နိုင်ငံရေး စိတ်ဝင်စားသူ အားလုံး မှင်သတ်မ်ိစေခဲ့တဲ့ ၂၀၁၈ ကြားဖြတ်ရွေးကောက်ပွဲရလဒ်တွေကြားမှာ ကျွန်တော့အတွက် ပိုပြီး စိတ်ဝင်စားစရာဖြစ်စေခဲ့တဲ့ အကြောင်းအချက်တစ်ခုရှိခဲ့ပါတယ်။ အဲဒါကတော့ ရှမ်းပြည်နယ် လဲချား မဲဆန္ဒနယ်က ပြည်သူလွှတ်တော် ရွေးကောက်ပွဲ မြင်ကွင်း ပဲဖြစ်ပါတယ် ။ ရန်ကုန်မြို့လို နိုင်ငံရေး ရှေ့တန်းစစ်မျက်နှာပြင်က မဲရုံတွေ ခြောက်ကပ်နေချိန်မှာ ရှမ်းပြည်နယ် လဲချား မဲဆန္ဒနယ် က မဲရုံတွေမှာ ဒေသခံ ရှမ်းတိုင်းရင်းသားတွေ တန်းစီပြီးတောင် မဲပေးနေရတဲ့အခြေအနေကိုတွေ့မြင်ခဲ့ကြရပါတယ် ။ ထွက်ပေါ်လာတဲ့ ကြားဖြတ် ရွေးကောက်ပွဲ ရလဒ်တွေအရလည်း တိုင်းရင်းသားဒေသတွေမှာထူးခြားမှုတွေရှိနေတာကိုတွေ့ကြရပါ သေးတယ်။ အမျိုးသား ဒီမိုကရေစီ အဖွဲ့ချုပ် ခေတ် ၂ နှစ်ခွဲကျော် ကာလ အတွင်းမှာ ကြားဖြတ်ရွေးကောက်ပွဲ ၂ ကြိမ်မြောက်ကျင်းပခဲ့ပြီလည်းဖြစ်ပါတယ် ။ ကြားဖြတ်ရွေးကောက်ပွဲကို တိုင်းနဲ့ ပြည်နယ် ၉ ခုမှာ ပြည်သူ့လွှတ်တော် အတွက် ၄ နေရာ၊ အမျိုးသားလွှတ်တော် အတွက် ၁ နေရာ ၊ တိုင်းဒေသကြီး လွှတ်တော်တွေအတွက် ၇ နေရာ နဲ့ လူမျိုးစု ကိုယ်စားလှယ်အတွက် ၁ နေရာ စုစုပေါင်း ၁၃ နေရာအတွက် ကျင်းပခဲ့တာဖြစ်ပါတယ်။ အဲဒီလိုကျင်းပရာမှာ ၂၀၁၅ NLD အနိုင်ရနေရာဖြစ်တဲ့ ဆိပ်ကမ်းမြို့နယ် ရန်ကုန်တိုင်း ၊ တမူးမြို့နယ် စစ်ကိုင်းတိုင်း၊ မြစ်ကြီးနား မြို့ ကချင် ပြည်နယ် နဲ့ မတူပီမြို့နယ် ချင်းပြည်နယ် တို့မှာ NLD ကိုယ်စားလှယ်တွေ ပြန်လည်ရှုံး နိမ့်ခဲ့တာကြောင့် လက်ရှိ အာဏာရ ပါတီ NLD ရဲ့ အနာဂတ် နိုင်ငံရေး စိန်ခေါ်မှု ရဲ့ကြီးမားမှု အတိုင်းအတာကို တွက်ဆမိလိုက်ကြသလို ဒေသခံ တိုင်းရင်းသား ပါတီတွေ နဲ့ နိုင်ငံရေး သမားတွေ အောင်ပွဲခံခဲ့တဲ့ ရခိုင်ပြည်နယ် ၊ ချင်းပြည်နယ် နဲ့ ရှမ်းပြည်နယ်တို့မှာ ကျင်းပ ခဲ့တဲ့ ရွေးကောက်ပွဲ အနေအထား ဟာလည်း အနာဂတ် မြန်မာ့နိုင်ငံရေးအတွက်စဉ်းစားတွက်ချက်ဖွယ်ရာ အရေးပါတဲ့ အကြောင်းအချက် တွေဖြစ်ခဲ့ပါတယ်။
အရင်ဦးဆုံး ကြားဖြတ်ရွေးကောက်ပွဲမှာ ကြီးမားတဲ့ အကျိုးသက်ရောက်မှုဖြစ်စေခဲ့တဲ့ မဲ ပေးသူဦးရေ လျော့ကျတဲ့ ပြဿနာကနေစတင်ချင်ပါတယ်။ အခုကျင်းပ ပြီးစီးသွားခဲ့တဲ့ ၂၀၁၈ ကြားဖြတ်ရွေး ကောင်ပွဲ ရလဒ်တွေကိုလေ့လာကြည့်မယ်ဆိုရင် မဲလာပေးတဲ့ အရေအတွက်ဟာ အကြမ်းဖျဉ်းအားဖြင့် ၂၀၁၅ ရွေးကောက်ပွဲ နဲ့ ယှဉ်ကြည့်တဲ့အခါ လွန်စွာနည်းပါးတာကိုတွေ့ကြရပါတယ်။ အချို့သော နေရာတွေမှာဆိုရင် ၃၀ % လောက်ပဲ မဲလာပေးတာကိုတွေ့ရပါတယ်။ ဒါကိုကြည့်မယ်ဆိုရင် သက် ဆိုင်ရာ ဒေသတွင်းမှာ အမှန်တကယ် ရှိနေတဲ့ နိုင်ငံရေး ဆုံးဖြတ်ချက်အသေအချာကြီးမဟုတ်သေးဘူး လို့ပြောရမှာဖြစ်ပါတယ် ။ ၂၀၁၅ မှာထွက်ပေါ်ခဲ့သော မဲတွေ နဲ့ ချိန်ဆ ကြည့်မယ်ဆိုရင် အခု ကြားဖြတ်မှာထွက်ပေါ်လာတဲ့ ရလဒ်ကတော့ မဲပေးသူနည်းတဲ့ အကြောင်းကြောင့်ဖြစ်ပေါ်လာတဲ့ ရလဒ်အဖြစ်နဲ့လည်း မှတ်သားထားရမှာဖြစ်ပါတယ် ။ မည်သို့ပင်ဆိုစေ ရွေးကောက်ပွဲဆိုတာကတော့ လာရောက်မဲပေးတဲ့ မဲ ဆန္ဒရှင်အရေအတွက်အပေါ်မှာသာခင်းကျင်း တွက်ချက်ရတာဖြစ်လို့ အခုလာ မယ့် ၂၀၂၀ မှာလည်း ဒီလို မဲ ပေးသူ အရေအတွက်နည်းပါးခဲ့မယ်ဆိုရင် အဓိက ယှဉ်ပြိုင်ဘက် ပါတီ တစ်ခုချင်းစီ ရဲ့ မဲရရှိနိုင်မူအနေအထားမှာအကျိုးသက်ရောက်မှုတွေရှိမှာလည်း အမှန်ပဲဖြစ်ပါတယ် ။ ဒါကြောင့် ရွေးကောက်ပွဲ ဝင်တဲ့ ပါတီတိုင်းဟာ မိမိတို့ပါတီ အနိုင်ရရှိရေးတင်မက ပြည်သူ လူထုအနေနဲ့ ရွေးကောက်ပွဲတွေကို စိတ်ပါဝင်စားလာစေရေးအတွက်လည်းအလေးအနက်ထား လုပ်ဆောင်ကြဖို့ လိုတယ်ဆိုတာ ဒီကနေ့ ကြားဖြတ်ရွေးကောက်ပွဲ ၂၀၁၈ က ထောက်ပြနေပါတယ်။
အဓိကအားဖြင့် အခုကျင်းပပြုလုပ်ခဲ့သော ကြားဖြတ်ရွေးကောက်ပွဲကနေ အထင်အရှားပြသလာတဲ့ နိုင်ငံရေး အရွေ့အပြောင်းတစ်ခုကို ကျွန်တော့အနေနဲ့ တင်ပြလိုပါတယ် ။ အဲဒါကတော့ တိုင်းရင်း သားဒေသတွေဖြစ်တဲ့ မတူပီ (ချင်း)၊ လဲချား (ရှမ်း) နဲ့ကချင်ဒေသ မြစ်ကြီးနား တို့မှာ ပြုလုပ်ခဲ့သော ရွေးကောက်ပွဲတွေကနေ သိသာထင်ရှားစွာပေါ်ထွက်လာတဲ့ တိုင်းရင်းသား နိုင်ငံရေး အင်အားစုတွေရဲ့ တိုးတက်မှုရှိတဲ့ ခြေလှမ်းတွေပဲဖြစ်ပါတယ်။ အဲဒီ မဲ ဆန္ဒနယ် ၃ နယ်ထဲက မြစ်ကြီးနား နဲ့ မတူပီ ဟာ ၂၀၁၅ ရွေးကောက်ပွဲတုန်းက NLD အနိုင်ရရှိခဲ့သော နေရာတွေပဲဖြစ်ပါတယ်။ မတူပီ ရွေးကောက်ပွဲကို လေ့လာကြည့်တဲ့အခါ ပေါင်းစည်းထားတဲ့ ချင်း ဒီမိုကရေစီအဖွဲ့ချုပ် ပါတီ ( CLD) က မဲ ၆ ထောင် နီးပါးရရှိခဲ့ပြီး NLD က မဲ ၅ထောင် ၂ ရာကျော်ရရှိခဲ့ကာ မဲ ၇၀၀ ကျော်အသာနဲ့ ၂၀၁၅ အနိုင်ရ NLD အပေါ် ပြန်လည် အနိုင်ရရှိသွားတာတွေ့ရပါတယ် ။ မတူပီ ကြားဖြတ်ရွေးကောက်ပွဲရဲ့ ထူးခြားချက် ကတော့ ၂၀၁၅ ရွေးကောက်ပွဲမှာ မဲ ဆန္ဒရှင် တစ်သောင်း တစ်ထောင်ကျော် မဲလာပေးခဲ့ပြီး ဒီတကြိမ်မှာလည်း အဲဒီ မဲပေးခဲ့တဲ့အရေအတွက်ရဲ့ အပြည့်နီးပါး လာရောက် မဲ ပေးခဲ့တာဟာ ကျန် တိုင်းနဲ့ပြည်နယ် ဒေသ အသီးသီး မှာ တချိန်းတည်းကျင်းပခဲ့တဲ့ ရွေးကောက်ပွဲတွေထက် သာလွန်ထူးခြားနေတဲ့ အချက်ဖြစ်ပါတယ် ။ ပိုပြီးစိတ်ဝင်စားဖို့ကောင်းတာကတော့ NLD ရရှိခဲ့တဲ့ မဲအရေအတွက်ဟာ ၂၀၁၅ ရွေးကောက်ပွဲမှာ ရရှိခဲ့တဲ့ မဲထက် ၃၀၀ လေက်ပဲ လျော့နည်း သွားတာဖြစ်တာကြောင့် မတူပီရွေးကောက်ပွဲဟာ အမှန်တကယ် နိုင်ငံရေး ဆန်ပြီး အကြိတ်အနယ် ရှိခဲ့တဲ့ ပြရုဂ်ပဲဖြစ်ပါတယ်။ အသေချာဆုံးကတော့ ဒီရလဒ်ဟာ ရွေးကောက်ပွဲ မတိုင်ခင်ကမှ အောင်မြင်စွာပေါင်းစည်းနိုင်ခဲ့တဲ့ ချင်းတိုင်းရင်းသား ပါတီ ၃ ခု ရဲ့ စည်းလုံးမှု ရဲ့ ရလဒ်ပဲဖြစ်ပါတယ်။ နောင်ထက် စဉ်းစားစရာ အချက်က ဒီပွဲကို ဝင်မပြိုင်ခဲ့တဲ့ ကြံ့ခိုင်ရေး ပါတီရဲ့ ရည်ရွယ်ချက်ဖြစ်ပါတယ်။ ၂၀၁၅ ရွေးကောက်ပွဲမှာ မဲ ၃ ထောင်ကျော် ရပြီး ဒုတိယလိုက်ခဲ့တဲ့ ကြံ့ခိုင်ရေးပါတီသာ ဝင်ပြိုင်ခဲ့မယ် ဆိုရင် ချင်းပါတီ မဲကွဲပြီး NLD နိုင်သွားနိုင်တဲ့ အနေအထားဖြစ်ပါတယ် ။ ဒါကြောင့် မတူပီပွဲမှာ ကြံ့ခိုင်ရေး က NLD ရှုံးနိမ့်သွားရေးကိုသာ အဓိက ရည်ရွယ်ချက်ထားခဲ့ပုံရတယ်လို့သုံးသပ်နိုင်ပါတယ်။ မတူပီကြားဖြတ် ရွေးကောက်ပွဲမှာထွက်ပေါ် လာခဲ့တဲ့ အခုလို ရလဒ်အပေါ်မှာ ချင်းတိုင်းရင်းသား ပါတီလောက နဲ့ နီးစပ်သူ ချင်း အမျိုးသား တစ်ဦးကတော့ အချက် ၃ ချက်ကို ထောက်ပြပါတယ်။ ပထမတစ်ချက်ကတော့ ကွဲပြားစွာရပ်တည် လှုပ်ရှားခဲ့တဲ့ ချင်းပါတီ ၃ ခုပေါင်းစည်းနိုင်ခဲ့တာကြောင့် ချင်းတိုင်းရင်းသားတွေ ဆန္ဒမဲ ပေးတဲ့အခါမှာ ရှင်းလင်းပြတ်သားတဲ့ ရွေးချယ်မှုကို လုပ်နိုင် စေတယ်လို့ဆိုပါတယ် ။ ဒုတိယတစ်ချက်ကတော့ လက်ရှိအနိုင်ရထားတဲ့ NLD ပါတီအပေါ် မူလက ထားရှိခဲ့တဲ့ မျှော်လင့်ချက်တွေ ဟာ လျော့ပါးလာပြီး ယုံကြည့်မှုလျော့ကျလာတာကလည်း တစ်ကြောင်းဖြစ်သလို ကိုယ်စားပြုပြီး ယှဉ်ပြိုင်တဲ့ လူပုဂ္ဂိုလ်တွေ ကလည်း တတိယ အချက်အဖြစ် အရေးပါတယ်လို့ ဆိုပါတယ် ။
နောက်တခါ ၂၀၁၅ NLD အနိုင်ရနယ်မြေဖြစ်ပြီး အခုကြားဖြတ်မှာ ရှုံးနိမ့်ခဲ့တဲ့ မြစ်ကြီးနား မဲဆန္ဒနယ်က အမျိုးသား လွှတ်တော် ကြားဖြတ်ရွေးကောက်ပွဲ ကို လေ့လာချင်ပါတယ်။ မြစ်ကြီးနား ရွေးကောက်ပွဲ အခင်းအကျင်းကတော့ ထူးခြားပါတယ် ၊ ၂၀၁၅ မှာ တုန်းက အဒီနေရာမှာ ကြံ့ခိုင်ရေး ပါတီက ဝင်မပြိုင်ခဲ့ပဲ သူ့ရဲ့ မဟာမိတ် ဖြစ်တဲ့ ဦးခက်ထိန်နန် စည်းလုံးညီညွတ်ရေး နဲ့ ဒီမိုကရေစီ ပါတီ (စဒက) က ဝင်ပြိုင်ခဲ့တာဖြစ်လို့ပဲဖြစ်ပါတယ် ။ အခုလို NLD ကရှုံးပြီး USDP က နိုင်သွားရတာ လည်းဆိုတာနဲ့ ပတ်သတ်ပြီး ဒေသခံတစ်ဦးက ပြောဆိုရာမှာ ကချင် တိုင်းရင်းပါတီ ၃ ပါတီပေါင်း လိုက်ပြီး Kachin Democratic Party KDP အနေနဲ့ ဝင်ရောက်ယှဉ်ပြိုင်တာဖြစ်တယ်ဆိုတဲ့ သတင်းကြောင့် မဲပေးတဲ့ သူတွေကို ကချင် ဒီမိုကရက်တစ်ပါတီ ဆီ မဲကွဲသွားစေခဲ့သလို ပြည်နယ် အစိုးရ ရဲ့ ဆောင်ရွက်ချက်တွေအပေါ် အားရကျေနပ်မှုမရှိလို့ မဲ သွားမပေးတဲ့ သူတွေများသွားလို့ ဆိုတဲ့ အချက် ၂ ချက်တိုက်ဆိုင်သွားခြင်းကြောင့် အခုလို ရလဒ်ထွက်ပေါ်လာခဲ့တာလို့ဆိုပါတယ် ။ ၂၀၁၅ ရွေးကောက်ပွဲ မှာ လူ တစ်သိန်းကျော် မဲလာပေးခဲ့ပြီး NLD က မဲအရေအတွက် ၄ သောင်း ၆ ထောင်ရရှိခဲ့ပါတယ် ။ ဦးခက်ထိန်နန်က ၁သောင်း ၉ ထောင်နီးပါးရရှိခဲ့တာကိုတွေ့ရပါတယ်။ အခု ကြားဖြတ်မှာတော့ ၆ သောင်းကျော် ပဲ မဲလာပေးခဲ့ပြီး NLD က ၁ သောင်း ၉ ထောင်ကျော်သာရရှိခဲ့ပါတယ်။ ဒီကြားဖြတ်မှာတော့၂၀၁၅ တုန်းကပြိုင်ခဲ့တဲ့ ဦးခက်ထိန်နန်ရဲ့ စဒက က ဝင်မပြိုင်တော့ပေမယ့် အခုတစ်ခေါက်မှာ ဝင်ပြိုင်လာတဲ့ ကြံ့ခိုင်ရေးက ၂ သောင်း ၃ ထောင်ကျော်နဲ့ မဲ ၄ ထောင်ကျော်အကွာရရှိသွားတာဖြစ်လို့ နိုင်သွားခဲ့တာဖြစ်ပါတယ် ။ NLD နဲ့ ကြံ့ခိုင်ရေးဟာ မဲရုံ မှာလာပေးတဲ့မဲအရေအတွက်မှာ ၁၄၀၀ ကျော်ပဲကွာပေမယ့် ကြိုတင်မဲရရှိမှုမှာ ၃၀၀၀ လောက်ကွာသွားတာကိုတွေ့ရပါတယ် ။ ဒီနေရာမှာ NLD အနေနဲ့ ၂၀၁၅ တုန်းကရခဲ့တဲ့ မဲ အရေ အတွက်ကိုပြန်မရခဲ့တာဟာ လူ၎ သောင်းလောက် မဲလာမပေးတာဟာလည်း အကြောင်း အချက်တစ်ခုအဖြစ်ယူဆ နိုင်ပါတယ် ။ စိတ်ဝင်စားဖို့ ကောင်းတာကတော့ ကချင်ဒီမိုကရက်တစ် ပါတီက ၂၀၁၅ မှာ မဲ ၄ထောင်ကျော်သာရရှိခဲ့ပြီး အခုအခါမှာ ၃ ပါတီ ပေါင်းစည်းထားတဲ့ခဲ့တဲ့ ကချင်ပါတီတွေပေါင်းစည်းထားတဲ့ ပါတီအဖြစ်နဲ့ ကြားဖြတ်မှာ ၁ သောင်း ၉ထောင်ကျော် ရရှိခဲ့တာကိုတွေ့ရပါတယ်။ ဒါကြောင့် အခု ကျင်းပပြီးစီးခဲ့တဲ့ ၂၀၁၈ ကြားဖြတ်ရွေးကောက်ပွဲအပေါ် သုံးသပ်လေ့လာရာမှာ မဲ ပေးသူဦးရေ ကျဆင်းသွားခြင်းရဲ့ အကျိုးဆက်ဟာ NLD ပါတီ ရဲ့ အနိုင် ရရှိနိုင်မှုကို အဓိက ထိခိုက်စေခြင်းဆိုတဲ့ ခြုံငုံ ယူဆအဖြေထုတ်ချက်ပြီးရင် ဒုတိယ အရေးပါတဲ့ အချက် တစ်ချက်အနေနဲ့ ဒေသခံ တိုင်းရင်းသား ပါတီတွေ နဲ့ ဒေသခံ တိုင်းရင်းသားတွေ ရဲ့ တိုးတက်လာတဲ့ နိုင်ငံရေး အသိနိုးကြားမှုနဲ့ တက်ကြွမှုကို အထူးပြု ထောက်ပြလိုပါတယ်။ ပထမတစ်ချက်က တိုင်းရင်းသား ပါတီတွေဟာ သူတို့ဒေသ ရဲ့ နိုင်ငံရေး၊ အုပ်ချုပ်ရေး ကိစ္စတွေမှာ သူတို့ ကိုယ်တိုင်ပါဝင်နိင်ဖို့ ရွေးကောက်ပွဲ မှာ အနိုုင်ရရှိ နိုင်ရေးကြိုးစားတဲ့အခါမှာ အဓ်ိကကျတဲ့ ပါတီ တစ်ခုတည်းအဖြစ် ပူးပေါင်းရပ်တည်ရေးကို ဦးစွာလုပ်ပြ နိုင်ခဲ့တာဟာ အခုရွေးကောက်ပွဲမှာ တွေ့မြင် လိုက်ရတဲ့တိုင်းရင်းသား နိုင်ငံရေး ပါတီတွေရဲ့ အရေးပါတဲ့ အရွေ့ တစ်ခုပဲဖြစ်ပါတယ် ။ ဒီလို ပေါင်းစည်းညီညွတ်မှုကို ရွေးကောက်ပွဲမတိုင်ခင်ပြသနိုင်ခဲ့ခြင်းဟာ ဒေသခံ မဲဆန္ဒရှင်တွေကို နိုင်ငံရေးနိုးကြားတက်ကြွ မှု ခွန်အားကိုဖြစ်ပေါ်စေခဲ့တာကြောင့် မဲရုံတွေ ကို အရောက်သွားပြီး မဲပေးခဲ့ကြတာပဲဖြစ်ပါတယ်။ ဒီသဘောတရားကို ဒီတစ်ခေါက်ကြားဖြတ်ရွေးကောက်ပွဲကျင်းပရာ တိုင်းရင်းသားဒေသတွေဖြစ်တဲ့ ရှမ်း ၊ ချင်း နဲ့ ကချင်ဒေသတွေမှာ ကွက်ကွက်ကွင်းကွင်းတွေ့မြင် လိုက်ရတာပဲဖြစ်ပါတယ်။ ရှမ်းပြည်နယ် လဲချားမှာ ၂၀၁၅ ကတည်းက ရှမ်းတိုင်းရင်းသား ဒီမိုကရေစီ အဖွဲ့ချုပ် ကအနိုင်ရရှိခဲ့ပြီး အခုလို ကြားဖြတ်ရွေးကောက်ပွဲ မှာ နိုင်ပွဲဆက်တာဖြစ်တယ်လို့ ဆိုပေမယ့် လည်း ဒေသခံ တိုင်းရင်းသားပါတီ ရဲ့ အောင်မြင်တဲ့ နိုင်ငံရေး ပြယုဂ်ကောင်း ၊ စံနမူနာကောင်းအဖြစ် ဆက်လက်ရပ်တည်ပြနိုင်မှုဟာလည်းလွန်စွာအရေးပါလှပါတယ်။ အခြား ဒေသတွေက ရွေးကောက်ပွဲ တွေလို မဲပေးတဲ့ သူလျော့ကျခဲ့ပေမယ့် ရန်ကုန်မန္တလေး ၊ မကွေး လို နေရာမျိုး နဲ့ယှဉ်ကြည့်တဲ့အခါ ဒေသခံတွေအနေနဲ့ ပိုပြီးတက်ကြွစွာ သွားရောက်မဲပေးခဲ့တာကိုတွေ့ရပါတယ် ။ ဒါကြောင့် ၂၀၁၈ ကြားဖြတ်ရွေးကောက်ပွဲ ဟာ တိုင်းရင်းသားများရဲ့ နိုင်ငံရေး ကို ထိရောက်စွာ လှုံ့ဆော်နိုင်ခဲ့တဲ့ အခွင့်အရေးတစ်ရပ်ဖြစ်ခဲ့တာဟာ ၂၀၁၈ ကြားဖြတ်ရွေးကောက်ပွဲရဲ့ထူးခြားချက်ပဲဖြစ်ပါတယ် ။
တကယ်တော့ ဒီ အခြေအနေဟာ ရုတ်ချည်းပေါ်ပေါက်လာခဲ့တာ မဟုတ်ပဲ ပြီးခဲ့တဲ့ ၂၀၁၇ ကြားဖြတ်ရွေးကောက်ပွဲ မွန်ပြည်နယ် ချောင်းဆုံ မဲဆန္ဒနယ်ရဲ့ ရလဒ်ကနေ အစပျိုးခဲ့တာဖြစ်တယ်လို့ ပြောရပါလိမ့်မယ်။ ချောင်းဆုံ တံတား နာမည်ပေးတဲ့ ကိစ္စမှာ အာဏာရပါတီ နဲ့ ဒေသခံတွေအကြား အားပြိုင်လွန်ဆွဲမှုဖြစ်ပေါ်ရာက ဒေသခံတွေအကြားမှာ မိမိ တို့ ဒေသခံ တွေရဲ့ စကားကို ဘယ်သူ နားထောင်မလဲဆိုတဲ့ အတွေးအခေါ်စပြီးဝင်လာခဲ့တာကြောင့် ဒေသခံတွေ နဲ့ ထဲထဲဝင်ဝင်ရင်းရင်း နှီးနှီး ရှိနေတဲ့ လူသိများသော ပုဂ္ဂိုလ် ဟာ ကြံ့ခိုင်ရေး ကိုယ်စားလှယ် အဖြစ် ဝင်ပြိုင်ခဲ့တာကြောင့် ချောင်းဆုံ မဲဆန္ဒ ရှင်တွေအနေနဲ့ ပုဂ္ဂိုလ်ရေးအရစိတ်ကြိုက်အဖြစ် ရွေးချယ်ခဲ့သလို တံတား နာမည် ပေးတဲ့ ကိစ္စအတွက် မကျေနပ်ချက်ကို လက်တုန့်ပြန်တဲ့ အနေနဲ့ ကြံ့ခိုင်ရေး ကို မဲပေးခဲ့ကြတာ တွေ့ရပါတယ် ။ အဲဒီအချိန်တုန်းကလည်း NLD ကိုထောက်ခံသော်လည်း တံတားအမည်ပေးတဲ့ ကိစ္စမှာ NLD ရဲ့ကိုင်တွယ်ဖြေရှင်းတဲ့ ပုံစံကို မကြိုက်နှစ်သက်ခြင်းကြောင့် အခုလို မဲ သွားမပေးတဲ့သူ အရေအတွက်များပြားသွားခဲ့တာဟာလည်း NLD အတွက် ရှုံးနိမ့်မယ်အရေး ကို မကာကွယ်နိ်ုင်ခဲ့ သလိုဖြစ်သွားခဲ့ပါတယ်။ အဲဒီအချိန်ကစပြီး မွန် ဒေသတွင်းမှာရှိတဲ့ တိုင်းရင်းသားပါတီတွေ အပြင်အခြားသော တိုင်းရင်းသားဒေသ အသီးသီးက တိုင်းရင်းသားပါတီတွေ အတွက် အချက်ပေး လှုပ်နှိုးလိုက်သလို မူလက ဒေါ်အောင်ဆန်းစုကြည် ရဲ့ NLD ပါတီလောက်စိတ်ဝင်စား အားပေးခြင်း မခံရတဲ့ ဒေသတွင်းက တိုင်းရင်းသားပါတီ အနေနဲ့ ဒေသ ခံတိုင်းရင်းသားတွေ အာရုံစိုက်မှုကို ရယူပြီး စည်းရုံး လှုံ့ဆော်ဖို့အခြေအနေကောင်းဖြစ်ခဲ့ပါတယ် ။ NLD ပြည်နယ် တိုင်းအစိုးရတွေ ရဲ့ စီမံဆောင်ရွက် မှုတွေ ရဲ အားနည်းချက်များစွာ က ဒေသခံတွေ ရဲ ၂၀၁၅ အလွန်မျှော်လင့်ချက်တွေကို မှေးမှိန်စေခဲ့သလို စိတ်ချင်းနီးတဲ့ ကိုယ့်ဒေသတွင်းက ပါတီတွေ ကို ပဲ အားကိုးရကောင်းမလားဆိုတဲ့ စိတ်ခံစားမှုကိုဖြစ်ပေါ်စေခဲပါတယ် ။ ဒါကြောင့် အမျိုးမျိုး ကွဲပြားခြားနားစွာရပ်တည်ခဲ့ကြသော ဒေသတွင်းတိုင်းရင်းသားပါတီတွေ ဟာ ပေါင်းစည်းနိုင်ဖို့ ကြိုးစားလာခဲ့ကြပြီး ဒီကနေ့ဆိုရင် အောင်မြင်ထင်ရှားတဲ့ရလဒ်တွေ ဖေါ်ဆောင်နိုင်ခဲ့တာတွေ့ရပြီဖြစ်ပါတယ်။ နောက်တစ်ချက်က ၊ ဒီပြ ဿနာအပါ အဝင် ဒေသတွင်း လက်နက်ကိုင်တိုက်ခိုက်မှုချုပ်ငြိမ်းပြီး ငြိမ်းချမ်းရေး ရယူတဲ့ ဆွေးနွေးပွဲတွေမှာ လုံးဝပျောက်ကွယ်သလိုဖြစ်နေခဲ့တဲ့ ဒေသခံ တိုင်းရင်းသားပါတီတွေ ရဲ့ အသံက်ို ပါဝင်ထုတ်ဖေါ်နိုင်ဖို့ ဆိုတဲ့ ခိုင်မာတဲ့ စဉ်းစားဆုံးဖြတ်ချက်တွေဟာလည်း ဘောင်ဝင်လာခဲ့ပါတယ် ။ လက်နက်ကိုင် ပဋိပက္ခတွေဖြစ်ပွားရာဒေသတွေက ဒေသခံတွေအနေနဲ့ အစ်ိုးရစစ်တပ်ကိုရော တိုင်းရင်းသားလက်နက်ကိုင်တွေကိုရော စိတ်ကုန် စ်ိတ်ပျက်ဖြစ်နေတဲ့အနေအထားကြောင့်လည်း ၂၀၁၅ မှာ NLD ကို ကြားကနေ အကောင်းဆုံးဖြေရှင်းဆောင်ရွက်ပေးနိုင်မလားဆိုတဲ့မျှော်လင့်ချက်ထားခဲ့ကြပါတယ် ။ သို့သော်လည်း NLD ပါတီ အာဏာရရှိသွားပြီးနောက်ပိုင်း ငြိမ်းချမ်းရေး ဟာလည်း ထင်သလို ပေါ်ပေါက်မလာခဲ့သလို စစ်ပွဲတွေကို ရပ်တန့်ပစ်နိုင်ခြင်း မရှိပဲ NLD အစိုးရအနေနဲ့ တပ်မတော်အပေါ်မှာလည်း သြဇာ မရှိသလိုဖြစ်နေတာကြောင့် ဒေသခံတိုင်းရင်းသားတွေ အတွက် NLD ဟာ ထူးခြားပြီး အားကိုးရတဲ့ ပါတီမဟုတ်ဘူးလို့ ခံစားလာမိတာဖြစ်ပါတယ် ။ ဒါကြောင့် ပါတီ ချင်းအတူတူ ကိုယ်နဲ့ စိတ်ချင်း ဘဝချင်း နီးစပ်တဲ့ ဒေသခံ တိုင်းရင်းသားပါတီတွေကို တစ်လှည့်ပြန်ပြီးအာရုံစိုက်လာကြတဲ့ အခြေအနေတစ်ရပ်ကို ဒီကနေ့တွေ့မြင်လိုက်ရတာပဲဖြစ်ပါတယ်။ လာမယ့် အနာဂတ် ပါတီ နိုင်ငံရေး အခင်းအကျင်းတွေမှာ တော့ တိုင်းရင်းသား မဟာမိတ် ပါတီဖွဲ့စည်းမှုတွေအားကောင်းလာမှာဖြစ်သလို ပြည်မ က ပါတီကြီးတွေဖြစ်တဲ့ NLD နဲ့ USDP တို့အနေနဲ့လည်း အဲဒီတိုင်းရင်းသားဒေသတွေမှာ အပြိုင်အဆိုင်ဆိုသလို မဟာမိတ်ပါတီတွေရှာလာ နိုင်ပါတယ်။ အခုဆိုရင် ၂၀၁၅ ၊ ၂၀၁၈ မြစ်ကြီးနားရွေးကောက်ပွဲရလဒ်တွေ အရ မဟာမိတ် ဖွဲ့စည်းလှုပ်ရှားမှုတွေဟာ အလုပ်ဖြစ်တဲ့သဘောကိုတွေ့ရမှာဖြစ်ပါတယ် ။ NLD နေနဲ့ အခုရွေး ကောက်ပွဲမှာ လက်ရှောင်ခဲ့တဲ့ မဲဆန္ဒရှင်တွေကို ပြန်လည်စည်းရုံးနိုင်ခြင်းမရှိရင်တော့၂၀၂၀ ရွေးကောက်ပွဲ မှာ တိုင်းရင်းသားဒေသတွေ အများစုကို ဆုံးရှုံးသွားနိုင်ပါတယ် ။ နောက်ဆုံးအနေနဲ့ အခုလိုကြားဖြတ်ရွေးကောက်အဝပွဲကနေ ရရှိလိုက်တဲ့ တိုင်းရင်းသားနိုင်ငံရေး အင်အားစု နိုင်ငံရေး နိုးကြားတက်ကြွ စည်းလုံးမှုကို တိုင်းပြည်အနေနဲ့ လွန်စွာကြိုဆိုထိုက်တဲ့ တိုးတက်မှုအဖြစ် ရှုမြင်တယ် ဆိုတဲ့ အယူအဆတစ်ရပ်ကိုပြောချင်ပါတယ်။ အဲဒါကတော့ တိုင်းရင်းသားအရေး နဲ့ပတ်သက်ရင် တိုင်းရင်းသား လက်နက်ကိုင်အင်အားစုတွေ ရဲ့သဘောထားတွေကသာ တိုင်းရင်းသား နိုင်ငံရေး သဘောထားအဖြစ် နေရာယူထားပါတယ် ။ စစ်ရေး အမြင်တွေ စိုးမိုးနေတဲ့ နိုင်ငံရေး အခင်းအကျင်း တွေအောက်မှာ ငြိမ်းချမ်းရေး လမ်းစဟာ ပျောက်ဆုံးနေသလို အဲဒီတိုင်းရင်းသားဒေသတွေဟာလည်း ဒီမိုကရေစီ အုပ်ချုပ်ရေးစနစ် နဲ့ ဝေးကွာလွန်းတဲ့အနေအထားတစ်ရပ်မှာ ရှင်သန်နေရပါတယ်။ အခု လို ပါတီအခြေပြု တိုင်းရင်းသားနိုင်ငံရေး အင်အားစုတွေအားကောင်းလာပြီး အဓိက အောက်ခြေ ဒေသခံ ပြည်သူတွေက နိုင်ငံရေးအားကို ရယူ ရှေ့ဆက်ဖို့ ယုံကြည်ချက်ထ
ခိ်ုင်မာလာမယ်ဆိုရင် တိုင်းရင်းသားဒေသတွေ ရဲ့ နိုင်ငံရေးဖွံ့ဖြိုးတိုးတက်မှုဟာ အရှိန်အဟုန် နဲ့ တိုးတက်လာမှာဖြစ်လို့ တစ်နိုင်ငံလုံးအတိုင်း အတာနဲ့ တပြေးညီထဲ ဒီမိုကရေစီ တိုးတက်ဖွံ့ဖြိုးမှုကိုမျှော်မှန်းတည်ဆောက်နိုင်မှာဖြစ်ပါတယ် ။ တိုင်းရင်းသားတွေအားလုံးဟာ ဖက်ဒရယ် ပြည်ထောင်စု စနစ် ကို ယုံကြည်မျှော်လင့်လျက်ရှိကြပါတယ် ။ သို့သော်လည်း လက်နက် ကိုင် ပဋိပက္ခတွေ ကိုဖြေရှင်းရင်း ဖက်ဒရယ်ပြည်ထောင်စုကို ထူထောင်ရတာ လုံခြုံရေး ဆိုင်ရာ သံသယတွေကြောင့် လွန်စွာခက်ခဲပင်ပန်းပြီး ခရီးမတွင်ဖြစ်ကြရပါတယ်။ တိုင်းရင်းသားဒေသတွေ ရဲ့ နိုင်ငံရေးဖွံ့ဖြိုးတိုးတက်မှု အရှိန် အဟုန်သာ အခုလို အားကောင်းလာမယ်ဆိုရင် ဒီမိုကရေစီ ကျင့်သုံးတဲ့ ဖက်ဒရယ်စနစ်ဆီကို စနစ်တကျ ချဉ်းကပ်နိုင်မှာဖြစ်လို့ ဒီကနေ့ကြားဖြတ်ရွေးကောက်ပွဲ ကနေ ရရှိလိုက်တဲ့ တိုင်ရင်းသားနိုင်ငံရေး မျှော်လင့်ချက်ရောင်ခြည်လေးကို ဆက်လက်တောက်ပ နေအောင် အားလုံး ထိန်းသိမ်း ပံ့ပိုး ကြရင်း ရှေ့ဆက်နိုင်ကြပါစေလို့ ဆု တောင်းလိုက်ပါတယ် ။ ဒီ အတိုင်းတကယ်ဆက်လျှောက်ကြမယ်ဆိုရင် ဖက်ဒရယ် ဒီမိုကရေစီ ပန်းတိုင်ဟာ မဝေးတော့တဲ့ အားလုံးရဲ့ ရှေ့မှာ ပါလို့ပြောလိုက်ပါရစေ ။
သီဟသွေး
The Politic Journal တွင်ဖော်ပြပြီးဖြစ်ပါသည်။
