ငြိမ်းချမ်းရေးညီလာခံနှင့် ပတ်သတ်သည့် အကြောင်းအရာများနှင့် အပစ်အခတ်ရပ်စဲရေးဆိုင်ရာ ကိစ္စရပ်များ၊ ငြိမ်းချမ်ရေးနှင့် ပတ်သတ်၍ရှေ့ဆက်သွားမည့် လုပ်ငန်းစဉ်များနှင့် ပတ်သတ်ပြီး ငြိမ်းချမ်းရေးလုပ်ငန်းစဉ်တွင် အစိုးရဘက်မှFacilitator အဖြစ် ပါဝင်ခဲ့ပြီး၊ မြန်မာနိုင်ငံ ငြိမ်းချမ်းရေးနှင့်ပြန်လည်ထူထောင်ရေး လုပ်ငန်းဗဟိုဌာန (MPC) မှ နိုင်ငံရေးဆွေးနွေးပွဲ ဌာန ဒါရိုက်တာ ဦးအောင်နိုင်ဦးနှင့် တွေ့ဆုံမေးမြန်းထားသည်များကို ကောက်နှုတ်ဖော်ပြ အပ်ပါသည်။
ဝင်းဇော်နိုင်
.
မေး ။ ပထမအကြိမ်ကျင်းပခဲ့တဲ့ ပြည်ထောင်စုငြိမ်းချမ်းရေးညီလာခံရဲ့ အားသာချက် အားနည်းတွေက ဘာတွေဖြစ်မလည်း သိချင်ပါတယ်ခင်ဗျ ပြောပြပေးပါ ။
.
ဖြေ ။ အားသာချက်တွေကတော့ အများကြီးပဲဗျ၊ ဘာဖြစ်လို့လည်းဆိုတော့ ကျွန်တော်တို့ နိုင်ငံတော်သမ္မတကြီးက ပြောတယ်မို့လား အဲဒါဘာလည်းဆိုတော့ နိုင်ငံရေး ယဉ်ကျေးမှုသစ်ပေါ့ဗျာ တွေ့ဆုံဆွေးနွေးမယ် ညှိနှိုင်းမယ် တစ်ယောက်နဲ့ တစ်ယောက် သဘောထားမတူရင်လည်း သဘောထားတွေကို လေးစားမယ် အကြမ်းမဖက်ဖို့ဆိုတဲ့ဟာပေါ့၊ အဲဒီကိစ္စက ပြည်ထောင်စုငြိမ်းချမ်းရေး ညီလာခံမှာ တွေ့ရတာပေါ့။ ဆိုလိုတာကတော့ အရင်တုန်းက ရန်သူဟောင်းတွေပေါ့ဗျာ အစိုးရနဲ့ လက်နက်ကိုင်တပ်ဖွဲ့တွေနဲ့ အမြင်သဘောထား မတူတဲ့ လူ (၇၀၀) ဟာ တစ်နေရာထဲမှာ လာပြီးတော့ ပထမဦးဆုံးအကြိမ် ဖက်ဒရယ်စနစ်ကိုပဲ ဖြစ်စေ၊ လုံခြုံရေး ကိစ္စပဲ ဖြစ်စေ၊ ကျွန်တော်တို့ မြန်မာနိုင်ငံအတွက် အရေးကြီးတဲ့ ကိစ္စရပ်များကို လွတ်လပ်ပွင့်လင်းစွာ တစ်ယောက်နဲ့တစ်ယောက် ဆွေးနွေးခွင့်ရတယ်ပေါ့။ ဒါဟာ ကျွန်တော်တို့ သမိုင်းမှာ ပထမဦးဆုံးဖြစ်တယ်လို့လည်း ပြောလို့ရတယ်။
.
တစ်ယောက်နဲ့တစ်ယောက်က ရန်မမူကြဘူး၊ စားပွဲဝိုင်းထဲမှာလည်း တရားဝင် ဆွေးနွေးသလို ငြိမ်းချမ်းရေးညီလာခံကို ထွက်ကြည့်လိုက်လို့ ရှိရင် အပြင်မှာလည်းဘဲ တစ်ယောက်နဲ့တစ်ယောက် စကားတွေပြော ဆေးလိပ်တွေသောက် ကော်ဖီအတူသောက် ထမင်းအတူစား စသဖြင့် ဒီဟာတွေဟာ ကျွန်တော်တို့နိုင်ငံရဲ့ အမျိုးသားရင်ကြားစေ့ရေးအတွက် ဖက်ဒရယ်စနစ်အတွက် အင်မတန်လိုအပ်တဲ့ ရင်နှီးမှုတွေပဲ ဆိုတော့ ဒီငြိမ်းချမ်းရေးညီလာခံကြီးက အရမ်းကောင်းတယ်ပေါ့ဗျာ။
.
မေး ။ ငြိမ်းချမ်းရေးညီလာခံကြီးမှာ အားနည်းချက်တွေကကော ဘာတွေ တွေ့ရလည်းခင်ဗျ။
.
ဖြေ ။ အားနည်းချက်ကတော့ အချိန်ကသိပ်မရှိဘူးဗျ၊ ဘာလို့ဆို ကျွန်တော်တို့ အချိန်မရှိဘူးဆိုတာ ရက် (၉၀) အတွင်းမှာ လုပ်ရမယ်ဆိုတာက တိုင်းရင်းသားတွေက ယုံကြည်မှု မရှိတဲ့အပေါ်မှာ စိုးရကဆီက တောင်းဆိုတာကို အစိုးရက တုန့်ပြန်တာ အဲဒီတော့ ရက် (၉၀) အတွင်းမှာ မရ ရအောင်လုပ်ရတာ ဖြစ်တဲ့အတွက် အချို့မှာ လိုအပ်ချက်တွေရှိသွားတာ၊ ဆွေးနွေးတဲ့ ကိစ္စတွေမှာ တစ်ချို့ ကျယ်ကျယ်ပြန့်ပြန့် မဆွေးနွေးနိုင်ဘူးပေါ့လေ၊ ဘာဖြစ်လို့ဆို အချိန်က (၅) ရက်ဘဲ ရတာကိုး၊ ပြင်ဆင်မှုတွေလည်း နည်းနည်းလေး လိုသွားတာပေါ့နော်၊ ဘာဖြစ်လို့လည်းဆိုတော့ ဒီငြိမ်းချမ်းရေး ဆွေးနွေးပွဲကြီးကို ငြိမ်းချမ်းရေးဆွေးနွေးမှု ပူးတွဲကော်မတီပေါ့ဗျာ UPDJC ကနေပြီးတော့မှ ဦးဆောင်ပြီးတော့ လုပ်ရမှာပေါ့၊ သူက အတွင်းရေးမှူးအဖွဲ့ ဖွဲ့ရမှာ အချိန်မရှိတဲ့အတွက် မဖွဲ့နိုင်လိုက်ဘူးပေါ့ဗျာ၊ ဆိုတော့ ဒါတွေက နောက်ပြန်လုပ်ရမယ့် ကိစ္စတွေပေါ့၊ အတွင်းရေးမှူး အဖွဲ့မရှိတဲ့အခါမှာ ကျွန်တော်တို့ MPC ရယ် လက်နက်ကိုင်တိုင်းရင်းသား အင်အားစုတွေရယ် သက်ဆိုင်ရာအဖွဲ့အစည်းတွေ ပေါင်းပြီးလုပ်လိုက်ကျတာပေ့ါဗျာ ဆိုတဲ့အတွက် စီမံခန့်ခွဲမှု ပိုင်းမှာတော့နည်းနည်း အားနည်းသွားတာပေါ့ဗျာ၊ ဒါပေမယ့် အောင်အောင်မြင်မြင်နဲ့ ပြီးသွားပါတယ်။
.
မေး ။ ငြိမ်းချမ်းရေးဆွေးနွေးပွဲတုန်းက ဆွေးနွေးပွဲအတွင်းမှာ အစုအဖွဲ့အလိုက် ဆွေးနွေးကြတယ်ခင်ဗျ၊ အဲဒီအခါမှာ အစုအဖွဲ့တွေ ဆွေးနွေးပြီးရရှိလာတဲ့ အချက်တွေကို စုပေါင်းပြီး ညီလာခံကြီးမှာ ချပြလိုက်တဲ့အခါမှာ ညီလာခံကို MPC ဦးဆောင်သူတွေက အစုအဖွဲ့ဆွေးနွေးမှုက ရရှိတဲ့ အချက်အလက်တွေကို ပြန်ချပြတဲ့အခါမှာ အကုန်မပါတော့ဘဲ တည်းဖြတ် ချန်ထားခဲ့တယ်ဆိုပြီး တစ်ချို့တွေက မကျေနပ်ဘူးလို့ကြားတယ်။
.
ဖြေ ။ အဲဒါက ဒီလိုဗျ တစ်ချို့ ကိစ္စတွေမှာ ဒါက ပထမဦးဆုံးအကြိမ်ဖြစ်တဲ့အတွက် လူတိုင်းက မိမိတို့ပြောတဲ့ ကိစ္စဟာ မှားသည်ဖြစ်စေ မှန်သည်ဖြစ်စေ နောက်ပြီးတော့ ဒီဆွေးနွေးပွဲနဲ့ သက်ဆိုင်သည်ဖြစ်စေ မသက်ဆိုင်သည်ဖြစ်စေ ထည့်ချင်တယ်၊ တစ်ချို့သော အချက်တွေက မသက်ဆိုင်ဘူးဗျ၊ အဲတော့ ဒီထည့်ခြင်း မထည့်ခြင်းဆိုတာကလည်း အဓိကတော့ MPC ကလုပ်တာမဟုတ်ဘူးဗျ၊ ဒီလို ကျွန်တော်တို့အနေနဲ့ ဒီလိုကိစ္စမျိုးတွေမှာ အသေအချာ အကျိုးဆောင်ပေးမယ့် အကျိုးဆောင်တွေ လိုအပ်တယ်၊ အဲတော့ အကျိုးဆောင်အဖွဲ့ ဖွဲ့စည်းပေးလိုက်ပါတယ်၊ အပြင်က ပုဂ္ဂိုလ်တွေနဲ့ ဆရာမ ဂျာနန်တို့ ဒေါက်တာ ကျော်ရင်လှိုင်တို့ဦးဆောင်ပြီးတော့ပေါ့၊ ဆရာမ ဂျာနန်ဆိုတာက တိုင်းရင်းသားပဲလေ၊ အဲလိုဦးဆောင်ပြီးတော့ ကျွန်တော်တို့ ဖွဲ့ပေးလိုက်တယ်၊ အဲဒီအကျိုးဆောင်တွေက နောက်ဆုံး အကျိုးဆောင်တွေရဲ့ လုပ်ငန်းလမ်းညွန်ထဲမှာ သူတုိ့တွေက အကျဉ်းချုံး (summary) ရေးပေးရမယ်ဆိုတာ တိတိကျကျပါ ပါတယ်။ ဘာလို့ဆိုတော့ ကျွန်တော်တို့က ရေးတယ်ဆိုရင် ဘက်လိုက်တယ်တို့ ဟိုဟာမပါဘူး ဒီဟာမပါဘူးဆိုတာမျိုး ဖြစ်မှာကြောက်တဲ့အတွက် သူတို့ကိုယ် ကျွန်တော်တို့ အကုန်လုံးလွှဲလိုက်တယ်၊ အဲတော့ သူတို့က ရေးရတာဖြစ်တယ်၊ အဲတော့ သူတို့မှာ ကြတော့လည်း ဖိအား တော်တော်များတယ်၊ အဲတော့ ဒီဆွေးနွေးပွဲကြီးကို ဦးဆောင်တဲ့လူတွေက ဒီဟာထည့်မပေးဘူး ဟိုဟာထည့်မပေးဘူးဆိုတာမျိုး ဖြစ်နေတယ်၊ အဲဒီလိုလည်းမဟုတ်ဘူး ဆိုတော့ ကျွန်တော်တို့က နောက်တစ်ခါကျရင် ဒါမျိုးတွေ ဘယ်လိုမဖြစ်အောင် ဘယ်လိုလုပ်ရင်ကောင်းမလည်းဆိုတာမျိုးက ကျွန်တော်တို့ စဉ်းစားရမယ် ။ ဒါတွေကို ရှေ့လာမယ့် လုပ်ငန်းစဉ်တွေမှာ ဒီထက်ပိုကောင်းအောင်လို့ ဘယ်လိုလုပ်ရမလည်းဆိုတာကိုး ကျွန်တော်တို့က အခုစဉ်းစားနေကြတာဖြစ်ပါတယ်။
.
မေး ။ ဒုတိယအကြိမ် ငြိမ်းချမ်းရေးညီလာခံကို ဘယ်တော့လောက်စဖြစ်မလည်းခင်ဗျ။
.
ဖြေ ။ ဒုတိယအကြိမ်က ကျွန်တော်တို့ ဒီဆွေးနွေးပွဲမှာတုန်းက အမြန်ဆုံစဖို့ ဆိုပြီးတော့ အဆိုပြုလွှာတစ်ခု တင်တာရှိတယ်၊ နောက်ပြီးတော့ မူဘောင်ထဲမှာ (၄) လတစ်ကြိမ်လုပ်ရမယ်လို့ ပါတာရှိတယ်။ အမြန်ဆုံးလုပ်ပါ ဆိုတဲ့ ကိစ္စက (၃)လလည်းဖြစ်ချင်ဖြစ်မယ် (၂)လလည်း ဖြစ်ချင်ဖြစ်မယ်။ ဒါပေမယ့် အမြန်ဆုံးလုပ်ပါဆိုတဲ့ ကိစ္စက လိုအပ်ချက်အရ အကြံပြုတာဖြစ်ပေမယ့် လက်တွေ့လုပ်နိုင်ဖို့ ခက်တယ်၊ ကျွန်တော့်အမြင်ပြောရရင် အခုနိုင်ငံရေးအနေအထားအရ (၄)လ အတွင်းမှာ ဖြစ်နိုင်ဖို့တောင် မလွယ်ဘူး။ ဒီ (၄) လဆိုတာက ဇန်နဝါရီလ (၁၆) ကနေတွက်လိုက်ရင် မေလ (၁၂)ရက်ကနေ (၁၆) ရက်ဝန်းကျင်အတွင်း လုပ်ရမယ် ဆိုတဲ့ သဘောဖြစ်တယ်။ ဒါပေမယ့် လက်ရှိနိုင်ငံရေးအနေအထားအရ မဖြစ်နိုင်ဘူး။ ကျွန်တော့်အမြင်အရတော့ အမြန်ဆုံးဖြစ်နိုင်ရင် ဇူလိုင် သြဂုတ်လောက်မှာ ဖြစ်နိုင်တယ်။ ဒါကလည်း နောက်တက်လာမယ့်အစိုးရက ငြိမ်းချမ်းရေး ဘယ်လိုဆက်လုပ်မယ်ဆိုတဲ့ အပေါ်မှာ မူတည်ပါတယ်။
.
မေး ။ ပြီးခဲ့တဲ့ ဖေဖော်ဝါရီလအတွင်းက UPDJC အစည်းဝေးမှာကော ဘာတွေဆွေးနွေးပြီး ဘာတွေဆုံဖြတ်ခဲ့ကြလည်းခင်ဗျ။
.
ဖြေ ။ UPDJC အစည်းအဝေးရဲ့ အဓိကတော့ ရှေ့လုပ်ငန်းစဉ်အတွက် ပြင်ရမယ့် ကိစ္စတွေ ပြောကြတာရှိတယ်၊ ပြီတော့ UPC ကဆွေးနွေးချက်တွေအပေါ်မှာ မှတ်တမ်းစာအုပ်ထုတ်ဖို့ ကိစ္စတွေရှိတယ်၊ နောက်တစ်ခုကတော့ လက်မှတ်မထိုးရသေးတဲ့ အဖွဲ့တွေကို လက်မှတ်ထိုးဖို့အတွက် ရှင်းပြဖို့ကိစ္စတွေ အဲဒါတွေပါ။ ကျွန်တော်တို့ ပြီးခဲ့တဲ့ နှစ်ပတ်က ကျွန်တော်တို့ ချင်းမိုင်သွားပြီးတော့ မွန်(MNSP) တို့ KIO တို့ KNPP တို့ အခြားအဖွဲ့တွေကို ရှင်းပြပြီးသားဖြစ်တယ်၊ နိုင်ငံရေးအခြေအနေကိုလည်း ရှင်းပြတယ်၊ ငြိမ်းချမ်းရေးအခြေအနေကိုလည်း ရှင်းပြခဲ့တယ်၊ အပြောင်းအလဲ အခြေအနေကိုလည်း ရှင်းပြခဲ့တယ်။ ကျွန်တော်တို့အနေနဲ့ ရှင်းပြခဲ့ပြီးဖြစ်တယ်။ ဒီဟာတွေက လုပ်ရ ကိုင်ရမှာတွေက အများကြီးကျန်သေးတယ်။ အထူးသဖြင့်တော့ ကျွန်တော်တို့ ပထမဆုံးငြိမ်းချမ်းရေး ညီလာခံမှာ ဆုံးဖြတ်ချက် မယူခဲ့ဘူးဗျ၊ အဲတော့ ဒုတိယဆွေးနွေးပွဲက စပြီးတော့ ဆုံးဖြတ်ချက်တွေ ယူရမယ်။ ဆုံးဖြတ်ချက်ယူပြီဆိုရင် ပိုခတ်ခဲမယ်၊ ဆိုလိုတဲ့သဘောကတော့ ဆုံးဖြတ်ချက်ယူနိုင်ဖို့အတွက် ပိုပြီးတော့ အချိန်ယူရမယ်၊ ပိုပြီးတော့ ပြင်ရမယ်။ အဲဒါကြောင့်မို့ ဒုတိယအကြိမ်လုပ်မယ့် ပြည်ထောင်စုငြိမ်းချမ်းရေး ညီလာခံဟာ ပိုပြီးတော့ ပြင်ဆင်ရမယ် ပိုပြီးတော့ ခက်ခဲနိုင်မယ်လို့ ကျွန်တော်ထင်တယ်။ ဒါကြောင့်မို့လို့ ဒါကို ပိုပြီး အာရုံစိုက်သင့်တယ်လို့ ကျွန်တော်ထင်တယ်။
.
မေး ။ ဦးအောင်မင်းကလည်း ငြိမ်းချမ်းရေးကို ဆက်လုပ်မယ်လို့ပြောထားတယ်ခင်ဗျ၊ အဲတော့ ဆရာတို့ အနေနဲ့က အစိုးရသစ်လက်ထက်မှာလည်း ငြိမ်းချမ်းရေးကိစ္စတွေမှာ ပါဝင်နေအုံးမယ်လို့ ပြောတာလားခင်ဗျ။
.
ဖြေ ။ လောလောဆယ်တော့ ကျွန်တော်တို့က NLD နဲ့ ဆွေးနွေးနေတုန်းပဲ ရှိတာပေါ့၊ ဘာဖြစ်လို့လည်းဆိုတော့ သူတို့က အခုအလုပ်ရှုပ်နေတယ်လေ၊ ဆွေးနွေးနေတုန်းပဲရှိသေးတယ်၊ လုပ်ငန်းစဉ်တွေကိုတော့ အကြိမ်ကြိမ် အခါခါ ကျွန်တော်တို့ ရှင်းပြတာတွေ ရှိတယ်၊ ဆိုတော့ သူတို့ဘက်က နောင်တက်လာမယ့်အစိုးရက ဘယ်လိုဆုံးဖြတ်မလည်းဆိုတာ မသိသေးဘူး။
.
မေး ။ ဒေါ်အောင်ဆန်းစုကြည်ကလည်း ငြိမ်းချမ်းရေးနဲ့ပတ်သတ်ပြီးတော့ MPC ကိုကျေးဇူးတင်တဲ့အကြောင်း UPC မှာ ပြောကြားဖူးပါတယ်၊ နောက်ပြီးတော့ အခုတစ်ပတ် ကျွန်တော်တို့ ဂျာနယ်က ဦးဥာဏ်ဝင်းကို အင်တာဗျူး လုပ်တဲ့အခါမှာလည်း MPC ကိုအသိအမှတ်ပြုတယ်၊ ဆက်ပြီးတော့လည်း ငြိမ်းချမ်းရေးမှာ ပါဝင်နေအုံးမယ်ဆိုတဲ့ ပုံစံမျိုး အရိပ်အရောင် ပြောကြားထားတာရှိပါတယ်၊ အဲတော့ ဆရာတို့အနေနဲ့ကော ငြိမ်းချမ်းရေးမှာ ဆက်ပြီးတော့ ပါဝင်လုပ်ကိုင်နေအုံးမယ်လို့ ဆုံးဖြတ်ထားတာရှိလားခင်ဗျ၊ နောက်ပြီးတော့ ငြိမ်းချမ်းရေးနဲ့ ပတ်သတ်ပြီး ပါဝင်ဖို့ ဖိတ်ခေါ်ရင် လုပ်ဆောင်ဖို့ ရှိလားခင်ဗျ။
.
ဖြေ ။ ကျွန်တော်တို့ကတော့ ငြိမ်းချမ်းရေးဆိုရင် ကျရာနေရာက လုပ်မှာပေါ့နော်၊ အပြင်ကဖြစ်ဖြစ် အတွင်းကဖြစ်ဖြစ်ပေါ့၊ ဘာဖြစ်လို့လည်းဆိုတော့ အထူးသဖြင့် ကျွန်တော်တို့ဆိုပါတော့ လက်နက်ကိုင်တိုင်းရင်းသသား ခေါင်းဆောင်တွေနဲ့ တော်တော်ကို ရင်းနှီးခဲ့တယ်၊ အစကတည်းက သိခဲ့တယ်၊ အခုလည်း ပိုပြီးတော့ ရင်းနှီးလာတာပေါ့နော်၊ တပ်မတော်ကိုလည်း သိလာတယ် နိုင်ငံရေးပါတီလည်း သိလာတယ်၊ အခြားအရေးကြီးတဲ့ နိုင်ငံ့ခေါင်းဆောင်တွေကိုလည်း သိလာတယ်၊ ဆိုလိုတဲ့ သဘောက ကျွန်တော်တို့နိုင်ငံရဲ့ ငြိမ်းချမ်းရေးလုပ်ငန်းစဉ်ဆိုတာက တစ်ယောက်နဲ့တစ်ယောက် ဆက်ဆံရေး ထူထောင်တာဗျ၊ ဘာလို့ဆိုတော့ ဖက်ဒရယ်စနစ်ဆိုတာက ခွဲထွက်ရေးမဟုတ်ဘူး၊ ခွဲထွက်သွားပြီ ဆိုတာနဲ့ ဆက်ဆံစရာမလိုတော့ဘူး၊ အဲတော့ MPC လောက် ငြိမ်းချမ်းရေးနဲ့ပတ်သတ်ပြီးတော့ အတွေ့အကြုံများတဲ့ အဖွဲ့ ကျွန်တော်တို့နိုင်ငံမှာမရှိဘူးလို့ နားလည်တယ်၊ ဒီလို နားလည်မှုတွေ အတွေ့အကြုံတွေ တည်းဆောက်ထားတဲ့ ဆက်ဆံရေးတွေ မြင်နိုင်တဲ့ အနာဂတ်တွေ လုပ်ငန်းစဉ်တွေ အနာဂတ်အတွက် မျှော်မှန်းချက်တွေ ဒါတွေက စုပေါင်းပြီးနေတာ စုပေါင်းပြီးနေတဲ့အခါကျတော့ ဒါတွေကိုတော့ ကျွန်တော်တို့အနေနဲ့ လွယ်လွယ်ကူကူတော့ စွန့်ပစ်မှာမဟုတ်ဘူး။
.
မေး ။ နောက်တစ်ခုကျွန်တော်တို့ကြားနေရတာကတော့ MPC နေရာကို ဗေဒါအင်စတီကျု့နဲ့ အစားထိုး မယ်ဆိုတဲ့ ပုံစံမျိုးတွေ နောက်ပြီးတော့ ဆရာတို့ Peace and Reconciliation Center (PRC) နဲ့ အစားထိုးဖို့ဆိုတာမျိုးတွေကြားနေရတယ်ခင်ဗျ အဲဒါတွေက ဘယ်လိုဖြစ်နိုင်မလည်း၊
.
ဖြေ ။ ခုနက ဗေဒါအင်စတီကျု့ဆိုတဲ့ကိစ္စ ကျွန်တော်မသိဘူးခင်ဗျ၊ ဘာလို့ဆိုတော့ နောင်တက်လာမယ့် အစိုးရကတော့ ခုနက ကျွန်တော်ပြောသလို ငြိမ်းချမ်းရေးလုပ်တဲ့အခါမှာ သူလိုချင်တဲ့ သူ့ပုံစံနဲ့ သူ့စိတ်တိုင်းကျ လုပ်မှာဘဲ၊ ဒါကတော့ သူလုပ်မယ့်ကိစ္စကျတော့ ကျွန်တော်တို့လည်း မသိဘူး ကျွန်တော်တို့လည်း မပြောနိုင်ဘူးပေါ့နော် ဒါလေးတစ်ခုတော့ ရှိတာပေါ့။
.
မေး ။ ခုနတုန်းက ပြောတဲ့အထဲမှာလည်း ပါတယ်ခင်ဗျ NCA လက်မှတ်မထိုးရသေးတဲ့ အဖွဲ့တွေကို ချင်းမိုင်မှာ သွားတွေ့တယ်လေ ဘာတွေ ပြောဆိုဆွေးနွေးခဲ့လည်း၊ ဘာတွေ သဘောတူညီမှု ရခဲ့သေးလည်းခင်ဗျ၊ နောက်ပြီးတော့ သူတို့က လက်မှတ်ထိုးလာနိုင်လားခင်ဗျ။
.
ဖြေ ။ လက်မှတ်ထိုးတာ မထိုးတာ ကတော့ သူတို့သဘောပေါ့ ၊ သူတို့မှာလည်း အခက်အခဲလေးတွေ ရှိပါတယ်၊ အဲတော့ ဥပမာ KIO မွန်ပြည်သစ် KNPP စသဖြင့်ပေါ့လေ ဒီအဖွဲ့အကြီးတွေပေါ့ ၊ ဒီအဖွဲ့ကြီးတွေ လက်မှတ်မထိုးဘူး ဆိုတဲ့ ကိစ္စဟာ NCA ကို မကြိုက်လို့ မထိုးတာမဟုတ်ဘူးခင်ဗျ၊ ခင်ဗျား မှတ်မိလိမ့်မယ် NCA ဆွေးနွေးပွဲမှာ သူတို့တောက်လျှောက် ပါခဲ့တယ်၊ အဆုံးထိ သူတို့ဆွေးနွေးခဲ့တာဖြစ်တယ်၊ NCA ထဲမှာ ပါတဲ့ အချက်တွေက သူတို့ယူလာခဲ့တာဖြစ်တယ်။ သူတို့ မထိုးဘူးဆိုတဲ့ ကိစ္စဟာ All Inclusive ဖြစ်တယ် အားလုံးပါဝင်ရေး ကိစ္စဖြစ်တယ်၊ All Inclusive က အားလုံးလက်ခံတဲ့ဟာ ဖြစ်တယ် အစိုးရလည်း လက်ခံတယ်၊ သူတို့လည်းလက်ခံတယ် ဒါပေမယ့် ပြဿနာက အစိုးရလက်ခံတဲ့ အဖွဲ့အစည်းနဲ့ သူတို့လက်ခံတဲ့ အဖွဲ့အစည်းနဲ့က ပုံစံလေးတွေ ကွာနေတယ်။ အဲဒီတော့ All Inclusive ဆိုတာက တစ်ပြိုင်ထဲမှာတော့ အကုန်လုံး ပါဝင်ရေးက ရဖို့မဖြစ်နိုင်ဘူး။ ဒါကြောင့်မို့လို့ ဘယ်လိုတစ်ဆင့်ခြင်းသွားမလည်းဆိုတဲ့ နည်းလမ်းရှာ ဖို့လိုတယ်။ အဲဒီကိစ္စမျိုးတွေတော့ ကျွန်တော်တို့ သူတို့နဲ့ ဆွေးနွေးခဲ့တယ်၊ သူတို့အနေနဲ့က All Inclusive ရမှ ထိုးမယ်ဆိုလို့ရှိရင်တော့ ဒီက ငြိမ်းချမ်းရေးလုပ်ငန်းစဉ်က သူ့ဘာသာဆက်သွားမှာဘဲ။ ဘာဖြစ်လို့လည်း ဆိုတော့ ငြိမ်းချမ်းရေးဆိုတာ တစ်ယောက်နဲ့ရရ နှစ်ယောက်နဲ့ရရ လုပ်ရမှာဘဲ သုံးယောက်ရလည်း လုပ်ရမှာဘဲ အခုဟာက ရှင်းရှင်းပြောရရင် နိုင်ငံရဲ့ ၈၀ ရာခိုင်နှုန်းလောက်က ငြိမ်းချမ်းသွားပြီဗျာ။
.
နောက်ဆုံးကျန်နေခဲ့တာက ရှမ်းပြည်မြောက်ပိုင်းနဲ့ ကချင်ပြည်နယ်ဘဲ ကျန်နေတယ်၊ ဒါကြောင့်မို့လို့ ကချင်နဲ့ ရှမ်းပြည်မြောက်ပိုင်းမှာ ပြေလည်ရင် ပြေလည်ပြီ အဲလိုပြောရင်ပြောလို့ရတယ်၊ ဥပမာ မွန်ပြည်သစ်နဲ့ KNPP ဆိုရင် လက်မှတ်ထိုးကတည်းက သေနတ်တစ်ချက်တောင် မပေါက်ဘူး။ အဲတော့ သူတို့မှာလည်း အခက်အခဲလေးတွေ ရှိပါတယ်၊ သူတို့အခတ်အခဲက ဘာလည်းဆိုတော့ ခုနက ပြောသလို All Inclusive ကိစ္စလည်း ရှိတယ်၊ နောက်အခတ်အခဲတစ်ခုက သူတို့အနေနဲ့ မဟာဗျူဟာမြောက်စဉ်းစားချက်လေးမှာ တစ်ချို့ နည်းနည်းလေး လွဲသွားတာလေးတွေ ရှိနိုင်တယ်လို့ ထင်တယ်၊ ဥပမာ ဆိုပါတော့ သူတို့ အနေနဲ့က ဒီ NCA စာချုပ် တစ်ခုလုံးမှာ အများဆုံးက သူတို့ယူလာတာ ဒီယူလာတဲ့ ကိစ္စကို နံပါတ်တစ် သူတို့က ကာကွယ်ရေးဦးစီးချုပ်က လက်မှတ်မထိုးဘူးလို့ သူတို့စိတ်ထဲမှာ ထင်နေတာ ၊ နောက်တစ်ခုက အစိုးရက NCA ထဲက ကတိအတိုင်းလုပ်မယ်လို့ သူတို့မထင်ထားဘူး။ ဒါပေမယ့် ခင်ဗျားမြင်တဲ့အတိုင်းပဲ ကာကွယ်ရေး ဦးစီးချုပ်က လက်မှတ်ထိုးတယ်၊ သေသေချာချာ သံဓိဌာန်ထားပြီး လုပ်တယ်၊ အစိုးရက သူပြောတဲ့ အတိုင်းပဲ အခုဆက်လုပ်နေတယ်။ အခု ဒီမှာ ငြိမ်းချမ်းရေးက တန့်နေတယ်ဆိုတာ နိုင်ငံရေးအခြေအနေကြောင့် တန့်နေတယ်လို့ ပြောရမယ်။ JMC ဆိုလည်း တော်တော်ကို ပြည့်စုံနေပြီ၊ UPDJC ဆိုလည်း ပြည့်စုံနေပြီ နိုင်ငံရေး ဆွေးနွေးပွဲဆိုလည်း တော်တော်လေးပြည့်စုံနေပြီ၊ ခုနကပြောသလို ထပ်ဖြည့်စရာ ပြင်စရာတွေလည်း ရှိနေတာပေါ့ ဒါတော့ အမြဲတမ်းဘဲ လုပ်သွားရမယ်လေ။ ဆိုတော့ အဲဒီအပေါ်မှာလည်း သူတို့ မဟာဗျူဟာမြောက် စဉ်းစားချက်လေးတွေ လွဲသွားတာရှိမယ်။ ဒါတွေကိုလည်း သူတို့ ဘယ်လိုပြင်နိုင်မလည်း အားလုံးဝိုင်းစဉ်းစားထားဖို့တော့လိုတယ်၊ သူတို့ကိုလည်း ရန်ကုန်လာဖို့ နေပြည်တော်လာဖို့ ဒီအစိုးရလက်ထက် မကုန်ခင်မှာဘဲ လာကြဖို့ ကျွန်တော်တို့ ဖိတ်ခေါ်ခဲ့ပါတယ်။
.
တိုက်တာတော့ ဘယ်တက်နိုင်မလည်းဗျာ ကျွန်တော်တို့ အောက်ခြေမှာရှိတဲ့ တပ်တွေဆိုတာက အင်မတန် ရှုပ်ထွေးတဲ့ သဘာဝ ရှိတယ်၊ အကြောင်းမျိုးစုံကြောင့် တိုက်ပွဲတွေ ဖြစ်နိုင်တယ်၊ ဒါကို တိုက်ပွဲမဖြစ်နဲု့လို့ သွားပြောလို့ မရဘူး။ ဒါပေမယ့် သူ့ဘာသာ တိုက်ပွဲဖြစ်တာထား နိုင်ငံရေးဆွေးနွေးပွဲကတော့ ဘယ်လောက်တိုက်တိုက် ဆွေးနွေးနေဖို့လိုတယ်၊ ဒါတွေဟာ ကျွန်တော်တို့ အရေးကြီးတဲ့ အချက်တွေဖြစ်တယ်၊ ဒါတွေကို ကျွန်တော်တို့ဆီမှာ လက်တွေ့ ပိုပြီးတော့ ခိုင်မာအောင် အကောင်အထည်ဖော်ဖို့လိုတယ်၊ အခု KIO တို့နဲ့လည်း တစ်ခါတစ်လေ ပစ်တာခတ်တာရှိတယ် ဒါပေမယ့် ပြောနေတာပဲ ဒီထက်ပိုပြောဖို့လိုတယ်။
.
မေး ။ NCA မှာ လက်မှတ်မထိုးရသေးတဲ့ အဖွဲ့တွေနဲ့ ပတ်သတ်ပြီးတော့ UNFC ကလည်းကြေညာထားပါတယ်၊ လက်မှတ်မထိုးရသေးတဲ့ အဖွဲ့တွေနဲ့ ပတ်သတ်ပြီးတော့ မတိုက်ခိုက်ပါဘူးဆိုတဲ့ စစ်ရေးအာမခံချက်ပေးရင် ရတယ်ဆိုတဲ့ ပုံစံမျိုးပြောထားတယ်ခင်ဗျ၊ ဒါကို တပ်မတော်ဘက်က မပေးနိုင်ဘူးလားခင်ဗျ၊ ဒီကိစ္စက တော်တော်လေး နက်ရှိုင်းလား သိချင်ပါတယ်ခင်ဗျ။
.
ဖြေ ။ မဟုတ်ဘူးဗျ ဒီလိုရှိတယ်၊ ပဋိပက္ခဆိုတာက နှစ်ဖက်ရှိတာပေါ့ တစ်ဖက်ထဲ မရဘူး၊ အဲတော့ အဲလိုပြောလိုက်လို့ရှိရင် ပဋိပက္ခမှာ တပ်မတော်ကြီးဘဲ တာဝန်ရှိတယ်ဆိုတာမျိုး ဖြစ်သွားပြီ၊ အဲလိုမဟုတ်ဘူး ခင်ဗျ ပဋိပက္ခမှာ မှားခြင်းမှန်ခြင်း မရှိဘူးဗျ၊ ခုနက ခင်ဗျားပြေသလိုဆို တပ်မတော်က မှားတယ်ဆိုတာမျိုး ဖြစ်နေတာပေါ့။ အဲလိုပြောလို့ မရဘူး အဲလိုဆိုလို့ရှိရင် အခြေက မရနိုင်ဘူး၊ ဘာကြောင့်လည်းဆိုလို့ ရှိရင် ပဋိပက္ခမှာ တစ်ဖက်တည်းကို အပစ်ပုံခြဖို့ဆိုတာ သိပ်လွယ်တယ်၊ ဒါကြောင့်မို့လို့ ကျွန်တော်တို့အနေနဲ့က အတွေ့အကြုံအရ ကျွန်တော်တို့ ပြောပြနေတာက ပဋိပက္ခမှာ တပ်မတော်ကိုလည်း အပြစ်ပုံချလို့ မရဘူး၊ တိုင်းရင်းသားလက်နက်ကိုင် အင်အားစုတွေကိုလည်း အပစ်ပုံချလို့မရဘူး။ ရှေ့တန်းမှာ တစ်ခုခု ပစ်ကြတယ် ဆိုရင် ဘယ်သူမှားတယ်မှန်တယ်ဆိုတာ ဘယ်လိုလုပ် သွားပြောမလည်း၊ အကြောင်းမျိုးစုံကြောင့် ဖြစ်နိုင်တယ်။ အစိုးရတပ်က ပစ်တာလည်းဖြစ်နိုင်တယ် တိုင်းရင်းသားလက်နက်ကိုင် အင်အားစုတွေက ပစ်တာလည်း ဖြစ်နိုင်တယ်၊ အခွန်ကောက်လို့လည်း ဖြစ်နိုင်တယ်၊ လမ်းမှားပြီး လူမှားပြီးတော့လည်း ဖြစ်နိုင်တယ်၊ ပြန်ပေး ဆွဲလို့လည်း ဖြစ်နိုင်တယ် အများကြီး ဖြစ်နိုင်တယ်၊ အမျိုးစုံဖြစ်နိုင်တယ်၊ ဒါကို ဘယ်သူမှားတယ် မှန်တယ်ဆိုတာကို ကျွန်တော်တို့က မသိတဲ့ အချိန်မှာ အပစ်တင်ဖို့ ခတ်တယ်။ အဲတော့ တစ်ဖက်ထဲကပဲ အစိုးရကို တပ်မတော်ကို ပြောနေမယ်ဆိုလို့ရှိရင် ဒီပွဲက မပြီးဘူး။ ကိုယ့်ဘက်မှာလည်းရှိတယ်၊ အဲတော့ နှစ်ဖက်လုံးမှာရှိတယ်၊ ကျွန်တော်တို့ဆီမှာက လက်နက်ကိုင်အင်အားစုတွေက အများကြီးဖြစ်တော့ ဘက်တွေက အများကြီးဘဲ၊ ဒါကို ကျွန်တော်တို့ နားလည်ဖို့လိုတယ်။ ကိုယ့်ဘက်ကနေပြီးတော့ တစ်ခြားဘက်ကို တောင်းဆိုမယ်ဆိုရင်လည်း ကျွန်တော်တို့ဘက်ကနေပြီးတော့ ကဲ ကျွန်တော်တို့ ဘက်ကနေပြီးတော့ ဘာတွေလုပ်ပေးနိုင်မယ်ဆိုတာကိုလည်း ပြောအုံးလေ။ အပစ်တင်နေရင် ပွဲမပြီးဘူး။
.
အခုဟာက UNFC လုပ်နေတဲ့ Design က တစ်ခါတစ်လေ ပြောတာတွေက အပစ်တင်သလိုဖြစ်နေတယ်။ ကျွန်တော်တို့က အပစ်တင်တာထက်ကို အဖြေရှာစေချင်တယ်၊ All Inclusive ကို အခုမရဘူးဆိုရင် ဘယ်လိုလုပ်မလည်း၊ တစ်လအတွင်း နှစ်လအတွင်း ဘယ်လိုရအောင်လုပ်မလည်း၊ ငြိမ်းချမ်းရေး လုပ်ငန်းစဉ် ရဲ့ သဘောသဘာဝဟာ ကျွန်တော်တို့က ဒီမှာဆွေးနွေးနေတယ် ကျွန်တော်တို့ဟာ အဖြေက ဒီမှာဆိုလို့ ရှိရင် ဒီအဖြေရဖို့အတွက် ပရောဆက် တွေရှိတယ်၊ ဒါလေးကို ကျွန်တော်တို့ ရအောင်လုပ်ရင် နောက်ဖြေရှင်းဖို့ အတွက် လမ်းစပွင့်သွားပြီ အဲဒီလမ်းစကို နင်းပြီးမှ နောက်အခြေအနေကောင်းကို ရောက်ဖို့ ဆက်နင်းရတာ၊ အဲဒါမှ နောက်ဆုံး အခတ်အခဲကို ဖြေရှင်းလို့ရတာ ။ ဒီမှာပြောနေတာက All Inclusive က နောက်ဆုံး အဆင့်ဘဲ။ တစ်ခါထဲ ခုန်ကျော်သွားလို့ မရဘူး၊ လက်တွေ့ပြဿနာတွေက ဖြစ်နေတာ ပေါ်လစီတွေကို ကျွန်တော်တို့ ကျော်သွားလို့ မရဘူး။ အဲတော့ အဲလိုကျော်သွားနိုင်ဖို့အတွက် နည်းရှာရတယ်၊ အခု All Inclusive ကို မပါနိုင်ရင် နောက်ပါနိုင်မယ့်အဆင့်ကို ကျွန်တော်တို့ စဉ်းစားရတယ်၊ ဘယ်နှစ်ယောက် ပါနိုင်မလည်း ဥပမာဆိုလို့ရှိရင် ကိုးကန့် ပလောင် AA ပါလို့မရဘူး။ အခုလောလောဆယ် မွန်ရယ် KIO ရယ် KNPP ရယ် ပါလိုက်မယ်ဆိုရင် အခုဖြစ်နေတဲ့ မြောက်ပိုင်းက ပြဿနာ အများကြီး ပြေလည်သွားဖို့ ရှိတယ်၊ အဲဒါဆိုလို့ရှိရင် နောက်လူတွေပါလာဖို့အတွက် အများကြီး လမ်းစပွင့်သွားမယ်၊ ကျွန်တော်ဒီနားမှာ ကျွန်တော့်အသက်နဲ့လည်းပြီး ပြောရဲတယ်၊ ဆိုလိုတဲ့ သဘောကတော့ ပဋိပက္ခရဲ့ သဘောကတော့ ကျွန်တော်က ငြိမ်းချမ်းရေးလုပ်ထားတယ် ခင်ဗျားက လုပ်မထားဘူးဆိုရင် မလုပ်ထားတဲ့အတွက် ကျွန်တော့်လာ ထိခိုက်မှာဘဲ၊ အခု KIO သာ လက်မှတ်ထိုးလိုက်လို့ ရှိရင် သူများမှာ ရှိတဲ့ဟာတွေက အများကြီးငြိမ်သွားနိုင်တယ်၊ အခုတော့ KIO ကလည်း လက်မှတ်ထိုးမထားဘူး ထိုးထားတဲ့အဖွဲ့တွေကိုလာပြီး ခြိမ်းခြောက်တဲ့ ပုံစံမျိုးတွေတောင်ဖြစ်နေတယ် အနေအထားတွေကလေ။
.
ဆိုတော့ ငြိမ်းချမ်းရေးဆိုတာ A ကနေ B ကိုသွားဖို့အတွက်ကို ကြားထဲမှာ အသေးလေးတွေ ဖန်တီးသွားရတယ်။ All Inclusive ဆိုတာကလည်း AA တို့ TNLA တို့ဆီရောက်ဖို့က တစ်ဆင့်ခြင်းဆီ သွားရမှာ။ တစ်ဆင့်ခြင်းစီမသွားရင် မရောက်နိုင်ဘူး ။ ကျွန်တော်တို့ All Inclusive ဖြစ်ဖို့ အိန္ဒိယနဲ့ စကားပြောရမလား၊ နာဂက လက်မှတ်မထိုးသေးဘူး နောက်တရုတ်နိုင်ငံနဲ့ စကားပြောရမလား အများကြီး ကျန်ပါသေးတယ်၊ လွယ်လွယ်လေးနဲ့ ခင်ဗျားဘက်က အပစ်အခတ်ကိုလျှော့လိုက်တာ All Inclusive ကိုလုပ်လိုက်ဗျာလို့ ပြောလို့မရဘူး၊ တစ်ဆင့်ချင်းစီ လက်တွေ့ဆန်ဆန် ချင်းကပ်ဖို့လိုတယ်။ ထိုင်အော် နေလို့ မရဘူး၊ လက်တွေ့လုပ်ဖို့ လိုတယ်၊ ဆိုတော့ တိုင်းရင်းသားတွေအနေနဲ့ စိုးရိမ်ချက်တွေကိုလည် ကျွန်တော်တို့ နားလည်တယ် ဒါပေမယ့် ငြိမ်းချမ်းရေးလုပ်ငန်းစဉ်ကို ကြည့်မယ်ဆိုရင် တိုင်းရင်းသားတွေ ဘက်က စိုးရိမ်ရင် တပ်မတော်ဘက်ကလည်း စိုးရိမ်မှာဘဲ။ ဒါကို ကျွန်တော်တို့ မျှမျှတတ ကြည့်တက်ဖို့ လိုတယ်။ ဒါတောင် ဘယ်သူစပစ်လည်းဆိုတာမျိုးက ပြောဖို့ အတော်ခတ် ပါတယ်။ ဒါကြောင့် အပစ်ခတ်ရပ်စဲရေး ခိုင်မာလာတာနဲ့အမျှ နိုင်ငံရေးဆွေးနွေးပွဲက ပိုအားကောင်းလာမှာပါ။ နိုင်ငံရေး ဆွေးနွေးပွဲ အားကောင်းလာတာနဲ့အမျှ အပစ်အခတ်ရပ်စဲရေးက ပိုခိုင်မာလာမယ်။ ဒီလို အပြန်အလှန်ရှိနေတဲ့ သဘောဖြစ်ပါတယ်။
.
မေး ။ အစိုးရသစ်တက်လာပြီးရင် လက်မှတ်ထိုးထားတာလည်း တိုင်းရင်းသားတွေပဲ မထိုးရသေးတာလည်း တိုင်းရင်းသားတွေပဲဆိုတော့ အစိုးရသစ်က လက်မှတ်ထိုးတာပိုကောင်းတယ်ဆိုပြီး လက်မှတ်ထိုးဖို့ ကျန်တဲ့အဖွဲ့အားလုံးကို ကမ်းလှန်းလိုက်ရင် တပ်မတော်က လက်မခံတဲ့ ကိုးကန့်တို့လို အဖွဲ့အစည်းကရှိနေတော့ တပ်မတော်က အဲဒီပေါ်မှာ ဘယ်လို သဘောထားနိုင်မလည်းခင်ဗျ။
.
ဖြေ ။ ကျွန်တော်တို့ လက်ရှိအစိုးရအနေနဲ့ အစိုးရဆိုတာ တပ်မတော်အပါအဝင်ပေါ့နော် ကိုးကန့်ကိစ္စပေါ့ ၊ ကိုးကန့်ဟာ တရားဝင်ရွေးကောက်တင်မြှောက်ထားတဲ့ ကိုးကန့်အစိုးရကို တိုက်ခိုက်တယ်၊ နိုင်ငံတော်ကို တိုက်ခိုက်တယ်၊ ဒါဟာ နိုင်ငံတော်ရဲ့ အချုပ်အခြာအာဏာကို စော်ကားတာဖြစ်တယ်၊ ဒီမိုကရေစီကို စော်ကားတာဖြစ်တယ်၊ ဒါကြောင့်မို့လို့ ကိုးကန့်နဲ့ပတ်သတ်ရင် လက်ရှိအစိုးရရဲ့ Policy က မဆွေးနွေးရေး ဖြစ်တယ်၊ စကားမပြောရေး ဖြစ်တယ်၊ ပလောင်နဲ့ AA ကလည်း ကိုးကန့်ကိစ္စမှာ ပါဝင်ခဲ့တယ်။ ကျွန်တော့် အမြင်ပြောရရင် ပလောင်နဲ့ AA က နည်းနည်းလွယ်တယ် ကိုးကန့်ကိစ္စက ပိုရှုပ်ထွေးတဲ့ သဘောမှာ ရှိတယ်။ ဆိုတော့ ဒါက အခုလက်ရှိ Policy ပေါ့နော်၊ အခုလို လက်ရှိ Policy ကို နောက်အစိုးရမှာ ပြောင်းလဲချင်တယ် ဆိုရင်တော့ တပ်မတော်နဲ့ ညှိရဖို့ လိုလိမ့်မယ် ဒါကကျွန်တော်အဲသလိုပဲ နားလည်တယ်။ တပ်မတော်နဲ့ ပြေလည်တယ်ဆိုလို့ ရှိရင်တော့ မည်သူမဆို တရားဝင်အဖွဲ့အစည်းအဖြစ် အသိအမှတ်ပြုလာဖို့ မခတ်ခဲပါဘူး၊ ဒါပေမယ့် တပ်မတော်နဲ့ ညှိဖို့တော့ လိုပါတယ်။ ဘာလို့ဆိုတော့ ကျွန်တော်တို့ စားပွဲပေါ်မှာ ဆွေးနွေးရတာဟာ ခက်ခဲတယ်ဆိုပေမယ့် တစ်ကယ်တမ်းကျတော့ ပဋိပက္ခတွေမှာ အသက်ဆုံးရှုံးရတာဟာ ရှေ့တမ်းက နှစ်ဖက်စစ်သားတွေပဲ ဖြစ်တယ်၊ ဒါကြောင့်မို့လို့ တပ်မတော်တို့ တိုင်းရင်းသားတို့ကို အပစ်ပုံချဖို့ဆိုတာ အင်မတန်ခက်ခဲပါတယ်၊ ရှေ့တန်းမှာ အရင်သေဆုံးရတဲ့လူတွေ ပဋိပက္ခမှာ ကြုံတွေ့ရတဲ့ လူတွေဟာ သူတို့တွေပဲဖြစ်တယ်၊ ဒါကြောင့်မို့ အပစ်တင်နေတာထက် အဖြေရှာဖို့ကို ကျွန်တော်ပြောချင်တယ်။ ဒါ့ကြောင့်မို့ ကျွန်တော်တို့ MPC မှာ အမြဲပြောနေတာက အပစ်တင်ခြင်းထက် အဖြေမြန်မြန်ရအောင်ရှာ အဖြေမြန်မြန်ရလေ အသက်ဆုံးရှုံးမှု နည်းလေဘဲ။ အဖြေမြန်မြန်ရလေ ကျွန်တော်လို့ လိုချင်တဲ့ ပန်းတိုင်ရောက်ဖို့ နီးလေဘဲ။ အားလုံကတော့ တစ်ချိန်ချိန်မှာ ပါဝင်ရမှာဘဲ ဘယ်လိုပါဝင်လာမလည်းတော့ ကျွန်တော်လည်း မပြောနိုင်ဘူး၊ ဒီနယ်မြေတွေ မငြိမ်းချမ်းရင်လည်း မြန်မာနိုင်ငံက ငြိမ်းချမ်းတယ်လို့ မခေါ်နိုင်ဘူး။
.
မေး ။ NCA နဲ့ ပတ်သတ်ပြီးတော့ ကိုးကန့်လက်မှတ်မထိုးရင် အခြားအဖွဲ့တွေလည်း မထိုးကြနဲ့ ဆိုတဲ့ ပုံစံမျိုးကို တရုတ်အစိုးရအနေနဲ့ နောက်ကနေ တိုင်းရင်းသားလက်နက်ကိုင်တွေကို ကိုးကြိုင်တာမျိုးတွေ ရှိနိုင်မလားခင်ဗျ။
.
ဖြေ ။ အဲဒါကတော့ ကျွန်တော်လည်း မပြောနိုင်ဘူးခင်ဗျ။ ဘာလို့ဆိုတော့ ကျွန်တော်လည်း သေချာမသိဘူး၊ ဒါပေမယ့် သတင်းတွေ ဖတ်နေရတာ ပြောနေကြတာတော့ တရုတ်အစိုးရပါတယ် ဆိုတဲ့ ပြောဆို ရေးသားချက်တွေတော့ တွေ့နေရတယ်ခင်ဗျ။ ကျွန်တော်ကိုယ်တိုင်တော့ တိတိကျကျ မပြောနိုင်ဘူးခင်ဗျ။
.
မေး ။ ငြိမ်းချမ်းရေးဆွေးနွေးပွဲနဲ့ ပတ်သတ်ပြီးတော့ အစောကလည်းပြောခဲ့ပါတယ်ခင်ဗျ၊ အခက်အခဲတွေလည်း ရှိမယ်ဆိုတော့လေ လွယ်ကူချောမွေ့မှုတွေလည်း ရှိမှာပါခင်ဗျ၊ အဲဒီတော့ ပထမအကြိမ်တုန်းက လုပ်ခဲ့တဲ့ ငြိမ်းချမ်းရေးညီလာခံထက် နောက်လာမယ့် ငြိမ်းချမ်းရေးညီလာခံတွေမှာ လွယ်ကူချောမွေ့မှုက ဘာတွေဖြစ်လာမလည်း အခက်အခဲတွေကကော ဘာတွေ ထပ်တွေ့ရမလည်း သိချင်ပါတယ်ခင်ဗျ။
.
ဖြေ ။ အခု (၄) နှစ်တာကာလမှာ ဘယ်လောက် ခတ်ခဲခဲ့လည်း တိုင်းရင်းသားတွေဆိုတာက ခံစားချက်ပိုများတယ်၊ ဒီခံစားချက်တွေကို ပြောတက်တယ်၊ ဒီခံစားချက်တွေကို နားထောင်နိုင်တဲ့ စွမ်းအားရှိဖို့လိုတယ်၊ ဒါကြောင့်မို့ ငြိမ်းချမ်းရေးလုပ်ငန်းစဉ်မှာ အဖြေရခြင်း မရခြင်းကိုထားလိုက် ပထမဆုံးအရေးကြီးတဲ့အချက်က သေသေချာချာ နားထောင်နိုင်စွမ်းရှိဖို့လိုတယ်။ တပ်မတော်ရဲ့ မကျေနပ်ချက်တွေလည်းရှိတယ်၊ တိုင်းရင်းသားတွေရဲ့ မကျေနပ်ချက်တွေလည်းရှိတယ်။ ဒီမကျေနပ်ချက်တွေကို နားထောင်တက်ဖို့လိုတယ်။ အဲလို နားထောင်တက်တယ်ဆိုရင်တော့ ကျွန်တော်တို့ ရှေ့သွားရတာ လွယ်လိမ့်မယ်ဗျ။
.
အခုလို အချိန်ပေးဖြေကြားတဲ့ အတွက် ကျေးဇူးတင်ပါတယ်ခင်ဗျ။