• Today is: Thursday, May 30, 2024

အိမ်နီးချင်းနိုင်ငံများရဲ့ တရားဥပဒေကို လေးစားလိုက်နာဖို့ CNF တိုက်တွန်း

အိမ်နီးချင်းနိုင်ငံများရဲ့ တရားဥပဒေကို လေးစားလိုက်နာဖို့ CNF တိုက်တွန်း

ဖက်ဒရယ်ဂျာနယ်၊ မြန်မာ
ဇူလိုင် ၂၀ ရက်၊ ၂၀၂၃။

အိမ်နီးချင်းနိုင်ငံများရဲ့ တရားဥပဒေကို လေးစားလိုက်နာဖို့ ချင်းအမျိုးသားတပ်ဦး (CNF) က တိုက်တွန်း လိုက်ပါတယ်။ အိမ်နီးချင်းနိုင်ငံများ ဆိုရာမှာတော့ ချင်းပြည်နယ်နဲ့ ထိစပ်ဒေသဟာ အိန္ဒိယနိုင်ငံ မီဇိုရမ် ပြည်နယ်ဖြစ်ပြီး မြန်မာ-အိန္ဒိယ နယ်စပ်ဒေသလည်း ဖြစ်ပါတယ်။

ချင်းအမျိုးသားတပ်ဦး (CNF) ထုတ်ပြန်ချက်ထဲမှာတော့ အိမ်နီးချင်းနိုင်ငံများ၏ တရားဥပဒေ စိုးမိုးရေးလုပ်ငန်းစဉ်များကို ထိခိုက်နှောက်ယှက်ခြင်းများမဖြစ်ပေါ်စေဖို့ အိမ်နီးချင်းနိုင်ငံ၏ ပြည်တွင်းနိုင်ငံရေးကို အနှောင့်အယှက်ဖြစ်စေသော လှုပ်ရှားမှုများမှ ရှောင်ကြဉ်ရန်၊ ပြည်ပနိုင်ငံများ၏ ID entity ကတ်များကို လိမ်လည်ရယူရန် ကြိုးစားခြင်း၊ သို့မဟုတ် တရားဥပဒေစိုးမိုးရေးကို ထိခိုက်စေနိုင်သော တရားမဝင် လှုပ်ရှားမှုများပြုလုပ်ခြင်း ရှောင်ကြဉ်ဖို့ ပါဝင်ပါတယ်။

ဒါ့အပြင် ကျွန်ုပ်တို့၏အိမ်နီးချင်းများထံ မူးယစ်ဆေးဝါးများ အထူးသဖြင့် မူးယစ်ဆေးဝါးရောင်းဝယ်ဖောက်ကားမှု သို့မဟုတ် တရားမဝင်မှောင်ခိုပစ္စည်းများကို တင်သွင်းခြင်းတို့ကို မပြုလုပ်ဖို့ တိုက်တွန်းထားပါတယ်။

ဒါ့အပြင် ချင်းလူမျိုးတို့၏ အိမ်နီးချင်းများနှင့် ဖော်ရွေစွာနေထိုင်နိုင်ပြီး လုံခြုံသောပတ်ဝန်းကျင်ရှိစေရေး ချင်းအမျိုးသားတပ်ဦး (CNF) က ကြိုးစား ဆောင်ရွက်နေတာကြောင့် ချင်းလူမျိုးများအတွက် အန္တရာယ် ဖြစ်စေနိုင်သော လုပ်ဆောင်ချက် သို့မဟုတ် လုပ်ဆောင်ချက်မှန်သမျှကို လက်ခံနိုင်ဖွယ်မရှိသလို ယခု တိုက်တွန်း ကြေညာချက်များကို လိုက်နာဆောင်ရွက်ခြင်း မရှိပါက ထိရောက်တဲ့ အရေးယူဆောင်ရွက်မှုများ ပြုလုပ်မည်လို့ ထုတ်ပြန်တိုက်တွန်းထားပါတယ်။

ချင်းလူမျိုးများ၏ အကျိုးစီးပွားနှင့် အကျိုးစီးပွားအတွက် ဆောင်ရွက်နေသော တော်လှန်ရေး အဖွဲ့အစည်း တစ်ခု အနေဖြစ်တဲ့ ချင်းအမျိုးသားတပ်ဦး (CNF)ဟာ ပြည်ထောင်စုမြန်မာနိုင်ငံတွင် ဖက်ဒရယ်စနစ်၊ ကိုယ်ပိုင် ပြဋ္ဌာန်း ခွင့် နှင့် ဒီမိုကရေစီရရှိရေးတို့အတွက် ရည်မှန်းထားသည့် ရည်မှန်း ချက်များကို မြှင့်တင်ရန် အတတ်နိုင်ဆုံး ကြိုးပမ်းနေတာ ဖြစ်တယ်လို့လည်း ထည့်သွင်း ပြောဆိုထားပါတယ်။

ဓါတ်ပုံ – Chinland Information Center