်ချုပ်ရေးအစိုးရ ပေါ်ပေါက်လာဖို့ ကြိုးပမ်းသွားမယ်လို့ TNLA ပြော
  February 22, 2024

၁၀၂၇ စစ်ဆင်ရေးအတွင်း တိုက်ခိုက်သိမ်းပိုက်ထားတဲ့မြို့တွေနဲ့ TNLA အခြေစိုက်တဲ့ ဒေသတွေမှာ လာမယ့် ၂၀၂၅ ခုနှစ် မှာ လူထုအခြေခံတဲ့ လူထုအုပ်ချုပ်ရေးအစိုးရ ပေါ်ပေါက်လာဖို့ ကြိုးစားသွားဆောင်ရွက်သွားမယ်လို့ တအာင်းအမျိုးသားလွတ် မြောက်ရေးတပ်မ တော်(PSLF/TNLA) က ဖေဖော်ဝါရီ ၂၂ ရက် ထုတ်ပြန်လာပါတယ်။ PSLF/TNLA ရဲ့ နှစ်ပတ်လည်အစည်း အဝေးအပြီးရဲ့ သဘောထား ထုတ်ပြန်ချက်မှာ အခုလိုထည့်သွင်း ဖော်ပြထားတာဖြစ်ပါတယ်။ TNLA ထိန်းချုပ်ထားတဲ့ မြို့တွေနဲ့ အခြေစိုက်တဲ့ဒေသတွေမှာ တရားဥပဒေစိုးမိုးရေး၊ ကျန်းမားရေး၊ ပညာရေးနဲ့ လူမှူဖွဲ့ဖြိုးရေးတွေကိုပိုမိုတိုးတက်ကောင်းမွန်အောင် ဦးဆောင်စီမံအုပ်ချုပ်သွားမယ်လို့ဆိုပါတယ်။ တအာင်းဒေသအတွင်း တခြားလူမျိုးတွေအနေနဲ့ အတင်းအဓ္ဓမတပ်သားသစ်စုဆောင်းတာ၊ အခွန်ကောက်ခံတာ၊ TNLA ရဲ့ လုထုအုပ်ချုပ်ရေးစီမံကိန်းတွေကို ဝင်ရောက်နှောက်ယှက်ခြင်းတွေ မလုပ်နိုင်အောင် လူမျိုးစုံပြည်သူလူထုတွေနဲ့အတူ လက်တွဲကာကွယ်သွားမယ်လို့ ဖော်ပြထားပါတယ်။

လက်ရှိမှာ မြန်မာပြည်သူလူထုတစ်ရပ်လုံး စစ်အာဏာရှင်လက်အောက်မှာ ရုန်းကန်လွတ်မြောက်ပြီး ငြိမ်းချမ်းစွာ အတူ ယဥ်တွဲနေထိုင်မယ့် ဖယ်ဒရယ်ဒီမိုကရေစီနိုင်ငံတော်ကို အားလုံးစုပေါင်းတည်ဆောက်ဖို့ အချိန်အခါကောင်းဖြစ်တယ်လို့ TNLA ကဆိုပါတယ်။ PSLF/TNLA ရဲ့ နှစ်ပတ်လည် အစည်းအဝေးကို တအာင်းဒေသလွတ်မြောက်နယ်မြေ တစ်နေရာမှာ ကျင်းပခဲ့ပြီး ဗဟိုကော်မတီဝင်၊ အရံဗဟိုကော်မတီဝင်၊ တပ်မှူး၊ လုပ်ငန်းဌာနမှူး၊ အရာရှိအရာခံတွေနဲ့ ဖိတ်ကြားထားတဲ့ လူထုတွေ စုစုပေါင်း ၁၈၅ ဦးတက်ရောက်ခဲ့ပါတယ်။ ၁၀၂၇ စစ်ဆင်ရေးအတွင်း TNLA ကရှမ်းမြောက် နမ့်ခမ်း၊ ကွတ်ခိုင်၊ နမ္မတူ၊ နမ့်ဆန်၊ မန်တုံ၊ မိုင်းငေါ့နဲ့ မိုင်းလုံစတဲ့ မြို့ ၇ ခုကို တိုက်ခိုက်သိမ်းပိုက်ထားပါတယ်။ https://www.facebook.com/photo/?fbid=724309016 543032&set=a.404503215190282

မှတ်ချက်။          သက်ဆိုင်ရာ သတင်းမီဒီယာအသီးသီးမှ ကောက်နုတ်ဖော်ပြခြင်းဖြစ်ပါသည်။

ရှင်သန်ခြင်းရဲ့ အဓိပ္ပါယ်

– ရှင်သန်ခြင်းရဲ့ အဓိပ္ပါယ်

မနေ့ကနဲ့ ဒီနေ့ ဘာကွာခြားလဲ မေးရင်
နာကျင်စရာတွေ ပိုများလာတဲ့အကြောင်းပဲ
ပြောပြ​​ဖြစ်မယ် ထင်တယ်

ဆိုက်စရာ ကမ်းမရှိတော့တဲ့ လှေတွေလို
ခိုနားစရာ သစ်ပင်မရှိတော့တဲ့ ငှက်တွေလို
ပြန်စရာ အိမ်မရှိတော့တဲ့ ဘဝတွေ
ဘယ်လောက်တောင် များခဲ့ပြီလဲ

အဲ့ဒီနာကျင်မှုတွေဟာ အော်ဟစ်ညည်းညူနေရုံနဲ့
မပြေပျောက်နိုင်တော့
ငါတို့ဟာ နာကျည်းမှုတွေနဲ့ပဲ
သူပုန်ထခဲ့ကြတာ မဟုတ်လား

မကြည်ပြာရေ ​
ဒီခေတ်ဆိုး ခေတ်ပျက်ကြီးကို ကျော်ဖြတ်ရတဲ့အခါ
အနားမှာ မင်းရှိနေတဲ့ဆိုတဲ့ သိမှုတခုနဲ့တင်
ကိုယ် နေပျော်ခဲ့ပါပြီ

မင်းခ ယောင်္ကျား ကမ်းနားသစ်ပင်ဆိုပြီး
တိမ်တွေလို လေယူရာလွင့်မျောချင်တဲ့အရွယ်
လမ်းမများကို ကျောခင်းအိပ်ချင်တဲ့
ခပ်ပေပေ လူငယ်တယောက်ရဲ့ တည်ငြိမ်မှုဟာ
မင်းပါပဲ မကြည်ပြာ

ရှင်သန်ရခြင်းကို အဓိပ္ပာယ်ဖွင့်တဲ့အခါ
မင်းအမည်နာမဟာ ထိပ်ဆုံးကဖြစ်နေမှာ
ယိုင်နဲပြိုလဲနေတဲ့ စိတ်တွေကို ပြန်တည့်မတ်တဲ့အခါ
မင်းရင်ခွင်ဟာ ထောက်(ဒေါက်)တိုင်ကြီးတခုပမာ

ချစ်ရတဲ့ ကောက်တေးမလေး မကြည်ပြာရေ
မင်းတယောက်တည်းကုမှ ပျောက်မဲ့
စိတ်ဒဏ်ရာနဲ့ ကောင်ပါ
မင်းတယောက်တည်းထူမှ ထတော့မဲ့
ဘဝတခုနဲ့ လူတယောက်ပါ

ချစ်ခြင်းမေတ္တာဟာ တယောက်တည်းနဲ့တင်
လုံလောက်တယ်ဆိုတဲ့ အကြောင်း
မင်းနဲ့ဆုံမှ ယုံမှတ်ခဲ့ရတယ်။ ။

– အခါလွန်မိုး

ပစ္စက္ခကောက်ကြောင်း အပိုင်းအစများ

ပစ္စက္ခကောက်ကြောင်း အပိုင်းအစများ

သက်ထွန်း | အတွေးအမြင်

တိုင်းပြည်ရဲ့ လက်ရှိအခြေအနေတွေနဲ့ ပတ်သက်ပြီး အနာဂါတ်ကို လှမ်းမျော်ကြည့်နိုင်ဖို့ရာ၊ လက်တွေ့ခန်းထဲက တိုင်းပြည်ရဲ့လားရာဟာ ဘယ်ကို ဦးတည်နေသလဲ ဘယ်လိုရှိနေလဲ၊ ဒီအတွက် ရှောင်လွဲလို့ မရတဲ့ မေးခွန်းတွေက နည်းနည်းတော့ များပါတယ်။

(၁) လူထုရဲ့နေ့စဉ်ဘဝက ဘယ်လိုလဲ၊ ဒေသအလိုက် ဘယ်လိုကွာခြားမှုတွေ ရှိနေသလဲ။

(၂) စစ်ဘေးစစ်ဒဏ်ရဲ့ သားကောင်တွေ ဘယ်လောက်များနေပြီလဲ။

(၃) စစ်အာဏာရူးတွေကို ဆန့်ကျင်တော်လှန်နေတဲ့ အစုအဖွဲ့တွေ၊ အဖွဲ့အစည်းတွေနဲ့ လူမျိုးစုပါတီနဲ့ လက်နက်ကိုင် အဖွဲ့အစည်းတွေရဲ့သဘောထားနဲ့အနေအထားက ဘယ်လိုလဲ။

(၄) စစ်အာဏာရူးတွေက ဘယ်အထိ မိုက်တွင်းနက်ပြီး ရက်စက်ယုတ်မာနေဦးမလဲ။

(၅) ဆန့်ကျင်တော်လှန်နေတဲ့ သူတွေအချင်းချင်းကြားမှာ ဘယ်လိုဆက်ဆံရေးမျိုး၊ သဘောထားမျိုး ရှိကြသလဲ။

(၆) မြို့ပြနိုင်ငံငယ်တွေ အဆင့်ကို ရောက်စေနိုင်တဲ့ အရွေ့တွေက ဘာတွေလဲ။

(၇) လူမျိုးစုများကြား  နိုင်ငံရေး၊ စစ်ရေး ဘယ်လောက်တူညီ ဘယ်လောက်ကွဲပြားမှုရှိသလဲ၊ လူမျိုးစု တခုခြင်းစီရဲ့ မဟာဗျုဟာမြောက် ရည်မှန်းချက်နဲ့အနာဂါတ်ဖြစ်တည်လိုမှုက ဘာလဲ။

(၈) အိမ်နီးချင်းနိုင်ငံတွေရဲ့ပါဝင် စွက်ဖက်နေမှုက ဘာအကျိုးသက်ရောက်မှုတွေ ဖြစ်စေသလဲ။

(၉) နိုင်ငံတကာ အသိုင်းအဝိုင်းရဲ့ ပါဝင်စွက်ဖက်နေမှုက ဘယ်အဆင့်လဲ။

(၁၀) တော်လှန်ရေး ( သို့) ဒီရုန်းကန်ဖောက်ထွက်မှုတွေ အောင်မြင်ဖို့အချိန် ဘယ်လောက် ( ၃ နှစ် + ) ထပ်ကြာဦးမလဲ။

(၁၁) ရာဇဝတ်မှု၊ ကုန်ဈေးနူန်းကြီးမြင့်မှု၊ ကျမ်းမာရေး၊ ပညာရေး ထိခိုက်ဆုံးရူံးမှု၊ နေ့စဉ် စစ်ပွဲတွေနဲ့သတ်ဖြတ်မှုတွေကြောင့် သေကျေဒဏ်ရာရရှိသူတွေက ဘယ်လောက်တောင်များနေပြီလဲ။ သူတို့ရဲ့အနာဂါတ်ကဘာလဲ၊ ကျွဲကူးရေပါ ဖြစ်ရပ်တွေက လူ့အဖွဲ့အစည်းကို ပြိုကျပျက်ဆီးဖို့ ဘယ်လောက်တောင် တွန်းအားပေးနေပြီလဲ။

(၁၂) ဒီလို တိုင်းပြည်တခုတည်ငြိမ်မှု ပျက်ပြားသွားတဲ့အခါ အချောင်နိူက်လိုသူတွေ ရေလောင်းပေါင်းသင် လုပ်လေ့ ရှိသူတွေ ဆိုတာဟာ ကိုယ့်ပြည်တွင်းကသာမက၊ တခြားနိုင်ငံတွေလည်း ပါဝင်တတ်ပါတယ်။

အာဏာသိမ်းစက နိုင်ငံရေးအခင်းအကျင်းနဲ့ ၂၀၂၃ အပြီး အခင်းအကျင်းဟာ လုံးဝပြောင်းလဲသွားပြီ ဖြစ်ပါတယ်။ ရွေးကောက်ပွဲအနိုင်ရမှုဟာ အရာရာကို ဆုံးဖြတ်မှုမပေးနိုင်တော့တဲ့ အနေအထားကို ရောက်သွားခဲ့ပြီ ဖြစ်ပါတယ်။ လွန်ခဲ့တဲ့သုံးနှစ်တာကာလက အနေအထားတချို့ကို နှမျောတသနေရုံကလွဲပြီး ဆက်လက်ဆုပ်ကိုင် ထားဖို့ မဖြစ်နိုင်တော့ပါဘူး။ အသစ်ဖြစ်ထွန်းရွေ့လျားနေတဲ့ နိုင်ငံရေးရေစီးကြောင်းကို ပိတ်ပင်တားဆီးလို့လည်း အောင်မြင်မှာမဟုတ်ပါဘူး။

နိုင်ငံရေးကို ဆက်လုပ်ချင်တယ်ဆိုရင် တကယ်ဖြစ်နေတဲ့၊ ပြောင်းလဲသွားခဲ့ပြီဖြစ်တဲ့ နိုင်ငံရေး အခင်းအကျင်းကို လက်ခံရဲဖို့လိုသလို၊ နားလည်သဘောပေါက်ဖို့လည်း လိုတယ်။ နိုင်ငံရေးကို နိုင်ငံရေးနဲ့ ပြောင်းလဲမှု၊ တည်ငြိမ်မှုကို မရယူနိုင်ခဲ့တဲ့ နိုင်ငံတခု၊ လူ့အဖွဲ့အစည်းတခုရဲ့အတွေ့အကြုံတွေဟာ အင်မတန်ခါးသီးမှာ အမှန်ပဲဖြစ်ပါတယ်။ အဓိကအခန်းမှာ ပါဝင်လှုပ်ရှားနေကြတဲ့ အဖွဲ့အစည်းတွေကို သုံးသပ်ကြည့်တဲ့အခါ၊ အများအားဖြင့် မဟာဗျူဟာမရှင်းလင်းခြင်း၊ မဟာဗျူဟာမရိုးသားခြင်း၊ မဟာဗျူဟာ ဖုံးကွယ်ထားခြင်း၊ မဟာဗျူဟာခိုင်ခန့်မှုမရှိခြင်းနဲ့ မဟာဗျူဟာနဲ့ပေါ်လစီကို ခွဲခြားမသိမြင်ခြင်း ဆိုတာတွေကို တွေ့နိုင်ပါတယ်။

သေချာတာတခုကတော့ တအိအိ ပြိုကျနေတဲ့ နိုင်ငံတခုအတွင်းထဲမှာ ကိုယ့်အတွက် ဘာရနိုင်မလဲ ဆိုတဲ့ စဉ်း စားချက်ကနေ အသက်ဝင်လာတဲ့မဟာဗျူဟာအရွေ့တွေက ပိုများနေတာဘဲဖြစ်ပါတယ်။ အဖွဲ့အစည်းတိုင်း သတိထားရမဲ့ အချက်ကတော့ ပေါ်လစီ(သို့) မူကို အခြေအနေ၊ အချိန်အခါနဲ့ကိုက်ညီအောင် မှန်မှန်ကန်ကန် ချမှတ်လုပ်ဆောင် နိုင်ဖို့ပါဘဲ။ ပေါ်လစီ ( သို့ ) မူ ဆိုတာ မီးစင်ကြည့်ကတဲ့ ပေါ်လစီ ( သို့ ) မူ မျိုး၊ ဆတ်ကော့လပ်ကော့ ပေါ်လစီ ( သို့ ) မူ မျိုး မဖြစ်ဖို့လိုပါတယ်။

ပေါ်လစီ ( သို့ ) မူ အမှားများဟာ ကောင်းမွန်တဲ့ ဖြစ်ပေါ်တိုးတက်မှုကို တုံ့ဆိုင်းစေ၊ ပျက်စီးစေတယ်၊ အဲဒီအမှား ဘာကြောင့်ဖြစ်သလဲ၊ ပေါ်လစီ ( သို့) မူ တခုကို ချမှတ်လုပ်ဆောင်ခြင်း မပြုခင်မှာ ဘာအကျိုးဆက်ရှိမလဲ ဆိုတာ သေသေချာချာတွက်ချက်ပြီးမှ ချမှတ်တာမဟုတ်ဘဲ၊ အခြေအနေပေါ်လိုက်ပြီး လွယ်လွယ်ချမှတ်လိုက်တဲ့၊ မိမိရဲ့ မဟာဗျူဟာနဲ့ လိုက်လျောညီထွေမှုမရှိတဲ့ (သို့) ပေါ်လစီ (သို့) မူအချင်းချင်း တိုးတိုက်စေတဲ့အတွက် ကြောင့်ပဲဖြစ်ပါတယ်။  အပြင်း – အပျော့ပေါ်လိုက်ပြီး မဟာဗျူဟာကျိုးပေါက်မှုဖြစ်စေနိုင်တာကိုလည်း ရင်ဆိုင်ကြရမှာဖြစ်ပါတယ်။ မဟာဗျူဟာ ကျိုးပျက်သွားရင် ရန်သူနဲ့ဖြစ်စေ၊ မဟာမိတ်အဖွဲ့အစည်းနဲ့ဖြစ်စေ အောက်စီးကို ရောက်သွားမှာပဲဖြစ်ပါတယ်။ မဟာဗျူဟာ မရှိမှု (သို့) ဝေဝါးမှု (သို့) ရှုပ်ထွေးမှု ဆိုတာတွေဟာ မိမိရဲ့လှုပ်ရှားမှုကို နှောင့်နှေးစေ၊ ဆုံးရူံးစေပါတယ်။

ဒီကနေ့ဗမာနိုင်ငံရဲ့နိုင်ငံရေး၊ စစ်ရေး အရွေ့တွေဟာ ရှုပ်ထွေးကောက်ကျစ်နေပြီ ဖြစ်ပါတယ်။စစ်ရေးနဲ့နိုင်ငံရေးကို ပြောင်းလဲစေမှုဟာ အရှိန်မြန်သလို အားလည်းပြင်းတယ် – အန္တရာယ်လည်းကြီးတယ်။ လက်ရှိ ဖြစ်ပေါ်ရွေ့ရှားနေတဲ့ စစ်ရေး နိုင်ငံရေး အရွေ့ရဲ့နောက်မှာ အစွန်းရောက် အမှတ်သရုပ် ဆုပ်ကိုင်မှု အားကောင်းလာတာနဲ့အမျှ လူမျိုးရေးပွတ်တိုက်မှုတွေကိုပါ  ကြုံလာဖို့များပါတယ်။ နယ်မြေချဲ့ထွင်မှုနဲ့ အာဏာတည်ဆောက်မှုကို အထိန်းအကွပ်မဲ့ လုပ်လာပြီဆိုရင် လက်နက်ကိုင်တိုက်ပွဲတွေကတဆင့် လူမျိုးစုအချင်းချင်း သတ်ဖြတ်မှုတွေဆီကိုပါ ဦးတည်ရွေ့လျားသွားနိုင်တယ်၊။ ဒီနေရာမှာ လူမျိုးစုတိုင်းရဲ့နိုင်ငံရေး မျှော်ရည်ချက်ဟာ ဘာလဲဆိုတာ အလွန်အရေးကြီးပါတယ်။

မဟာဗျူဟာအရ တိုးတိုက်မှုမဖြစ်ဖို့ဟာ လူမျိုုးစုတိုင်းရဲ့ အမျှော်အမြင်ရှိမှု၊ သဘောထားကြီးမှုနဲ့ အနာဂါတ်ပေါ် ရိုးသားမှု ဘယ်လောက်ရှိသလဲ ဆိုတဲ့အပေါ်မှုတည်နေပြီ ဖြစ်ပါတယ်။ တိုင်းပြည်က နေ့စဉ်ဗရမ်းပတာ ဖြစ်စဉ်တွေနဲ့ အသက်ဝင်နေရတဲ့ နိုင်ငံတခုဖြစ်နေပြီဖြစ်သလို အရာရာဟာ အပျက်ဘက်ကို ဦးတည်သွားနေပြီး၊ လူထုရဲ့ကြုံတွေ့နေရတဲ့ အဖြစ်ဆိုးတွေဟာ ဘယ်အချိန်မှာ ရပ်တန့်သွားမလဲ၊ တည်ငြိမ်မှုရလဲ၊ ဘယ်လိုကုစားနိုင်မလဲ ဆိုတာ ဖြေရခက်တဲ့ အရှိတရား မေးခွန်းတွေပဲ ဖြစ်ပါတယ်။

ဦးဆောင်မှုမဲ့သလိုဖြစ်နေတဲ့ လှုပ်ရှားမှုတွေ၊ ဆန့်ကျင်တော်လှန်မှုတွေနဲ့ ယဉ်ပါးလာနေတဲ့ လူအဖွဲ့အစည်းရဲ့ကြုံတွေ့လာရမဲ့ အကျိုးဆက်ကို ဘယ်သူကတာဝန်ခံမှာ၊ တာဝန်ယူမှာလဲ။ တိုင်းပြည်ရဲ့အလုံးစုံပျက်စီးမှုဟာ စစ်တပ်နဲ့စစ်ခေါင်းဆောင်အာဏာရူးတွေကြောင့်ဆိုရင် ရာနူန်းပြည့်မှန်တယ် ဆိုပေမဲ့၊ ရေဖြည့် မီးထိုးတွေလည်း ရှိခဲ့တယ် ဆိုတာ မြင်အောင်ကြည့်ဖို့လိုပါတယ်။ ဘယ်သို့ဆိုစေ စစ်အာဏာရူးအုပ်စုကိုတော့ ပွဲပြီးမီးသေ ဖြစ်အောင်လုပ်နိုင်ဖို့လိုတာ အမှန်ပါပဲ။

နိုင်ငံတကာ စွက်ဖက်မှုနဲ့ပတ်သက်ရင်  ကိုယ်ကောင်းရင် ခေါင်းဘယ်မှမရွေ့ဆိုတာ စကားပုံလောကထဲမှာပဲ ထားခဲ့ရမှာဆိုတာ သတိချပ်ဖို့လိုပါတယ်။ ဒီကနေ့ကမ္ဘာ့အားပြိုင်မှုတွေနဲ့ နိုင်ငံတကာအရွေ့တွေဟာ အကျိုး စီးပွားသပ်သပ်မှာတင် ရပ်တန့်နေမှာမဟုတ်ဘူးဆိုတာ နားလည်ဖို့လည်း လိုတယ်။ ဒါကြောင့် ကိုယ်တွေ စည်းလုံးရင်၊ ညီညွတ်ရင် ဘယ်သူမှ ဝင်ရောက် စွက်ဖက်လို့မရဘူးဆိုတဲ့ အတွေးအခေါ်လောက်နဲ့ ဒီနေ့ကမ္ဘာမှာ နိုင်ငံတခုတည်ငြိမ်ဖို့၊ တိုးတက်ဖို့ဆိုတာ မလုံလောက်တော့ဘူးဆိုတာကိုပါ လက်တွေ့ခန်းကနေ မြင်တွေ့အောင် ကြည့်ရမှာဖြစ်ပါတယ်။ ကိုယ်ကောင်းလည်း ခေါင်းကို ရွေ့မဲ့သူတွေ၊ ပုံပျက်အောင်လုပ်မဲ့သူတွေ ( နိုင်ငံတွေ ) က အဆင်သင့်ရှိနေတယ်ဆိုတာ ဒီကနေ့ကမ္ဘာ့နိုင်ငံရေးဖြစ်ပါတယ်။

နိုင်ငံတခုကို တည်ငြိမ်ဖို့ ပြန်လည်တည်ဆောက်ဖို့ဆိုတာ အင်မတန်တာဝန်ကြီးတဲ့ ခက်ခဲတဲ့ အလုပ်တခုဖြစ် ပါတယ်၊ လူမျိုးရေး အမုန်းတရား အခြေခံပြီး အပေးအယူ လုပ်လို့မရနိုင်ဘူး၊ အာဏာကိုခွဲခြမ်း ဝေမျှယူရုံနဲ့လည်း မပြီးနိုင်ဘူး၊ လတ်တလော ဖြစ်တည်မှုတွေအပေါ် သက်သက်ကနေ ဆုံးဖြတ်လို့လည်း အဖြေမရနိုင်ဘူး။

နိုင်ငံရေးရဲ့အခြေခံဟာ လူ့အဖွဲ့အစည်းကို တည်ငြိမ်ဖို့၊ အေးချမ်းဖို့၊ တိုးတက်စေဖို့ပဲ ဖြစ်ပါတယ်။ ဒီအတွက် လူတိုင်းရဲ့လွတ်လပ်မှု၊ လုံခြုံမှုနဲ့အခွင့်အလမ်းအားလုံးဟာ တပြေးညီဖြစ်ပါတယ်။ ဒီသဘောတရားဟာ လူတစ်ဦး တယောက်ချင်းကနေ၊ လူမျိုးတိုင်း၊ လူ့အဖွဲ့အစည်းတိုင်းအတွက် ဖြစ်ပါတယ်၊ သို့ပေမဲ့လည်း ငါနဲ့ငါတို့ ဆိုတဲ့ အတ္တဟာ ရှေ့တန်းသိပ်ရောက်လာတဲ့အခါ အစွန်းထွက် အတွေးအခေါ်တွေ၊ လုပ်ဆောင်မှုတွေဟာ ပုံပေါ်လာမှာဖြစ်ပါတယ်။

အကျိုးဆက်ကတော့ အားပြိုင်မှုတွေ၊ တိုးတိုက်မှုတွေကတဆင့် အနိုင်ကျင့်မှု၊ အပြန်အလှန် ထိခိုက်စေမှုတွေ ဖြစ်လာမှာပဲဖြစ်ပါတယ်၊ နိုင်ငံရေး အဖြေမဲ့မှုဟာ စစ်ရေးအဆင့်ကို တက်လှမ်းလာတာဖြစ်လို့ လူတွေရဲ့အသက် ဘဝတွေဟာ ပျက်ဆီးဆုံးရူံးရစမြဲပဲဖြစ်ပါတယ်။

ဆယ်စုနှစ်ပေါင်းများစွာက အခြေခံလာတဲ့ သံသယတွေ၊ အငြိုးအတေးနဲ့ အမုန်းတရားတွေ၊ လက်စားချေလိုမှု တွေကို ပျောက်ကင်းသွားအောင် ချက်ချင်းလုပ်ယူလို့မရဘူးဆိုပေမဲ့၊ အကျိုးရလဒ်ကောင်းကို လိုချင်တယ် ဆိုရင်တော့ အားလုံးဟာ နိုင်ငံရေး ကိုယ်ခံအားကောင်းဖို့၊ ရင့်ကျက်တည်ငြိမ်မှုနဲ့အနာဂါတ်ကို မျှော်တွေးနိုင်မှု ရှိဖို့လိုသလို၊ အခြေအနေမှန်ကို လက်ခံတတ်တဲ့သဘောထားကြီးမှုမျိုးလည်း လိုပါတယ်။

တိုင်းပြည်တခု၊ နယ်နမိတ်တခုအတွင်းမှာ မွေးဖွားရှင်သန်လာကြသူအားလုံးဟာ  မွေးရာပါလူ့အခွင့်အရေးနဲ့ လူ့အဖွဲ့အစည်းအတွင်းက အခွင့်အလမ်းတိုင်းဟာ အတူတူပဲဖြစ်ပါတယ်။ ဒါကြောင့် အဲဒီတိုင်းပြည်၊ အဲဒီ ဒေသကို တည်ငြိမ်အေးချမ်းပြီး တိုးတက်ဖို့ဆိုတာ အဲဒီမှာ ရှိနေသူအားလုံးမှာ ညီမျှတဲ့တာဝန်နဲ့ ရပိုင်ခွင့်ပဲဖြစ်ပါတယ်။ ဘယ်သူကမှ ဘာအကြောင်းနဲ့မှ ပေးသူလုပ်လို့မရသလို၊ ဘယ်သူကမှလည်း  တောင်းသူအဖြစ်ကိုလည်း ရောက်မသွားသင့်ပါဘူး။

အခြေအနေတခုပေါ်မှာ တစုံတယောက်ဟာ တိုင်းပြည်အတွက် လူ့အဖွဲ့အစည်းအတွက် အလုပ်လုပ်ခွင့်ရခြင်းကို၊ ဒီတိုင်းပြည်ဟာ ဒီလူ့အဖွဲ့အစည်းဟာ ငါ့သဘောဆန္ဒ အတိုင်းဖြစ်ရမယ်ဆိုတဲ့ ခေါင်းတလုံး ပိုမြင့် ချင်တဲ့ လွဲမှားတဲ့ အတွေးမျိုး ရှိနေပြီဆိုရင်တော့၊ အဲဒီတိုင်းပြည် အဲဒီလူ့အဖွဲ့အစည်းဟာ အင်မတန်အလျော်အစား ကြီးကြီးနဲ့ပေးဆပ်ရမှာဖြစ်ပါတယ်။ ဒါဟာ နိုင်ငံရေးရဲ့အခြေခံ သဘောတရားပျောက်ဆုံးခြင်းနဲ့ မူမဲ့လုပ်ရပ်တွေကြောင့်သာ ဖြစ်ပါတယ်ဆိုတာ သိထားရမှာ ဖြစ်ပါတယ်။

လက်ရှိဗမာနိုင်ငံအနေအထားဟာ ကျဆုံးနိုင်ငံတခုအဖြစ်ရောက်ရှိခဲ့ပြီဖြစ်ပါတယ်။ အဲဒီကနေ နောက်တဆင့် ကတော့ အပြိုပြို အကွဲကွဲနဲ့ အမှတ်သရုပ်များစွာနဲ့ မြို့ပြနိုင်ငံငယ်များအဖြစ်ကို ရောက်သွားဖို့ လမ်းကြောင်းပေါ်မှာ ဒဏ်ရာဒဏ်ချက်များစွာနဲ့ လူးလွန့်ရွေ့လျားနေပြီပဲ ဖြစ်ပါတယ်။ ဒီနေရာမှာ ပါဝင်လှုပ်ရှားနေကြတဲ့ အစုအဖွဲ့တွေ၊ အဖွဲ့အစည်းတွေအားလုံးဟာ အမှတ်သရုပ်ကို ကိုယ်စားပြု သည်ဖြစ်စေ၊ မပြုသည်ဖြစ်စေ၊ အစွန်းရောက် အလုပ်မျိုး၊ အပြောမျိုးတွေကို သတိထား ရှောင်ရှားရမှာ ဖြစ်တယ်၊ အနာဂါတ်ကို ပုံဖော်ဖို့ရာ နိုင်ငံရေးကို ဆုပ်ဆုပ်ကိုင်ကိုင်ရှိခြင်း၊ မရှိခြင်းဆိုတာက အဓိကကျပါလိမ့်မယ်။

ပြန့်ကျဲမှုဟာ အားအင်ဖြစ်လား၊ တကယ့် လွတ်မြောက်မှု၊ လွတ်လပ်မှုမည်မလား၊ ငြိမ်းချမ်းမှုတွေကို ရယူလာ နိုင်မှာလားဆိုတာ အိမ်ဦးခန်းက စောင့်နေတဲ့ မေးခွန်းတွေ၊ မဖြစ်မနေဖြေဆိုရမဲ့ ပုစ္ဆာတွေပဲ ဖြစ်ပါတယ်။ တခုသတိထားကြရမှာက  ခွဲချင်ခွဲ၊ တွဲချင်တွဲ  ကိုယ့်သဘောဆန္ဒနဲ့ ကိုယ့်အကျိုးဆက်ပဲ ဖြစ်လာမှာမို့၊ ပြည်သူ လူထုရဲ့ဘဝတွေကိုတော့ လေးလေးနက်နက် ထည့်သွင်းတွက်ချက်ကြဖို့လိုပါတယ်။

အသစ် အသစ်သော ဖြစ်ထွန်းမှုများကို ဘယ်လိုမဟာဗျူဟာပေါ်ကနေ အခြေခံပြီး ဖြစ်ထွန်းလာတာလည်း ဆိုတဲ့ အထိုင်ပေါ်ကနေ သုံးသပ်ကြည့်ရမှာဖြစ်ပါတယ်၊ ဒီနေရာမှာ အမှတ်သရုပ်ကို အဓိကထားပြီး လှုပ်ရှားနေကြတဲ့ အဖွဲ့အစည်းအားလုံးဟာ အကန့်အသတ်ဆိုတဲ့သဘောကို လက်ခံထားပြီး သတိကြီးကြီးနဲ့ ရွေ့လျားရ မှာဖြစ်ပါတယ်၊ အကန့်အသတ်ရှိနေတဲ့ ဘောင်တွေကို ကျော်လွန်မှုဟာ အပြုသဘောဆန်တဲ့ ရလဒ်နဲ့ဆန့်ကျင် ဖက်ကို ဦးတည်သွားမှာဖြစ်ပါတယ်။ စစ်ခေါင်းဆောင်တွေ စစ်အာဏာရူးတွေလိုပဲ  လက်နက်နဲ့အင်အားကို အခြေခံပြီး၊ နိုင်ငံရေးနဲ့လူ့အခြေခံ တန်ဖိုးတွေကို ပျက်ပယ်ကြဦးမယ်ဆိုရင်တော့၊ စစ်အာဏာရူးတွေရဲ့ စစ်တပ်မရှိလည်း တိုက်ပွဲတွေ သတ်ဖြတ်မှုတွေနဲ့ အဆိုးသံသရာ လည်နေကြဦးမှာပဲဖြစ်ပါတယ်။

အမှတ်သရုပ်တစ်ခုတည်းကို အဓိကထားပြီး တွန်းထိုးရွေ့ရှားနေမှုတွေဟာ ရေရှည်ခံ အကျိုးတရားဖြစ်ဖို့ အင်မတန်ခက်ပါလိမ့်မယ်။ အမှတ်သရုပ်ကို ပုံဖော်မှု၊ ပိတ်ဆို့တွန်းအားပေးမှု၊ ပိုမိုကြီးထွားလာစေဖို့ဖန်တီး လှုပ်ရှားမှုတွေဟာ အချင်းချင်းတိုးတိုက်မှုနဲ့ ခြေကျွံလက်ကျွံဖြစ်လာတဲ့အခါ၊ လူမျိုးစုအချင်းချင်း ကြားထဲမှာ ပဋိပက္ခအဆင့်ကို တက်လှမ်းလာမှာဖြစ်ပြီး အဆုံးစွန်မှာ ဖြေရှင်းဖို့ခက်ခဲလွန်းပြီး၊ အမုန်းတရားတွေကိုသာ လွမ်းခြုံထားမဲ့ လူမျိုးတုံးသတ်ဖြတ်မှုတွေဆီကို ရောက်ရှိလာမှာဖြစ်ပါတယ်။

နိုင်ငံရေးလုပ်တဲ့အခါ အာဏာအတွက်ဖြစ်စေ၊ အကျိုးစီးပွားကြောင့်ဖြစ်စေ လုပ်ဖို့အခွင့်အရေးရှိနေတဲ့သူတွေ၊ အဖွဲ့အစည်းတွေဟာ ကိုယ်လုပ်ချင်လို့လုပ်တာကို၊ ကိုယ့်သဘောနဲ့ကိုလုပ်တာပါလို့ ရိုးရိုးသားသားပြော ဆိုလေ့ရှိတာ အရမ်းနည်းပါတယ်၊ ဒါဟာဆိုရင်၊ အခုလုပ်ရတာဟာဆိုရင်၊ ပြည်သူတွေရဲ့သဘောဆန္ဒ အရ လုပ်ရတာပါ။ ပြည်သူတွေ အကျိုးအတွက် လုပ်ရတာပါ။

ပြည်သူတွေ လုပ်ပိုင်ခွင့်ပေးထားလို့လုပ်ရတာပါဆိုတဲ့ ပြည်သူလူထုဆိုတဲ့ စကားကို မပြတ်တမ်းပြောပြီး၊ ပြည်သူလူထုကို နိုင်ငံရေးခုတုံးလုပ်ပြီး အသုံးချလေ့ရှိပါတယ်။ ပြည်သူလူထုရဲ့ယုံကြည်ကိုးစားမှု၊ ထောက်ခံမှုနဲ့ ရွေးချယ်မှုဆိုတာဟာ အကန့်အသတ်ရှိပါတယ်။ အကျိုးရလဒ်ပေါ်မူတည်ပြီး ပြောင်းလဲပါတယ်၊ ဒါပေမဲ့ ဘယ်လိုအဖွဲ့အစည်းမျိုးမှာမဆို အာဏာကို ရရှိလိုသူတွေ၊ ဖက်တွယ်ထားလိုသူတွေ၊ ယစ်မူးနေသူတွေကတော့ မသိကျိုးကျွံပြုပြီး၊ ဟန်ဆောင်လိမ်ညာလေ့ ရှိပါတယ်။

နိုင်ငံရေး၊ စစ်ရေး၊ တော်လှန်ရေး ဘယ်နယ်ပယ်မှာဖြစ်ဖြစ် လူပုဂ္ဂိုလ်ဖြစ်စေ၊ အဖွဲ့အစည်းဖြစ်စေ၊ တာထွက်စ အချိန်မှာ ပြောဆိုလေ့ရှိတာက သူတို့လုပ်ဆောင်နေတာ ပြည်သူလူထု အတွက်ကသာ အဓိကဖြစ်ပြီး၊ အားလုံးကို စွန့်လွှတ်ထားတယ်လို့ ပြောတတ်ကြပါတယ်။ အခြေအနေတခုကို ဆုပ်ကိုင်မိလာပြီဆိုတာနဲ့ လုပ်ပိုင်ခွင့်နဲ့ ဦးဆောင်ဦးရွက်ပြုခွင့်ရသွားတဲ့ လူပုဂ္ဂိုလ်၊ အဖွဲ့အစည်းတွေ အတော်များများဟာ ပြောင်းလဲသွားတတ်ပါတယ်။ တချို့က မိမိကိုယ်မိမိ သတိမထားမိဘဲ၊ မပြောင်းလဲဘူးလို့ထင်နေတတ်ပါတယ်။ ပြည်သူလူထု အတွက်ဆိုတာ ဒုတိယနေရာကို ရောက်သွားတာကို တွေ့ရလေ့ရှိတယ်။ အခွင့်အရေး၊ အကျိုးစီးပွားနဲ့လုပ်ပိုင်ခွင့် (အာဏာ) ဆိုတာတွေဟာ ပြောင်းလဲမှုကို ဖြစ်စေတဲ့ အရာဆိုတာ သိထားဖို့လိုပါတယ်။

ဒီအရာဟာ ညီညွတ်မှုကို ပျက်ပြားစေပြီး၊ သူတလူ ငါတမင်း အဖြစ်ကို တွန်းအားပေးပါတယ်။ ကိုယ့်အဖွဲ့အ စည်းအတွင်း၊ နယ်မြေအတွင်း၊ လူမျိုးအတွင်း၊ နိုင်ငံအတွင်းမှာ ဒီသဘောတရားကို ပါးနိုင်သမျှ ပါးအောင်လုပ် ကြဖို့လိုပါလိမ့်မယ်။ ရန်ဖက် မိတ်ဖက်ကို သေချာရှင်းလင်းတဲ့မူသတ်မှတ်ပြီး တည်ဆောက်ရမှာဖြစ်ပါတယ်။

လက်ရှိအနေအထားကတော့ ဆင်ခြင်တုံတရားမဲ့တဲ့၊ အားပြိုင်မှုတွေ၊ နယ်မြေချဲ့ထွင်မှု ပိုင်ဆိုင်လိုမှုနဲ့ အင်အားတည်ဆောက်မှုတွေ ဖြစ်ပေါ်လာမဲ့ အခင်းအကျင်းမျိုးဖြစ်နေပြီဆိုတာကို သတိရှိကြဖို့လိုတယ်။ ဒီလိုမဟုတ်ရင်တော့ အမှတ်သရုပ်ချင်း တိုးတိုက်မှုဟာ ကိုယ်တိုင်ရဲ့မိုက်မဲမှုတွေကနေ ဖြစ်ပေါ်လာနိုင်သလို၊ စစ်အုပ်စုနဲ့သူ့ လက်ပါးစေတွေကြောင့်လည်း ဖြစ်ပေါ်လာနိုင်ပါတယ်။ ဘယ်အတွက်ကြောင့်ဖြစ်ဖြစ် ဘယ်သူ့ ကြောင့်ဖြစ်ဖြစ် အကျိုးဆက်ကတော့ ကောင်းလာစရာမရှိတာ သေချာပါတယ်။

ဒါ့အပြင် ဒီကနေ့နိုင်ငံပျက်ကြီးထဲမှာ လှုပ်ရှား ရုန်းကန်နေကြတာဟာ တဦးတဖွဲ့တည်းမဟုတ်လို့ ( အများနဲ့) ဟန်ချက်ညီတဲ့၊ သဟဇာတဖြစ်တဲ့ လှုပ်ရှားမှုတွေဖြစ်အောင် ဖော်ဆောင်နိုင်ဖို့ ကျိုးစားဖို့လိုပါတယ်။ ဟန်ချက်မညီတဲ့ တော်လှန်ရေးနဲ့ရုန်းကန်မှုတိုင်းဟာ အောင်မြင်ဖို့အလွန်ခက်ခဲပါလိမ့်မယ်။

၂၀၂၄ ဟာ နိုင်ငံရေး စစ်ရေးတိုးတိုက်မှုတွေ ပိုမိုပြင်းထန်လာမဲ့ အခြေခံပုံရိပ်တွေ သက်ဝင်လှုပ်ရှားနေခဲ့ပြီဖြစ်လို့၊ နိုင်ငံရေးကော စစ်ရေးမှာပါ သတိကြီးကြီးထားရမဲ့ ရေချိန်မြင့်နှစ်တစ်နှစ်ပဲဖြစ်ပါတယ်။ လက်ရှိ ရထားတဲ့ အသာစီးရမှုကနေ နောက်တဆင့်ထက်ဖို့ရာ၊ အဓိက ကျတဲ့ အချက်တချို့ကို ရှောင်ရှား နိုင်ဖို့ လိုပါလိမ့်မယ်၊ အဲဒါတွေကတော့ အမှတ်သရုပ်အခြေခံပေါ်ကနေ အစွန်းရောက်နိုင်ငံရေး၊ စစ်ရေးလှုပ်ရှားမှုု၊ ဆင်ခြင်တုံ တရားကင်းမဲ့တဲ့ နိုင်ငံရေး လက်ဦးမှုရယူမှု၊ ဖြစ်လိုမှု အပေါ်ကနေ ( အမှတ်သရုပ်အချင်းချင်း (သို့) ဆန့်ကျင်တော်လှန်နေသူ အချင်းချင်း) ချောင်ပိတ်တွန်းပို့မှုနဲ့ အဖွဲ့အစည်းတခုနဲ့တခုကြား မဟာဗျူဟာ မရိုးသားမှု (သို့) လိမ်ညာမှု ဆိုတာတွေပဲ ဖြစ်ပါတယ်၊ အဲဒီရှောင်ရှားရမဲ့ အချက်တွေ ကို လှစ်လျရှုမှု ရင့်ကြာလာတာနဲ့အမျှ စစ်အာဏာရူးတွေအတွက် အခွင့်အလမ်းကောင်းတွေ ပေါ်လာမှာ ဖြစ်ပါတယ်။

တိုင်းပြည်အတွက်ဖြစ်စေ၊ လူ့အဖွဲ့အစည်းတခုအတွက်ဖြစ်စေ လုပ်ကိုင်ဆောင်ရွက်ကြတဲ့နေရာမယ် ရိုးသား ကြဖို့ သတိပေးချင်တယ်၊ တိုက်တွန်းချင်တယ်။ ရိုးသားမှုကသာ ဆုံးရူံးမှုကို ကာကွယ်နိုင်မှာဖြစ်သလို အနာဂါတ်ကို လှပစေမှာဖြစ်ပါတယ်။

အပတ်စဉ် လူမျိုးပေါင်းစုံ သတင်းများစုစည်းတင်ပြခြင်း

(No. 15, February 20, 2024)

၁။ မံစီမြို့နယ်ရှိ စီခမ်းကြီးစစ်ကောင်စီစခန်းကို KIA ပူးပေါင်းတပ်က တိုက်ခိုက်သိမ်းပိုက်
   February 19, 2024

မံစီမြို့နယ်၊ စီခမ်းကြီးကျေးရွာရှိ စစ်ကောင်စီတပ်စခန်းကို ယနေ့ နံနက် ၁၁ နာရီခန့်တွင် ကချင်လွှတ်မြောက်ရေးတပ် (KIA) က တိုက်ခိုက်သိမ်းပိုက်ခဲ့ကြောင်း သိရသည်။ စစ်ကောင်စီတပ်စခန်းကို ထိုးစစ်ဆင်တိုက်ခိုက်နေခြင်းဖြစ်ပြီး တိုက်ပွဲ အတွင်း စစ်ကောင်စီတပ်က လေကြောင်းမှ ပစ်ခတ်မှုများပြုလုပ်ခဲ့သည်ဟု ဒေသခံအမျိုးသားတစ်ဦးက ပြောသည်။“ခွာစစ် ပုံစံနဲ့တိုက်နေတာ စစ်ကောင်စီတွေက၊ လေယာဉ်တွေ ဗုံးကြဲတာကရက်စက်တယ်။ ကျောင်းတစ်ခုတောင်ပါသွားတယ်။ ဒီမနက် လည်း လေယာဉ်နဲ့ပစ်နေပြီ။ ဘယ်နှစ်စီးနဲ့ လာပစ်တယ်ဆိုတာတွေတော့ မသိတော့ဘူးအကြိမ်ကြိမ်ပဲ” ဟုပြောသည်။ ကချင် လွှတ်မြောက်ရေးတပ် (KIA) တပ်မဟာ (၃) လက်အောက်ရှိ တပ်ရင်း (၁၂) ၊ AA၊ KPDF ပူးပေါင်းတပ်များ ယနေ့နံနက်တွင် သိမ်းပိုက်လိုက်ခြင်းဖြစ်ကြောင်း KIA သတင်းရင်းမြစ်တစ်ဦးက ပြောသည်။“သိမ်းနိုင်ပြီ၊ သေချာပြီ၊ စစ်ကောင်စီဘက်ကတော့ တော်တော်လေးထိသွားပြီ။ ကျွန်တော်တို့ဘက်ကတော့ တစ်ယောက်၊ နှစ်ယောက်ထိခိုက်မှုတော့ရှိတာပေါ့” ဟုပြောသည်။

စခန်းသိမ်းဆည်းရမိခြင်းနှင့် ပတ်သက်ပြီး ဆက်သွယ်မေးမြန်းချိန် KIO သတင်းနှင့်ပြန်ကြားရေးတာဝန်ခံ ဗိုလ်မှူးကြီး နော်ဘူ က “ဘာမှမကြားရသေးဘူး တိုက်နေဆဲ တိုက်ပွဲပြင်းထန်နေဆဲ။ ဂျက်တွေနဲ့လာ Y -12၊ Y -8 တွေနဲ့လာပစ်နေတယ်လို့ ကြားနေရတယ်” ဟုပြောသည်။ မံစီမြို့နယ် စီခမ်းကြီးကျေးရွာရှိ စစ်ကောင်စီစခန်းကို ပြီးခဲ့သည့် ဖေဖော်ဝါရီလ ၁၇ ရက်နေ့မှ စတင်ကာ တိုက်ခိုက်နေခြင်းဖြစ်ပြီး ယမန်နေ့တိုက်ပွဲအတွင်း ပြည်သူ ငါးဦးသေဆုံးခဲ့ပြီး ခုနှစ်ဦး ထိခိုက်ဒဏ်ရာရရှိခဲ့ကြောင်း သိရသည်။ တိုက်ပွဲတွေကြောင့် စီအူကျေးရွာနှင့် စီခမ်းကြီးကျေးရွာအနီးတစ်ဝိုက်ရှိ ဒေသခံပြည်သူများ ထွက်ပြေးတိမ်းရှောင် နေကြကြောင်း သိရသည်။ မံစီမြို့နယ်၊ မန်ဝိန်းကြီးကျေးရွာရှိ စစ်ကောင်စီတပ်စခန်း၊ ရဲစခန်းနဲ့ စုပေါင်းဂိတ်များကို ပြီးခဲ့တဲ့ ဇန်နဝါရီလတွင် KIA က တိုက်ခိုက်သိမ်းပိုက်ခဲ့ပြီး စစ်ကောင်စီတပ်ဖွဲ့ဝင်အချို့ကိုလည်း ဖမ်းဆီးရမိခဲ့သည်။ https://www.faceb ook.com/photo?fbid=714132907581047&set=pcb.714126930914978

၂။ ဆီဆိုင်မြို့ကို ပစ္စည်းပြန်သယ်တဲ့သူတွေ စစ်ကောင်စီလက်နက်ကြီးထိလို့ ဒဏ်ရာရရှိ များပြား
February 19, 2024

ရှမ်းပြည်တောင်ပိုင်း၊ ဆီဆိုင်မြို့ကို ပစ္စည်းပြန်ယူတဲ့ကားတွေ ဖေဖော်ဝါရီ ၁၉ ရက်မနက်မှာ လက်နက်ကြီးနဲ့အပစ်ခံရလို့ ထိခိုက်ဒဏ်ရာရသူများပြားတယ်လို့ မြေပြင်သတင်းတွေအရ သိရပါတယ်။ မနက် ၆ နာရီက ၇ နာရီအထိ မြို့ရဲ့ မြောက်ဘက် ကနေ လက်နက်ကြီးနဲ့ ပစ်တာမှာ ဆီဆိုင်မြို့ထဲကို ၁ လုံးကျပြီး၁လုံးကမွေတော်ဘုရားအရှေ့ဘက် ဝါးတောရွာ ကားတန်းနဲ့ ပေ ၅၀ လောက်မှာလက်နက်ကြီးကျလို့ လူ ၆ ယောက်ပြင်းထန်ဒဏ်ရာတွေရပြီး ပြောင်းတင်ကား၁စီးလဲထိလို့ လူ ၂ ယောက်ပြင်း ထန်ဒဏ်ရာ တွေရတယ်လို့ သိရပါတယ်။ ဒဏ်ရာရသူတွေဟာ ဆီဆိုင်မြို့နယ်၊ ဘုရားဖြူရွာကဖြစ်ပြီး ကားနဲ့တောင်ကြီး ဖက်ကို ပြန်သယ်ဆောင်လာနေတယ် လို့ ဆီဆိုင်မြို့ခံတစ်ဦးက ပြောပါတယ်။

မြို့ကိုသွားသူတွေ ပြန်ပြေးလာကြပေမယ့် မြို့ထဲကျန်ရစ်သူများရှိပြီး တိုက်ပွဲဖြစ်နေလို့ ပိတ်မိသူတွေရှိတယ်လို့ သိရပါတယ်။  ဆီဆိုင်မြို့အခြေအနေ လုံခြုံရေးမကောင်းသေးလို့ ပစ္စည်းပြန်ယူတာတွေ မလုပ်ကြဖို့ PNLA က သတိပေး ချက်တွေ ထုတ်ပြန်ထားသလို မနေ့ကပဲ မြို့ကို့ပြန်ပြီး ပစ္စည်းသယ်ခွင့်ပြုတာဟာ စစ်ကောင်စီရဲ့ထောင်ချောက်ဖြစ်မယ်လို့ PNFC က ပြော ထားပါတယ်။ ဆီဆိုင်မြို့တွင်းမှာ ကားအစီးလိုက် ဖောက်ထွင်းခိုးခံနေရတဲ့ သတင်းတွေကြားရလို့နဲ့ ဝင်ငွေမရှိဘဲရိက္ခာပြတ်လာ ကြတဲ့ ဒေသခံတွေမှာလည်း အိမ်ပြန်ပြီးရရာ ယူကြတာမှာခုလို လက်နက်ကြီးနဲ့ ပစ်ခံရတာဖြစ်တယ်လို့ သိရပါတယ်။ စစ်ကောင်စီနဲ့ အပေါင်းပါတွေက ဆီဆိုင်ကို နေ့နေ့ညညလက်နက်ကြီးနဲ့ပစ်ခတ်နေသလို သူခိုးတွေကလည်း သောင်းကျန်းနေ တာဖြစ်လို့ မြို့ကို ထိန်းချုပ်ထားတဲ့ PNLO နဲ့တော်လှန်ရေးတပ်ဖွဲ့တွေက ပြည်သူတွေရဲ့ အသက်အိုးအိမ်စည်းစိမ်တွေကို အခု ထက် ပိုမိုစောင့်ရှောက်ပေးစေချင်တယ်လို့ စစ်ဘေးရှောင် အချို့ကပြောပါတယ်။ https://www.fac ebook.com/photo/?fbid= 422744990111951&set=pcb.422689086784208
၃။ မောင်တောက စစ်ကောင်စီ ပဲရမ်းတောင်စခန်းကို AA သိမ်းယူ
  February 20, 2024

ရခိုင်ပြည်နယ် မောင်တောမြို့နယ် ပဲရမ်းတောင်က စစ်ကောင်စီတပ်စခန်းကို ဖေဖော်ဝါရီလ ၁၉ ရက်မှာ ရက္ခိုင့်တပ်တော် (AA) က သိမ်းယူနိုင်ခဲ့တယ်လို့ AA ပါဝင်တဲ့ ညီနောင်မဟာမိတ်သုံးဖွဲ့က ထုတ်ပြန်ပါတယ်။ ဒီစခန်းကနေ စစ်ကောင်စီတပ် သား ရုပ်အလောင်း ဆယ်လောင်းကျော် အပါအဝင် လက်နက်ခဲယမ်းတွေ၊ စစ်အသုံးအဆောင်ပစ္စည်းတွေကို ရရှိခဲ့တယ်လို့လည်း ဖော်ပြပါတယ်။ မနက် ၇ နာရီ ဝန်းကျင်ကနေ ညနေ ၄ နာရီခွဲအထိ ၉ နာရီကျော်ကြာတဲ့ စခန်းသိမ်းတိုက်ပွဲအတွင်း စစ်ကောင်စီ တပ်က ဂျက်တိုက်လေယာဉ်နဲ့ သုံးကြိမ် လာရောက်ပစ်ခတ်ခဲ့ပါတယ်။

ဖေဖော်ဝါရီလ ၁၆ ရက်နေ့ကလည်း မောင်တောမြို့အနီးက ဗောဓိကုန်းနဲ့ နရူလာ စစ်ကောင်စီတပ် နယ်ခြားစောင့်စခန်း နှစ်ခုကို ရက္ခိုင့်တပ်တော် (AA) က တိုက်ခိုက်သိမ်းယူခဲ့ပါတယ်။ ရက္ခိုင့်တပ်တော် (AA) ဟာ ချင်းပြည်နယ် ပလက်ဝမြို့ အပါ အဝင် ရခိုင်ပြည်နယ်အတွင်းက ပေါက်တော၊ မင်းပြား၊ မြောက်ဦး၊ ကျောက်တော်၊ မြေပုံနဲ့ တောင်ပြိုစတဲ့ မြို့ ခုနစ်မြို့ကို သိမ်း ယူထားပါတယ်။ လက်ရှိမှာတော့ ရသေ့တောင်၊ မောင်တော၊ ဘူးသီးတောင်နဲ့ ရမ်းဗြဲမြို့တွေက စစ်ကောင်စီတပ်စခန်းတွေကို ထိုးစစ်ဆင်တိုက်ခိုက်နေပါတယ်။ https://www.rfa.org/burmese/news/aa-seize-military-outpost-0219202422270ml
၄။ နိုင်ငံခြားသို့ တိမ်းရှောင်သူများ၏ နေအိမ်ဥစ္စာကို သိမ်းဆည်းမည်ဟု RCSS ထုတ်ပြန်
  February 19, 2024

သျှမ်းပြည်အတွင်းနေထိုင်သည့် ဒေသခံပြည်သူများမှ နိုင်ငံခြားသို့ မိသားစုလိုက်ထွက်ပြေးတိမ်းရှောင်ပါက နေအိမ် ဥစ္စာ များကို သိမ်းဆည်းသွားမည်ဟု သျှမ်းပြည် ပြန်လည်ထူထောင်ရေးကောင်စီ RCSS က ထုတ်ပြန်လာကြောင်း စုံစမ်းသိရသည်။ စစ်ရေးပဋိပက္ခ ကာလအတွင်း သျှမ်းပြည်အတွင်း နေထိုင်ပြီး မည်သည့်တိုင်းရင်းသား လူမျိုးမဆို အသက် ၁၈ နှစ်မှ ၄၅ နှစ်အထိ ကျား၊မ အားလုံးသျှမ်းပြည်အမျိုးသားရေး တာဝန်ထမ်းဆောင်နိုင်ရန်အတွက် စစ်မှုထမ်းမူဝါဒနှင့် မြေယာမူဝါဒများကို သျှမ်းပြည် ပြန်လည်ထူထောင်ရေးကောင်စီ/ သျှမ်းပြည်တပ်မတော် (RCSS/SSA) က (ဖေဖော်ဝါရီလ ၁၉ ရက်)တွင် ထုတ်ပြန်လာသည်။“RCSS ဆီမှာ စစ်မှုထမ်းရင်တော့ ကင်းလွတ်ခွင့် ရမှာပါ။ စစ်ကောင်စီက ကောက်ယူတာလည်း သူတို့ရဲ့ ဥပဒေပဲလေ။ ပြည်မက လူတွေကိုပဲ စစ်သားကောက်မှာပေါ့။ သျှမ်းပြည်သားတွေနဲ့ မဆိုင်ဘူး၊ သျှမ်းပြည်သူတွေအနေနဲ့ စစ်ကောင်စီမှာ တာဝန်ထမ်း ဆောင်ဖို့ မလိုဘူး။ ပြည်သူတွေ ကိုယ့်သဘောဆန္ဒအရ ဆုံးဖြတ်ရမှာပေါ့”ဟု RCSS ပြောရေးဆိုခွင့်ရှိသူ ဗိုလ်မှူး စိုင်းခမ်းစံက ပြောသည်။

ယခုထုတ်ပြန်လာသည့် စစ်မှုထမ်းနှင့် မြေယာမူဝါဒသည် RCSS/SSA စတင်ဖွဲ့စည်းကတည်းက နဂိုရှိရင်းစွဲ မူဝါဒဖြစ်ပြီး အခြေအနေအရ ပြည်သူများ သိရှိနိုင်ရန် ထုတ်ပြန်ရခြင်းဖြစ်သည်ဟု ဆိုသည်။“အဓိက ပြည်သူတွေ နေအိမ်ခြံဝင်း ရောင်းပြီး နိုင်ငံခြားသွားတာကို တားမြစ်နိုင်အောင်ပေါ့။ သူတို့တွေ ပြန်လာနေကြဖို့ပေါ့။ မြေယာမူဝါဒကတော့ RCSS ရဲ့ အုပ်ချုပ်ရေးလုပ် ငန်းထဲပါတယ်။ အသက်မွေးဝမ်းကြောင်းမှုအရ ငွေရှာတာတော့ မတားမြစ်ဘူး၊ နေအိမ်နဲ့ တောင်ယာတွေကို မစွန့်ပစ်သွားကြဖို့ တားမြစ်ရတာ”ဟု RCSS ပြောရေးဆိုခွင့်ရှိသူ ဗိုလ်မှူးစိုင်းခမ်းစံက ဆက်ပြောသည်။ RCSS တပ်ဖွဲ့၏ စစ်မှုထမ်းမူဝါဒတွင် (၁) အသက်(၁၈)နှစ် ပြည့်လျှင် ၆ နှစ် စစ်မှုထမ်းရန်၊ (၂) တက္ကသိုလ်အဆင့်ပြီးမြောက်သူများ သင်ကြားရေးနှင့် ရုံးလုပ်ငန်းတာဝန် ထမ်းဆောင်ရန်၊ (၃) စက်မှုလက်မှု ကျွမ်းကျင်သူများ လျှပ်စစ်ပစ္စည်း၊ စက်ပစ္စည်းနှင့် ယာဉ်ထိန်းသိမ်းရေးတို့ လုပ် ဆောင်ရန်၊ (၄) နည်းပညာကျွမ်းကျင်သူများအနေဖြင့် ဒရုန်းတပ်ဖွဲ့၊ IT နှင့် Website ဆိုင်ရာ တာဝန်ထမ်းဆောင်ရန်၊ (၅) နိုင်ငံရေး၊ စည်းရုံးရေး နှင့် မှတ်တမ်းထိန်းသိမ်းရေး ကျွမ်းကျင်သူများ သက်ဆိုင်ရာအလိုက် တာဝန်ထမ်းဆောင်ရန် စသည်ဖြင့်ပါရှိသည်။ RCSS သည် ယနေ့ချိန်ထိတစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘော တူညီစာချုပ်(NCA)ကို ဆက်လက်ကိုင်စွဲထားပြီး စစ်ကောင်စီ၏ အမျိုးသား စည်းလုံးညီညွတ်ရေးနှင့် ငြိမ်းချမ်းရေးဖော် ဆောင်မှု ကော်မတီ (NSPNC)နှင့်လည်း ပုံမှန်တွေ့ဆုံ ဆွေးနွေးလျက် ရှိသည်။ https://burmese.shannews.org/archives/401
 
၅။ ရန်ကုန်မှ စစ်တွေသို့ လေယာဉ်ဖြင့် လာသည့် ခရီးသည်များ အားလုံးကို စစ်ကောင်စီက ဖမ်းဆီး စစ်ဆေးနေ
  February 19, 2024

ဖေဖော်ဝါရီ ၁၉ ရက်နေ့တွင် ရန်ကုန်လေဆိပ်မှ ရခိုင်ပြည် စစ်တွေလေဆိပ်သို့ လိုက်ပါလာသော ခရီးသည်များအားလုံး ကို အာဏာသိမ်းစစ်ကောင်စီက ဖမ်းဆီးစစ်ဆေးနေကြောင်း ဒေသခံများ ပြောပြချက်အရ သိရသည်။ နံနက် ၆ နာရီကနေ နေ့လယ် ၂ နာရီအထိ စစ်တွေလေဆိပ်သို့ လေယာဉ် ၃ စီးဆင်းသက်ပြီး ခရီးသည် ၆၀၀ ထက်မနည်း ပါလာကြောင်းနှင့် ၎င်းတို့ အားလုံးကို စစ်တွေမြို့ လောကာနန္ဒာစေတီဝန်းတွင် စစ်ကောင်စီ တပ်ဖွဲ့ဝင်များမှ ဖမ်းဆီးဆေးနေကြောင်း စစ်တွေဒေသခံ တစ်ဦးက ပြောသည်။ “စစ်တွေဆိပ်ကနေ လဝက တောင်ဖြတ်ခွင့်မပေးဘူး။ လေယာဉ်ဆင်းတာနဲ့ စစ်ကားတွေ၊ ဒိုင်နာကား တွေကို တက်ခိုင်းတာ။ ပြီးရင်တော လောကာနန္ဒာ ခြံဝန်းခေါ်လာပြီး စစ်ဆေးနေတာ။ တစ်ယောက်မှ ပြန်လွတ်တာ မတွေ့ရ သေးဘူး။ ဘာဖြစ်လို့ စစ်ဆေးနေတာလဲ တစ်ယောက်မှ အတိအကျ မသိရဘူး။ လောကာနန္ဒာခြံဝန်းကိုလည်း လုံခြုံ ရေးအပြည့် ယူထားတယ်။ အပြင်လူ တစ်ယောက်မှ ဝင်ခွင့်မရှိဘူး” ဟု ပြောသည်။ အဆိုပါ ခရီးသည်များကို စစ်ကောင်စီတပ်သားများမှ ဦးဆောင်ကာ စစ်တွေမြို့နယ် လဝက၊ ရခိုင်ပြည် လဝကအဖွဲ့နှင့် ရဲတပ်ဖွဲ့အပါအဝင် ပြည်နယ်ထွေ/အုပ်၊ ပြည်နယ်စစ်ကောင်စီ ဝန်ကြီးအဖွဲ့တို့ပါဝင်ကြောင်း ဒေသခံများက ဆိုသည်။

နောက်ထပ် ဒေသခံတစ်ဦးက “အဓိက ဘယ်ကလာတာလဲမေးတယ်။ မှတ်ပုံတင်၊ အိမ်ထောင်စုစာရင်း၊ ဘယ်မှာ ဘာ သွားလုပ်နေတာလဲ အကုန်မေးတာ။ ဘာဖြစ်လို့ ပြန်လာတာလဲ၊ ရခိုင်မှာ ဘယ်မှာနေတာလဲ၊ မွေးရပ်ဇာတိက ဘယ်ကလဲ စသဖြင့်မေးတာ။ ပြီးတော့ နိုင်ငံရေးလှုပ်ရှားမှု ရှိသလား၊ မသင်္ကာတဲ့သူတွေဆိုရင် ဖုန်းတွေ၊ ကွန်ပျူတာတွေ၊ အိတ်တွေ အကုန်စစ်တာ။ မသင်္ကာစရာတစ်ခုခုတွေ့ရင် အချုပ်ထဲပို့မယ်ဆိုတဲ့ သဘော”ဟု ပြောသည်။ စစ်ကောင်စီသည် စစ်တွေ လေဆိပ် သို့ လာရောက်သည့် ခရီးသည်များကို ယနေ့တွင် စတင်စစ်ဆေးနေခြင်းဖြစ်ပြီး နောက်နေ့များတွင်လည်း စစ်ဆေးသွားမည်ဟု လုံခြုံရေးအရ အမည်မဖော်လိုသည် လေဆိပ်တာဝန်ကျနေသူတစ်ဦးက ပြောသည်။ ဖေဖော်ဝါရီလ ၁၈ ရက်နေ့ကလည်း ရခိုင်ပြည် ကျောက်ဖြူမြို့လေဆိပ်သို့ ရန်ကုန်မှ ရောက်လာသည့် ခရီးသည် ၆၇ ဦးကိုလည်း ရမ္မာဝတီမြို့တော်ခန်းမတွင် ဖမ်းဆီး စစ်ဆေးနေပြီး အချို့ကို ပြန်လွှတ်ပေးကာ အများစုက ကျန်နေသေးကြောင်း ကျောက်ဖြူဒေသခံများပြောပြချက်အရ သိရသည်။  https://www.facebook.com/photo/?fbid=841132598026168&set=a.682731967199566
၆။ ဆီဆိုင်မြို့နယ်က ရွာတွေကို စစ်ကောင်စီလက်နက်ကြီးနဲ့ပစ်လို့  ၂ ဦး သေဆုံးပြီး ၇ ဦး ဒဏ်ရာရ
  February 19, 2024

ရှမ်းပြည်တောင်ပိုင်း၊ ဆီဆိုင်မြို့နယ်၊ ဘန်းယဉ်မြို့ ခမရ ၄၂၅ နဲ့ ၄၂၆ တပ်အတွင်းရှိ စစ်ကောင်စီနဲ့ လက်အောက်ခံ ပြည်သူ့ စစ်များက လက်နက်ကြီးတွေနဲ့ ပစ်ခတ်လို့ ထမ်းယံကျေးရွာက ကလေးငယ်နဲ့ ထီတမ်ရွာက အမျိုးသား ၂ ဦး သေဆုံးခဲ့ တယ်လို့ PNLA က ထုတ်ပြန်ပါတယ်။ မြေပြင်တိုက်ပွဲတွေမရှိဘဲ ကျေးရွာတွေကိုလက်နက်ကြီးတွေနဲ့ အချက်ပေါင်း ၄၀ ကျော် ပစ်ခတ်ခဲ့လို့ ထမ်းယံက ၆ လသားအရွယ်ကလေးငယ်တစ်ဦးသေဆုံးပြီး ၂ ဦးဒဏ်ရခဲ့ကာ ထီတမ်က ဒေသခံ ၁ ဦး  သေဆုံးပြီး ၅ ဦး ဒဏ်ရခဲ့တယ်လို့သိရပါတယ်။

ယင်းကျေးရွာတွေမှာ ပအိုဝ်းအမျိုးသားလွတ်မြောက်ရေးတပ်မတော် (PNLA)  တပ်စွဲထားခြင်းမရှိပဲ စစ်ကောင်စီက တိုက်ပွဲ အတုဖန်တီးပြီးတမင်သက်သက် ကျေးရွာတွေကိုပစ်ခတ်ဖျက်ဆီးခဲ့တာလို့ ပြောပါတယ်။ ဖေဖော်ဝါရီ ၁၇ ရက်တစ်ရက်ထဲ မှာပဲ ဆိုက်ခေါင်အထိုင်ချ စစ်ကောင်စီအမြောက်တပ်က မဲနယ်တောင်ဒေသ ကျောက္ကဆျား၊ လုံးဟီး၊ စငေါ ကျေးရွာတွေဘက်ကို လည်း လက်နက်ကြီး အချက်ပေါင်း ၁၀၀ ကျော် ပစ်ခတ်ခဲ့တယ်လို့ ထုတ်ပြန်ချက်မှာ ပါရှိပါတယ်။ https://www.facebook.com/photo?fbid=422643800122070&set=pcb.422643880122062

၇။ ရေးမြို့နယ် ခံသင်းတံတားရှိ စစ်တပ်ဂိတ်ကို ရေးဘီလူးတပ်ဖွဲ့က တိုက်ခိုက်မှု  စစ်သား ၄ ဦး သေဆုံး
  February 19, 2024

မွန်ပြည်နယ် ရေးမြို့နယ်ရှိ ခံသင်းတံတားရှိ အကြမ်းဖက်စစ်တပ်၏ ဂိတ်ကို ဝင်ရောက်တိုက်ခိုက်ခဲ့ရာ အကြမ်းဖက် စစ်သား ၄ ဦး သေဆုံးကြောင်း ရေးဘီလူးအဖွဲ့ခေါင်းဆောင်က ပြောဆိုသည်။ ဖေဖော်ဝါရီလ ၁၉ ရက်နေ့ နံနက် ၇ နာရီ အချိန် တွင် ဝင်ရောက်တိုက်ခိုက်ခဲ့ခြင်းဖြစ်ပြီး ဂိတ်စခန်းတွင် ပိုက်ဆံကောက်နေသည့် အကြမ်းဖက်စစ်သားများကို ပစ်ခတ်ရှင်းလင်းခဲ့ ခြင်း ဖြစ်ကြောင်း ရေးဘီလူးအဖွဲ့ခေါင်းဆောင်က ပြောကြားသည်။

“ပိုက်ဆံကောက်တဲ့ တပ်သား ၄ ဦးကို အပိုင်ပစ်နိုင်ခဲ့တယ်။ ကျွန်တော်တို့ သေနတ်ဝင်ကောက်ဖို့ လုပ်တာ အထဲမှာ ကွန်မန်ဒိုစိန်ပြောင်းတွေ ထိုင်ထားတာရှိတယ်ဗျ။ ဝင်ဖို့မလွယ်တော့ အဝေးကနေ ကာပစ်ပြီး အကောင်းဆုံးဆုတ်ခွာနိုင်ခဲ့တယ်” ဟု ရေးဘီးလူးအဖွဲ့ခေါင်းဆောင်က ပြောကြားသည်။ တိုက်ခိုက်မှုအတွင်း အကြမ်းဖက်စစ်တပ်ဘက်က ၈၀ မမ ၊ ၆၀ မမ လက်နက်ကြီးများ ပစ်ခတ်၍ စစ်ကူပေးခဲ့သော်လည်း ရေးဘီလူးအဖွဲ့ဝင်များ အထိအခိုက်အကျအဆုံးမရှိ ပြန်လည် ဆုတ်ခွာ နိုင်ခဲ့ကြောင်း သိရှိရသည်။ https://www.facebook.com/photo/?fbid=7557688433173 91&set=a.568142278746716
၈။ မိုးကောင်းတွင် လူငယ် ၄ ဦးကို စစ်ကောင်စီတပ် ဖမ်းဆီး
  February 19, 2024

ရခိုင်ပြည်နယ်၊ ကျောက်တော်မြို့နယ်ကနေ ဖားကန့်မှာ အလုပ်သွားလုပ်တဲ့ မြိုတိုင်းရင်းသား လူငယ် ၄ ဦးကို ကချင်ပြည် နယ် မိုးကောင်းမြို့ စစ်ကောင်စီဂိတ်ကနေ ဖမ်းဆီးလိုက်တယ်လို့ သူတို့နဲ့ နီးစပ်သူတွေက ပြောပါတယ်။ ဖေဖော်ဝါရီ ၁၆ ရက် မနက် ၉ နာရီလောက်မှာ မိုးကောင်းမြို့ကနေ ဖားကန့်ဘက်အထွက် လမ်းဆုံ စစ်ကောင်စီဂိတ်မှာ မှတ်ပုံတင်စစ်ဆေးနေရင်း မြိုတိုင်းရင်းသား လူငယ် ၅ ဦးကို ဖမ်းဆီးလိုက်တာ ဖြစ်ပါတယ်။ ဖမ်းဆီးခံရသူ ၅ ဦးထဲက အသက် ၃၉ နှစ်အရွယ် အမျိုးသား တဦးကိုတော့ ပြန်လွှတ်ပေးခဲ့ပြီး အသက် ၁၉ နှစ်ကနေ ၂၉ နှစ်အကြား အမျိုးသား ၄ ဦးကိုတော့ လက်ရှိအချိန်ထိ ပြန်လွှတ်ပေး ခြင်း မရှိသေးဘူးလို့ သိရပါတယ်။ ဖမ်းဆီးခံရသူတွေဟာ ကျောက်တော်မြို့နယ် မင်းတုန်ရွာမှာ နေထိုင်တဲ့ နေမျိုးထက်၊ နောဧ၊ ရဲလင်းကျော်နဲ့ ကျော်ကျော်နိုင်တို့ ဖြစ်တယ်လို့ သိရပါတယ်။

သူတို့ဟာ နေထိုင်တဲ့ မင်းတုန်ကျေးရွာကတဆင့် ကျောက်တော်မြို့၊ ကျောက်တော်မြို့ကနေ စစ်တွေမြို့၊ စစ်တွေမြို့ က တဆင့် လေယာဉ်နဲ့ ရန်ကုန်မြို့၊ ရန်ကုန်မြို့ကတဆင့် ကားနဲ့ ဖားကန့်ကိုအသွား မိုးကောင်းမြို့အထွက်မှာ ဖမ်းဆီးခံလိုက်ရတာ လို့လည်း သိရပါတယ်။ ဖမ်းဆီးခံရသူနဲ့ နီးစပ်သူတဦးက “၄ ယောက်ကျန်ခဲ့တယ်၊ အစကတော့ ယောကျ်ားလေးတွေဆိုတော့ ဘယ်ကလာသလဲဆိုတာ စစ်ဆေးပြီးတော့မှ ၃၉ နှစ်တယောက်ကို အသက်ကြီးတယ်ဆိုပြီး ပြန်လွှတ်ပေးလိုက်တယ်။ ကျန်တဲ့သူ တွေကတော့ စစ်ဆေးစရာရှိတယ်ဆိုပြီး ခေါ်ထားတာ။ တခြားသူတွေလည်း စစ်ဆေးစရာရှိတယ်ဆိုပြီး ပြန်လွှတ်တာတဲ့၊ သူတို့ ကိုတော့ မလွှတ်သေးဘူး” လို့ ပြောပါတယ်။ ဖမ်းဆီးခံရသူ ၄ ဦးကို မိုးကောင်းမြို့ ခလရ-၃၈၁ တပ်ရင်းထဲမှာ ထားရှိပြီး မိသားစုနဲ့ လည်း အဆက်အသွယ်မရသလို ဘာကြောင့်ထိန်းသိမ်းထားတယ် ဆိုတာလည်း မသိရသေးဘူးလို့ နီးစပ်သူတွေက ပြောပါတယ်။ https://burmese.dvb.no/post/639391
၉။ နိုင်ငံအား စစ်နွံအတွင်းကျစေမည့် ဥပဒေ KNU ဝေဖန်
  February 19, 2024

စစ်ကောင်စီ အသက်သွင်းလိုက်သော ပြည်သူ့စစ်မှုထမ်းဥပဒေသည် စစ်အာဏာရှင် သက်ဆိုးရှည်စေမည့် လုပ်ရပ်ဖြစ် သည့်အတွက် ဆန့်ကျင်ကန့်ကွက်ကြောင်း ကရင်အမျိုးသားအစည်းအရုံး (KNU) က ထုတ်ပြန်လိုက်သည်။ ထုတ်ပြန်ချက်၌ “စစ်မှုထမ်းဥပဒေသည် တနိုင်ငံလုံးအားစစ်နွံအတွင်းနက်ရှိုင်းစွာ ကျရောက်စေရန်လုပ်ဆောင်သည့်လုပ်ရပ်ဖြစ်သလို စစ်အာဏာ သက်ဆိုးရှည်စေသော လုပ်ရပ်ဖြစ်သောကြောင့် kNU က ဆန့်ကျင် ကန့်ကွက်ပါသည်” ဟု ဖော်ပြ ပါရှိသည်။ ထို့ပြင် ပြည်သူ့စစ် မှုထမ်းဥပဒေသည် တိုင်းပြည်အား ပြည်ပရန် ကျူးကျော်မှုများမှ ကာကွယ်ရန်၊ သဘာဝဘေးအန္တရာယ် များနှင့် အကြီးစား မတော်တဆဖြစ်ပွားမှုများ စသည်တို့တွင် လူသားချင်းစာနာထောက်ထားသော အကူအညီပေးအပ်မှု အပါအဝင် နိုင်ငံပြန်လည် တည်ဆောက်ရေး ကြိုးပမ်းမှုကို ပံ့ပိုးကူညီရန်အတွက် ဖြည့်ဆည်းပေးရမည့် မှန်ကန်သည့် ဝန်ဆောင်မှု ဖြစ်သည်ဟုလည်း ဖော်ပြထားသည်။

တရားမဝင်သော စစ်ကောင်စီ၏ လုပ်ရပ်အားလုံးကို နည်းမျိုးစုံဖြင့် ဆန့်ကျင်တိုက်ဖျက်သွားကြရန် တိုက်တွန်းထားပြီး KNU အနေဖြင့် သက်ဆိုင်ရာ ကဏ္ဍများမှတတ်စွမ်းသ၍ ကူညီဆောင်ရွက်သွားမည် ဖြစ်ကြောင်းလည်း ပြောဆိုထားသည်။ ပြည်သူ့စစ်မှုထမ်းဥပဒေအား အသက်ဝင်ကြောင်း အတည်ပြုပြဋ္ဌာန်းရန် အာဏာသိမ်း စစ်ကောင်စီအနေဖြင့် လုပ်ပိုင်ခွင့်မရှိ ဟု လည်း ဥပဒေပညာရှင်အချို့က ဝေဖန်ထောက်ပြ ကြသည်။ အဆိုပါ ဥပဒေကြောင့် မြန်မာနိုင်ငံအတွင်း နေထိုင်သော လူငယ်များ သည် ပြည်ပနိုင်ငံများသို့ ထွက်ခွာခြင်း၊ နယ်စပ်ဒေသများသို့ တိမ်းရှောင်ခြင်းများပြုလုပ်လာနိုင်သည့်အတွက် စီးပွားရေး၊ လူမှု ရေး စသော ကဏ္ဍများတွင်ပါ သက်ရောက်မှု များစွာရှိလာနိုင်သည်ဟုလည်း စီးပွားရေးပညာရှင်များက သုံးသပ်ပြောဆိုသည်။ https://www.facebook.com/photo?fbid=800806205425902&set=a.6007 22605434264
၁၀။ ထားဝယ်မြို့နယ်၊ သင်္ကန်းတုံးကျေးရွာအနီးတွင် တိုက်ပွဲ ၃ ကြိမ်ဖြစ်ပြီး စစ်ကောင်စီ တပ်သား ၄ ဦး သေဆုံး
    February 19, 2024

တနင်္သာရီတိုင်း၊ ထားဝယ်မြို့နယ်၊ သင်္ကန်းတုံးကျေးရွာအနီးတွင် တိုက်ပွဲ ၃ ကြိမ်ဖြစ်ပြီး စစ်ကောင်စီတပ်သား ၄ ဦးသေဆုံး ခဲ့ကြောင်း Ba Htoo Army – BHA တပ်ဖွဲ့မှ တာဝန်ရှိသူတစ်ဦးက ပြောသည်။ ဖေဖော်ဝါရီလ ၁၇ ရက်နေ့ ထားဝယ်မြို့မှ တဆင့် ထားဝယ် – ထီးခီးလမ်းအတိုင်း သင်္ကန်းတုံးကျေး ရွာဘက်သို့ ဝင်ရောက်လာသော စစ်ကောင်စီခြေလျင်စစ်ကြောင်းနှင့် ရိက္ခာတင်ကား ၁၇ စီးပါ စစ်ယာဉ် တန်းကို ပြည်သူ့ကာကွယ်ရေးပူးပေါင်းတပ်ဖွဲ့များက သင်္ကန်းတုံးကျေးရွာ အရောက် ကြား ဖြတ်တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ ၃ ကြိမ်ဖြစ်ခဲ့ကြောင်း၊ တိုက်ပွဲအတွင်း စနိုက်ပါဖြင့် ထိမှန်မှုကြောင့် အကြမ်း ဖက်စစ်သား ၄ ဦးသေဆုံးပြီး အများအပြား ဒဏ်ရာရရှိခဲ့ကြောင်း သိရသည်။“ခွေးစစ်ကြောင်းက ထားဝယ်ကနေ ထီးခီးဖက် တက်မယ်ထင်တယ်၊ ကားတွေကတော့ ရိက္ခာ တွေရော၊ ခွေးတွေရော အပြည့်ပါတယ်ဗျ၊ တိုက်ပွဲကတော့ လက်နက်ကြီး၊ လက်နက်ငယ်တွေနဲ့ အပြန်အလှန်ပစ်ခတ်မှုဖြစ်ခဲ့တာ၊ လက်ရှိခွေးစစ်ကြောင်းက သင်္ကန်းတုန်းရွာမှာပဲရှိသေးတယ်၊ ရှေ့ဆက် တိုးမလာသေးဘူး” ဟု Ba Htoo Army – BHA တပ်ဖွဲ့မှ တာဝန်ရှိသူတစ်ဦးက ပြောကြားသည်။

အဆိုပါ တိုက်ခိုက်မှုကို ဗထူးတပ်မတော် (BHA) ၊ ထားဝယ်စုပေါင်းစစ်ကြောင်း(DCC) နှင့် Dawei Defense Team – DTT တပ်ခွဲ ၂ တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးပူးပေါင်းတပ်ဖွဲ့ဝင်များ အထိအခိုက်မရှိ အောင်မြင် စွာတိုက်ခိုက်နိုင်ခဲ့ကြောင်း သိရသည်။ ၂၀၂၄ ခုနှစ်အတွင်း စစ်ရေးအရှိန်မြင့်တင်ကာ အကြမ်းဖက် ဖက်ဆစ်စစ်တပ်ကို အမြစ် ပြတ်တိုက်ခိုက် ချေမှုန်းသွားမည်ဖြစ်သည့်အတွက် မိဘပြည်သူများအနေဖြင့် စစ်ရေးအသိသတိဖြင့်သွားလာနေထိုင်ကြရန်နှင့် ပြည်သူ့ကာကွယ်ရေးအဖွဲ့များမှ တရားဝင် အသိပေးထုတ်ပြန်ထားသည့် ထုတ်ပြန် ချက်များကို လေးစားလိုက်နာကြရန် မေတ္တာ ရပ်ခံထားသည်။ https://www.facebook.com/photo/?fbid=755594360001506&set=a.568142278746716
၁၁။ မွန်ပြည်သစ်ပါတီ ပြည်လည်ပေါင်းစည်းရေး ကြိုးပမ်းမည်
   February 19, 2024

မွန်ပြည်သစ်ပါတီ(စစ်အာဏာရှင်တိုက်ဖျက်ရေး)အဖွဲ့နဲ့ ပြန်လည်ပေါင်းစည်းနိုင်ဖို့ ကြိုးပမ်းသွားမယ်လို့ မွန်ပြည်သစ် ပါတီ ဗဟိုအလုပ်ဆောင်မှုကော်မတီကကြေညာလိုက်ပါတယ်။ ပြီးခဲ့တဲ့ မွန်ပြည်သစ်ပါတီရဲ့ ၁၁ ကြိမ်မြောက်ပါတီညီလာခံ ရလဒ် အပေါ် ကျေနပ်မှုမရှိသူတွေ စည်းရုံးပြီး ဖေဖော်ဝါရီ ၁၄ ရက်မှာ မွန်ပြည်သစ်ပါတီ (စစ်အာဏာရှင်တိုက်ဖျက်ရေးအဖွဲ့) အမည်နဲ့  အာဏာသိမ်း စစ်ကောင်စီကို တော်လှန်ရေးအဖွဲ့တွေနဲ့ ပူးပေါင်းတိုက်ခိုက်သွားမယ်လို့ ကြေညာခဲ့တာ ဖြစ်ပါတယ်။ ပါတီကနေ ခွဲထွက်သွားတဲ့သူတွေ မိခင်ပါတီဆီ ပြန်လာဖို့ သံဃာတော်တွေ မျိုးချစ်ပုဂ္ဂိုလ်တွေနဲ့ လက်တွဲပြီး ကြိုးပမ်းဆောင်ရွက်သွားမယ် လို့ မွန်ပြည်သစ်ပါတီ ဗဟိုအလုပ်မှုဆောင်ကော်မတီက ဖေဖော်ဝါရီ ၁၆ ရက်မှာ အသိပေးထားပါတယ်။

မွန်ပြည်သစ်ပါတီ(စစ်အာဏာရှင်တိုက်ဖျက်ရေး) နိုင်ငံရေးစစ်ရေးဦးဆောင်အဖွဲ့ ဒုအဖွဲ့ခေါင်းဆောင် နိုင်ဗညားလယ် (၁)ကတော့ မွန်ပြည်သစ်ပါတီရဲ့ ကြေညာချက်အပေါ် မှတ်ချက်မပေးလိုဘဲ အဖွဲ့ရဲ့ ထုတ်ပြန်ချက်အတိုင်း အာဏာသိမ်း စစ်တပ် ကို ပြန်တိုက်သွားမယ်လို့ ပြောပါတယ်။ စစ်ကောင်စီနဲ့ တွေ့ဆုံဆွေးနွေးရေးအပေါ် မွန်ပြည်သစ်ပါတီအတွင်း လက်ခံသူတွေနဲ့ လက်မခံသူတွေကြား သဘောထားကွဲလွဲနေခဲ့တာ ကြာပြီးဖြစ်သလို စစ်ကောင်စီနဲ့ တွေ့ဆုံဆွေးနွေးရေး လက်ခံထားသူအရေ အတွက် များပြားသွားတာကြောင့် လက်မခံသူတွေ ဘက်က အလျှော့ပေးခဲ့ရတာကို ကျေနပ်မှုမရှိခဲ့ဘူးလို့ မွန်ပြည်သစ်ပါတီရဲ့ထုတ်ပြန်ချက်မှာ ဖော်ပြထားပါတယ်။ မွန်ပြည်သစ်ပါတီ(စစ်အာဏာရှင်တိုက်ဖျက်ရေးအဖွဲ့)ကတော့ စစ်ကောင်စီကို ဆန့်ကျင် တိုက်ပွဲဝင်နေတဲ့ တိုင်းရင်းသားတော်လှန်ရေးအဖွဲ့အစည်းတွေနွေဦးတော်လှန်ရေးအင်အားစုတွေနဲ့ ပူးပေါင်းလက်တွဲပြီး အာဏာ သိမ်းစစ်တပ်ကို တိုက်ခိုက်သွားမယ်လို့ ပြီးခဲ့တဲ့ ဖေဖော်ဝါရီ ၁၄ ရက်မှာ ကြေညာချက် ထုတ်ပြန်ထားပါတယ်။ မွန်ပြည်တော်လှန် ရေးတပ် MSRF ပြောရေးဆိုခွင့်ရှိသူ နိုင်နဂါးကတော့ မွန်ပြည်သစ်ပါတီနဲ့ မွန်ပြည်သစ်ပါတီ(စစ်အာဏာရှင်တိုက်ဖျက်ရေးအဖွဲ့) တို့ရဲ့ ရပ်တည်ချက်နဲ့ ဆောင်ရွက်သွားမယ့် လုပ်ငန်းစဉ်တွေဟာ သူတို့အပေါ်မှာသာ မူတည်တယ်လို့ ပြောပါတယ်။ https://bur mese.dvb.no/post/639359
၁၂။ ရခိုင်ပြည်နယ်ရှိ ရိုဟင်ဂျာများ စစ်မှုထမ်းရန် စစ်ကောင်စီ စာရင်းကောက်
   February 19, 2024

ရခိုင်ပြည်နယ်မှာရှိတဲ့ ရိုဟင်ဂျာတွေကို မြန်မာနိုင်ငံမှာ နေထိုင်နေတဲ့သူတွေ ဖြစ်တာကြောင့် စစ်မှုထမ်းရမယ်လို့ စစ်ကောင်စီက ခြိမ်းခြောက်ပြောဆို စာရင်းကောက်ခံနေတယ်လို့ ဒေသခံတွေက ပြောပါတယ်။ အရင်စစ်အာဏာရှင်ဟောင်း ဦးသန်းရွှေလက်ထက် ၂၀၁၀ ပြည့်နှစ်မှာ ပြဋ္ဌာန်းခဲ့‌တဲ့   ပြည်သူ့စစ်မှုထမ်း ဥပဒေကို အာဏာတည်တဲ့အကြောင်း လက်ရှိ အာဏာ သိမ်း စစ်ခေါင်းဆောင်က ဖေဖေါ်ဝါရီ ၁၀ ရက်မှာ အမိန့်ထုတ်ပြန်ခဲ့တာကြောင့် ပြည်သူတွေ စိုးရိမ်နေပါတယ်။ မြန်မာနိုင်ငံသား အဖြစ် အသိအမှတ်ပြုမခံရဘဲ စစ်အာဏာရှင်အဆက်ဆက် ခွဲခြားဖိနှိပ်ခံရတဲ့  ရိုဟင်ဂျာတွေဟာလည်း မြန်မာပြည်မှာ နေထိုင် သူတွေပဲ ဖြစ်တယ်၊ ကိုယ့်အရပ်ကို ကိုယ်ကာကွယ်ဖို့ လက်နက်ကိုင်ရမယ်၊ သင်တန်းတွေပေးမယ်ဆိုပြီး စစ်တွေမြို့ရှိ  ရိုဟင်ဂျာ ဒုက္ခသည်စခန်းမှာ စာရင်းတွေ လာကောက်ယူနေတာလို့ စစ်တွေဒေသခံ ရိုဟင်ဂျာ ဒုက္ခသည်တယောက်က ပြောပါတယ်။

တပ်သားအင်အား လိုအပ်နေတဲ့ စစ်ကောင်စီက မောင်တော၊  ဒို့ညောင်ပင်ကြီးရွာ၊ ရွှေဇားရွာ စတဲ့ရွာတွေနဲ့ အမှတ် ၄ ရပ်ကွက်နေ ရိုဟင်ဂျာတွေ စစ်မှုထမ်းဖို့  ပြီးခဲ့တဲ့ ဖေဖော်ဝါရီ  ၁၃ ရက်လောက်ကတည်းက တိုက်ရိုက် စည်းရုံးခဲ့ပြီး ကျန်တဲ့ရွာ တွေကိုတော့ အုပ်ချုပ်ရေးမှူးတွေနေကတဆင့် ဖုန်းနဲ့ ပြောဆို စည်းရုံးနေပါတယ်။ လူငယ်တွေကို စစ်ပညာသင်ပေးမယ်၊ လက်နက်တွေ ပေးမယ်၊ သူတို့နဲ့အတူ စစ်ဝင်တိုက်ပေးရမယ်ဆိုပြီး ခြိမ်းခြောက်စည်းရုံးနေတယ်လို့ မောင်တောမြို့ နယ်နေ ရိုဟင်ဂျာလူငယ် တယောက်က ပြောပါတယ်။ ဖေဖော်ဝါရီ ၁၇ ရက်ကလည်း ဘူးသီးတောင်မြို့နယ်မှာ  ကျေးရွာ ဥက္ကဋ္ဌ အားလုံး ကို စစ်ကောင်စီ ဗျူဟာတပ်ရင်းကိုခေါ်ခိုင်းပြီး အသက် ၁၈ နှစ်ကနေ ၃၅ နှစ်ကြား ရွာသားတိုင်း စစ်ရေး လေ့ကျင့်ရမယ်။ အဲဒီ အသက် အပိုင်းအခြားရှိတဲ့သူတွေရဲ့ စာရင်းကို ပေးပို့ဖို့ တောင်းထားတယ်လို့  အလီချောင်း ရွာသားတယောက်က  စာရေး‌ပေးပို့ ပြောပါတယ်။  လတ်တလော ရခိုင်ပြည်နယ် ဘူးသီးတောင်နဲ့ မောင်တော ဒေသဘက်က ရိုဟင်ဂျာကျေးရွာတွေမှာ တိုက်ပွဲတွေ ဖြစ်ပွားနေတာကြောင့် ဇန်နဝါရီ  ၁ ရက်ကနေ ဖေဖော်ဝါရီ ၁၆ ရက်အထိ ရိုဟင်ဂျာ ၄၂ ယောက် သေဆုံးခဲ့ရပါတယ်။ https://bu rmese.dvb.no/post/639338
၁၃။ မြေရှားသတ္တုတူးဖော်မှုကို ဆန့်ကျင်ကန့်ကွက်သည့် ဒေသခံအချို့ကိုပြန်လွတ်ပေး၊ ဦးဆောင်သူအချို့ကို ဆက်ဖမ်းထား
   February 19, 2024

ချီဖွေမြို့နယ်၊ ဖရဲဒေသတွင် မြေရှားသတ္တုစမ်းသပ်တူးဖော်ရေးလုပ်ငန်း ရပ်ဆိုင်းရန် ကန့်ကွက်သောကြောင့် ဖမ်းဆီး ထားသည့် ဒေသခံအချို့ကို KIO က ပြန်လွတ်ပေးခဲ့သော်လည်း ဦးဆောင်သူများကို ဆက်လက်ဖမ်းဆီးထားဆဲ ဖြစ်ကြောင်းသိရ သည်။ ဖမ်းဆီးခံထားရသည့် ဒေသခံအများစုကို စစ်ဆေးမေးမြန်းမှုပြုလုပ်ပြီး ပြန်လည်လွှတ်ပေးလိုက်ပြီဟု ပြီးခဲ့သည့် ၁၇ ရက် နေ့ ဆက်သွယ်မေးမြန်းချိန် KIO သတင်းနှင့်ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။“တပ်မဟာ (၇) ကလည်း ကော်မရှင်ဖွင့်ပြီး ဖမ်းဆီးထားတာတွေကိုမေးမြန်းတာတွေလုပ်တယ်။ ပြီးရင် ချက်ခြင်းလွှတ်ပေးတာတော့ မဟုတ်ဘူးပေါ့။ ဖြည်း ဖြည်းမေးမြန်းပြီးရင် လွှတ်ပေးနေတာဟုတ်တယ်။ အခုထိတော့အားလုံးနီးပါးကိုလွှတ်ပေးပြီ” ဟုပြောသည်။ ဒေသခံများနှင့် ကျေးရွာဖွံ့ဖြိုးတိုးတက်ရေး၊ ငွေကြေးခံစားခွင့်တို့ကို ညှိနှိုင်းသဘောတူညီမှုရယူပြီး မြေရှားသတ္တု တူးဖော်ခြင်းလုပ်ငန်း စတင် လုပ်ဆောင်ခဲ့ခြင်းဖြစ်သောကြောင့် နောက်ကွယ်မှ အကြံပေးသူများရှိနိုင်သဖြင့် ဆန္ဒပြရာတွင်ဦးဆောင်သူများကို စစ်ဆေးမေး မြန်းနေဆဲ ဖြစ်ကြောင်း သူကဆက်ပြောသည်။

“သူတို့ဆန္ဒပြတာက မြေရှားမတူးဖို့ဆန္ဒပြတာလား မဟုတ်ရင် သတ်မှတ်ထားတဲ့နေရာမှာ မဟုတ်တာကြောင့် ဆန္ဒပြတာလား မဟုတ်ရင် သူတို့ဒေသခံတွေရသင့်ရထိုက်တာကို မရလို့ဆန္ဒပြတာလား အဲ့တာတွေသိရဖို့ အခုစစ်ဆေးနေတုန်းဟုတ် တယ်။ မေးစရာရှိတာက ကျွန်တော်တို့ရဲ့ တော်လှန်ရေးနေ့ ဖေဖော်ဝါရီ ၅ ရက်နေ့မှာမှ ဆန္ဒပြလာတာတွေရှိတာကြောင့် နောက်ကအကြံပေးတာတွေရှိတာကြောင့် ဖြစ်နိုင်တာပေါ့နော်”ဟု ပြောသည်။ မြေရှားသတ္တုစမ်းသပ် တူးဖော်မှုကို ကန့်ကွက်သည့် ဒေသခံ အများစုကို ပြန်လည်လွှတ်ပေးလိုက်ပြီဟု ဗိုလ်မှူးကြီးနော်ဘူကပြောသော်လည်း ပြီးခဲ့သည့် ဖေဖော်ဝါရီလ ၁၆ ရက်က ပြည်သူ ငါးဦးသာ ပြန်လွှတ်လာခြင်းဖြစ်ကြောင်း ဖရဲဒေသခံအမျိုးသားတစ်ဦးက ပြောသည်။“နောက်တစ်ခါဆန္ဒမပြဖို့ လက်မှတ် ထိုးခိုင်းပြီးလွှတ်ပေးလိုက်တာ။ အားလုံးကို အချုပ်မှာထည့်ထားတာ၊ ကချင်စကားတတ်တဲ့သူ အားလုံးနီးပါးကိုဖမ်း ထားတာ။ ဖုန်းလိုင်းမရှိ၊ အင်တာနက်မရှိတဲ့နေရာမှာ သူတို့ကြိုက်သလိုလုပ်တဲ့သဘောဟုတ်တယ်။ ကျောင်းဆရာတွေဆိုရင် အခုကလေးတွေ စာမေးပွဲလုပ်တော့မယ် ဆရာတွေကိုတော့ဖမ်းထားတုန်းဆိုတော့ တော်တော်အခက်အခဲဖြစ်နေတယ်” ဟုပြော သည်။ https://www.facebook.com/photo/?fbid=7140767409199 97&set=pcb.714076847586653
၁၄။  မိုင်းရှူးမြို့ အဝင်အထွက်တွေကို SSPP  ပိတ်ဆို့ထား၊ လိုင်းကားတွေ လူတင်ပြီး မြို့ပြင်ထွက်ခွင့်မရ
   February 19, 2024

ရှမ်းပြည်တောင်ပိုင်း၊ မိုင်းရှူးမြို့နယ်မှာ ရှမ်းပြည်တိုးတက်ရေးပါတီ (SSPP) က မြို့အဝင်အထွက်တွေကို ပိတ်ဆို့ထား ပြီး လိုင်းကားမောင်းတဲ့သူတွေဟာလည်း လူတင်ခွင့်မရဘူးလို့ မိုင်းရှူးမြို့ခံတွေကပြောပါတယ်။ ဖေဖော်ဝါရီ ၁၈ ရက်နေ့မှာ ဝမ်ဟိုင်းမှာ စတင်ပိတ်ခဲ့ပြီး မိုင်းစံမြို့အထွက်က ရေကျော်ပန်အနားမှာလည် SSPP တပ်ဖွဲ့က ပိတ်ထားတယ်လို့ ဒေသခံတွေက ပြောပါတယ်။ “ည ၆ နာရီ ထိုးတာနဲ့ အပြင်ဘယ်သူမှအထွက်ကြတော့ဘူး။ မြို့ထဲလဲ လူဖမ်းမယ် ဘာလုပ်မယ် သတင်းတွေထွက် ထားတော့ ကြောက်ကြတယ်။ အခုဆို မြို့အပြင်တွေလည်ထွက်လို့မရဘူး ဝင်လာလို့တော့ရတယ် မြို့အပြင်မှာ SSPP ဂိတ်တွေ ရှိတယ်။ ဘယ်သူဖြစ်ဖြစ် ထွက်လို့ရဘူး” လို့ မြို့ခံတစ်ဦးက ပြောပါတယ်။

လိုင်းကားမောင်းတဲ့ ကားသမားတွေဟာ မိုင်းရှူးမြို့ထဲကိုဝင်ခွင့်ရပြီး မြို့ပြန်ထွက်လာရင် လူတင်ခွင့်မရဘူးလို့ ကား သမား တစ်ဦးကပြောပါတယ်။ “အဝင်မှာ ခရီးသည်တွေပါရင် အရမ်းစစ်တာ ပြီးတော့ မြို့ထဲကနေ ထွက်လာရင် လူတွေတင်လို့ မရတော့ဘူး။ ပစ္စည်းပဲတင်ရတယ် ” လို့ပြောပါတယ်။ ပန်ခံကျေးရွာနဲ့ ပါနမ့်ကျေးရွာခံ ၈ ဦးကိုပြီးခဲ့တဲ့ ဖေဖော်ဝါရီ ၁၃ ရက်နေ့မှာ SSPP ကဖမ်းဆီးခေါ်ဆောင်သွားပြီး ယခုထိပြန်မလွတ်သေးဘူးလို့ သိရပါတယ်။ ပြီးခဲ့တဲ့ ဖေဖော်ဝါရီ ၁၅ ရက်နေ့မှာ SSPP တပ်ဖွဲ့က လူသစ်စုဆောင်ဖို့ ရှမ်းဘာသာစာနဲ့ လူမှုကွန်ရက်မှာ ကြေညာခဲ့ပါတယ်။ https://www.facebook.c om/photo/ ?fbid=422841990102251&set=pcb.422842096768907
၁၅။ ချင်းတော်လှန်ရေးအဖွဲ့ ဆဲန်ထန်က မျိုးနွယ်စုနှင့်ဒေသကို ကိုယ်စားပြုမည့် ကောင်စီနှင့်တပ်ဖွဲ့ကို တစ်ခုတည်းပြန် လည်ဖွဲ့စည်း
  February 19, 2024

ချင်းပြည်ကောင်စီ၏ ဦးဆောင်မှုဖြင့် ဆဲန်ထန် မျိုးနွယ်စုနှင့် ဒေသအားလုံးကို ကိုယ်စားပြုသော Senthang Central Council/ Senthang Revolution Force ကို အသစ်ပြန်လည်ဖွဲ့စည်းခဲ့ကြသည်ဟု သတင်းရရှိသည်။ ဖေဖော်ဝါရီလ ၁၆ ရက်နှင့် ၁၇ ရက်တို့တွင် ချင်းပြည်ကောင်စီ ဦးဆောင်မှုဖြင့် ဆဲန်ထန်လူထု ညီလာခံကို ဆဲန်ထန် ဒေသတစ်နေရာတွင် ကျင်းပခဲ့ရာ ဆဲန်ထန် မျိုးနွယ်စုနှင့် ဒေသအားလုံးကို ကိုယ်စားပြုအဖြစ် တစ်ဖွဲ့တည်းကို ပေါင်းစပ် ဖွဲ့စည်းခဲ့ကြပြီး လိုအပ်သော မူဝါဒများနှင့် ရှေ့လုပ်ငန်းစဉ်များ ချမှတ်နိုင်ခဲ့ကြောင်း သိရသည်။ ကိုယ်စားလှယ် စုစုပေါင်း ၁၂၇ ဦးဖြင့် စုံလင်စွာ တက်ရောက်ခဲ့သော အဆိုပါ ညီလာခံတွင် ယခင်က ရှိခဲ့သော Senthang Council နှင့် Senthang Local Council ကို အပြီးပိုင်ဖျက်သိမ်းခဲ့ကြ ပြီးနောက် မျိုးနွယ်စုနှင့် ဒေသကို ကိုယ်စားပြုမည့် Senthang Central Council/ Senthang Revolution Force ကို ပြန်လည်ဖွဲ့စည်းခဲ့ ကြခြင်းဖြစ်သည်ဟု Senthang Revolution Force မှ တာဝန်ရှိ သူကပြောသည်။

“ကျနော်တို့က အခုမှ ပူးပေါင်းတယ်ဆိုတော့ ဖြစ်လာမယ့် အနာဂါတ်အတွက် ဦးဆောင်မှုုအပိုင်းတွေ ပြန်ပြီးတော့ အကုန်လုံးက အသစ်လိုမျိုး ဖြစ်သွားမယ်။ ခေါင်းဆောင်ပိုင်းတွေ အသစ်ရွေးချယ်တာ ရှိတယ်။ ကျနော်တို့ရဲ့ ပေါ်လစီကလည်း အတိအကျ ဘာမှလုပ်ထားတာ မရှိသေးဘူးဆိုတော့ အဲဒါတွေကို နောက်မှ ပြန်ပြီမှ လုပ်သွားဖို့ ရှိတယ်” ဟု Senthang Revolution Force မှ တာဝန်ရှိသူက ပြောသည်။ ပြည်တွင်းပြည်ပရှိ ဆဲန်ထန်ပြည်သူများ အားလုံးအနေဖြင့် Senthang Central Council/ Senthang Revolution Force တွင် စုစည်းပြီး စည်းလုံးညီညွတ်စွာ ပါဝင်ကြရန်နှင့် ရည်မှန်းချက်တူ တော်လှန်ရေး အဖွဲ့များ အာလုံးကလည်း ကြိုဆိုပူးပေါင်းပေးကြရန် Senthang Central Council က ဖေဖော်ဝါရီလ ၁၈ ရက်က ထုတ်ပြန်သည်။  Senthang Central Council/ Senthang Revolution Force သည် မျိုးနွယ်စုနှင့် ဒေသချင်းတော်လှန်ရေး အင်အားစု တစ်ခုဖြစ် ပြီး ချင်းပြည်ကောင်စီနှင့် အခြားသော တော်လှန်ရေး အင်အားစုများနှင့် လက်တွဲကာ အာဏာရှင်စနစ် မှန်သမျှအမြစ်ပြတ် ချေမှုန်းရေး၊ အမျိုးသားတည်ဆောက်ရေးနှင့် စစ်မှန်သော ဖက်ဒရယ်နိုင်ငံ တည်ဆောက်ရေးတို့ အတွက် ဆက်လက်တော်လှန် တိုက်ပွဲဝင်သွားမည်ဖြစ်ကြောင်း သိရသည်။ https://www.facebook.com/photo/?fbid=896362742492780&set=pcb.8963
၁၆။ TSU အလုပ်အမှုဆောင်တစ်ဦးနှင့် အခြားလူငယ် ၄ ဦးကို MNDAA မှ အဓမ္မ ဖမ်းဆီးခံရ
   February 19, 2024

သျှမ်းပြည် လောက်ကိုင်မြို့သို့ ခေတ္တရောက်ရှိနေသော သျှမ်းကျောင်းသားသမဂ္ဂ အလုပ်အမှုဆောင် တစ်ဦးနှင့်အတူ အခြားလူငယ် ၄ ဦးတို့သည် ကိုးကန့်တပ်ဖွဲ့ MNDAA ၏ အဓမ္မ ဖမ်းဆီးသွားကြောင်း စုံစမ်းသိရသည်။ ပြီးခဲ့သည့် ၂၀၂၃ နိုဝင်ဘာလ ၂၄ ရက်နေ့တွင် လောက်ကိုင်မြို့သို့ ခေတ္တရောက်ရှိနေသည့် သျှမ်းကျောင်းသားသမဂ္ဂ (TSU) အလုပ်အမှုဆောင်အဖွဲ့ ဝင် အသက် ၂၄ နှစ်အရွယ်ရှိ စိုင်းညွန့်သည် စစ်ဘေးရှောင်များနှင့် လမ်းလျှောက်၍ နေရပ်ပြန်လာစဉ် ပါစင်ကျော်ကျေးရွာ အနီး တွင် ကိုးကန့်တပ်ဖွဲ့ MNDAA ၏ အဓမ္မ တပ်သားစုဆောင်းခြင်းကို ခံလိုက်ရကြောင်း သျှမ်းကျောင်းသားသမဂ္ဂမှ ဖေဖော်ဝါရီလ ၁၇ ရက်တွင် သတင်းထုတ်ပြန်သည်။ “စိုင်းညွန့်က ဆယ်တန်းအောင်ထားတာ မကြာသေးဘူး၊ ကျောင်းဆက်တက်ဖို့ စောင့်နေ တဲ့လူပါ။ သူက လောက်ကိုင် တိုက်ပွဲကြားမှာ ပိတ်မိသွားရင်းနဲ့မှ နိုဝင်ဘာ ၂၄ လောက်မှာ တိုက်ပွဲငြိမ်သွားပြီး ပြန်လို့ရပြီဆိုပြီး တော့ အရဲစွန့်ပြီး လမ်းလျှောက်ပြန်လာတာလို့ ပြောတယ်။ ပါစင်ကျော်ဂိတ် ရောက်တဲ့အခါကျတော့ သူရော သူငယ်ချင်းတွေ ရော ၅ ‌ယောက် အဖမ်းခံလိုက်ရတယ်”ဟု သျှမ်းကျောင်းသားသမဂ္ဂမှ ဦးဆောင်ကော်မတီဝင် ဗင်ဒါ က ပြောသည်။

လောက်ကိုင်မြို့ ပါစင်ကျော်ဂိတ်အနီးတွင် စိုင်းညွန့်နှင့်အတူ ကိုးကန့်တပ်ဖွဲ့ MNDAA ၏ ဖမ်းဆီးခြင်းခံခဲ့ရသည့် အခြား လူငယ် ၄ ဦးမှာ အသက် ၂၀ မှ ၂၅ နှစ်အကြားဖြစ်ပြီး ၎င်းတို့(၅)ဦးစလုံးမှာ သျှမ်းမြောက် နမ္မတူမြို့နယ် ဇာတိဖြစ်ကြောင်း သိရ သည်။“အဲ့ ၅ ယောက် အဖမ်းခံလိုက်ရပြီး စစ်သားစုဆောင်းရေးကို ပို့ခံလိုက်ရတယ်လို့ သိရတယ်။ အဲ့တာကို ဘယ်လိုသိရလဲဆို တော့ တစ်ယောက်က ထွက်ပြေးပြီး ပြန်လွတ်လာတော့မှ သူတို့ကအဲ့လိုမျိုး အဖမ်းခံလိုက်ရတယ်ဆိုတာ ပြန်သိရတာ။ အဲ့တစ်ယောက်ကလည်း ဇန်နဝါရီလ ဒုတိယပတ်လောက်မှပဲ ပြန်လွတ်လာတာ”ဟု သျှမ်းကျောင်းသားသမဂ္ဂမှ ၎င်းဦးဆောင် ကော်မတီဝင် ဗင်ဒါ က ဆက်ပြောသည်။ သျှမ်းကျောင်းသားသမဂ္ဂအနေဖြင့် စိုင်းညွန့် ဖမ်းဆီးခံရသည်ကို သိလျှင်သိချင်း သက်ဆိုင်ရာ အဖွဲ့အစည်းများထံသို့ ဆက်သွယ်ကာ ပြန်လည်လွတ်ပေးရန် အကူအညီ တောင်းခံခဲ့သော်လည်း မည်သည့်တုန့် ပြန်မှုမှ မရရှိခဲ့ကြောင်း ထုတ်ပြန်ချက်တွင် ရေးသားထားသည်။ https://burmese.shannews.org/archives/40186
၁၇။ ပြေးစရာမြေမရှိ၍ မိမိနေထိုင်ရာမှာပဲ ဆက်နေမည်ဟု စစ်တွေက မွတ်ဆလင်များပြော
   February 19, 2024

ရခိုင်ပြည် မြို့တော် စစ်တွေတွင် တိုက်ပွဲများဖြစ်ပွားလာမည်ကိုစိုးရိမ်၍ မြို့ပေါ်ဒေသခံများမှာ ဘေးကင်းရာနေရာများ နှင့် ကျေးလက်ဒေသများသို့ ထွက်ပြေးတိမ်းရှောင်နေကြသော်လည်း မွတ်ဆလင်လူမျိုးများမှာ ပြေးစရာမြေမရှိ၍ မိမိနေထိုင်ရာ နေရာမှာပဲ ဆက်လက်နေထိုင်သွားမည်ဟု စစ်တွေမြို့နယ်မှ မွတ်ဆလင်များက ပြောဆိုကြသည်။ စစ်တွေမြို့ပေါ်နှင့် အနီး တစ်ဝိုက်တွင် မွတ်ဆလင်ကျေးရွာ ၂၀ ကျော်ရှိပြီး ဒုက္ခသည်စခန်းအပါအဝင် လူဦးရေပေါင်း သိန်းနှင့်ချီရှိကြောင်း စုံစမ်းသိရှိရ သည်။ တိုက်ပွဲကိုစိုးရိမ်၍ ရခိုင်ပြည်သူများက ထွက်ပြေးတိမ်းရှောင်နေကြသော်လည်း ၎င်းတို့တွင် ပြေးစရာမြေမရှိ၍ အသက်သေလျှင်လည်း ဆက်လက်နေထိုင်ရမည်ဟု စစ်တွေမြို့ ဘုမေရပ်ကွက်မှ မွတ်ဆလင်အမျိုးသားတစ်ဦးက ပြော သည်။  “ကျနော် တို့မှာ ပြေးစရာမြေမရှိဘူး။ တိုက်ပွဲဖြစ်ဖြစ် ဘာဖြစ်ဖြစ် သေရင်လဲသေ ဒီနေရာမှာပဲ နေရမှာပဲ။ နဂိုကတည်းက ကျနော်တို့ကို စစ်ကောင်စီက သွားလာခွင့်ပိတ်ပင်ထားတာ။ ကျနော်တို့ ဘယ်ကို ထွက်ပြေးတိမ်းရှောင်ရမလဲ။ ကျနော်တို့မှာ သွားစရာနေရာ မရှိဘူး။ တိုက်ပွဲဖြစ်လာရင် ခိုလှုံဖို့ ဗုံးခိုကျင်းတွေတော့ လုပ်ထားပါတယ် ” ဟု ပြောသည်။

စစ်ပွဲဖြစ်လာလျှင် ထိခိုက်သေဆုံးသွားမည်ကို စိုးရိမ်ကြောက်ရွံ့သော်လည်း သွားစရာနေရာမရှိ၍ ဒုက္ခသည်စခန်းမှာပဲ ဆက်လက်နေထိုင်မည်ဟု စစ်တွေမြို့အနီးရှိ သဲချောင်းမွတ်ဆလင်ဒုက္ခသည်စခန်းမှ မွတ်ဆလင်အမျိုးသမီးတစ်ဦးက ဆိုသည်။  “စစ်ဖြစ်မှာကို အရမ်းကြောက်တာပေါ့။ စစ်ဖြစ်ရင် ကျမတို့က သေမှာလေ။ စစ်တွေမြို့နဲ့က ကျမတို့နဲ့က နီးနီးလေးပဲလေ။ ကြောက်ပေမယ့်လည်း သွားစရာနေရာမှ မရှိတာ။ ဖြစ်နိုင်ရင်တော့ အရင် မူလနေထိုင်ခဲ့တဲ့ မောင်တောဘက်ကို သွားချင်တာ။ ဒါပေမယ့် သွားလို့မရဘူးလေ။ စစ်ကောင်စီက ခွင့်ပြုမှာ မဟုတ်ဘူး။ ဘာပဲဖြစ်ဖြစ် ဒုက္ခသည်စခန်းမှာပဲ အဆင်ပြေသလို နေရမှာ ပဲ။ အဓိကတော့ ကျမတို့ထက် ကလေးတွေ၊ သားသမီးတွေကို စိတ်ပူပါတယ်။ စစ်ဖြစ်လာရင် ဘာမှ မထိခိုက်ပါစေနဲ့လို့ ကလေး တွေအတွက် ဆုတောင်းပါတယ်” ဟု ပြောသည်။ စစ်တွေမြို့နယ်က မွတ်ဆလင်များအပါအဝင် ရခိုင်ပြည်အတွင်းရှိ မွတ်ဆလင် လူမျိုးများကို စစ်ပွဲနှင့်ပတ်သက်သည့် ဘေးအန္တရာယ်ကင်းရှင်းရေး အသိပညာပေးရန် လိုအပ်နေသလို ဗုံးခိုကျင်းအသုံးပြုဆောင် ရွက်တတ်ရေး သင်ကြားပေးရန် လိုအပ်နေကြောင်း သိရသည်။  https://www.facebook.com/photo?fbid=8411268780267 40&set=a.682731967199566

၁၈။ ဆင်ဘိုမှာ စစ်ရေးတင်းမာနေဆဲဖြစ်တဲ့အတွက် ဒေသခံတွေ ထွက်ပြေးတိမ်းရှောင်
    February 19, 2024

မြစ်ကြီးနားမြို့နယ် ဆင်ဘိုမြို့အခြေစိုက် စစ်တပ်ရဲ့ ခမရ ၁၄၁ တပ်ကို ကချင်လွတ်လပ်ရေးတပ်မတော် KIA နဲ့ KPDF ပူးပေါင်းတပ်ဖွဲ့ ထိုးစစ်ဆင်တိုက်ခိုက်နေဆဲဖြစ်တဲ့အတွက် ဒေသခံပြည်သူတွေ နီးစပ်ရာကျေးရွာတွေနဲ့ တောတောင်တွေမှာ ထွက်ပြေးတိမ်းရှောင်နေရတယ်လို့ သိရပါတယ်။ ဆင်ဘိုမြို့တပ်စခန်းကို KIA,KPDF  ပူးပေါင်းတပ်တွေဟာ ဖေဖော်ဝါရီလ ၁၀ ရက်နေ့ကနေ ထိုးစစ်ဆင်တိုက်ခိုက်နေပြီး မြို့ထဲက အစိုးရဆိုင်ရာရုံးတွေနဲ့ ရဲစခန်းတွေမှာ ဝင်ရောက်ထိန်းချုပ်နိုင်ပြီဖြစ်ပေမဲ့ မြို့နဲ့ ၃ မိုင်လောက်အကွာမှာရှိတဲ့ စစ်ကောင်စီတပ်စခန်း ခမရ ၁၄၁ ကိုတော့ သိမ်းပိုက်ဖို့ စစ်ရေးလှုပ်ရှားနေဆဲဖြစ်တယ်လို့ ဆိုပါ တယ်။ ဒါကြောင့် စစ်ကောင်စီတပ်ဘက်က ဆင်ဘိုမြို့အနီးတစ်ဝိုက်ကို ကင်းထောက်လေယာဉ်တွေနဲ့ လာရောက်ပျံဝဲနေတဲ့ အပြင် လက်နက်ကြီးရမ်းတမ်းပစ်ခတ်နေပြီး ဒေသခံပြည်သူအများပိုင်းက စစ်ရှောင်နေရဆဲဖြစ်တယ်လို့ ဒေသခံတွေ ပြောပါ တယ်။“စစ်တပ်စခန်းကိုတော့ KIA နဲ့ PDF တွေ ဝိုင်းထားတယ်။ မြို့ထဲမှာလည်း KIA/PDF တွေ နေရာယူထားတယ်။ တိုက်ပွဲ ကတော့ ရပ်နားနေတယ်။ လေယာဉ်တော့မကြာမကြာလာတယ်။ စစ်တပ်လည်းလက်နက်ကြီးပုံမှန် ရမ်းတမ်းပစ်ခတ်တယ်။ ပြည်သူတွေလည်း ကြောက်လို့ တချို့က တောထဲနဲ့ အနီးနား ရွာတွေထဲ ဆက်လက်တိမ်းရှောင်နေတယ်။ တချို့က မြို့တွေဘက် တိမ်းရှောင်ပြီး။ တချို့ပဲ မြို့ထဲ ပြန်လာနေတယ်”လို့ ဆင်ဘိုဒေသခံတစ်ဦးကပြောပါတယ်။

တိုက်ပွဲကြောင့် ဆင်ဘိုဒေသခံတွေဟာ လက်ရှိ အနီးနားမှာရှိတဲ့ တော၊တောင်တွေမှာ ထွက်ပြေးတိမ်းရှောင်နေကြရပြီး ရေရှည်စစ်ရှောင်ရမယ်ဆိုပါက အစားသောက်ကူညီထောက်ပံ့မှုတွေလည်း လိုအပ်လာနိုင်တယ်လို့ ဆင်ဘိုဒေသခံတွေကပြောပါ တယ်။“မြို့ထဲစိုးရိမ်ရတာကြောင့် အနီးအနားရွာတွေနဲ့ တောတွေထဲ တိမ်းရှောင်နေတာဖြစ်တယ်။ အခုအရေးပေါ်အစား အသောက်ကတော့ အနီးအနားရွာက မိတ်ဆွေတွေ ကူညီတယ်။ အခက်အခဲအများကြီးရှိတယ်။ အစားအသောက်လည်း လောလောဆယ် ကျနော်တို့ ယူလာတာလောက်ပဲ စားသောက်နေတယ် အချိန်ကြာလာရင်တော့ အစားအသောက်လည်း ခက်ခဲ လာမှာဖြစ်တယ်” လို့ ဆင်ဘိုဒေသခံကဆက်ပြောပါတယ်။ KIA က ထိုးစစ်ဆင်တိုက်ခိုက်နေတဲ့ စစ်ကောင်စီတပ် ခမရ ၁၄၁ ဟာ နှစ် ၂၀ ခန့်ကြာပြီဖြစ်တဲ့ စစ်တပ်ရဲ့အခိုင်အမာစခန်းတစ်ခုဖြစ်သလို မြစ်ကြီးနား–ဗန်းမော် ဧရာ၀တီမြစ်ရေလမ်းကြောင်းအတွက် အရေးပါတဲ့တပ်စခန်းကြီးတစ်ခုဖြစ်တယ်လို့ သိရပါတယ်။ https://burmese.kachinnews. com/2024/02/19/ld2-28/
၁၉။ ထားဝယ်မြို့ရှိ စောမိညိုလမ်းရပ်ကွက်အတွင်း နေအိမ်များကို စစ်ကောင်စီက ၅ ရက်အတွင်း အပြီးဖျက်ခိုင်း
   February 19, 2024

တနင်္သာရီတိုင်းဒေသကြီး၊ ထားဝယ်မြို့ရှိ စောမိညိုလမ်းရှိ ရပ်ကွက်နေအိမ်များကို အာဏာသိမ်း စစ်ကောင်စီတပ်ဖွဲ့ဝင်များမှ ၅ ရက်အတွင်း အပြီးဖျက်ခိုင်းထားကြောင်း ရပ်ကွက်နေပြည်သူများက ပြောသည်။ ထားဝယ်မြို့ရှိ အခြေခံလူတန်းစား အများစု နေထိုင်လျက်ရှိသည့် စောမိညိုလမ်းမှရပ်ကွက်နေ ပြည်သူများကို ထားဝယ်မြို့ စုပေါင်းရုံးတွင် ပြီးခဲ့သည့် ဖေဖော်ဝါရီလ (၁၆)ရက်နေ့က ခေါ်ယူတွေ့ဆုံကာ လမ်းပိုင်းရှိ နေအိမ် များကို ယခုလ ၂၁ ရက်နေ့ထိ နောက်ဆုံးထားဖျက်ပေးရန် ပြောဆိုထားကြောင်း ထားဝယ်မြို့နေ ဒေသခံတစ်ဦးက ပြောသည်။ ၎င်းက “ပြီးခဲ့တဲ့အပတ်က စည်းဝေးခေါပြီးပြောတာ။ အိမ်တွေကလည်း ရှိတဲ့ပိုက်ဆံနဲ့ ဆောက်ထားတာဆိုတော့ နှမြောတယ်။ သူတို့ ဒီမှာ တပ်စွဲဖို့လုပ်ထားတာဆိုတော့ မဖြစ်မနေဖယ်ပေးရမဲ့ သဘောမှာရှိတယ်။ လုပ်ကိုင် စား သောက်ဖို့မလွယ်တဲ့အချိန်မှာ မြေတစ်ကွက်ရဖို့ ဆိုတာမလွယ်ဘူး။ ဒီမြေတွေက ဈေးတော်တော်နဲ့ ကွက်ရိုက် ရောင်းလို့ မရှိ ရှိတာလေးနဲ့ ဝယ်ထားကြတာ။” ဟု ပြောသည်။

            “လမ်းပိုင်းမှာက မွေးမြူရေးခြံတွေပါရှိတယ်။ အဲ့ဒါတွေကျတော့ ဒီလိုကာလမှာ ပြောင်းရရွှေ့ရခက်တယ်။ ဆွေမျိုး မရှိတဲ့သူတွေဆိုရင် ဈေးတော်တဲ့ ဆိုင်ခန်းအိမ်ခန်းတွေရှာပြီး ပြောင်းရတာပေါ့။ မပြောင်းရင်လည်း ထောင်က ချမယ်။ ပြည်သူ တွေကို အကြောက်တရားနဲ့ အုပ်ချုပ်ချင်နေကြတာ။” ဟု ထိုဒေသခံက ပြောသည်။ ၎င်းလမ်းပိုင်းအတွင်း တော်လှန်ရေးတပ်ဖွဲ့ ဝင်များနှင့် စစ်ကောင်စီတပ်ဖွဲ့ဝင်များအကြား မကြာခဏတိုက်ပွဲများ ဖြစ်ပွားလေ့ရှိပြီး ၎င်းရပ်ကွက်တွင် လူနေအိမ်(၇၀)ကျော် အပါအဝင် ပွဲရုံ၊ ကြက်ခြံ အပြင်စပါးဂိုဒေါင်နှင့် စပါးစက်များ ရှိနေကြောင်း ဒေသခံများထံမှ သိရသည်။ ပြီးခဲ့သည့်နှစ် နိုဝင်ဘာလ နှင့် ယခုနှစ် ဖေဖော်ဝါရီလ ဒုတိယအပတ်တွင်လည်း စစ်ကောင်စီတပ်ဖွဲ့ဝင်များမှ ရပ်ကွက်အတွင်းရှိ နေအိမ်များကို ဝင်ရောက် မွှေနှောက်ပြီး အရပ်သားများအား စစ်ဆေးမေးမြန်းခြင်းအပြင် တန်ဖိုးကြီးပစ္စည်းများ နှင့် ငွေကြေး သိန်းရာချီအထိ ယူဆောင်မှု များ ပြုလုပ်ခဲ့ဖူးကြောင်းလည်း ရပ်ကွက်နေ ဒေသခံများက ပြောသည်။ https://kicnews.org/2024/02/%e1%80%91%e1% 80%ac%e1%80%b8%e1%80%9d %e1%80%9a%e1%80%ba%e1\
၂၀။ သံတောင်ကြီးမြို့ ဘုရင့်နောင်တပ်စခန်းအနီးရှိ ဒေသခံများကို စစ်တပ်က နှစ်ပတ်အတွင်း ရွှေ့ပြောင်းခိုင်း
    February 19, 2024

ကရင်အမျိုးသားအစည်းအရုံး-ကေအဲန်ယူ တပ်မဟာ(၂)ထိန်းချုပ်သည့် တောင်ငူခရိုင်၊ သံတောင်ကြီးမြို့နယ် ဘုရင့် နောင်တပ်စခန်းအနီး တိုက်ပွဲဖြစ်ပွားမည့် ကောလာဟလများကြောင့် ထိုစခန်းနှင့် မီတာ (၂၀၀)အတွင်း နေထိုင်သူဒေသခံများ အား စစ်တပ်က နှစ်ပတ်အတွင်း နေအိမ်မှ ရွှေ့ပြောင်းခိုင်းကြောင်း ဒေသတွင်းသတင်းအရင်းအမြစ်များမှ သိရသည်။ ဖေဖော်ဝါရီ လ (၁၈) ရက်နေ့တွင် ဘုရင့်နောင်တပ်စခန်းမှ စစ်ကောင်စီတပ်များက သံတောင်ကြီးမြို့ရှိ ဘာသာရေးခေါင်းဆောင်များကို ခေါ်ယူ၍ စခန်းနှင့်အနီးတစ်ဝိုက် ရပ်ကွက်နေ ဒေသခံများအား နေအိမ်မှရွှေ့ပြောင်းခိုင်းသည့်အတွက် နေ့တွင်းချင်းရွှေ့ပြောင်းခဲ့ရ သည်ဟု ဒေသခံအမျိုးသမီးတစ်ဦးက ပြောသည်။ ၎င်းအမျိုးသမီးက “မနေ့က ကျမတို့ဆီက ဆရာတော်တွေကိုခေါ်ပြီးတော့ ရွာသားတွေကိုရွှေ့ခိုင်းပါပေါ့ ။ အန္တရာယ်ဖြစ်နိုင်တယ်ဆိုပြီးပြောတာ။ သူတို့(စစ်တပ်)ကကြားတာကတော့ ဘုရင့်နောင်တပ်ကို သူများ (တော်လှန်ရေးတပ်)လာပစ်ဖို့ရှိတယ်ကြားတော့ လာပစ်ရင်သူတို့က ပြန်ပြီး ရမ်းသမ်းပစ်တော့မှာ ဆိုတော့ ဘေးနားရပ် ကွက်တွေထိမှာစိုးလို့ ရွှေ့ခိုင်းတာလို့ ပြောသေးတယ်။ ရွှေ့ရတဲ့ ရပ်ကွက်ကတော့ တစ်စုပဲရှိပါတယ်။ မနေ့ကတည်းက ကားတွေ ဆိုင်ကယ်တွေနဲ့ သူတို့အကုန်ရွှေ့ပြီးကြပြီ။” ဟု ပြောသည်။

အဆိုပါ သံတောင်ကြီးမြို့အခြေစိုက် ဘုရင့်နောင်တပ်စခန်းသည် သံတောင်ကြီးမြို့နယ်အတွင်း စခန်းနှင့်လက်လှမ်း မီရာ အရပ်တွင် တိုက်ပွဲဖြစ်ပွားပါက လက်နက်ကြီးများဖြင့် ရမ်းသမ်းပစ်ခတ်လေ့ရှိ ကြောင်းလည်း ဒေသတွင်းသတင်းအရင်း အမြစ်များက ဆိုသည်။ ထို့ကြောင့် မြို့အတွင်းနေထိုင်သူများမှာ လက်ရှိတွင် တည်ငြိမ်နေသေးစေကာမူ လက်နက်ကြီးရန် ကြောက်ရွံ့စိတ်ဖြင့် နေထိုင်နေရသည်ဟု နယ်ခံများက ပြောသည်။“ရွှေ့တဲ့သူတွေကတော့ ဒီဘက်ရပ်ကွက်ထဲမှာအမျိုးတွေ ရှိတော့ အဲ့ဒီမှာလိုက်နေကြတယ်။ တချို့ ကတော့ ဘုရားကျောင်းတွေမှာနေကြတယ်။ ကျမတို့လည်း ဒီလိုပဲနေကြတာပဲ။ ဘယ် တော့ လက်နက်ကြီးကိုယ့်ဆီကျမလဲပေါ့။” ဟု နယ်ခံအမျိုးသမီးက ပြောသည်။ https://kicnews.org/2024/02/%e1%80% 9e%e1%80%b6%e1%80%90%e1%80%b1%e1%80%ac%e

၂၁။ အင်းလေးဒေသက ရွာတွေမှာ PNO ပြည်သူ့စစ်အတွက် တပ်သားသစ် ၂၀၀ ကျော်စုနိုင်ပြီလို့ ဆို
   February 19, 2024

ရှမ်းပြည်တောင်ပိုင်း၊ အင်းလေးဒေသကရွာတွေမှာ PNO က ဦးဆောင်ပြီး တပ်သားသစ်စုဆောင်းတာ နှစ်ရာကျော်ရှိ သွားပြီလို့ သိရပါတယ်။ စံကားအုပ်စုမှာ ရွာပေါင်း ၆၀ ထဲက ထီရီး ၁၅၊ ထီဟန်းတား ၇၊ အောင်ချမ်းသာ ၅၊ ဟူရမ်း တောင် ၅၊ ဟူရမ်းမြောက် ၆ ယောက်နဲ့စံကားလွယ်ခေါ်ရွာက ၁၀ ယောက်ပါသွားကြတယ်လို့ သိရပါတယ်။ မှော်ဘီကနေ ထီရီးအထိ စုဆောင်းထားတဲ့ တပ်သားသစ် စုစုပေါင်း ၂၀၀ ကျော်လို့သိရပါတယ်။

‘အိမ် ၁ အိမ်ကို ၈ သိန်းခွဲကောက်တယ်၊ အိမ်တိုင်းကောက်တယ်၊ လူငယ်တွေက မသွားချင်ကြဘူး၊ ပအိုဝ်းရွာကလူတွေ မဲနှိုက်ကြရတယ်။ မသွားမနေရဆိုတော့ ရွာမှာ သွားနိုင်တဲ့သူကို ပိုက်ဆံပေး ငှားရတယ်၊အရင် ပေါ်တာခေတ်မှာ လူငှားထည့် သ လိုမျိုး၊ အဆင်ပြေရင်အချိန်မီရှောင်ကြပါ’လို့ လူထုအတွက် တရားမျှတမှုဖော်ဆောင်ရေးအဖွဲ့-အင်းလေး((JMC)က ဒါရိုက်တာ ယုလှိုင်သင်းကပြောပါတယ်။ အင်းလေးကန်ဒေသမှာ ရွာပေါင်း ၄၄၅ ရွာရှိပြီး စံကားအုပ်စုမှာ ရွာ ၆၀ ရှိတဲ့အနက် ပအိုဝ်းရွာက ရွာပေါင်း ၄၀ ပါဝင်နေတာ ဖြစ်ပြီး လူဦးရေ ၁ သောင်းကျော် နေထိုင် နေတယ်လို့သိရပါတယ်။ https://www.facebook.com/ph oto?fbid=422656946787422&set=a.285900490463069
၂၂။ မိုးမိတ်မြို့၌ တရားဥပဒေ စိုးမိုးမှုမရှိဘဲ လူမြင်ကွင်းတွင် ဖောက်ထွင်းခံနေရ
   February 19, 2024

ရှမ်းပြည်မြောက်ပိုင်း၊ မိုးမိတ်မြို့ထဲမှာ စစ်ကောင်စီတပ်တွေရှိနေပေမဲ့ တရားဥပဒေ စိုးမိုးမှုမရှိတော့ဘဲ မြို့ပေါ်ရပ်ကွက် တွေက အိမ်တိုင်းလိုလိုဟာ နေ့ခင်းပိုင်း လူမြင်ကွင်းမှာတင် ပြည်သူပိုင်ပစ္စည်းတွေ ဖောက်ထွင်းခိုးယူခံနေရတယ်လို့ မြို့ခံတွေက ပြောပါတယ်။ မိုးမိတ်မြို့ကို ဇန်နဝါရီ ၁၈ ရက်မှာ တော်လှန်ရေးပူးပေါင်းတပ်တွေက ဝင်တိုက်ခဲ့ပြီး မြို့ကို သိမ်းနိုင်တဲ့အထိ တိုက်ပွဲပြင်းထန်ခဲ့ပါတယ်။ ဒါပေမဲ့ ဇန်နဝါရီ ၂၅ ရက်လောက်မှာ အကြောင်းအရင်းမသိရဘဲ ပူးပေါင်းတပ်တွေပြန်ဆုတ်သွားတာ ကြောင့် မိုးမိတ်မြို့ကို စစ်တပ်ကပြန်လည် ဝင်ရောက်ထိန်းချုပ်နိုင်ခဲ့ပါတယ်။ တိုက်ပွဲပြင်းထန်ခဲ့တာ ၁ လဝန်းကျင်အကြာ အခုချိန်မှာတော့ တိုက်ပွဲတွေမရှိတော့လို့ စစ်ကောင်စီတပ်က  ဖေဖော်ဝါရီ ၁၄ ရက်လောက်ကစလို့ မနက် ၉ က‌နေ ညနေ ၄ နာရီ အထိ မြို့ အဝင်/ အထွက်ကို ခွင့်ပြုထားပါတယ်။ ဒါပေမဲ့ တရားဥပဒေစိုးမိုးမှုမရှိတော့ဘဲ နေ့ခင်းဘက်မှာတောင် ပစ္စည်းတွေ ခိုးယူ လုယက် နေကြတယ်လို့ မြို့ခံတွေက ပြောပါတယ်။

မိမိပိုင်ပစ္စည်းသွားသယ်တဲ့ မိုးမိတ်မြို့ခံစစ်ရှောင်တဦးက “ ပေါ်တင်ယူနေကြတာပဲဗျ။ သူ့အိမ်၊ ကိုယ့်အိမ်မဟုတ်လည်း ဝင်ပြီးယူနေကြတာပဲ။ ပိုင်ရှင်ရှိတာတောင်မှ ပိုင်ရှင်က ကိုယ့်အိမ်ကို မကျေနပ်ဘဲ မီးရှို့မှာစိုးလို့ တော်တန်ရုံ မပြောရဲကြတာပေါ့ ဗျာ။ သဘောက မင်းတို့ယူချင်လည်း နည်းနည်းပါးပါးယူကွာ။ ရရောပေါ့၊ အဲလောက်ဆို ပြန်လိုက်တော့။ ငါတို့လည်း အသုံး အဆောင်လေးတွေ လိုသေးတယ်ကွာ။ ဒီဟာလေးတွေတော့၊ အဲလိုပေါ့။ အဲတာလေး ချန်ထားပါဦး။ အဲလိုပဲပြောယူရတာပေါ့။ တချို့အိမ်ဘေးတွေ ဆိုရင်လည်း အိမ်ရှင် မရောက်လာသေးဘူး။ ကိုယ်အိမ်ဘေးက ပစ္စည်းကို လာသယ်နေတာ တွေ့ရင် ကိုယ်က စောင့်ရှောက်တဲ့အနေနဲ့၊ အဲတာတော့ ငါတို့အိမ်ဘေးက ငါတို့အမျိုးအိမ်ဟေ့။ သူတို့လည်း ရောက်လာပြီ မယူနဲ့ ဘာညာ ပြောနေ တဲ့ကြားထဲက ဓားထောင်ပြတာလည်း ရှိတာပဲ အဲလိုပေါ့။ ဓားထောင်ပြတော့ ဘာမှမပြောရဲတော့ဘူး။ အဲလိုမျိုးတွေဗျ။ ပါးစပ် တွေလည်း နှာခေါင်းတွေအုပ်ထားကြတော့ တော်ရုံ ဘယ်သူမှန်းမသိဘူးပေါ့ ”လို့ ပြောပါတယ်။ ဒါကြောင့် ပြီးခဲ့တဲ့တပတ်ကစလို့ စစ်ရှောင်တွေဟာ မြို့ထဲက မိမိပိုင်ပစ္စည်းတွေကို ပြန် သွားယူနေကြပြီး မြင်တွေ့ခဲ့ရသ လောက်ဆိုရင် မြို့ရဲ့ ၃ ပုံ ၂ ပုံလောက် ပျက်စီးသွားပြီလို့  ခန့်မှန်းကြပါတယ်။ တိုက်ပွဲတွေမဖြစ်ခင်ကတော့ မိုးမိတ်မြို့ပေါ်မှာ ရပ်ကွက် ၄ ရပ်ကွက်မှာ  လူဦးရေ ၁၀,၀၀၀ ဝန်းကျင် နေထိုင်ကြတာပါ။ https://burmese.dvb.no/post/639382

၂၃။ နှစ်ပတ်ကျော်တိုက်ပွဲပြင်းထန်ခဲ့တဲ့ ကျွန်းစုမှာ နှစ်ဖက်တပ်တွေ ပြန်ဆုတ်ထားပေမဲ့ ဒေသခံတွေ နေရပ်မပြန်နိုင်သေး
  February 19, 2024

ကျွန်းစုမြို့နယ်ထဲမှာ နှစ်ပတ်ကျော်ကြာ စစ်ရေးပြင်းထန်ခဲ့တဲ့ တိုက်ပွဲနေရာတွေကနေ နှစ်ဖက်တပ်တွေ ပြန်ဆုတ်ထား တယ်လို့ မြိတ်ခရိုင်၊ ပြည်သူ့ကာကွယ်ရေးပူးပေါင်းစစ်ကြောင်း-၂ ပြန်ကြားရေးတာဝန်ခံ ရဲဘော်မျိုးကြီးက ပြောပါတယ်။ အခုလ ပထမအပတ်အတွင်း ကျွန်းစုမြို့နယ်၊မင်းဂုတ်ကျေးရွာအနီးတဝိုက်မှာ ပျူစောထီးတွေပါဝင်တဲ့ စစ်ကောင်စီတပ်တွေနဲ့ တော်လှန် ရေးအင်အားစုတွေ ထိတွေ့ပစ်ခတ်မှု ရက်ဆက်ဖြစ်ခဲ့ပြီး ဒုတိယအပတ်ထဲမှာတော့ မင်းဂုတ်ရွာနဲ့တစ်မိုင်ခန့်သာဝေးတဲ့ ကျေးရွာ ချင်းဆက်နေတဲ့ ရတောင်ရွာမှာ ထိတွေ့ပစ်ခတ်မှုတွေ ဆက်တိုက်ရှိခဲ့တယ်လို့‌ တော်လှန်ရေးရဲဘော်တွေက ပြောပါတယ်။ တတိ ယအပတ်ထဲ ရောက်လာတဲ့အချိန်မှာတော့ တော်လှန်ရေးအင်အားစုတွေဘက်က တပ်အရင်ပြန်ဆုတ်ခဲ့သလို စစ်ကောင်စီနဲ့ ပျူစောထီးအဖွဲ့တွေဘက်ကလည်း ရှေ့ဆက်မတိုးဘဲ နှစ်ဖက်စလုံး ခံစစ်အနေအထားနဲ့ ရှိနေတယ်လို့ ပြန်ကြားရေးတာဝန်ခံ ရဲဘော်မျိုးကြီးက ရှင်းပြပါတယ်။“လိုအပ်ချက်တချို့ကြောင့် ကျနော်တို့ဘက်ကအရင်ဆုတ်လိုက်တာပါ။ သူတို့(စစ်ကောင်စီနဲ့ ပျူစောထီးအဖွဲ့တွေ)ဘက်ကလည်း ရှေ့မတိုးဘူး။” လို့ ပြန်ကြားရေးတာဝန်ခံက ပြောပါတယ်။

နှစ်ဖက်တိုက်ပွဲတွေဖြစ်နေတဲ့ ကျွန်းစုမြို့နယ်ထဲက မင်းဂုတ်နဲ့ရတောင်ရွာကို မြစ်တစ်ခုသာခြားတဲ့ မြိတ်မြို့နယ်ထဲရှိိ မင်းသန်းရွာကနေ စစ်ကောင်စီတပ်နဲ့ပျူစောထီးအဖွဲ့တွေက လက်နက်ကြီးတွေ၊ ဒရုန်းတွေအသုံးပြု ပြန်လည်ပစ်ခတ်ခဲ့တယ်လို့ ဆိုပါတယ်။ ဒါ့အပြင် ရေပြင်မှာလည်း စစ်သင်္ဘောရှိနေပြီး အဲဒီကနေ အမြောက်တွေအသုံးပြုပစ်ခတ်ခဲ့တယ်လို့ ရဲဘော်မျိုးကြီး က ပြောပြပါတယ်။ တော်လှန်ရေးမဟာမိတ်ပူးပေါင်းတပ်တွေဘက်ကတော့ လက်နက်ငယ်၊ ဒရုန်းတွေနဲ့တန်ပြန်ထိုးစစ်ဆင်ခဲ့ တယ်လို့ ဆိုပါတယ်။ ရက်ရှည်တိုက်ပွဲတွေကြောင့် ကျွန်းစုမြို့နယ်ထဲက မင်းဂုတ်၊ ရတောင်နဲ့ မောင်းလှော်ရွာ၊ မြိတ်မြို့နယ်ထဲက မင်းသန်းရွာတွေက ဒေသခံပြည်သူတွေ စစ်ဘေးလွတ်ရာထွက်ပြေးတိမ်းရှောင်ခဲ့ရပါတယ်။ လက်နက်ကိုင်အင်အားစုတွေ တပ် ပြန်ဆုတ်ထားပေမယ့် အဲ့ဒီစစ်ဘေးရှောင်ပြည်သူတွေကတော့ နေရပ်ပြန်လာနိုင်တာမျိုးမရှိသေးဘူးလို့ သိရပါတယ်။ ၂၀၁၄ ခုနှစ် သန်းခေါင်စာရင်းအရ မင်းဂုတ်ကျေးရွာအုပ်စုမှာ အိမ်ထောင်စု ၅၂၂ စုနဲ့ မောင်းလှော်ကျေးရွာအုပ်စုမှာ အိမ်ထောင်စု ၅၆၆ စုရှိပါ တယ်။ https://www.facebook.com/photo?fbid=418598040557951&set=a.196212682796489
၂၄။ မံစီမြို့ထဲ စစ်တပ်ကလက်နက်ကြီးပစ်ခတ်လို့ ကလေးတစ်ဦးနဲ့ အမျိုးသားတစ်ဦးသေဆုံး
   February 20, 2024

ကချင်ပြည်နယ် မံစီမြို့ထဲကို စစ်တပ်ကလက်နက်ကြီး ပစ်ခတ်လို့  ကလေးတစ်ဦးအပါအဝင် နောက်ထပ်အမျိုးသား တစ်ဦး နှလုံးဖောက်သေဆုံးသွားတယ်လို့ မံစီမြို့ခံတွေဆီကနေ သိရပါတယ်။ ဖေဖော်ဝါရီလ ၁၉  ရက်နေ့ မနေ့ည ၇ နာရီဝန်း ကျင် ဗန်းမော်မြို့အခြေစိုက် ခလရ ၄၇ တပ်က ပစ်ခတ်ခဲ့တာဖြစ်ပြီး လက်နက်ကြီးကျရောက်​ပေါက်ကွဲမှုကြောင့် ကလေးတစ်ဦး အလောင်းရှာမရတဲ့အထိသေဆုံးတဲ့အပြင် နောက်ထပ်အမျိုးသားတစ်ဦးလည်း နှလုံးဖောက်ပြီးသေဆုံးသွားတယ်လို့ ဒေသခံ တစ်ဦးက ခုလိုပြောပါတယ်။“က​လေးက အလောင်းတောင်ရှာမရဘူးလို့ သိရတယ် ပြီးတော့ နောက်ထပ်တစ်ယောက်က ကချင်အမျိုးသားဖြစ်တယ် အမှုတော်ဆောင်သင်းထောက်ဟုတ်တယ် သူက သူ့အိမ်နားမှာ လက်နက်ကြီး ၂ လုံးကျတော့ နှလုံး ဖောက်ပြီးသေတာ”လို့ ပြောပါတယ်။ နှလုံးဖောက်ပြီးသေဆုံးသွားတဲ့ အမျိုးသားဟာ ဂျိန်းဖော့မြေရပ်ကွက်က သင်းထောက် ဦးဘရန်ဆန် ဆိုသူဖြစ်ပြီး နောက်ထပ် ရီခူးမန်ခန်ကျေးရွာက ကလေးတစ်ဦးလည်း အလောင်းရှာမရသေးတဲ့အပြင် နောက်ထပ် သင်းထောက်ဦးလဖိုင်ဇော်ယော်လည်း ကျည်ထိမှန်ဒဏ်ရာရရှိထားတယ်လို့ သူကဆက်ပြောပါတယ်။

စစ်ကောင်စီတပ်တွေဟ မနေ့ည မံစီမြို့ထဲ လက်နက်ကြီး ၇ လုံးထက်မနည်းပစ်ခတ်ခဲ့တာဖြစ်ပြီး အဲဒီလက်နက်ကြီး တွေဟာ မြို့ပေါ်ရပ်ကွက်အပြင် ရွာသစ်ကုန်းဘက်တွေလည်း ကျရောက်ပေါက်ကွဲခဲ့တာကြောင့် ဒေသခံတွေရဲ့ နွားနှစ်ကောင် လည်းသေဆုံးတဲ့အပြင် နေအိမ်တွေလည်း ကျည်ထိမှန်ပျက်စီးတာတွေများလာနေတယ်လို့ သိရပါတယ်။ ဒါ့အပြင် ပြီးခဲ့တဲ့ ဖေဖော်ဝါရီလ ၁၆ ရက်နေ့မှာလည်း ဗန်းမော် ခလရ ၄၇ က မံစီမြို့ဘက်ကို လက်နက်ကြီး ၆ လုံးပစ်ခတ်ခဲ့တာကြောင့် မံစီ ဘုရားကျောင်းဝင်းထဲ ၂ လုံး၊ ပြင်ဦးလွင်ရပ်ကွက် ၁ လုံး၊ ကောင်ရာမှာ ၁ လုံး၊ မော်ရဝတီရပ်ကွက်မှာ ၁ လုံးနဲ့ မံစီမြို့ပြင် လယ် ကွင်းပြင်တစ်နေရာမှာ ၁ လုံးကျရောက်ပေါက်ကွဲခဲ့တာဖြစ်ပြီး ပြင်ဦးလွင်ရပ်ကွက်က အသက် ၆၀ ကျော် အရွယ် ဒေါ်ဆွမ်လွမ့် ကိုင်ဘန် ကျောပြင်မှာ ကျည်ထိမှန်ဒဏ်ရရရှိထားပြီး လယ်ကွင်းပြင်ကျရောက်တဲ့ လက်နက်ကြီးကြောင့် ဒေသခံတွေရဲ့နွား တစ်ကောင်လည်း ထိခိုက်သေဆုံးခဲ့တဲ့ ဖြစ်စဉ်လည်း ရှိခဲ့ပါတယ်။ “မနေ့က စီခမ်းကိုသူတို့လက်လွတ်လိုက်ရတော့ ရှုံးမဲမဲလို့ ပြည်သူတွေကို ပစ်မှတ်ထားလာတာဖြစ်တယ်”လို့ ပြောပါတယ်။ https://burmese.kachinnews. com/2024/02/20/zm1-155/
၂၅။ ဘားအံတွင် ကရင်ဇာတ်အဖွဲ့ကားမှောက်ပြီး အမျိုးသမီး ၂ ဦးသေဆုံး၊ ၁၀ ဦးဒဏ်ရာရ
  February 19, 2024

ကရင်ပြည်နယ်၊ ဘားအံမြို့နယ် မြို့ရှောင်လမ်းမှာ ဖေဖော်ဝါရီ ၁၉ ရက်က ကရင်ဇာတ်အဖွဲ့ကားတစီး ရေမရှိတဲ့ချောင်း ထဲ တိမ်းမှောက်ခဲ့တာကြောင့် ယာဉ်ပေါ်ပါလာတဲ့ အမျိုးသမီး ၂ ဦးသေဆုံးပြီး ၁၀ ဦး ထိခိုက်ဒဏ်ရာ ရရှိခဲ့တယ်လို့ မြန်မာနိုင်ငံ လူမှုကယ်ဆယ်ရေးအဖွဲ့ ဘားအံထံက သိရပါတယ်။ ဘားအံမြို့ မြို့ရှောင်လမ်းမှာ ခလောက်နုဘက်ကနေ သံလွင်တံတားဘက် သွားနေတဲ့ ဇာတ်အဖွဲ့ကားဟာ ဖေဖော်ဝါရီ ၁၉ ရက် မနက် ၁၀ နာရီလောက်က တောင်ကုန်းပေါ်က အဆင်းမှာ ရေမရှိတဲ့ချောင်း ထဲ တိမ်းမှောက်ခဲ့တာပါ။ ယာဉ်တိမ်းမှောက်မှုကြောင့် ယာဉ်ပေါ်ပါလာတဲ့ အမျိုးသား ၆ ဦးနဲ့ အမျိုးသမီး ၆ ဦးထဲက အမျိုးသမီး ၂ ဦး သေဆုံးခဲ့ပြီး အမျိုးသား၊ အမျိုးသမီး ၁၀ ဦး ဒဏ်ရာရရှိခဲ့ပါတယ်။

မြန်မာနိုင်ငံ လူမှုကယ်ဆယ်ရေးအဖွဲ့ ဘားအံအသင်း တာဝန်ရှိသူတဦးက “ဘားအံမြို့ရှောင်‌လမ်း ခလောက်နုဘက်က နေ သံလွင်တံတားဘက်ကိုအသွား တောင်ကုန်းပေါ်တက်ပြီး အဆင်း ၂၅ ပေ‌လောက်နက်တဲ့ ချောက်ထဲကျသွားတာ။ ကား မှောက်ပြီး ဖြစ်ဖြစ်ချင်း အမျိုးသမီးတဦး သေဆုံးတယ်။ ဆေးရုံရောက်တော့ တဦးထပ်သေတယ်။ ကားပါ်ပါလာတဲ့သူတွေထဲက ၅ ဦးကစိုးရိမ်ရတယ်။ နောက်ထပ် ၄ ဦးကဒဏ်ရာများပေမဲ့မစိုးရိမ်ရဘူး။ တဦးကတော့ ပွန်းပဲ့ဒဏ်ရာပဲရတယ်”လို့ ပြောပါတယ်။ ယာဉ်တိမ်းမှောက်မှုကြောင့် သေဆုံးသူတွေနဲ့ ထိခိုက်ဒဏ်ရာရရှိသူတွေကို မြန်မာနိုင်ငံ လူမှုကယ်ဆယ်ရေးအဖွဲ့ ဘားအံနဲ့တခြား မိတ်ဘက်အဖွဲ့အစည်းတွေက ဘားအံပြည်သူ့ဆေးရုံကို ပို့ဆောင်ပေးခဲ့ပါတယ်။ https://burmese.dvb.no/post/639379
၂၆။  တောင်ကြီးမြို့၌ တကိုယ်လုံးပုံ ဓာတ်ပုံရိုက်ပြီး ဧည့်စာရင်းတိုင်နေရ
   February 19, 2024

ရှမ်းပြည်နယ်တောင်ပိုင်း၊ တောင်ကြီးမြို့မှာ ပြည်သူ့ စစ်မှုထမ်းဥပဒေ ထုတ်ပြန်ပြီးနောက် ဧည့်စာရင်းစစ်ဆေးမှု ပိုမို တင်းကျပ်လာပြီး မြို့ပေါ်နေထိုင်တဲ့သူ အကုန်လုံး တကိုယ်လုံးပုံ ဓာတ်ပုံရိုက်ကာ ဧည့်စာရင်းတိုင်နေရတယ်လို့ မြို့ခံတွေပြောပြ ချက်အရ သိရပါတယ်။ ဧည့်စာရင်းတိုင်တဲ့အချိန်မှာ မှတ်ပုံတင်၊ သန်းခေါင်စာရင်း မိတ္တူတွေနဲ့အတူ တကိုယ်လုံးရိုက်ထားတဲ့ အလှဓာတ်ပုံကို ပူးတွဲတင်ပြရပါတယ်။ လုံးချင်းအိမ်ငှားတွေကတော့ အိမ်ရှင်၊ အိမ်ငှား စာချုပ်တွေနဲ့ မိသားစုဓာတ်ပုံကိုပါ ပူးတွဲ တင်ပြရပါတယ်။ ဘုရားဖြူရပ်ကွက်မှ မြို့ခံအမျိုးသမီးတဦးက “ဓာတ်ပုံကို တကိုယ်လုံးပေါ်အောင် ရိုက်ရတယ်။ ပြီးတော့ အလုပ် အကိုင်တွေကအစ ဘယ်မှာပညာသင်တာ အကုန်လုံးကိုမေးတာ။ အခု ဒီဟာကို ရပ်ကွက်ရုံးမှာ လုပ်ရတယ်၊ ပြီးမှ ကတ်ထုတ် ပေးတယ်။ သူတို့ အိမ်တိုင်ရာရောက် လာစစ်လို့ ကတ်မရှိရင် အဲဒီမှာ ပြဿနာတက်မှာလို့ ရပ်ကွက်နေပြည်သူတွေကို သတိပေး ထားတယ်” လို့ ပြောပါတယ်။

အရင်က စစ်ဘေးရှောင်သီးသန့်သာ ဧည့်စာရင်း တိုင်ခဲ့ရပေမဲ့ လက်ရှိမှာတော့ ဘော်ဒါဆောင်မှာ နေထိုင်ကြတဲ့ တက္ကသိုလ်ကျောင်းသားတွေနဲ့ အဆောင်နေထိုင်သူမှန်သမျှ ဧည့်စာရင်း တိုင်ကြားရပါတယ်။ တောင်ကြီးမြို့မှာ စစ်ကောင်စီက စစ်မှုမထမ်းမနေရဥပဒေ ထုတ်ပြန်ပြီးနောက်ပိုင်း ည ၈ နာရီနောက်ပိုင်း စစ်ကားအကြီးတွေနဲ့ မြို့ထဲ ရပ်ကွက်တွေထဲမှာ လိုက်လံ စစ်ဆေးနေပြီး လမ်းပေါ်တွေ့ရှိတဲ့ လူငယ်တွေကို စခန်းခေါ် စစ်ဆေးမေးမြန်းနေပါတယ်။ ဖေဖော်ဝါရီ ၁၄ ရက်က တောင်ကြီးမြို့ ပေါ် ဘားတခုမှာ လူငယ် ၈ ဦးကို အမှတ် ၁ ရဲစခန်းမှာ ဖမ်းဆီးခေါ်ဆောင် ချုပ်နှောင်ခဲ့ပြီး နောက်ရက်မှာပဲ တဦးကို သိန်း ၂၀ နဲ့ ငွေညှစ်ကာ ပြန်လွှတ်ပေးခဲ့ပါတယ်။ https://burmese.dvb.no/post/639376
၂၇။ ရှားတောမြို့နယ်တွင် စစ်ကောင်စီတပ်က စခန်းနှစ်ခုကို စွန့်ခွာထွက်ပြေး
  February 19, 2024

ကရင်နီပြည်နယ်၊ သံလွင်မြစ်အရှေ့ဖက်ရှိ စစ်ကောင်စီတပ်စခန်းနှစ်ခုမှ တပ်ဖွဲ့ဝင်များ စခန်းစွန့်ခွာ ထွက်ပြေးသွား ပြီဖြစ်ကြောင်း KNDF ဗဟိုသတင်းနှင့်ပြန်ကြားရေးဌာနက ထုတ်ပြန်လိုက်သည်။ ရှားတောမြိုနယ်၊ ဟွေပုန်းလောင်းဒေသမှ စိုးမိုး ကုန်းတစ်ခုဖြစ်သည့် ကျားပါစပ်ကြီးစခန်းနှင့် နန့်ပန်ချောင်းအနီး အခြေပြုထားသော ဟွေအွန်တပ်စခန်းရှိ စစ်ကောင်စီတပ်ဖွဲ့ဝင် များကို ပြီးခဲ့သည့် ဖေဖော်ဝါရီလ ၁၀ ရက်နေ့မှ ၁၃ ရက်နေ့အတွင်း ရဟတ်ယာဉ်များဖြင့် လာရောက် ခေါ်ဆောင်သွားခြင်းဖြစ် ကြောင်း သိရသည်။ အဆိုပါတပ်စခန်းနှစ်ခုမှာ မြန်မာ – ထိုင်းနယ်စပ်ရှိ စစ်ကောင်စီတပ်၏ အရေးပါသော ရှေ့တန်းတပ်စခန်း များဖြစ်ကြောင်း ထုတ်ပြန်ချက်တွင်ဖော်ပြထားသည်။

ဟွေအွန်စခန်းကို ပြီးခဲ့သည့် ဖေဖော်ဝါရီလ ၁၄ ရက်နေ့က KNDF B/21 နှင့် KNPLF ပူးပေါင်းတပ်တို့က နယ်မြေရှင်း လင်းရေးလုပ်ဆောင်ခဲ့ပြီး စခန်းရှိ ဆန်အိတ်အချို့နှင့် ခဲယမ်းအချို့သိမ်းဆည်းရမိခဲ့ကြောင်း သိရသည်။ ကျားပါစပ်ကြီးစခန်းကို ကရင်နီတပ်မတော် (KA)က နယ်မြေရှင်းလင်းရေးလုပ်ဆောင်ခဲ့ကြောင်း သိရသည်။ ပြီးခဲ့သည့် ၂၀၂၂ ခုနှစ် ဇန်နဝါရီလကလည်း ကရင်နီတပ်မတော် (KA) က ကျားပါစပ်ကြီးစခန်းကို တစ်ကြိမ် ဝင်ရောက်စီးနင်းသိမ်းပိုက်ခဲ့သော်လည်း နာရီပိုင်းအတွင်း စစ်ကောင်စီတပ်က လေကြောင်းမှ ပစ်ခတ်တိုက်ခိုက်ခဲ့သောကြောင့် ပြန်လည်ဆုတ်ခွာခဲ့ရသည်။ ရှားတောမြို့ကို ပြီးခဲ့သည့် ဇန်နဝါရီလ ၁၅ ရက်နေ့မှစတင် တိုက်ခိုက်ခဲ့ရာ ဖေဖော်ဝါရီ ၁၂ ရက်နေ့တွင် ကရင်နီအမျိုးသားများကာကွယ်ရေးတပ်မတော် (KNDF) အလုံးစုံ ထိန်းချုပ်နိုင်ခဲ့ပြီး တိုက်ပွဲအတွင်း ဗိုလ်မှူးကြီး၊ ဒု-ဗိုလ်မှူးကြီး၊ ဗိုလ်မှူး၊ ဒု-ရဲမှူးများအပါ အဝင် စစ်ကောင်စီ တပ်ဖွဲ့ဝင် စုစုပေါင်း ၁၆၀ ကျော်သေဆုံးခဲ့ကာ အရှင်ဖမ်းဆီးရမိထားသူများလည်းရှိသည်။ https://www.facebook.com/ph oto/?fbid=713199677674370&set=pcb.713200804340924
၂၈။ ICNCC ကို အသစ်ပြန်လည် ဖွဲ့စည်း၊ ပြည်သူအခြေပြု အသွင်သစ်ဖြင့် မြင်တွေ့ရမည်ဟု ဆို
   February 19, 2024

ကြားကာလချင်းအမျိုးသားအတိုင်ပင်ခံကောင်စီ (ICNCC) ကို ပြီးခဲ့သည့် တစ်ပတ်ခန့်က အသစ်ပြန်လည်ဖွဲ့စည်းလိုက်ပြီး ပြည်သူ့ အခြေပြု အသွင်သစ်ဖြင့် မြင်တွေ့ရမည်ဖြစ်ကြောင်း သတင်းရရှိသည်။ ချင်းပြည် မြို့နယ်အသီးသီးမှ ကိုယ်စား လှယ်များပါဝင်သည့် ICNCC Fact – finding အဖွဲ့၏ (၃)လကြာ အချက်အလက်စုစည်းမှု၊ မြို့နယ်အသီးသီးမှ ကိုယ်စား လှယ်များ ပါဝင်သော ICNCC Reform Committee ၏ (၁)လကြာ ဆွေးနွေးမှုအပြီးတွင် အတည်ပြု လိုက်ခြင်းဖြစ်ကြောင်း ICNCC ပြော ရေးဆိုခွင့်ရှိသူ ဒေါက်တာကင်တန်က ပြောသည်။“Reform Committee ကနေ တစ်လကျော်ကြာအကြေအလည် ဆွေးနွေး ပြင်ဆင်ကြတာဆိုတော့ ပြည်သူအခြေပြု အသွင်သစ် ICNCC ဖြစ်ပါတယ်။ Bottom-up ပုံစံဖြစ်ပါတယ်။ ဒီအတွက် ဂုဏ်ယူ စရာကောင်းသလို လက်တွေ့အကောင်အထည်ဖော်မှုပိုင်း ပိုထိရောက်လာမယ်လို့ မျှော်လင့်ပါတယ်”ဟု ဒေါက်တာ ကင်တန်က ပြောသည်။ ICNCC  အသစ်ပြန်လည် ဖွဲ့စည်းမှုကို ဖေဖော်ဝါရီလ ၁၃ ရက်က  အတည်ပြုခဲ့ခြင်းဖြစ်ပြီး ချင်းပြည် တော်လှန်ရေး အင်အားစု (၇) စု ပါဝင်မည်ဖြစ်ကာ ယင်းတို့မှ ကိုယ်စားလှယ်များဖြင့် ဖွဲ့စည်းလည်ပတ်ပတ်မည်ဖြစ်ကြောင်း သိရသည်။

ICNCC တွင် ချင်းလွှတ်တော်ကိုယ်စားလှယ်များ၊ တစ်မြို့နယ်လျှင် တစ်ပါတီ (၁) ဦးနှုန်းဖြင့် ချင်းပြည်အတွင်းရှိ နိုင်ငံရေး ပါတီများ၊ မြို့နယ် ကိုယ်စားပြု (၃)ဦး၊ မျိုးနွယ်စု (သို့မဟုတ်) ဒေသကိုယ်စားပြု (၁) ဦး ကိုယ်စားပြုပါဝင်မည့် ချင်းနိုင်ငံရေး ဦး‌ဆောင်အဖွဲ့နှင့် မြို့နယ် ကိုယ်စားပြု (၃)ဦး၊ မျိုးနွယ်စု (သို့မဟုတ်) ဒေသကိုယ်စားပြု (၁) ဦး ကိုယ်စားပြုပါဝင်မည့် ချင်းကာ ကွယ်ရေးအစုအဖွဲ့များ ဖြင့် ဖွဲ့စည်းမည်ဖြစ်သည်။ ထို့အပြင် တစ်မြို့နယ်လျှင် (၂) ဦးနှုန်းဖြင့် ချင်း CDMs များနှင့် ချင်းအရပ်ဘက် ဆိုင်ရာ အဖွဲ့အစည်းများ၊ နိုင်ငံတကာရောက် ချင်းလူမျိုးအဖွဲ့အစည်းများနှင့် ပါဝင်သင့် ပါဝင်ထိုက်သော ပုဂ္ဂိုလ်များလည်း ICNCC အသစ်ဖွဲ့စည်းမှုတွင် ပါဝင်မည်ဖြစ်သည်။ ICNCC အသစ်ပြန်လည်ဖွဲ့စည်းမှုတွင် ပါဝင်မည့် အဖွဲ့များနှင့် လူပုဂ္ဂိုလ်များကို လတ်တလောတွင် ထုတ်ပြန်ရန် အဆင်မပြေသေးကြောင်း ဒေါက်တာကင်တန်က ပြောသည်။ ICNCC ၏ ချင်းပြည်အစိုးရ၊ လွှတ်တော်၊ တရားရေး စသည့် မဏ္ဍိုင် (၃)ရပ်တို့ကို တဖြည်းဖြည်းချင်း ဖွဲ့စည်းနိုင်ရန် ဆောင်ရွက်သွားမည်ဖြစ် ပြီး အလျင်အမြန် ဖွဲ့စည်းမည်မဟုတ်ကြောင်း ဒေါက်တာကင်တန်က ပြောသည်။ https://www.facebook.com/photo?fbid=89632106916 3614&set=pcb.896321375830250
၂၉။  ကျိုက်ထိုမြို့ စစ်တပ်အနီးတွင် မြေမြှုပ်မိုင်းနင်းမိပြီး အမျိုးသား ၁ ဦး ခြေထောက်ပြတ်
   February 19, 2024

မွန်ပြည်နယ်၊ ကျိုက်ထိုမြို့နယ်၊ ခရွဲကျေးရွာအုပ်စု၊ ဝါးဒက်ကွင်းကျေးရွာ ခမရ ၂၀၇ တပ်နားမှာ ဖေဖော်ဝါရီ ၁၈ ရက်က အမျိုးသား ၁ ဦး မြေမြှုပ်မိုင်းနင်းမိပြီး ခြေထောက်ဖြတ်လိုက်ရတယ်လို့ ဒေသခံတွေက ပြောပါတယ်။ ကျိုက်ထိုမြို့နယ် ဝါးဒက် ကွင်းကျေးရွာမှာနေထိုင်တဲ့ အသက် ၂၈ နှစ်အရွယ် ကိုရန်နိုင်စိုးဟာ တံမြတ်စည်းပြုလုပ်ဖို့အတွက် ဝါးဒပ်ကွင်းကျေးရွာ ခမရ ၂၀၇ တပ်နား တောစပ်မှာ ဖေဖော်ဝါ ၁၈ ရက် မနက် ၉ နာရီလောက်က နတ်မြားပင်များ သွားရောက်ချိုးစဉ် မြေမြှုပ် နင်းမိခဲ့တာ ဖြစ်ပါတယ်။ မြေမြှုပ်မိုင်း ပေါက်ကွဲတာကြောင့် ကိုရန်နိုင်စိုးဟာ ညာဘက်ခြေထောက် ပေါက်ပြဲဒဏ်ရာ၊ ဘယ်ဘက်မေးရိုးပေါက်ပြဲ ဒဏ်ရာ၊ ယောက်ျားအင်္ဂါပေါက်ပြဲ ဒဏ်ရာနဲ့ ဘယ်‌ဘက်ခြေထောက်ပြတ်ဒဏ်ရာတို့ ရရှိခဲ့ပါတယ်။ ဝါးဒက်ကွင်း ဒေသခံ တဦးက “တံမြတ်စည်းလုပ်ဖို့ တောထဲ နတ်မြားသွားချိုးတဲ့အချိန် မိုင်းနင်းမိသွားတာပါ။ ဘယ်ဘက်ခြေထောက်က ဒူးအောက် ဖြတ်လိုက်ရတယ်။ ကျန်တဲ့ ဒဏ်ရာတွေလည်းများတယ်၊ အသက်အန္တရာယ်စိုးရိမ်ရပါတယ်” လို့ပြောပါတယ်။

ကိုရန်နိုင်စိုးနင်းမိတဲ့ မြေမြှုပ်မိုင်းကို KNU/PDF ပူးပေါင်းတပ်ဖွဲ့တွေ ထောင်ထားတယ်ဆိုပြီး စစ်ကောင်စီ ဝါဒဖြန့် ချန်နယ် တွေမှာဖော်ပြထားပေမယ့် စစ်တပ်နားမှာ PDF တွေ မိုင်းထောင်ဖို့ဆိုတာ မဖြစ်နိုင်ဘူးလို့ ကျိုက်ထို ပကဖသတင်းပြန် ကြားရေးတာဝန်ခံက ပြောပါတယ်။“အခင်းဖြစ်တဲ့နေရာက ခမရ ၂၀၇ တပ်နားက ကျောက်မိုင်းဟောင်းမှာဖြစ်တဲ့အတွက် တော်လှန်ရေးတပ်ဖွဲ့တွေက အဲဒီနေရာနားအထိ မိုင်း‌သွားထောင်ဖို့ဆိုတာ မဖြစ်နိုင်ပါဘူး။ စစ်တပ်ကို တော်လှန်ရေးတပ်ဖွဲ့တွေ ဝင်မစီးနိုင်အောင် စစ်ကောင်စီအရာရှိတွေက စစ်တပ်နားတွေမှာ မိုင်းထောင်ထားဖို့ ညွှန်ကြားထားတယ်လို့ ကျနော်တို့ သိထားပါ တယ်။ တော်လှန်ရေးအဖွဲ့တွေရော KNU အဖွဲ့တွေပါ အဲဒီမှာ မိုင်းထောင်တာ လုံးဝမရှိပါဘူး” လို့ ပြောပါတယ်။ https://bur mese.dvb.no/post/639303
၃၀။ အာဆီယံနိုင်ငံများတွင် မြန်မာ စစ်ကောင်စီက  “အယုတ်မာဆုံး ” ဟု မြောက်ပိုင်း ညီနောင်မဟာမိတ် ၃ ဖွဲ့ ပြောဆို
   February 20, 2024

မြန်မာစစ်တပ် ဦးဆောင်သော အာဏာသိမ်းစစ်ကောင်စီသည် အာဆီယံနိုင်ငံများအတွင်း “အယုတ်မာဆုံး ဖက်ဆစ် စစ်တပ်ဘွဲ့” ကို ၂၀၂၃ ခုနှစ်ကတည်းက ပြိုင်ဘက်ကင်းစွာ ရရှိထားကြောင်း မြောက်ပိုင်းညီနောင်မဟာမိတ်တပ်က ယမန်နေ့ တွင် ထုတ်ပြန်ပြောဆိုလိုက်သည်။ စစ်ကောင်စီသည် အရပ်သားပြည်သူများအား ပစ်မှတ်ထားတိုက်ခိုက်ခြင်း၊ သတ်ဖြတ်ခြင်းတို့ အပြင် စိတ်ပိုင်းဆိုင်ရာ ဒုက္ခမျိုးစုံကို တစ်နေ့တစ်မျိုး မရိုးရအောင် မြန်မာနိုင်ငံအနှံ့ နေစဉ်လုပ်နေသည်ဟု ညီနောင်တပ်က ဆို သည်။ ရက္ခိုင်ဒေသတွင်သာမက မြန်မာနိုင်ငံ၏ နေရာတိုင်းတွင် စစ်ရေးရှုံးနိမ့်ကာ နလံမထူနိုင်သည့် စစ်ရှုံးစစ်ကောင်စီသည် လက်ကျန်မြို့ကြီးအချို့ရှိ အပြစ်မဲ့အရပ်သားပြည်သူလူထုများအား မတရားစွပ်စွဲချက်များဖြင့် ဖမ်းဆီးခြင်းများ၊ လူ့အခွင့်အရေး ချိုးဖောက်မှုများအား နေ့စဉ်ဆက်တိုက် ကျူးလွန်လျက်ရှိနေကြောင်းလည်း ပြောသည်။

ယခုအချိန်၌လည်း စစ်ကောင်စီ၏ရက်စက်ယုတ်မာသည့်လုပ်ရပ်များမှာ ၂၀၂၄ ခုနှစ်အတွက် “စစ်ရာဇဝတ်မှု အကျူး လွန်ဆုံး ဖက်ဆစ်စစ်တပ်ဆု” ကို ပြိုင်ဘက်မရှိ ထပ်မံရယူရန် အားထုတ်ကြိုးပမ်းနေခြင်းနှင့်တူနေသည်ဟု မြောက်ပိုင်းညီနောင် မဟာမိတ်တပ်က ထပ်မံပြောဆိုထားသည်။ ထို့ကြောင့် အာဏာသိမ်းစစ်ကောင်စီ၊ လက်ရှိစစ်ကောင်စီကို ဦးဆောင်နေကြသော သူများနှင့် စစ်အာဏာ ရှင်စနစ်မရှိတော့မှသာ မြန်မာပြည်သူလူထုတို့ စိတ်သက်သာရာရမည်ဖြစ်သောကြောင့် မြန်မာနိုင်ငံအနှံ့ အပြား၌ စစ်ကောင်စီအား ဆန့်ကျင်တော်လှန်တိုက်ပွဲဝင်လျက်ရှိကြပြီး တော်လှန်ရေးအရှိန်အဟုန်သည်လည်း မြင့်တက်လျက်ရှိ နေကြောင်းသိရသည်။  မြန်မာပြည်လူထုတစ်ရပ်လုံး လိုလားချက်များနှင့်နီးစပ်သည့် ရည်မှန်းချက်များကို ၁၀၂၇ စစ်ဆင်ရေး (၄) လတာနီးပါးတွင် အပြည့်အဝမဟုတ်သည့်တိုင် အတိုင်းအတာတစ်ခုအထိ စိတ်ကျေနပ်စေလောက်သော အောင်မြင်မှု၊ ရလဒ်တို့ ကို ရယူနိုင်ခဲ့သည်ဟုဆိုနိုင်ကြောင်း ညီနောင်တပ်က ပြောသည်။  https://www.facebook.com/photo/?fbid=756169233 277352&set=a.568142278746716
၃၁။ ဖားကန့်တွင် ပိုင်ရှင်မဲ့အမျိုးသားအလောင်းတစ်လောင်းတွေ့၊ မူးယစ်ဆေးလွန် သေဆုံးခြင်းဖြစ်နိုင်သည်ဟုဆို
   February 19, 2024

ဖားကန့်မြို့၊ လုံးခင်းကျေးရွာတွင် ပိုင်ရှင်မဲ့အမျိုးသားတစ်ဦး၏ ရုပ်အလောင်းတွေ့ရှိခဲ့ ကြောင်း သိရသည်။ သေဆုံးနေသူ ၏ ရုပ်အလောင်းကို လုံးခင်းကျေးရွာ ရပ်ကွက် ၂ တွင် တွေ့ရှိခဲ့ခြင်းဖြစ်ပြီး မိသားစုဝင်များနှင့် အဆက်အသွယ်မရရှိသေးကြောင်း ရပ်ကွက်နေ ကျောက်အရောင်းအဝယ်ပြုလုပ်သူ အမျိုးသားတစ်ဦးက ပြောသည်။ “ဆေးသမားဟုတ်တယ်။ ရှော့ခ်ဖြစ်ပြီး သေတာ။ ပိုင်ရှင်ကိုဆက်သွယ် ပေးနေတယ်။ မပေါ်လာသေးဘူးပေါ့။ အဲ့မှာက ဆေးသမားတွေပေါတယ်လေ” ဟုပြောသည်။ လက်ရှိ ရုပ်အလောင်းကို လုံးခင်းသုသာန်တွင်ထားရှိပြီး ပိုင်ရှင်မပေါ်သေးသောကြောင်း လုံးခင်း သင်္ဂဟ လူမှုကူညီရေးအသင်းမှ အဖွဲဝင်တစ်ဦးကပြောသည်။

“သတ်မှတ်ထားတဲ့အချိန်ထိတော့ စောင့်တာပေါ့။ ဒါပေမဲ့ ပိုင်ရှင်မပေါ်လာလို့ အခုထိ မီးမသင်္ဂြိုဟ်ပေးရသေးဘူး။ မူးယစ်ဆေးက မသုံးတာအကောင်းဆုံးပါ” ဟုပြောသည်။ သေဆုံးသူမှာ အသက် ၅၀ ကျော်ခန့်အရွယ်ရှိ အမျိုးသားတစ်ဦးဖြစ် ကြောင်း သိရသည်။ ဖားကန့်မြို့နယ်၊ လုံးခင်းကျေးရွာအုပ်စု သာယာကုန်းကျေးရွာ အထွက်လမ်းတွင် ပြီးခဲ့သည့် ဖေဖော်ဝါရီလ ၁၄ ရက်နေ့ကလည်း ကျောတွင် ဓါးထိုးသွင်းဒဏ်ရာများဖြင့် သေဆုံးနေသည့် အမျိုးသားတစ်ဦး ရုပ်အလောင်းတွေ့ရှိခဲ့သည်။ https://www.facebook.com/photo/?fbid=714085250919146&set=a.535867405407599
၃၂။ စစ်ကောင်စီက မိုင်းအလွန်အကျွံ ထောင်နေတာကြောင့် ပြည်သူသေဆုံးထိခိုက်မှု နေ့တိုင်းနီးပါးရှိနေတယ်လို့ ညီနောင် ၃ ဖွဲ့ သတိပေး
  February 19, 2024

စစ်ကောင်စီဟာ  သူတို့ရဲ့စခန်းတွေနားမှာ မိုင်းထောင်တွေတာအပြင် အရပ်သားတွေသွားတဲ့ လမ်းတွေမှာပါ  မိုင်းအမျိုး မျိုးကို အလွန်အကျွံထောင်နေတာကြောင့် ပြည်သူတွေအနေနဲ့ သတိထားကြဖို့ ညီနောင်မဟာမိတ် ၃ ဖွဲ့က သတိပေးလိုက်ပါ တယ်။ စစ်တပ်ဟာ နင်းမိုင်း၊ တိုက်မိုင်း၊ စွန့်လွှတ်မိုင်းတွေကို စစ်စခန်းတွေနားမှာအပြင် ပြည်သူတွေသွားလာတဲ့ လမ်းတွေမှာပါ ထင်သလို အလွန်အကျွံထောင်တာကြောင့် ပြည်သူတွေ မိုင်းနင်းမိပြီး သေဆုံးတာနဲ့ ဒဏ်ရာရတာတွေ နေ့တိုင်းနီးပါး ဖြစ်ပေါ်နေ တယ်လို့ ညီနောင် ၃ ဖွဲ့က ဆိုပါတယ်။ ပြီးခဲ့တဲ့ ဖေဖော်ဝါရီလ ၁၄ ရက်နေ့က ရခိုင်ပြည်နယ်၊ မောင်တောမြို့နယ်ထဲက စစ်တပ် စခန်းတစ်ခုနားမှာ အသက် ၁၅ နှစ်အရွယ် အမျိုးသားတစ်ယောက် မြေမြှုပ်မိုင်းနင်းမိလို့ ခြေထောက်တစ်ဖက် ပြတ်ထွက်ပြီး အပြင်းအထန်းဒဏ်ရာရသွားတယ်လို့လည်း ရက္ခိုင့်တပ်တော် (AA) ရဲ့ ထုတ်ပြန်ချက်အရ သိရပါတယ်။

UNICEF ရဲ့ ၂၀၂၃ ခုနှစ် နိုဝင်ဘာလမှာထုတ်ပြန်ခဲ့တဲ့ အစီရင်ခံစာအရ မိုင်းကြောင့်ထိခိုက်ခံစားရသူတွေထဲမှာ ကလေးငယ် တွေက ၂၂ ရာခိုင်နှုန်းအထိ ရှိနေတယ်လို့ သိရပါတယ်။ အဲဒီအစီရင်ခံစာဟာ ၂၀၂၃ ခုနှစ် ဇန်နဝါရီလကနေ စက်တင်ဘာလ အထိအတွက်ပဲဖြစ်ပြီး အဲဒီကာလအတွင်း တစ်နိုင်ငံလုံးအတိုင်းအတာအနေနဲ့ မိုင်းကြောင့် သေဆုံးထိခိုက်တဲ့ အရပ်သားတွေဟာ ၈၅၈ ယောက်အထိရှိခဲ့ပြီး ဒါဟာ ၂၀၂၂ တစ်နှစ်တာလုံးရဲ့ နှစ်ဆကျော်ရှိနေပါတယ်။ https://www.facebook. com/photo/?fbi d=413147684725564&set=a.266001999440134
၃၃။ မြိတ်တက္ကသိုလ်ကျောင်းသားများကို “အ”သုံးလုံးရုပ်ရှင်ပြပြီး စေတနာ့ဝန်ထမ်းလုပ်ရန် စည်းရုံး
   February 19, 2024

တနင်္သာရီတိုင်း၊ မြိတ်တက္ကသိုလ်မှာ စာမတတ်သူပပျောက်ရေး စီမံကိန်းအကြောင်းရိုက်ထားတဲ့ “ဘယ်သူပြိုင်လို့ လှပါ တော့နိုင်” ရုပ်ရှင်ဇာတ်ကားပြပြီး ကျောင်းသား ကျောင်းသူတွေကို နိုင်ငံတာဝန်ထမ်းဆောင်ဖို့ ဆရာ ဆရာမတွေက စည်းရုံးခဲ့ တယ်လို့ မြိတ်တက္ကသိုလ် ကျောင်းသား ကျောင်းသူတွေထံက သိရပါတယ်။“ဘယ်သူပြိုင်လို့ လှပါတော့နိုင်” ရုပ်ရှင်ဟာ တက္ကသိုလ်နဲ့ ကောလိပ်အသီးသီးက ကျောင်းသား ကျောင်းသူတွေက မြန်မာနိုင်ငံအတွင်း စာမတတ်သူပပျောက်ရေး လုပ်ငန်းမှာ တက်ကြွစွာ ပါဝင်လှုပ်ရှားခဲ့တဲ့ အကြောင်းကို ဒါရိုက်တာ ဦးသုခက ၁၉၇၃ ခုနစ် မြန်မာ့ဆိုရှယ်လစ်လမ်းစဉ်ပါတီခေတ်မှာ ရိုက် ကူးပုံဖော်ထားတဲ့ ရုပ်ရှင် ဖြစ်ပါတယ်။ အဆိုပါရုပ်ရှင်ကို ဖေဖော်ဝါရီ ၁၆ ရက်နေ့မှာ ဆရာ ဆရာမတွေက ကျောင်းသား ကျောင်းသူ တွေကို သက်ဆိုင်ရာမေဂျာအလိုက် စုစည်းပြီး မေဂျာအဆောင်အသီးသီးမှာ ၂ နာရီကြာ ပြသခဲ့ပြီး စေတနာ့ဝန်ထမ်း အဖြစ် တာဝန်ထမ်းဆောင်ဖို့ စည်းရုံးခဲ့တယ်လို့ ကျောင်းသား ကျောင်းသူတွေဆီက သိရပါတယ်။

မြိတ်တက္ကသိုလ်ကျောင်းသားတဦးက “အခန်းထဲမှာ လူတွေစုပြီး ရုပ်ရှင်ပြတယ်။ လုပ်အားပေးချင်တဲ့သူတွေ စာရင်းပေး လို့ ရတယ်ဆိုပြီး ဆရာ ဆရာမတွေက ပြောတယ်။ ကရင်၊ ကချင်နဲ့ ရှမ်းဘက်မှာ သွားရောက် လုပ်အားပေးရမယ်လို့လည်း သိရ တယ်။ ကျနော်တို့ စိုးရိမ်တာက မေဂျာတခုဆီမှာ ဘယ်နှယောက်ပါရမလဲဆိုပြီး စာရင်းလာကောက်တာမျိုးတွေပါ။ ဒါပေမဲ့ အခုလက်ရှိတော့ တယောက်မှ စာရင်းမပေးကြဘူး” လို့ ပြောပါတယ်။ အခုလို “အ”သုံးလုံးရုပ်ရှင်ပြပြီး စည်းရုံးတာကို ကျောင်း က ထောက်ပံ့ကြေးယူထားတဲ့ ကျောင်းသား ကျောင်းသူတွေက စိုးရိမ်နေကြပါတယ်။ မြိတ်တက္ကသိုလ် ကျောင်းဆရာမတဦးက “တိုင်းရင်းသားဒေသတွေမှာ လုပ်အားပေးဖို့ အထက်ကနေပြီး ပြခိုင်းတာပါ။ ဆရာမတို့လည်း အထက်ကဆိုတာလောက်ပဲ သိရ တယ်။ ကျန်တာတော့ မသိဘူး။ စေတနာ့ဝန်ထမ်း လုပ်ဖို့အတွက် ဘယ်သူမှလည်း စာရင်းမပေးကြသေးဘူး” လို့ ပြောပါတယ်။ https://burmese.dvb.no/post/639366
၃၄။  ဒီးမော့ဆို-မော်ချီး-မယ်စဲ့ ယာဥ်လိုင်းကို IEC ပြေးဆွဲ
  February 19, 2024

ဒီးမော့ဆို-မော်ချီး-မယ်စဲ့ ကိုသွားမယ့် ယာဥ်လိုင်းကို ပြီးခဲ့တဲ့ ဖေဖော်ဝါရီလ ၁၄ ရက်နေ့ကစ ပြေးဆွဲနေပြီလို့ ကရင်နီ ပြည်ကြားကာလ ပြည်သူ့အုပ်ချုပ်ရေးကောင်စီ (IEC)က ပြောပါတယ်။ ကူးသန်းရောင်းဝယ်ရေး၊ ရင်းနှီးမြုပ်နှံမှုနှင့် ပို့ဆောင် ဆက်သွယ်ရေးဌာနရဲ့ သယ်ယူပို့ဆောင်ရေးဌာနခွဲမှ IEC ယာဥ်လိုင်းကို ပြေးဆွဲနေတာဖြစ်ပါတယ်။“ပို့ဆောင်ရေး ဌာနစိပ်ကနေ တော့ ခုယာဉ်လိုင်းပြေးဆွဲပေးမှုတွေစနေတာပေါ့ ပြီးရင် ဌာနခွဲအလိုက် စုပေါင်းပြီး လုပ်ငန်းဗျူဟာတွေချမှတ်ရေးဆွဲနေဆဲပါ။ ပြီးရင်တော့ ကရင်နီပြည်အတွက် လုပ်နိုင်တာတွေတဆင့်ချင်းဆက်လုပ်ဖို့လုပ်နေပါတယ်။” လို့ IEC ကူးသန်းရောင်းဝယ်ရေး၊ ရင်းနှီးမြှုပ်နှံမှူ နှင့် ပို့ဆောင်ဆက်သွယ်ရေးဌာနမှ ဌာနမှူးကြီး ဦးအယ်လ်ဖောင်းရှိုက ပြောပါတယ်။

ခရီးစဥ်ကို တစ်ပတ် ၄ ရက်ပြေးဆွဲသွားမှာဖြစ်ပြီး တစ်ဦးလျှင် ကားခ ၃ သိန်း သတ်မှတ်ထားတယ်လို့ သိရပါတယ်။ ယာဉ်လိုင်း စတင်ပြေးဆွဲနေပြီး ရလာမယ့် အမြတ်ငွေတွေကိုတော့ IEC ဘဏ္ဍာငွေထဲကနေ လိုအပ်တဲ့နေရာတွေမှာ အသုံးပြုသွား မယ်လို့ သိရပါတယ်။ ခရီးသည်တွေရဲ့ လုံခြုံရေးနဲ့ ပတ်သက်ပြီး ဆောင်ရွက်ထားမှု အခြေအနေကို သယ်ယူပို့ဆောင်ရေးဌာနခွဲရဲ့ ညွှန်ကြားရေးမှူး သံချောင်းက အခုလိုပြောပြပါတယ်။“ကျနော်တို့ လမ်းလုံခြုံရေးကတော့ ဒီယာဥ်မောင်းတွေနဲ့တော့ သူလုံခြုံ မှုတော့ရှိမယ်။ ကောင်းကင်ဘုံက ကြဲချလာတဲ့ ဟာတွေကတော့ ကျနော်တို့ မတတ်နိုင်ဘူးပေါ့နော။ တွေ့တယ်သိတယ်။ မြင် တယ် ကြားတယ်။ ဆိုတာလောက်နဲ့ ရှောင်မယ်ပုန်းမယ် ဒီလောက်ပဲ ရှိတယ်ပေါ့နော။ ၁၀၀ ရာခိုင်နှုန်း လောက်တော့ လုံခြုံမှု မပေးနိုင်ဘူးပေါ့နော။ အတတ်နိုင်ဆုံးတော့ အန္တာရာယ်ကင်းမယ့်လမ်းတွေ မောင်းပေးမယ်။ အန္တာရာယ်ကင်းမယ့် နေရာတွေကို နားပေးမယ်။ အဲ့လောက်ပါပဲ။”လို့ သူက ပြောပါတယ်။ IEC ကနေ ကူးသန်းရောင်းဝယ်ရေး၊ ရင်းနှီးမြုပ်နှံမှုနှင့် ပို့ဆောင်ဆက် သွယ်ရေးဌာနကို ဖွဲ့စည်းပြီး ဌာနမှူးကြီး နဲ့ ဒုတိယဌာနမှူးကြီး ၄ဦးကို ခန့်အပ်ထားကြောင်း ပြီးခဲ့တဲ့ ဖေဖော်ဝါရီလ ၁၂ ရက်နေ့မှာ ထုတ်ပြန်ထားပါတယ်။ https://www.kantarawaddytimes.org/%e1%80%92%e1%80%ae%e1%80%b8%b1%e1%80

၃၅။ အင်းလေးဒေသမှာ စစ်ကောင်စီ၊ ပြည်သူ့စစ်နဲ့ ပျူစောထီးအဖွဲ့တွေ ပြည်သူတွေကိုပါ ဖမ်းဆီးသောင်းကျန်းနေ
     February 19, 2024

ရှမ်းပြည်တောင်ပိုင်း၊ ညောင်ရွှေမြို့နယ်၊ အင်းလေးကန်ဒေသမှာ စစ်ကောင်စီနဲ့လက်အောက်ခံ PNO၊ ပျူစောထီးတွေက ပြည်သူတွေအပေါ် ပိုမိုအကြမ်းဖက် လာနေတယ်လို့ သိရပါတယ်။ စစ်ကောင်စီနဲ့ PNO ထိုင်တဲ့ မှော်ဘီတံတားမှာ ခရီးသွားတွေရဲ့ ပစ္စည်းတွေကိုအကြမ်းဖက်လုယူမှု ပိုမိုဆိုးရွားလာနေပြီး မနေ့က ဖယ်ခုံမြို့က အမျိုးသမီးတစ်ဦးပိုင်ဆိုင်တဲ့ စက်သုံးဆီ ပေပါ ၉ လုံးကို သိမ်းယူခံခဲ့ရတယ်လို့ သိရပါတယ်။ ယင်းဂိတ်ကပင် ပြီးခဲ့တဲ့ ဖေဖော်ဝါရီလ ၁၃ ရက်ကလည်း ကျိုင်းခမ်းရွာမှ ဒေသခံ တစ်ဦးရဲ့ စားသောက်ကုန်ပစ္စည်း ၈ သိန်းဖိုးကိုလည်း အကြမ်းဖက်စစ်တပ်က ယူဆောင်သွားခဲ့သလို မိုးဦးရွာမှ ဒေသခံတစ်ဦးရဲ့ ကားကိုလည်းစစ်တပ်ကယူ ထားတဲ့အပြင် လူကိုလည်ဖမ်းဆီးထားတယ်လို့ သိရပါတယ်။

စစ်တပ်နဲ့အင်းလေးပျူစောထီးခေါင်းဆောင် ညီညီထွန်းလွင်(ခ)ဖိုးသာထူးတို့က လုံကန်ကျေးရွာက ဇနီးမောင်နှံကို လည်း နန်းပန်ဂိတ်မှာကားနဲ့အတူဖမ်းဆီးခံထားရတာ ခုချိန်ထိ အဆက် အသွယ်မရသေးဘူးလို့ သိရပါတယ်။ အင်းလေးကန် အရှေ့ခြမ်းကနေ တောင်ဘက်ခြမ်းအထိကို စစ်တပ်နဲ့အပေါင်းပါတွေဟာ ယခင်က စစ်ဆေးမေးမြန်းတာကုန်တင်လာရင် ငွေ တောင်းတာလောက်သာရှိခဲ့ပေမယ့် လက်ရှိမှာတော့ ခရီးသွားတွေရဲ့ ပစ္စည်းတွေကို လုယူတာတွေအပြင် ပစ္စည်းပိုင်ရှင်တွေကိုပါ အကြမ်းဖက် ဖမ်းဆီးလာနေတာလို့ ဒေသခံတွေထံက သိရပါတယ်။ https://www.facebook.com/photo?fbid=4226386 06789256&set=a.285900487129736

မှတ်ချက်။          သက်ဆိုင်ရာ သတင်းမီဒီယာအသီးသီးမှ ကောက်နုတ်ဖော်ပြခြင်းဖြစ်ပါသည်

နွေဦးတော်လှန်ရေးကာလ တိုင်းရင်းသားဒေသက အခြေအနေများ

နွေဦးတော်လှန်ရေးကာလ တိုင်းရင်းသားဒေသက အခြေအနေများ

သုံးလပတ် (၂၀၂၃ နိုဝင်ဘာ၊ ဒီဇင်ဘာ နှင့် ၂၀၂၄ ဇန်နဝါရီ)

နွေဦးတော်လှန်ရေးကာလအတွင်း အာဏာရှင်စနစ် ဆန့်ကျင်ရေးကို အလွှာပေါင်းစုံမှ တိုင်းရင်းသား ပြည်သူများ၏ ပူးပေါင်းပါဝင် လှုပ်ရှားမှုများကို ဖယ်ဒရယ်ဂျာနယ်-မြန်မာက လစဉ်လေ့လာပြုစုပေါင်းချုပ်၍ ထုတ်ပြန်လျက်ရှိသည်။

ဤတစ်ကြိမ်တွင် ၂၀၂၃ နိုဝင်ဘာ၊ ဒီဇင်ဘာ နှင့် ၂၀၂၄ ဇန်နဝါရီ (၃)လအတွင်း အာဏာသိမ်းမှုနှင့်ဆက်စပ်သည့် ပဋိပက္ခများကြောင့် တိုင်းရင်းသားဒေသများတွင် နှစ်ဘက်ထိခိုက်သေဆုံးမှု၊ စစ်ကောင်စီ၏ထိုးစစ်ကြောင့် ပြည်သူ့အိုးအိမ်ပျက်စီးမှု၊ နေရပ်စွန့်ခွာမှုများကို အောက်ပါအတိုင်း စုစည်းတင် ပြထားပါသည်။

အပိုင်း (၁)

(က) တိုက်ပွဲဖြစ်ပွားမှုနှင့် နှစ်ဖက်တပ်သားသေဆုံးမှု

၂၀၂၃ နိုဝင်ဘာ၊ ဒီဇင်ဘာ နှင့် ၂၀၂၄ ဇန်နဝါရီ သုံးလတာအတွင်း တိုင်းရင်းသားပြည်နယ်ဒေသ များတွင် စစ်ကောင်စီတပ်နှင့် တော်လှန်ရေးတပ်ဖွဲ့တို့အကြား ထိတွေ့ပစ်ခတ်မှုအကြိမ်ပေါင်း (၁၁၃၁)ကျော်ရှိခဲ့ရာ ရှမ်းပြည်နယ်တွင် (၄၆၀)ကြိမ်ဝန်းကျင်ဖြင့် တိုက်ပွဲအများဆုံးဖြစ်ပွားခဲ့ပြီး၊ ကရင်ပြည်တွင် (၂၉၉)ကြိမ်ခန့်ဖြင့် ဒုတိယအများဆုံး တိုက်ပွဲဖြစ်ပွားခဲ့သည်။ ဤသုံးလအတွင်း စစ်ကောင်စီတပ်သား‌ (၁၆၈၃)ဦးထက်မနည်း သေဆုံးခဲ့ပြီး တော်လှန်ရေးတပ်သားကျဆုံးမှု (၂၉၆)ဦးခန့်ရှိခဲ့ပါသည်။

(၁) ကချင်ပြည်

ဤသုံးလအတွင်း စစ်ကောင်စီနှင့် ကချင်ပူးပေါင်းတပ်ဖွဲ့များအကြား ထိတွေ့ပစ်ခတ်မှု (၅၃)ကြိမ်နှင့် စစ်ကောင်စီတပ်သား (၂၅)ဦးသေဆုံးမှုအား မှတ်တမ်းတင်နိုင်ခဲ့ပါသည်။ ပြည်သူ့ပူးပေါင်းတပ်ဖွဲ့များမှ တော်လှန်ရေးတပ်သားကျဆုံးမှုဆုံးမှုအား မှတ်တမ်းတင်နိုင်ခြင်းမရှိခဲ့ပါ။

ကချင်လွတ်မြောက်ရေးတပ်မတော် – KIAနှင့် ပြည်သူ့တော်လှန်ရေး အင်အားစုအဖွဲ့များသည် ကချင်ဒေသများဖြစ်သော ရွှေကူမြို့နယ်၊ ပူတာအိုမြို့နယ်၊ ဖားကန့်မြို့နယ်နှင့် ကသာ၊ အင်းတော်၊ ကောလင်း၊ ထီးချိုင့်စသော ကချင်-စစ်ကိုင်းနယ်စပ်ရှိ မြို့နယ်များနှင့် ကွတ်ခိုင်၊ မူဆယ်၊ ပြင်ဦးလွင်၊ နောင်ချိုစသော ကချင်-ရှမ်းမြောက်ရှိ မြိုနယ်များသို့လည်း KIAတပ်မဟာများ၏ စစ်ရေးကွပ်ကဲမှုများဖြင့် ပူးပေါင်းစစ်ဆင် လျှက်ရှိပါသည်။

(၂) ချင်းပြည်

သုံးလအတွင်း စစ်ကောင်စီနှင့် ချင်းပူးပေါင်းတပ်ဖွဲ့များအကြား ထိတွေ့ပစ်ခတ်မှု (၇၃)ကြိမ်၊ စစ်ကောင်စီတပ်သားသေဆုံးမှု (၇၆)ဦးနှင့် ပြည်သူ့ပူးပေါင်းတပ်ဖွဲ့ဖက်မှ တပ်သားကျဆုံးမှု (၂၅)ဦးအား မှတ်တမ်းတင်နိုင်ခဲ့ပါသည်။

ချင်းပြည်နယ်တွင် ချင်းအမျိုးသားတပ်ဉီး(CNF/A)နှင့် မြို့နယ်ဒေသ ကာကွယ်ရေးတပ်ဖွဲ့ – CDFsများ ပူးပေါင်းစစ်ဆင်မှုသည် အဓိကကျပါသည်။ ချင်းလဲန်းကာကွယ်ရေးပူးပေါင်းတပ်ဖွဲ့များသည် ချင်းပြည်နှင့် ထိစပ်နေသည့် မကွေးတိုင်းဒေသရှိ ကန့်ကောဒေသတစ်ဝိုက်နှင့် စစ်ကိုင်းမှ ကလေးကဘော်ဒေသများ တွင်လည်း စစ်ရေးလှုပ်ရှားမှုရှိသည်။

(၃) ရခိုင်ပြည်

သုံးလအတွင်း ရခိုင်ပြည်နယ်အတွင်း၌ ထိတွေ့ပစ်ခတ်မှု (၁၁၁)ကြိမ်၊ စစ်ကောင်စီတပ်သားများသေဆုံးမှု ၆၇ ဦး နှင့် တော်လှန်ရေးရဲဘော်များသေဆုံးမှု (၄) ဦးအား မှတ်တမ်းတင်နိုင်ခဲ့သည်။

ရခိုင်တပ်တော် – AA သည် ချင်းပြည်နယ်ပလက်ဝမြို့နယ်၊ စစ်ကိုင်းတိုင်းထီးလင်းမြို့နယ်နှင့် ရှမ်းမြောက် ဒေသများတွင်လည်း စစ်ဆင်မှုရှိပါသည်။

(၄) ရှမ်းပြည်

သုံးလအတွင်း ရှမ်းပြည်တွင် ထိတွေ့ပစ်ခတ်မှုပေါင်း (၄၆၀)ကြိမ်၊ စစ်ကောင်စီတပ်သားသေဆုံးမှု (၆၄၈)ဦးနှင့် တိုင်းရင်းသားလက်နက်ကိုင်အဖွဲ့နှင့် ပြည်သူ့ကာကွယ်ရေးတပ်ဖွဲ့များဖက်မှ ကျဆုံးမှု (၁၀၉)ဦးအား မှတ်တမ်းတင်နိုင်ခဲ့ပါသည်။

ရှမ်းပြည်နယ်တွင် မြောက်ပိုင်းမဟာမိတ်အဖွဲ့သုံးဖွဲ့များ၊ ကချင်အမျိုးသားတပ်မတော် – KIA၊ ပြည်သူ့ကာကွယ် ရေးတပ်ဖွဲ့များနှင့် စစ်ကောင်စီတို့အကြား ထိတွေ့ပစ်ခတ်မှုများရှိသည်။

(၅) ကယား(ကရင်နီ)ပြည်

သုံးလအတွင်း စစ်ကောင်စီတပ်နှင့် ကရင်နီပူးပေါင်းတပ်ဖွဲ့များအကြား ထိတွေ့ပစ်ခတ်မှု (၁၂၈) ကြိမ်၊ စစ်ကောင်စီတပ်သားသေဆုံးမှု (၅၇၆)ဦးနှင့် ပြည်သူ့ပူးပေါင်းတပ်ဖွဲ့ဖက်မှတပ်သားကျဆုံးမှု (၁၃၈)ဦးအား မှတ်တမ်းတင်နိုင်ခဲ့ပါသည်။

ကရင်နီပြည်နယ်နှင့် ထိစပ်ဒေသများတွင် စစ်ကောင်စီနှင့် ကရင်နီတပ်မတော်(KA) တို့ကြား တိုက်ပွဲ ဖြစ်ပွားမှုရှိသကဲ့သို့ ကရင်နီတပ်မတော် (KA)၊ ကရင်နီအမျိုးသားကာကွယ်ရေးတပ်(KNDF)၊ အခြားကရင်နီ ဒေသအခြေစိုက် ကာကွယ်ရေးပူးပေါင်းတပ်ဖွဲ့တို့နှင့် စစ်ကောင်စီတပ်တို့ကြား နှစ်ဘက်ထိတွေ့တိုက်ပွဲများ ဖြစ်ပွားလေ့ရှိသည်။

ကရင်နီပူးပေါင်းတပ်ဖွဲ့ များသည် ကရင်နီအပြင် ကရင်နီ-ရှမ်း ထိစပ်ဒေသများဖြစ်သော ဖယ်ခုံမြို့နယ်နှင့် ရှမ်းပြည်တောင်ပိုင်းရှိ ပင်လောင်းမြို့နယ်တို့မှာလည်း စစ်မျက်နှာဖွင့်ကာ ရှမ်းပြည်နယ်ရှိ ပြည်သူ့ကာကွယ်ရေးတပ်ဖွဲ့တစ်ချို့နှင့်အတူ ပူးပေါင်းစစ်ဆင်ရေးများ လုပ်ဆောင်လျှက်ရှိသည်။

(၆) ကရင်ပြည်

သုံးလအတွင်း စစ်ကောင်စီတပ်နှင့် ကော်သူးလေအုပ်ချုပ်နယ်မြေရှိ ပူးပေါင်းတပ်ဖွဲ့များအကြား ထိတွေ့ပစ်ခတ်မှု (၂၉၉)ကြိမ်၊ စစ်ကောင်စီတပ်သားသေဆုံးမှု (၂၇၆)ဦးနှင့် ပြည်သူ့ပူးပေါင်းတပ်ဖွဲ့ဖက်မှ တပ်သားကျဆုံးမှု (၂၀)ဦးအား မှတ်တမ်းတင်နိုင်ခဲ့ပါသည်။

ကော်သူးလေအုပ်ချုပ်နယ်မြေတွင် KNLA ၏ ဦးဆောင်စစ်ဆင်မှုသည် အဓိကဖြစ်ပြီး ကရင်အခြေပြုတော်လှန်ရေးအဖွဲ့အစည်းများအပြင် မွန်ပြည်နယ်အခြေပြု အဖွဲ့အစည်းများဖြစ်သော အထူးစစ်ဆင်ရေးတပ်ဖွဲ့−SOF၊ ကျိုက်ထိုတော်လှန်ရေးအင်အားစု-KRF၊ ဘီးလင်းပြည်သူ့ကာကွယ်ရေးတပ်ဖွဲ့၊ ရေးဘီလူးတပ်ဖွဲ့၊ ရေးမြို့နယ်ကာကွယ်ရေးအထူးတပ်ဖွဲ့ -YSTF၊ ရေးပြောက်ကျားတပ်ဖွဲ့ -YGF နှင့် သထုံခရိုင်အလုပ်အဖွဲ့-ABSDF၊ ဒေါနစစ်ကြောင်း နှင့် မွန်ပြည် တော်လှန်ရေးတပ် (MSRF) တို့သည် KNLA နှင့် ပူးတွဲစစ်ဆင်မှုရှိပါသည်။

ကော်သူးလေအုပ်ချုပ်နယ်မြေတွင် မွန်ပြည်နယ်မြို့နယ်များထဲမှ သထုံ၊ ဘီးလင်း နှင့် ကျိုက်ထို စသောမြို့နယ်များလည်း ပါဝင်သည်။

(၇) မွန်ပြည်

သုံးလအတွင်း စစ်ကောင်စီနှင့် မွန်တော်လှန်ရေးတပ်ဖွဲ့များအကြား ထိတွေ့ပစ်ခတ်မှု (၇)ကြိမ်ရှိခဲ့ပြီး စစ်ကောင်စီတပ်သားများနှင့် စစ်ကော်စီအစေအပါးများ သေဆုံးမှု (၁၅)ဦးအား မှတ်တမ်းတင်နိုင်ခဲ့ပါသည်။ တော်လှန်ရေးတပ်ဖွဲ့များမှ ထိခိုက်ကျဆုံးမှုအား မှတ်တမ်းတင်နိုင်ခြင်းမရှိခဲ့ပါ။

မွန်ပြည်နယ်မြို့နယ်များထဲတွင် ကရင်ပြည်နယ်နှင့်ထိစပ်လျက်ရှိသော သထုံ၊ ဘီးလင်း နှင့် ကျိုက်ထို စသောမြို့နယ်များသည် ကော်သူးလေအုပ်ချုပ်နယ်မြေ (ခေါ်) KNU/KNLA ထိန်းချုပ်နယ်မြေများဖြစ်သည့် အလျောက် ၎င်းမြို့နယ်အခြေခံသော ကာကွယ်ရေးတပ်ဖွဲ့များသည် KNLA၏ စစ်ရေးကွပ်ကဲမှုဖြင့် ပူးပေါင်း စစ်ဆင်လျက်ရှိပါသည်။

(ခ) အရပ်သားပြည်သူအပေါ်တိုက်ပွဲ၏ အကျိုးဆက်များ

၂၀၂၃ နိုဝင်ဘာ၊ ဒီဇင်ဘာ နှင့် ၂၀၂၄ ဇန်နဝါရီ သုံးလအတွင်း တိုင်းရင်းသားဒေသအတွင် စစ်ကောင်စီ၏ လေကြောင်းတိုက်ခိုက်မှု၊ လက်နက်ကြီးဖြင့်ရမ်းသမ်းပစ်ခတ်မှု၊ လက်နက်ကိုင်တပ်ဖွဲ့များ၏ မြေမြုပ်မိုင်းများကြောင့်ထိခိုက်မှုနှင့် တိုက်ပွဲအတွင်းပစ်ခတ်မှုနှင့် သတ်ဖြတ်ခံရမှုများကြောင့် အရပ်သား သေဆုံးမှုစုစုပေါင်း (၅၀၆)ဉီး နှင့် စစ်ကောင်စီတပ်၏ မီးရှို့ဖျက်ဆီးမှု၊ တိုက်ပွဲအတွင်း လက်နက်ကြီး ထိခိုက်ခံရမှုများကြောင့် အရပ်သားအိမ်ခြေ (၁၆၄၀) လုံးပျက်စီးမှုအား မှတ်တမ်းတင်နိုင်ခဲ့သည်။

ဤသုံးလတာ ကာလအတွင်း ရှမ်းပြည်နယ်တွင် အရပ်သားသေဆုံးမှုအများဆုံးဖြစ်ပြီး ပြည်သူ(၂၂၇)ဦး သေဆုံးမှုအား မှတ်တမ်းတင်နိုင်ခဲ့ပါသည်။

ကရင်ပြည်နယ်တွင် အရပ်သားသေဆုံးမှု ဒုတိယအများဆုံးဖြစ်ကာ (၉၇)ဉီးနှင့် ကရင်နီပြည်နယ်သည် အရပ်သားသေဆုံးမှု (၇၃)ဉီးဖြင့် တတိယအများဆုံးဖြစ်ပြီး ၊ ရခိုင်ပြည်နယ်တွင် (၆၉)ဉီး၊ ချင်းပြည်နယ်တွင် (၂၇)ဉီးနှင့် ကချင်ပြည်နယ်တွင် (၁၃)ဦး စသည်ဖြင့် အရပ်သားသေဆုံးမှုအသီးသီးအား မှတ်တမ်း တင်နိုင်ခဲ့ပါသည်။

ပြည်သူ့အိုးအိမ်ပျက်စီးမှုအနေဖြင့်မူ ကချင်ပြည်တွင် ရှမ်းပြည်နယ်တွင် အများဆုံးဖြစ်ပြီး (၅၅၇)လုံး၊ ကရင်နီပြည်နယ်တွင် ဒုတိယအများဆုံးဖြင့် (၄၈၁)လုံး၊ ကရင်ပြည်နယ်တွင် (၂၇၄)လုံးဖြင့် တတိယအများဆုံးဖြစ်ကာ၊ ရခိုင်ပြည်နယ်တွင် (၁၉၆)လုံး၊ ချင်းပြည်တွင် (၁၂၇)လုံး နှင့် ကချင်ပြည်နယ်တွင် (၅) လုံး စသဖြင့် အသီးသီးမှတ်တမ်းတင်နိုင်ခဲ့ပါသည်။

ကိုးကားချက်များ

(၁) လွတ်လပ်သော သတင်းမီဒီယာများ

(၂) တိုင်းရင်းသား လက်နက်ကိုင်အဖွဲ့အစည်းများ၊ ပြည်သူ့ကာကွယ်ရေးတပ်ဖွဲ့များ

(၃) ဖက်ဒရယ်ဂျာနယ် မြန်မာ မေးမြန်း၊ စုဆောင်းချက်များ

                                                ဖက်ဒရယ်ဂျာနယ် မြန်မာ စုစည်းတင်ပြသည်။